初見

营业中

休息中

週末，包子與夫君到荃灣探望朋友，但朋友已約家人飲茶😅，所以我們自己先到附近吃午飯。 朋友家附近的餐廳選擇雖然很多，但是都有很多人等位，最後我們找到了這間日式餐廳。這𥚃裝潢是簡潔日系風格，以森系與綠色植物🌴做配搭，而且樓底甚高，感覺清新舒適！🌸看看餐牌，原來weekend 也有set lunch，都有幾多的套餐選擇。$58至$100左右的餐也有，價格合理💞！可選丼飯，壽司或拉麵，除了日式料理，他們還有洋風食品提供，如all day breakfast🍽。但我們決定鎖定目標🎯要日式料理！🍱初見壽司拼盤配味噌湯🍣-共有8款不同的壽司以及2件玉子，最surprise是以這個價錢也有海膽壽司🍣和大大隻成甜的赤海蝦🦐，性價比幾高！但味噌湯🥣味道較淡，一般！初見特選海皇蟹刺身丼配味噌湯🦀-被名字吸引了，看上去好像很豐富！賣相亦非常IGable！蟹蓋上裝着各式各樣的材料，海膽、蟹肉、蟹膏🦀，吞拿魚蓉及蟹籽，旁邊還有玉子🥚，帶子及蟹柳等。全部都很新鮮，海膽亦夠鮮甜，不覺腥味！但略嫌🍚飯不太多，有點不夠飽！⁉️原來lunch set 是免加一亦有飲品🥤配送，$200有找便有如此質素的日式料理，值得推介👍🏻

荃灣一向多野食大家都知但係呢間日本加少少西式既餐廳你又食過未？.我地叫左兩個set加一個小食佢既set有湯有刺身/沙律同埋飲品刺身當日係三文魚同油甘魚魚肉幾厚身，好新鮮幾鮮甜餐湯有南瓜湯同麵豉湯個人覺得南瓜相比起來較好.釀雞翼（雙拼：芝士餃子味同明太子味）明太子少辣雞翼燒得幾脆芝士餃子味就無乜芝士味但係都好食既.煙三文魚明太子意粉意粉好彈牙煙三文魚明太子份量好多配埋個汁好好食.日式燒餅汁牛肉漢堡配薯條無錯呀!就係大版燒果隻味好特別,真係無諗過burger同大版燒味咁夾成個漢堡好有層次但係女仔可能要分層去食(太足料XD)我地無叫到吉列牛但後來發現好多枱都有叫，下次會試吓

不是第一次幫襯初見，上年情人節正是在初見渡過，經過一年，見佢多左好多菜式，一於試一試。星期六訓醒就到初見食午餐，柯打了一個特選海皇蟹刺身丼同埋一個 All day breakfast。刺身丼有吞拿魚蓉，帶子及海膽刺身，另外有蟹膏和蟹柳，好彩之前睇過open rice，見好多人都攪拌好先食，果然無錯，很落很香蟹膏但又唔膩，帶子及海膽都非常新鮮鮮甜，讚。另外All day breakfast 不會輸，因為都係一樣樣野分開煮，不過要讚的是黑松露炒蛋，雖然外形說不上很漂亮，但吃落很香黑松露，而且非常香滑。整體整個感覺比上年想說進步不少，店家在食物質素上花了很大努力，值得讚賞。

去荃灣行街街，提早食個飯再去shopping ，六時左右到唔使等。坐低點餐見到餐牌唔算貴，點咗兩個set，每個主菜加35元有中式或日式湯，沙律或魚生小碟及飲品。餐牌相片有精美但實物有d出入，但味道值得推介，芝士松露意大利飯味道好好味，而個特選蟹皇刺身丼d飯太多食物唔哂之餘又比較難同d配料撈埋食。

今日嚟愉景新城行吓，但唔想食商場裡面嘅餐廳，就search 吓附近有冇嘢食喇。點知搵到呢間離shopping mall 只有5minutes路程嘅日本菜，覺得門口睇落都唔差一入門口有個水吧位，望入去牆上仲有棵仿真樹🌲，感覺自然舒適。Menu 嘅首尾都有一段關於初見嘅短文，感覺owner 應該係富有情感的。食物方面都有唔少選擇，拉麵，小食，石頭燒，火鍋都有我地㨂咗豬軟骨拉麵，湯底同豬軟骨嘅味道都唔錯，麫質亦恰到好處仲有石燒香草吉列牛肉，估唔到係呢到都食到石燒、肉質鮮嫩，好特別，有salt 同一D帶酸味嘅sauce 自己落，好食之餘又好玩仲叫埋邪惡炸薯條，上面係coat 咗層咸蛋黃，我地仲擺佢地上石燒，熱住咁食初見真係有驚喜，好滿足嘅一餐

好耐冇去過荃灣，今日好想去行吓，比起新型商埸，個人比較喜歡逛街舖，特別是舊區，有各式各樣的小店，可在當中㝷寶呢🤣行到海壩街見到有幾間食店，其中一間叫🎈初見🎈，個名好文藝再睇睇店前推介的宣傳，原來是食日本料理的店，正想也到食飯時間，一於入內👀個究竟😅店內裝潢較簡潔，頗注重綠化。攪笑的就是日本餐廳的電視播出韓國節目🤣🔸日式叉燒䐁骨湯拉麵🍜$68香濃豬骨湯底，一大塊紫菜，正常幾片日式的叉燒，麵的份量好多，食完飽哂👏🏻👏🏻🔸特上牛肉什菜鍋配味噌湯$80牛肉份量比想像的大😄放入味噌湯內灼幾下就可以食得🤗鍋物內除了菜還有芋絲、日式魚蛋等，還有白飯，抵食👍🏻👍🏻所有主食可加$35做套餐，但不加也食飽飽🤣波子氣水$14

牛油果軟殼蟹卷用上成熟又有點兒軟的牛油果，不會太過生，甜甜地都OK，而軟殼蟹就好足料，不但大大隻，而且炸得好炸皮，無叫錯呀！芝士鰻魚卷的厚芝士好有咬口，但不會太油膩，而鰻魚肉就有點兒細粒，而且芝士的奶酪味就蓋過鰻魚的燒魚味。

因為要去荃灣買啲嘢，所以就地在附近晚餐，走進了海壩街的餐廳叫🎈初見🎈. 名字很清新，門面也很日系，餐廳地方也寬敞，樓底極高，裝修也很綠色悅目🌿🎼價錢一啲都唔貴，親民價， 選擇很多，如果大食的話，還可以點主食加35元變套餐👍✨叉燒拉麵豚肉湯底（$68） 叉燒份量頗多，湯底奶白色，配料也豐富，溫泉蛋，菜，紫菜，筍， 一碗已很飽😀✨安格斯牛肉配信州味噌雜菜湯（$80） 定食的分量很豐富👏，大大盆牛肉，還有白飯，和一個味噌雜菜湯， 有芋絲，魚片，青菜，湯底清新，還有淡淡豆香，牛肉浸幾秒再沾店家酱汁，帶畺味，味很夾，飯也吃多了唷!😋飲品方面我們選了波子汽水（$14）, 總覺得這種汽水很有懷舊的感覺。 兩個人食飽飽都是176元，抵

甚少去荃灣因為有點遠，今次來到荃灣特登SEARCH下有咩食就見到呢間，咁就去試下啦，地鐵站都要行一段路，好熱呀去到竟然唔洗等位~ 不過都八成FULL嫁~今日公眾假期都有午市套餐~扇貝三文魚海鮮蕃茄鍋配白飯 $68海鮮款式多，三文魚好味，早D夾左出尼所以唔鞋，魷魚同帶子都好味~蕃茄湯都唔錯，撈飯好食~ 三文魚刺身，都幾厚同埋有油香，不過鮮味一般初見四色刺身丼 $88價錢唔算貴，刺身冇乜鮮味，不過都幾厚身，蝦亦唔腥

荃灣一向都係美食集中地，所以特色小店一向都多架啦，但要搵到環境同食物都ok 嘅就真係唔多，慶幸今次遇到了。今次我地一行3人，試左3款唔同菜式，surprise 嘅係見佢細細碟，但份量又唔少喎。日式鐵板雞軟骨餃子 － 貼心用鐵板上，keep到餃子熱度，煎得夠香脆，加埋雞軟骨有咬口！推！照燒汁泡菜牛肉卷配蕃茄莎莎 － 驚喜推介！分量十足，牛肉口感唔錯加埋配料，做到層次分明。特上牛肉什菜鍋 － 依價錢黎講，CP值高，牛肉脂肪比例分明喎。下次可以encore 再試下其他～

荃灣路德圍實在太多人排掃街，而我和朋友又想找一間餐廳坐下傾計，無意間經過路德圍，就遇到這家餐廳了。幸好8點多都不用等位，這家是吃特式的日本菜和西餐，有刺身、牛涮鍋、石頭烤肉和意大利粉。 因為朋友剛去完日本，就不想吃刺身了，我們就Openrice 很多人推薦的石燒吉列豬扒配白飯。 淺綠色的香草佈滿吉列豬扒的脆皮上，香脆可口的外皮，再在石塊輕輕加熱，算不錯的口味啦。至於，煙三文魚意粉，份量都比較充足，最喜歡就是配汁夠濃烈，非常開胃。 而煙三文魚片非常大塊，應該是一整片吧，口感軟硬適中，不是太差！

星期六下午，和友人來到海壩街這間日本料理小店—初見創作料理。正巧是午飯時間，所以店舖幾多客人。店舖以木枱木椅為主，還有一面綠草牆身，以營造客人置身於大自然的感覺。剌身丼配的味噌湯，不過不失，湯中有蔥花、海帶。點了一個初見四色刺身丼配味噌湯$88:丼飯上面佈滿三文魚、油甘魚、帶子、甜蝦、玉子、蟹柳，用料十分豐富，刺身新鮮鮮甜。丼飯在底下醋飯加入飯素，不過飯量就嫌較少，男生就會感到不太夠吃。跟餐配凍柚子蜜，杯子偏小巧，勝在飲起來香甜潤喉。小店用料實在，帶來驚喜﹗

自從係日本食過一次炸牛扒之後一直念念不忘😣近年香港好多食店都跟住出炸牛扒 最後揀左呢間餐廳試下😀.炸吉列牛配溏心蛋飯吉列牛外面有一層香草包住 食之前用石板燒一燒🔥牛肉味不太重 外皮亦炸得不夠香脆🤔有點失望☹️.初見特選仙氣壽司拼盤🍣因為有乾冰嘅緣故 所以一上枱就出晒煙😯擺盤效果都幾吸睛👀壽司質素普通 海膽唔太新鮮 有點腥🤐

朋友住呢頭，話呢間抵食又好食, CP值極高！見到門面都好企理，立即入去開餐喇！見到佢地都有好多唔同類型嘅食品，好多都好吸引囉！特上牛肉什菜鍋配味噌湯～本身個餐係跟飯嘅！而家加8蚊可以轉做烏冬，個烏冬比想像中大喎！睇到啲牛，都知道唔係肥，脂肪比例都幾平均，呢個鍋好夠熱，一路用火慶住，睇落雨天，咁凍嘅天氣，啱哂！日式鐵板雞軟骨餃子～佢係用熱石上枱，仲一直聽到吱吱聲！真係太好聽喇！餃子煎到好香好脆！味道都好好！日式叉燒自家制豚骨湯拉麵～豚骨湯底一啲都唔油！日式叉燒肥瘦參半，蛋仲係流心㗎添！照燒汁泡菜牛肉配番茄沙沙～呢個真係大推！！！！非常惹味！牛肉粒好淋，好夠味，加埋微辣嘅泡菜同新鮮嘅番茄！好夾！好有新鮮感！3個正常女仔食量嘅女仔叫咗呢啲嘢！一個人都唔洗100蚊，真係好抵食呀！

叫左好多野食，整體都新鮮同好食餐飲就真係有待改善如果有誠意d，整整個餐牌唔好咁hea入file會更得體同攪攪個抽風就perfect叫左4個主菜，3個轉左套餐叫左3個小食:炸和風一口芝士，跟餐價$40脆口好食，配埋左蜜糖去油膩初見邪惡炸薯條，跟餐價$35初見粒粒蟹籽炸軟殼蟹反卷，跟餐價$53套餐的前菜揀左刺身小碟都好不錯初見特選仙氣寿司拼盤$138笑左...好仙氣～仲好大霧新鮮好食日式叉燒，自家製豚骨烏冬拉麵可轉烏冬，呢個無太大特別反而煙三文魚明太籽炒意粉$85同輕煎北海道帶子，黑松露意大利飯$88就驚喜大d餐飲可選是日花茶係靚的，吸睛的菊花茶但實質係菊花水果茶揀左蘋果茶，Oops原來係茶包