初見

营业中

休息中

今日嚟到初見~係荃灣海壩街既~餐廳裝修好草原風好舒服…但係由於依家政府限制晚上六點之後唔可以堂食 ，所以就叫咗外賣返屋企食啦…餐廳出咗一個六點後外賣自取餐牌，由$58至$98~仲要包熱飲一杯，價錢好親民!原條蒲燒鰻魚飯$88返到屋企一睇😍勁大份架~真係成條鰻魚嘅份量💕 鰻魚好新鮮而且去骨嘅功夫做到好到家，鰻魚汁唔會太過咸，總之襯埋套餐嘅珍珠飯就好正啦！初見七式刺身配熱湯讚岐烏冬 $98吞拿魚 三文魚 魚 北寄貝 魷魚 帶子刺身每一塊都好厚身😛而且份量都唔少，每樣刺身有兩件🍣而讚岐烏冬好掛湯 好有咬口🍜至於湯底 個人就覺得比較濃味咗少少 但係朋友覺得可以接受 價錢黎講性價比好高值得一試

初見係OPENRICE荃灣區嘅第一位，因為咁，我都特登去試下。晚餐，七點已經有人龍，大熱天要喺室外排隊都幾辛苦，同埋樓上冷氣機係咁滴水。因為我早喺六點半已經排隊，友人七點到，我哋等咗一陣就有位。我哋叫咗香草吉列牛、仙氣特選寿司盛、韓式泡菜三文魚太卷、章魚丸同嘢飲。首先，佢哋個staff 係冇覆單，仲有啲黑面。仙氣特選寿司盛，佢落錯咗做刺身盛，我哋都食，就冇叫佢換。香草吉列牛，最好食係佢個皮，脆嘅。刺身盛，中規中矩。韓式泡菜三文魚太卷，都係一般。章魚丸，呢個好食，上碟係熱辣辣，就算我哋食得慢，放耐咗都唔會好油好漿。嘢飲，佢有日本版汽水同啤酒，出面少見。綜合嚟講其實OK嘅，裝修唔錯，食物中上， staff相信都係個人問題，除咗嗰個staff其他都係正常嘅。但至於係唔係真係荃灣Number One 呢，我覺得好過佢嘅餐廳都有好多。

夜晚想食吉列牛，本身諗住去另一間餐廳食但係嗰間太多人嘅關係，我哋就過咗嚟試吓初見。夜晚大約7:00到，等咗大約半個鐘就入座。叫咗一個初見香草吉列牛定食，加套餐，加多一碗日式味素飯，兩個人share。套餐包括一碗湯同埋沙律，沙律落咗芝麻醬，幾開胃。今日嘅湯係南瓜湯，質地比較稀，而且落咗好多奶，麻麻哋。吉列牛面頭加咗香草，有少少抹茶味，個人覺得香草同吉列牛實在唔係好夾，搞到啲牛冇乜味咁。然後食到最尾呢兩舊，個火熄左，職員都冇幫我哋換過一舊新嘅火，話放多陣就會熟。。。叫咗日式鐵板煎雞軟骨餃子，五隻， $48。一上菜都仲係熱辣辣，幾香嘅，不過個皮唔夠香脆。之後仲叫咗個仙氣壽司，底盤放咗乾冰，所以有仙氣，影相一流！不過見到三文魚有黑點，睇嚟啲刺身唔係好新鮮😢😢都幾影響心情🤧

星期日這裡有午市套餐，有不同款式及價錢，由五十多元至近百元都有，西式日式任君選擇。我家四人叫了吉列豬扒烏冬、咖哩吉列豬扒飯、牛肉湯鍋飯、刺身A4（唔記得個名）。這店的吉列豬扒十分香脆，由侍應送來，聞到香噴噴，到食到尾仍是香脆的，而且大大塊，孩子很滿足。我叫了牛肉鍋，牛肉非劣質肥牛，當然不是貴價的安格斯啦！不過嫌太多菜放底了。個湯不會油膩，味清而不鹹。阿仔叫的湯烏冬，個湯很鮮甜，不是味精而矣。刺身飯，刺身都算新鮮，份量亦足夠。很期待下次試吓果個海膽刺身飯先。

呢間西日料理其實都食咗好多次，因為覺得性價比高又好味，近排見佢有update左新Menu所以我哋又黎試下🙆🏼‍♀️🙆🏼‍♀️初見香草吉列牛($128) 🍱已經係第三次食呢個牛，點解會先將牛肉吉列炸起一成熟，然後可以按自己鍾意食嘅成熟度去燒今次嚟到牛嘅份量依然係好多件😍而且店家好貼心咁樣會俾埋一舊牛肥膏去爆油，令牛肉煎出嚟更香，而且牛肉之外仲有一粒糖心蛋，感覺好幸福🤤🤤初見特上漢堡包配薯條($118)🍔轉左新Menu之後多咗漢堡包食，而呢一個德尚漢堡包配料就有手打牛肉漢堡扒🥩煙肉🥩煎蛋🍳芝士🧀分量十足呀！配料真係多到一啖都咬唔晒，包皮好有心機咁查咗牛油烘過，配菜薯條份量都好多🍟🍟🍟我哋兩個人都有食淨添😆😆

海壩街有好多餐廳，而呢一間餐廳晏晝成日會有好多人排隊，我哋一行二人專登揀咗夜晚嚟食。餐廳裝修乾淨企理，有廁所。我哋叫咗個初見香草吉列牛，吉列牛外圍包住香草，仲好細心咁幫我哋切埋上碟添，呢個餐有一碗飯，石燒牛好重肉味，牛肉肉質冧身，高質。另外我哋仲叫咗個初見特上漢堡包配炸薯條，太陽蛋鋪上漢堡包面，夾埋幾層一口大啖咬，好好食！不過都係有漢堡包店嘅通病，就係無用一張錫紙或牛油紙去包住個底，令到食起嚟有點狼狽。兩個餐都可以加錢轉套餐，有麵豉湯飲同埋沙律，相當飽肚！

今午同阿仔來食午飯。阿仔就是睇完食評的相片，覺得那咖哩吉列豬扒很吸引，所以專登由寶石大廈行到此店。沿途經過多間有吉列豬扒的食店都不動搖。的確，這吉列豬扒並沒有叫人失望。首先，份量是很足的，外皮脆而不油膩，粉漿也不會過厚。咖哩汁是分上的，這最好，可按自己喜好食用。我叫了那蕃茄三文魚海鮮鍋。賣相非常吸引，三文魚像BB的拳頭般小，沒有特別，肉質感覺有點鞋。鍋內有很迷你的蜆肉、一隻青口、兩隻蝦、魷魚條數條，仲有許多菜絲。首先，我以為咁多海鮮放一起，個鍋應該鮮甜，但真實是，上述海鮮配料一點味也沒有，非常淡。連湯喝一口，我和仔都覺得淡淡的。早知叫牛肉鍋，或者更好。鄰座的食客叫了漢堡餐，反正吸引了我倆母子。大大個，多層，配料多的漢堡，還配上粗薯條，一定飽和滿足。下次要再試試

多人排隊o既o野永遠都係正o野，幾乎跟親隊都實無錯。o係愉景新城過一條天橋向舊區行入少少o既呢間西日餐廳，門庭若市，晚飯時間出面已經有唔少人等緊位，等我都咪執輸！內裡樓底好高，用上o左好多木色同樹葉o既格調。門口o個度已經幢o左個牌大大隻字寫住「全日免加一」！咦﹖咁咪可叫得豪爽d 囉！唔怪得咁多人爭住幫襯啦。安格斯牛肉．豚骨湯拉麵($68) 係menu 上寫住o既餐廳推介，另外加o左$35 升做combo，可配一客刺身(或者沙律)、湯同埋o野飲。因為係西日餐廳，餐湯再可揀味噌湯或者南瓜湯，o益o左後者。忌廉南瓜湯口感creamy 濃郁，味道清新。刺身有一式兩款，三文魚尤其肥美嫩滑~ 淨係計前菜o野已經打好印象分！主食拉麵，想講真係好高質，都食過唔少聲稱係安格斯牛肉o既扒房或者其他餐廳，但未必間間都咁好食。呢度d 牛肉o既肉質完全鬆軟唔韌，味道鮮甜絕不欺場，同埋牛酥香會o係口中持久未散，同咋o個d 真係無得比！麵底也唔錯，浸耐o左都唔會淋，溏心蛋也醃得夠晒惹味~ 無估過$60 幾蚊可以有呢個質素，果真堅值得推介~餐茶又係西日式都得，有伯爵茶、綠茶等等，又可以加錢升做特飲或者sake。試o

星期五六日嘅初見只限walkin，惟有趁6:00PM 開門前排定隊。離開門前5分鐘已有大約十人排隊，認真受歡迎。入到去樓底高，無壓逼感，坐得幾舒適，綠化裝修令人感到輕鬆。初見備有即棄餐具，呢個時勢下衛生好重要，餐具包裝好靚。今次無試到刺身，季節海膽都係$190一板，好抵!由於今晚想輕食為主，叫咗一份香草吉列牛同一份野菜鍋，養生令人驚喜嘅係嘢食無味精，食完唔會令人口渴，啱哂健康為主嘅人。野菜鍋好足料，湯底撈飯一流。吉列牛件數夠多，兩個人share 兩個餐剛剛好，惟建議吉列牛個白飯可加少少飯素，齋白飯有啲dry。

搬屋後正式成為無飯煮婦🤓✌🏻每晚為晚餐食邊間而煩惱🤪今晚寶寶收早咗😍 我哋放工就行咗嚟海壩街食呢間好有清新氣息嘅日本餐廳➡️初見❣️其實之前已經嚟過幾次食lunch，但明明佢嘅「全日免加一」offer，令夜晚變得相對抵食🤪小店嘅「特色草藤牆」一直都係呢間餐廳嘅打卡位😍天花板亦吊住兩支有點像桃花樹的樹枝，佈置好有心思💕比人清新舒服又relax嘅感覺☺️非常欣賞老闆對店舖嘅用心❗️我哋今日點咗➡️石燒香草吉列牛 $128呢個應該係店家嘅鎮店之寶❗️因為店內Poster上面寫住人氣No.1，而且店入面有一半嘅食客都係食緊呢個😆所以舖頭嘅油煙味都有少少重🙈不過為食好野，少少犧牲在所難免🤪店舖會另外比一舊油脂比食客預熱石燒板，食客可以根據自己嘅喜好燒自己鍾意嘅生熟度💕香脆嘅香草吉列層配埋半山熟嘅牛肉入口香脆又軟嫩，仲帶淡淡嘅香草味，既好味又特別❗️蘸埋店家嘅秘制燒汁仲好味丫❣️唔怪得咁人氣啦🤓另外仲配左一隻溏心蛋，溏心蛋外層帶適量嘅鹹味，蛋心入面嘅流心都做得非常出色👏🏻安格斯牛肉鍋 $88另外再加配咗 $35轉成套餐會額外有多一杯熱飲、一客刺身/沙律➕麵豉湯/南瓜湯❗️估唔到個刺身咁新鮮😍非常值回票價☺️☺️南瓜湯亦

見op 咁多好評，所以同朋友去食之前好大期望，入到去環境幾好既，裝修幾靚，當晚叫左豚肉同牛肉.....................試過覺得普通！太高期望了！！經過唔知食咩可以試吓

放假最鍾意周圍去 日本菜一直都係我同男朋友最鍾意 所以我哋今日就試咗位於荃灣嘅初見日本料理餐廳 我哋分別叫咗兩個lunch set 同埋一個小食 初見特選蟹皇刺身丼呢一個刺身丼飯一嚟到已經即刻忍唔住拎手機影相 賣相真係超靚而且用上嘅海鮮刺身亦都係非常之豐富 分別用一個蟹蓋上面裝咗滿滿嘅蟹膏、吞拿魚蓉、蟹柳絲 而最上面嘅係海膽😍另外更加有蟹鉗同埋king size既帶子刺身 每一款嘅海鮮刺身都係非常新鮮鮮甜 海膽完全冇腥味證明好新鮮入口仲好滑 蟹膏同埋吞拿魚蓉最啱配白飯食 每一啖都係滿滿嘅海鮮 一次過滿足晒我想食多種食材嘅願望 材料更加係多過白飯 必食推介呀！板燒雪花牛肉配日式味素飯今次呢一個set好驚喜呀 係每人都會有一個板燒嘅爐 等客人可以自己控制牛肉嘅生熟程度 而且雪花牛肉嘅質素都好高同埋好多片大約有11片 牛肉色澤鮮紅雪花紋理好靚 我自己鍾意牛肉約五成熟 板燒後嘅牛肉肉汁非常豐富入口更加係即溶 另外配上燒肉醬汁同埋鹽已經可以令牛肉味道提升炸和風一口芝士粒係我最愛嘅炸芝士 出面真係好少餐廳可以食到 炸芝士炸得好乾身外脆內軟 一咬開係有澎湃嘅芝士湧出 更加輕鬆做到拉絲嘅效果 一啖一

初見（荃灣）炸和風一口芝士6粒 $45芝士是半流心狀，咬下去熱騰騰但不會燙口，外層炸得十分鬆脆，炸衣亦不會太厚，滿滿的芝士香氣。初見邪惡炸薯條 $45薯條炸得剛剛好，熱辣辣且份量很足，咸蛋味十分出眾而又不會掩蓋了薯條本身的口味，附上的醬汁是茄汁和蛋黃醬，與薯條的味道相輔相成。煙三文魚明太子炒扁意粉+套餐 $88+$35本身我和朋友吃晚飯前都吃了一點小食，因此我們沒有點店內的No.1（大家可以去一試）。而這道菜亦令人眼前一亮，明太子汁口感Creamy，明太子味十分濃郁，內有煙三文魚和蘑菇，鮮味十足。套餐內有一碗麵豉湯，一碟刺身及一杯飲品。值得一提的是刺身，有兩件三文魚和兩件吞拿魚，均是厚切，頗為抵食。總的來說，餐廳的食物質素很不錯，份量亦十足。

呢間係款式多多既日式小店🥰有意粉漢堡丼飯吉烈牛🥩就算你個fd想食日本野，你又想食西餐🥴都唔洗擔心了哈哈😎建議中午黎食，試過夜晚黎等二十幾張枱😕中午12點等佢開門就唔洗等了👍🏻😗特別想提一提🤣佢地既裝修好特別，係森林風既style🌿⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬👈🏻👈🏻向左拉睇午市menu👈🏻👈🏻🥩香草吉烈牛套餐配溏心蛋($128)超推‼️呢間既吉烈牛係我食過最唔肥膩～唔會覺得食完成口油既吉烈牛😋牛肉油脂分佈平均，牛肉味香濃，皮仲要脆卜卜添🥰配埋燒汁同淮鹽，令味道更上一層樓🥳.🥩赤蝦三文魚刺身丼配味噌湯($68)我就嗌左個丼飯☺️味道唔錯對得住個價錢🤪刺身份量都好足夠～同埋係新鮮既！不過都係吉烈牛好味😚.本身以為中午就得午市餐牌食既野～原來都有得嗌menu有既小食、吉烈牛套餐等等🤩下次會試下漢堡同意粉🍝😎.🔸評分: 8.5/10

呢間之前同朋友食過，覺得性價比好高，所以我再帶媽媽黎。佢今次好滿意，因為兩個人食左兩百幾，每人有個餐仲叫多個小食。👍🏻👍🏻首先，我叫左個咖哩吉列豬扒飯。豬扒炸到外脆內軟，加埋啲咖哩汁，真係好正😆😆白飯好香，係珍珠米口感，高質🤚🏻🤚🏻另外，媽媽叫左個海鮮拉麵🍜佢真係好驚喜！因為平時啲海鮮咩咩餐，都係得幾隻蝦，或者青口！但今次真係好足料！❤️不單有海蝦、青口、仲有墨魚仔！真心好高質，仲要七十幾蚊大大碗！😍😍😍兩個餐已大份到不得了！我地仲叫多個小食😆就係明太子雞翼！大家都知道明太子好重味道，但加左落雞翼度，真係好夾，雞翼好脆口！最後，我地飽到上心口啦！見個個食牛鐵板，真係好正🥺🥺🥺希望下次再食到！