初見

营业中

休息中

➡️食盡荃灣之日本菜 — 初見—————————————————睇開post都知，我經常會係荃灣搵野食🤣，今日收工突然想食吉列牛，於是就黎左荃灣呢間初見啦！大概7點半左右平日，就已經見到有2，3個人係門口等緊入座🤔，睇黎生意都唔錯入到去發現鋪頭空間都幾大，個天花板勁高😂，環境係以大自然為主題，有d樹枝同草既裝飾幾岩打卡，唔講咁多，即刻叫野食！🔸 初見香草吉列牛配白飯 $128吉列牛既份量比我想像中多😲，有成十幾塊，女仔食都幾飽肚，外層有一陣綠色既香草🤣轉套餐加35蚊可以有刺身同南瓜湯，仲有一杯花茶熱飲，個湯夠濃好飲！d三文魚同油甘魚刺身都肥美冇筋，唔錯值得轉set😋🔸 安格斯牛肉鍋味噌湯配白$88呢個牛肉鍋又係d牛份量都幾多而且質素唔錯，鍋內配料有5，6款，價錢相宜👌💭 Overall comment:呢間鋪頭係荃灣應該都幾出名，如果夜晚想食記得早d黎！仲有記得留意營業時間呀！🍽食物: 7/10🌌環境: 7.5/10👔服務: 7/10🎖CP值: 7/10

住荃灣既我之前一直想試但太多人等位，適逢第5波收緊防疫，同老公一樣公司又有得work from home, 就趁午飯時間黎試下。果然係高汁，刺身丼既刺身新鮮得黎厚切，個飯底加左壽司醋仲有少少飯素亦好好味，不過大食既話就未必覺得飽。老公叫左雪花牛肉配烏冬，見佢係鍋物類，其實無諗過會好似韓燒咁係乾燒，以為係有湯既！仲有d菇燒下，牛肉本身無調味，係要靠自己點醬汁食，個人就比較鐘意刺身丼啦！食飽飽老細話疫情嚴重佢地都準備休息下，我地算係好彩試到啦

感覺好有意境嘅名字:初見令我好想食嘅係呢款:初見香草吉列牛(配白飯)但我改咗配烏東麵，送上枱面已經好吸引，吉列牛唔係就咁生食，佢有牛肉汁同鹽調味，首先要將切到細細粒嘅肥豬肉，放在熱石上(溶化就係油)才去煎吉列牛，只要兩邊輕輕煎一煎就食得，咁肉質就唔會太乾啦⋯⋯點埋鹽或牛肉汁調味，我自己就鐘意鹽，咁先食得出鮮牛肉味道。另一款叫左:野菜豆腐鍋(味噌湯配白飯)除咗滑豆腐，還有獅子狗、鮮東菇，菌菇類、娃娃菜。加配嘅刺身，刺身食得出好新鮮，沙律菜都爽脆。飲品係:咸檸碧(雪碧汽水)我好耐冇飲過雪碧😜加埋咸檸檬，真係有汽得黎透心涼。

呢間日式洋食講緊五六年前開始已經食過無數次，不過因為實在每晚太多人排隊嘅關係，食到食唔到有時都睇緣份，所以稱唔上係飯堂，今日難得經過唔算好多人排隊等咗陣就有緣食到喇✧*｡٩(ˊᗜˋ*)و✧*｡佢哋最出名其實係吉列牛同一人火鍋，但其實食過咁多次唔同嘅餐牌都冇中伏～今日嗌呢個係私心推介嘅章魚小丸子 ($38)🍡定價同出邊嘅街舖差唔多，但係真心一食落去就會高下立見👍🏻一粒小丸子入邊有三粒章魚🐙而且即叫即製，一上枱已經勁香又熱辣辣，外面層皮薄得嚟幾香脆，比起出面嘅更好食☺️初見粒粒原隻軟殼蟹反卷 ($68)都係私心推介🦀因為佢哋嘅軟殼蟹真心好多蟹肉，而且係新鮮炸出嚟，所以食落去仍然保留少少餘溫🧡蟹肉亦都好紮實🥳同埋佢啲蟹子唔知點解係特別大粒特別好食，食落去個口感係比較爽啲，同出邊食嘅蟹籽完全唔係同一個Level😛而第一次食嘅煙三文魚明太子炒扁意粉($88)都幾有驚喜😚佢呢度嘅醬汁做得比較輕盈一啲，食落去唔會好膩好有負擔，但係一上枱都係勁香明太子味🍝而且有超多三文魚，加埋唔同菇菌，成碟超大碟，意粉質地仍然做到al dente～探索咗個新option🤤總括來講，呢一間小店真心好高質💛自己食過佢哋嘅吉

假期過後的第一日午餐想試下生酮，連走幾間餐廳都無咩啱食，最後黎到初見，咦咦～有沙律食喎，呢個可以考慮了。坐低後再睇清楚餐牌先，都幾多野食，日式西式仲有創作料理，不過決定左食沙律就唔轉了。店內用qr code落單，介面好易用，點完份沙律後仲提示可以轉餐，咁就豐富啲轉做餐先，包一份刺身，餐湯同飲品。等左一陣就齊晒啦，賣相幾靚，顔色好吸引。先嚐嚐刺身，好厚切呀～肥美鮮甜，淨加芥末已經好正，新鮮芥末唔會攻鼻，啲刺身咁新鮮直頭唔使點豉油添。餐湯揀咗西式南瓜湯，其實佢有麵豉湯揀嘅，但係我覺得同沙律又好似南瓜湯夾啲，哈哈。個南瓜湯好杰身，飲落好creamy，有香甜嘅南瓜，係天然嘅甜味黎呢。個主菜就揀咗煙三文魚田園沙律，賣相幾靚～加埋個日式麻醬先，麻醬配上任何野都會特別好食。菜爽口新鮮，除咗中間嘅煙三文魚花，旁邊仲有唔少切碎咗嘅煙三文魚，整體嚟講分量都幾多，食完一盤係覺得飽㗎。餐飲就要咗杯伯爵果茶，呢個茶包都幾香，但個杯略為細咗啲，浸耐咗個茶好濃，可以添加熱水就好了。其實呢餐都有少量澱粉質，作為新手生酮，我覺得都已經好好，因為可以選擇嘅餐廳真係唔多，午餐下下唔係粥粉麵飯就係漢堡包pizza，哈哈。

雖然疫情還在繼續，不過還是想來試試已經mark很久的這間店，所以在開門前就來排隊.雖然只吃了兩樣最經典的兩樣石燒牛和牛肉鍋套餐，味道雖然並沒有那麼驚艷，但是可以自己玩石燒牛也很不錯，而且性價比非常高，份量很大，而且我看隔壁台的刺身丼也很新鮮，唯有下次再試了. 提醒下大家這裡只收cash和Alipay

初見是日式西餐廳，室外環境寬闊，有綠色植物點綴，😍舒適寧靜。Menu選擇豐富：牛肉鍋、海鮮鍋、魚生丼及漢堡等，令人大快朵頤。🍜安格斯牛肉讚岐烏冬 $71豚骨湯呈奶白色，香滑濃郁，烏冬掛上鮮甜的濃湯，輕輕啜入口，煙韌彈牙， 加上嫰紅牛肉，🎈十分窩心。🥘季節海鮮鍋 $88龍蝦湯湯底鮮甜，傳來陣陣鮮香。配上豐富海鮮：有三文魚、青口 、大蝦🦐、魷魚🦑、蜆肉等，鮮味滿足 。海蝦彈牙，三文魚滑嫰，魚香四溢，👅 魷魚帶嚼勁，青口挺身，連龍蝦湯呷入口，啖啖滋味。還有豆腐、金菇及蔬菜等，🌸吸收了海鮮的精華，更加美味。🥢追加刺身+南瓜湯+ 精選花茶$35刺身肉質綿潤，油甘魚散發魚油甘香，三文魚滑溜鮮甜。🌹花茶入口散發幽幽的菊花香，清新怡人。

餐廳裝修行簡約文青風，而且座位寬闊，令人感覺舒服同輕鬆。❤️今次叫咗個地獄湯底安格斯牛肉鍋配白飯加雞蛋以及季節海鮮鍋配烏冬加雞蛋🥚。安格斯牛肉🐂份量非常充足，至少有七到八大片，而且油花分佈均勻，亦無多餘油脂同筋，食起來鮮味及牛味都十足。牛肉煮熟後配上自製嘅生蛋拌飯🍚，實在係令到成餐飯錦上添花。地獄湯湯底辣度亦無想像中般地獄，即時怕辣亦絕對可以一試，為自己嘅味蕾帶來新刺激！而季節海鮮鍋亦包含豐富海鮮，包括海蝦、蜆、青口、魷魚🦑等等。鍋中配菜亦十分豐富，包括娃娃菜，椰菜絲，菇等等。煮過海鮮後嘅鍋，亦令鍋中配菜更添鮮味！

一直以來，日本菜都係我自己無可抗拒嘅菜式之一，今次就同朋友去咗呢一間餐廳度食飯！一去到嘅時候就比隔離枱嘅吉列牛吸引咗，所以我自己都叫咗呢一個初見香草吉列牛配白飯糖心蛋！吉列牛真係好好食，自己整嘅吉列牛特別美味，而且再加埋呢度嘅牛肉非常之滑！真係食得好滋味！

今日嚟到一間我覺得都不錯嘅日式餐廳，我見佢呢度嘅食物都幾犀利，所以特登過嚟呢度試吓有啲乜嘢食，首先我自己鍾意食嘅刺身就一定要見，呢度嘅刺身做出嚟都幾唔錯，下次會叫朋友一齊

🌈初見今次再訪初見野食同服務質素都keep到水準😚我鐘意餐廳食物種類多除左出名石燒牛外仲有火鍋 意粉 漢堡包 拉麵刺身 小食等👍🏼🥢美國安格斯雪花牛$168套餐有蘑菇 南瓜片 雪花牛飯同飲品😗職員教我地燒左菇類先再燒雪花牛 菇類會吸左牛肉汁牛肉肥瘦比例唔錯 厚薄岩岩好入口前先點燒汁或少量鹽食落更加惹味☺️🥢初見香草吉列牛（$128）外層被綠色香草包裹住 好特別食落有少脆 配埋牛肉外脆内軟塘心蛋 都好好味😊🥢炸明太子釀雞翼唔會炸到好乾 雞肉入口嫩滑滿足感大增😎

下晝一點半嚟到呢間小店，都仲排緊隊，加上網上海量正皮，以為實冇死啦，點知🥲朋友：點解叫初見？因為見完一次唔想再見🤡扇貝三文魚海鮮蕃茄鍋 配烏冬 $74一上枱個蕃茄湯底bulubulu咁，好似好開心。嘩！飲落淡過水，冇茄味冇鹹味，實屬養生之選🤓 成枱四個人都以為自己失去味覺，差啲想去驗肺炎🥺兩舊三文魚唔錯，有啲油香；蝦仁仔同扇貝仔睇圖睇唔到，都細粒到唔太食到，哭咗仲有娃娃菜、菇、蒟蒻、芋絲、獅子狗、鳴門卷等配料，正常的，都算足料，豐盛嘅但啲食材索哂湯都是冇味der，所以我最後要豉油放題，浪費店家咁多豉油對唔住😢 對不起禾滴腎😢烏冬算係咁，質地還好，個湯有味的，感恩了🙏🏻初見特選海皇蟹刺身丼 $98初見三色刺身丼 $78朋友們對於刺身丼都係覺得冇味😂啲刺身冇鮮味，一大堆蔥同飯素配刺身又難以理解，竟然話麵豉湯同蟹柳係最好食嘅？？陰公豬喇，搞到佢哋忍唔住行去donki食多餐🥺個鍋都還好，幾廿蚊咁多餸，食飽你仲有嘢飲，可能係我錯在個人太重口味；但刺身丼質素真係有待改善～你可以話我冇do it justice，冇試佢嘅吉列牛，但以上items長駐lunch set理應要做到正常水平，食完諗返條排隊

雖然住附近，但開左好耐都無食過，無留意呢間，偶爾發現左呢間open rice好多人比like，ig foodie都好多有寫，就決定去試下啦！主要係想打個仙氣壽司卡，晚餐叫左3樣都係日本野，3樣野都好食的，正常發揮（始終吉列牛好少難食），仙氣壽司來到要一早擺好相機，好快影相，因為仙氣好快無🤣唔平但唔洗加一，都推薦的！果次無得book位，晚餐都要排隊等，平時下午都多人食lunch要排隊等下～總括來講是不錯的，可以一試～

因為疫情嘅關係都好耐冇出去食飯啦，而家見少少，啲小店都真係好難捱。屋企樓下呢一間好好食性價比好高嘅日本嘢食嘢😊佢最出名嘅係香草吉列牛，之前淨係試咗個安格斯牛火鍋，今次終於有機會試吓啦，可能嗰日落雨人流唔係好多，所以感覺上幾安全，同埋啲嘢食都好好味。另外屋企人就叫咗豬軟骨拉麵，好大碗同埋幾好食。佢個刺身（三文魚同埋油甘魚）都係加少少錢就有同埋仲有一杯嘢飲，而我就加咗做壺茶，佢係有好香嘅玫瑰，淡淡然幾好味😉💕大家真係幫襯多啲少啲唔好俾佢哋消失，就算唔係糖食買外賣都OK😗☺️

同朋友係荃灣行完街突然想食石燒牛，最後就搵到呢間初見，本身想叫每人一個定食。但見到加多少少錢就多咁多野食，冇理由唔加架~二人套餐（$398）🧀頭盤：特選小食拼盤雞軟骨餃子：餃子皮煎到焦香，餡料仲保留到肉汁，仲有一粒粒軟骨增加口感明太子雞翼：雞皮炸得夠乾身，明太子塞滿成隻雞翼，但又唔會太咸一口芝士：外層脆卜卜，裡面係一大舊芝士，芝士控岩哂金栗紫薯餅：外面香脆，入面紫薯清甜，亦都食到粒粒栗子係裡面特色三色刺身盛三文魚、油甘魚同帶子，三種都好厚切，而且味道鮮甜，而且仲有乾冰做伴碟，出枱果陣出哂煙，打卡一流🦞湯品：忌廉龍蝦湯入口幼滑而且香味濃郁，而且真係有龍蝦肉係入面🥩主食：初見石燒香草吉列牛睇落好似好怪咁，但食落就冇乜怪味，肉味濃之外仲好淋，煎完之後充滿脂香味。而且仲有溏心蛋，配飯一流板燒安格斯雪花牛肉食左咁多肉，都想食返d菜清清口腔，咁岩呢度就有南瓜同d菇菇做配菜，食完即刻可以食多2塊牛。而雪花牛既脂香味比起岩岩既吉列牛更濃，煎完非常香口🍮甜品日本果汁啫喱🍵飲品熱茶/罐裝飲品