初見

营业中

休息中

成日行福來村經過呢間都已經好想入去試下，今日收工就黎試下。可以電話book定檯，唔驚冇位。.一入到黎，個裝修都幾靚，好清新，有啲草同木，感覺好似係森林咁。個樓底高，冇乜壓逼感。.Menu都好有心思，除左睇食咩，仲可以睇埋佢啲句子，好有意思👍🏼👍🏼.好多人都係食一人一鍋同初見牛，於是我地嗌左一個安格斯牛肉鍋同卡邦尼意粉。加左$35升級去套餐，有刺身同湯，仲有一杯野飲。.讚下先，呢間野上菜唔會亂咁黎，上左前菜見你食完先上主菜。講下個牛肉鍋，牛既份量都多，入面既配菜都好多，呢個價錢都幾抵食。牛既質素都唔錯，配埋佢既汁，好滿足～.見冇乜人嗌卡邦尼意粉，但我覺得有驚喜。個意粉質感硬硬地，扁意粉黎既，每一條意粉都有掛到汁。味道方面就甜甜地，好creamy，又唔會太鹹。.野飲方面嗌左杯熱既伯爵果果茶，聞落好香。呢間waiter既服務都好好，用餐經歷舒服😊

在疫情各國封關無得去日本旅行掃街的半年內，我們一家人去吃日本野，一解壓抑多時的旅行癮，奉行食左當去左的心態。在疫情前店外長期有人排隊，在疫情後人龍不再，但店內仍座無虛席。當天晚市，政府仍實行二人堂食禁令，我們一家被迫分開兩枱。我地叫左蒲燒鰻魚飯同安格斯牛肉鍋，饅魚汁送飯一流，美中不足是飯量不足。牛肉鍋牛肉份量多，配菜亦十分豐富，牛肉入口即溶，十分好味，另外我地亦加$12試左拉麵，拉麵有彈性，配上安格斯牛，別有一番滋味!

同朋友去咗荃灣附近，路過一間食日本嘢嘅食店就去試下。款式都算多，有日式、西式咁，4個人叫咗4個唔同餐，月見牛肉鍋飯幾驚喜，上枱時keep住燒住個鍋，有菜有豆腐有冬菇等配料；而牛肉就望落好靚，唔似啲平價貨，食落清清地，幾好食吉列豬扒飯，個豬炸得幾靚，唔係話勁多油咗，食落都鬆脆另外兩個魚生飯，朋友個個係魚生片飯，望到都幾多料，我自己個個就係魚蓉飯，佢個味食落都好鮮好好食，啲虾都好食唔會話梅咗咁佢有凍野包埋，最特別佢有花茶，今日係菊花茶，幾特別，下次可以再試其他👍🏼

住咗係荃灣廿幾年 見住荃灣愈來愈多好野食好開心😆多到我都未有機會試哂咁啱有朋友話想試初見 我都二話不說贊成！😆見其他食評話牛肉唔錯 我就叫咗牛肉野菜鍋 ($88)一人鍋份量 有4大塊牛都幾多菜 有菇有芋絲等仲有碗飯 正常女仔應該會食唔哂😆加咗$35要埋湯、沙律同飲品 唔算非常抵 不過想食沙律所以加沙律驚喜地fresh 唔係啲菜就難嘅感覺👍🏻同行朋友食咗香草牛 都好好食同好大份不過我地太肚餓唔記得咗影相😅另外見仲有魚生飯食 下次可以試👍🏻

琴晚同朋友喺荃灣行街，終於去咗試講咗好耐一直都未食到嘅初見喇！唔知係咪疫情關係，7點前去到都唔算多人，唔使排隊就即刻入得喇😊餐廳係自助點餐嘅，非常方便～我地叫咗個香草吉烈牛($128)、海膽三文魚刺身飯($118)同小食拼盤($98)🤩🤩掛住食，影漏咗個拼盤😂吉烈牛好香，外脆內軟，又唔會太膩；刺身飯非常足料，材料又新鮮，海膽嘅口感好creamy好rich，正！🥳其實成餐飯都算抵食，兩個女仔份量係叫太多，個小食拼盤可以唔叫，份量就會啱啱好～推薦大家得閒去試下☺️🥰

突然好想食吉列牛， 於是朋友提議去食呢間叫初見嘅日本料理， 話平時都好多人排隊，佢自己都想試好耐。我哋去到已見門口有幾個人在等。等咗兩三個字， 我哋被安排到喺 一片人造草裝飾牆旁嘅枱，間舖頭原來樓底都幾高，所以店主喺舖頭入面仲整咗啲樹枝裝飾喺天花板，裝修方面都幾有心思。呢度嘅嘢食都幾多選擇，除咗吉列牛，仲可以食壽司，刺身飯，拉麵或者係日式西餐，仲有好多款小食，我哋兩個人真係揀嘢食都揀咗好耐。 我哋叫咗初見香草吉列牛 (HKD128)， 初見特選蟹皇刺身丼 (HKD148)， 同埋炸雙拼雞翼 (HKD68)。首先嚟到嘅係刺身丼，真係同個菜式名一樣，蟹係主角！除咗有蟹膏蟹肉，仲有吞拿魚蓉，海膽，甜蛋，帶子！ 真係超級豐盛！ 呢度啲刺身全部都好新鮮， 啲蟹膏真係勁香，送飯一流。啲刺身真係唔少，如果每啖連飯食，真係覺得白飯唔夠食。呢個真係必點！！ 之後香草吉列牛到咗，個火都幾猛，啲切到薄薄嘅吉列牛放上去， 真係唔使一陣，煎一煎兩邊已經食得，佢一客入面有十幾塊， 我哋試咗唔同方法同時間去煎，我哋都覺得煎得半生熟係可以令到個牛味保留得最好。 大家如果有叫吉列牛，可以試下咁樣煎。啲牛無論就咁食，定係

這間餐廳是我經常光顧之一，喜歡它環境舒適簡約，食物的質素也不錯。今天來到，餐廳內已有不少食客，我們等了大約十分鐘後終於可入座。我們點了一個美國安格斯雪花牛套餐：雪花牛放在烤爐上燒一會兒已經熟了，肉質香濃嫩滑，口感柔軟如雪花般的油花分佈均勻在每片肉上，除左肉味還有陣陣油香味。日式叉燒豚骨湯烏冬：本來是拉麵，由於想試一下烏冬，加錢由拉麵轉成烏冬，烏冬有點彈牙，不錯。有兩塊日式叉燒大大塊，配以豬骨湯底，味道香濃；放在烤燒上燒一會兒已經熟了。

好耐都無出街食飯啊！！！難得荃灣朋友約，當然要支持下荃灣小店啦。呢間係荃灣都幾出名，今晚路過見唔洗等，試！好有文青feel嘅餐牌佢餐牌有好多唔同嘅特色小食，如果多啲人食就可以試多啲唔同嘅野啦QR code落單，方便啊佢落單嘅頁面都好清晰，好容易用初見香草吉列牛（$128)呢個吉列牛真係出色到不得了！佢面個層淡淡嘅香草，唔會搶左肉嘅鮮味，燒完之後外皮香脆好有口感。內裡塊肉，一食就有溶化嘅感覺，絕對係用料上盛初見粒粒原隻軟殼蟹飯卷6件（$68)張圖已經見到，真係原隻軟殼蟹冇打斧頭。軟殼蟹嚟都仲係脆身，同朋友share食都好似食左半個餐咁，好抵食兩個人埋單$196 咁高質黎講真係好抵 推薦呢

今晚放工去荃灣買野，經過見到有間餐廳，俾佢個名吸引左，於是入去食晚餐。果然真係有驚喜😱，入到去環境好舒服，仲有幅綠色牆，裝修唔錯。見到佢個招牌香草吉列牛，真係好吸引，價錢合理，仲要係石燒。吉列真心做得唔錯，外脆內裏係紅色，上碗時又唔會有血水出，火喉控制得好好。出面既石燒牛肉多數都係用蒜，燒汁，檸檬汁，但呢度既汁係用味增汁，入面仲有薑嘅味道，真係好特別👍🏻👍🏻石燒香草吉列牛而我朋友就食左個海鮮龍蝦湯火鍋，聽個名都覺得好吸引，於是叫左黎食。果然無令到佢失望，好香既龍蝦湯味，仲要係有個火煲住出黎，夠哂新鮮同熱辣辣，個火鍋料都唔少，海鮮新鮮，真係唔錯，而且都係$88，真心抵食，我下次再去食時都會叫個火鍋😂😂海鮮龍蝦湯火鍋

我個fd話見到呢間荃灣最多好評嘅餐廳滿心歡喜諗住食返個吉列牛做lunch 去到都有幾個人排隊 等左大概半個鐘 終於入得 點知個Waitor 話已經冇曬吉列牛 咁都算啦 唯有點其他送咁我就點左個午市嘅味噌牛肉鍋啦我個fd呢就話試下個安格斯牛肉鍋咁我地叫個姐姐落單個陣佢又同我地講依加冇安格斯牛肉鍋 係晚市嘅又點點點 後尾我地聽唔明佢就西面走左去叫另一個男侍應落單到後尾先知原來午市嘅味噌牛肉鍋=安格斯牛肉鍋，純粹係前者包野飲，平啲，但啲牛肉係預先放曬入去。聽到呢度已經一肚氣終於野食到啦一個字形容「劣」個湯底完全冇味 牛又唔靚重點係啲菜冇切過 原棵上 叫人點食呀⋯仲難食過吉吉家 （認真⋯）咁嘅服務 咁嘅食物質素 真係不敢恭維啦

滿懷期待去食香草牛柳。點知12點開門，1點就話買晒 唯有點其他嘢食。係open rice睇到啲相，之後點咗一個漢堡，吉列猪扒同一個小食拼盤。 吉列猪扒餐上台，賣相都唔錯，份糧都幾足。個咖哩汁，個麵豉湯都唔錯，不過成個餐嘅轉捩點係個猪扒，乾爭爭，啲肉炸到老晒。之後漢堡上枱，又挽回我小小希望。漢堡同吉列猪排比起，肉汁多，味道都唔錯。最後係小食拼盤... 相都唔想影。總之一句講晒... 千其唔好點炸嘢。(中間有個小插曲，隔離枱有對小情侶，點咗兩份香草牛柳。話有曱甴，換過一次之後仲有)

這食店平日午市有時都人多，現在疫情限每枱二人，仲更加難搵位。所以揀了星期日一定人到來光顧午市。我揀了日式燒餅汁牛肉漢堡飽配薯條，一送來，😍當然很吸引啦！先試薯條，份量充足，新鮮炸起，又熱又脆，很正啊！漢堡飽餡料豐富，蕃茄蔬菜很新鮮，個塊牛肉漢堡很夠肉汁，不是久存的雪藏貨，不過我嫌略鹹了點。試過這一次就夠了，我下次會試其他。因為沙律菜太濕，令飽皮也變淋了。而且女士真的很難一口咬，畢竟，足料夠厚啊！這已是幾三次與孩子來食，孩子每次都是吉列豬扒飯，但他不感厭，因為每次都好美味，很滿足。

依間想試好耐啦!! 不過次次未夠7點已經排曬長龍，今次醒目6點半到就即刻有得開餐😍蒲燒原條鰻魚 (配前菜、日式味素飯) $128見到條鰻魚甘巨型真係嘩左一聲‼️又長又夠厚身，啖啖肉😍鰻魚同燒汁永遠都係絕配，特別欣賞個鰻魚一啲都唔腥，唔鐘意食魚既我都爭住食😂 值得一提係個日式味素飯好好食，海苔同鰹魚碎撈飯真係一流🤤安格斯牛肉鍋 $88 白飯轉烏冬加 $8味噌湯唔會太咸，食得出係無添加味精(有唔少火鍋食完到第二朝都仲覺得勁口渴🙊)想講碟安格斯牛肉好高質，好軟身好濃牛肉味😍每次打邊爐都好想到最後先食肉，因為一落肉個湯就會變油，而我係會喪飲湯😂不過今次我忍唔住了，極速ko曬碟肉🤭好彩鍋入面有海量既菜，減少左罪惡感!!炸芝士餃子釀雞翼 $58作為雞翼控，見到梗係即刻嗌啦😍一上枱熱辣辣新鮮炸起，雖然無咩芝士味令我有啲失望，但餃子餡好香口好豐滿，大滿足‼️

假日逛完街下午二點幾有些餓，老友話荃灣海壩街22號華達樓地下F號舖，食材新鮮，份量足。我們點左大蝦櫻花蝦雜錦海鮮拉麵$68，有大蝦、魷魚圈、青口 、 蜆等⋯奶白色湯底好味😋拉麵彈牙，鮮味十足 ，超赤蝦三文魚刺身丼配味噌湯$68三文魚厚切，大大片，魚脂甘香，赤蝦頗大隻 ， 很鮮甜、配蟹籽增加美感又提升鮮味，餐跟麵豉湯， 真美味。日式燒汁牛肉漢堡配炸薯條$68，盛滿碟真超大份，包質地鬆軟，烘得脆口，厚厚牛肉漢堡，牛肉味香濃中間夾著番茄和生菜，美味滿足，配香脆可口薯條點茄汁，真好味😋 註：全日免收加一，更加抵食。

If life were only like, the moment when we first met❤️...人生若只如初見，何事秋風悲畫扇，等閒變卻故人心，卻道故人心易變。..一間滿有意思既日式餐廳🏮，每字每句都充滿味道，值得令人好好細嚼、細味。因為疫情關係，沒有堂食 就來個外賣日式便當🍱 Don吧。.你了解丼飯的意思嗎❓日語稱為丼，係日本料理對於蓋澆飯既通稱，亦係一種日本國民食物啊。最早係形容米粒落入大碗中既聲音，現意為碗，代表一種日式家庭風格既飯食。.而今晚吃既✨刺身丼✨，意思類似蓋飯，醋飯在最底，紫菜灑在飯上，上面擺著各種生魚片，就像壽司 & 刺身既結合體，用芥末、醬油一拌，就已經好好味 好有鮮味呢。.l刺身丼]l $784 Styles Sashimi Rice Bowl(三文魚、吞拿魚、帶子、時令刺身）款款刺身都夠新鮮，魚生大大片，未食已經夠吸引。仲有海量蟹籽，真的很吸睛呢。.l刺身丼]l $88SHOKEN Special Crabs Assorted Sashimi Sushi Rice Bowl而另一款海皇刺身丼貴為餐廳皇牌，除左有海膽、帶子，都係我喜歡的💕。仲有重