初見

营业中

休息中

上次個post俾人del左，今次再補返個故仔，上次同女朋友去完紗廠，之後上OpenRice 搵野食，見到呢間野咁多好評，5點左右去到又有人排緊隊，覺得實冇死啦，入到去坐低，嗌左刺身，香草牛同安格斯牛肉鍋，先講刺身，呢個穩陣既，放心，但香草牛真係世界級大獲，冇味，唔知食緊咩，究竟係咪牛肉黎，未試過食牛食到咁，牛肉鍋又係咁一樣冇味，呢度都係食冷盤算啦…嬲到d牛放晒係度，然後要再搵第二間野食，平時都少入荃灣，而家直頭驚去荃灣食野再中伏…CLS

媽媽年紀開始大，抽多了時間帶她到處用餐，這日我們來到福來邨的開飯熱店 「初見」。餐牌內，炸物，刺身，壽司，丼飯，拉面，咖哩飯，石燒牛，火鍋，漢堡包都有，小妹最想食香草吉列牛，而媽媽就想食海鮮鍋，套餐人均只係$100，抵食，係來初見既原因。上次黎食過美國安格斯雪花牛，牛肉入口即溶，令我對初見既燒牛有很深印象。幾抵食既套餐升級，+$35 有刺身+南瓜湯/味增湯+飲品先來一碗南瓜湯暖暖肚～仲有熱柚子蜜，好暖呀！！！刺身每款都新鮮，當中三文魚最肥美。熱石煎魚，小妹覺得比生食更鮮美！石燒香草吉列牛外層沾滿綠色香草既吉列牛，炸過後特別香脆，吉列牛輕燒2 面，入口牛味濃又帶點焦香。可以沾鹽或燒汁食，配白飯，好飽肚 。如果對肉質有更高要求，想入口即溶，燒美國安格斯雪花牛，係唔錯既選擇。季節海鮮鍋配龍蝦湯熱門打邊爐有2 款選擇，安格斯牛肉鍋/海鮮鍋，諗左一輪，決定食海鮮，有魷魚，海蝦，沙白， 青口，蜆肉，三文魚等，仲有好多蔬菜，海鮮食材新鮮，又有龍蝦湯做湯底，唔駛沾醬油都夠味。經過可以一試，性價比幾高既日式料理小店。初見荃灣海壩街22號華達樓地下F號舖🌛月光太太

初見平時均有很多人等位去食的,今晚行日又凍凍的便很想去食佢地既石燒.近乎台台都是點了香草燒牛,看見賣相吸引又多件數,難怪一直都有咁多支持者.我地也不例外啦.此款燒牛不用放在石上太久的,因為都不是太厚身,所以看到肉身轉啡色便可開動了.自己可控制熟度呢個是我愛食石燒既原因,再講佢的餐除了有飯仲有糖心蛋,整體來講是不錯,要點埋佢既醬汁就最配了.另外一碗是豬軟骨拉麵,份量適中,軟骨夠淋,朋友很愛食,連湯底都不放過.

27-11-2021 (Sat)同老公由馬鞍山返荃灣,由於冇咩嘢做,就早啲食晚飯後返屋企啦,我哋嚟我髮型師介紹嘅呢間,佢哋開6點,而我哋到嚟時,都已經排長龍,晚市準時開始,好彩到我哋都重有位.呢喥又係掃QR code落單,我哋要咗:3. $68.00嘅初見粒粒原隻軟殼蟹反卷(6件)等咗一段時間至整好,軟殼蟹炸漿又薄又脆,食到軟殼蟹本身嘅味道.2. $88.00嘅安格斯牛肉鍋(味噌湯配白飯),加$8.00轉讚岐烏冬呢個等好耐至到,見到牛肉都唔少,讚岐烏冬口感彈,牛肉灼耐咗都仍嫩同唔韌,雜菜份量都唔算少,而焯於牛肉嘅湯當然好味啲,但又唔會好口喝.老公話呢喥$96.00而且冇加一,抵食過尚青商號,因為佢前一晚自己喺尚青商號食半筋腩麵.1. $38.00嘅和風章魚燒6粒呢個最後至嚟,內裡好熱,有章魚粒,口感同味道正常,不過都正常膩,但加啲wasabi食會減到膩.服務:會自己俾兩杯水同碗仔.環境:係大同闊落,但二人枱冇位俾客人擺嘢,建議枱下加勾或提供籐籃俾客人擺嘢.4.5分抵食係2.8分

🍴初見香草吉列牛 HKD 128幾乎每枱都會叫🎈一份會有埋飯仲配左隻溏心蛋🥚吉列牛用左香草包邊🌿而且厚度剛好👌🏻燒一陣就食得😛入口脆脆地好香口之餘都食到幾重牛味🐮正常食量人士未食哂都已經好飽肚😌如果係食肉獸朋友仲可以追加多一份牛添😂💡記得可以用牛個舊肥膏黎燒住塊石版～再燒吉列牛就唔怕痴底啦😉🍴季節海膽三文魚刺身丼 HKD 118三文魚份量多同埋偏大塊 而且海膽回甘帶有鮮味😋呢個價錢黎講都算不錯🙈而且丼飯既飯底落左滿滿既飯素 令整體味道冇咁單調👌🏻🍴炸和風一口芝士 HKD 45芝士芯係軟滑個隻質地🧀唔似有啲炸到成舊膠咁🤭特別在佢配既醬唔係常見既沙律醬或者千島醬 而係配蜜糖🍯鹹鹹甜甜又冇咁膩😋🍴北海道帆立貝刺身/劍魚刺身HKD 68兩款刺身都新鮮 💩較推薦既係帆立貝 又大粒又飽滿🙆🏻‍♀️劍魚都厚身既但魚油味就稍為弱左少少啦🙈

今次嚟到荃灣行街，肚餓想食日本嘢就嚟到呢間「初見」。估唔到咁多車房之間有一間幾有特色嘅日本小店。首先我哋叫咗碟三文魚腩刺身，大大碟份量好多，食落去油脂亦都好豐富。可以點啲檸檬汁令到鮮味更加突出。跟住個照燒豬軟骨豚骨湯拉麵個湯底真係有濃濃嘅豬骨香，啲麵條亦都好爽滑彈牙，食得出佢係有心機整，唔會差過平時出邊食嘅拉麵舖。最後叫咗個特色小食拼盤，個明太子雞翼真係好好食，燒得啱啱好，啲肉唔會太乾身，亦唔會見到血，有機會會再嚟呢間食。

💥✨荃灣 - 初見✨💥呢間人氣好高，長期好多人排隊，所以一定要早d去搵位！冬天來啦，想食d暖笠笠嘅野食！一定要叫鍋物😍😍⭐️海鮮蕃茄炒意粉 $68好多料，啖啖都食到海鮮👍🏻意粉配上蕃茄汁，好好食，唔係出面俾d茄汁撈意粉個隻，係蕃茄煮成蓉嚟撈意粉🍝⭐️月見牛肉鍋 $68呢個係熱門之選，幾乎每一枱都會有一個人點呢個鍋，份量多，牛用安格斯牛，唔多肥膏👍🏻好多配料，食完超飽😃☺️📍初見 (荃灣)

荃灣有一間隱藏於海壩街尾的日本料理，長期都要排隊等入座，就算是平日的晚上8點多也要排隊，非常誇張，我和太太間中也會來碰碰運氣，而當天正好等待人數不多，可以成功入座位置（7/10）：餐廳設於海壩街尾的福來村對面馬路，感覺不算太方便，但其實附近就有天橋直達愉景新城，而海壩街頭就是有名的路德圍環境（8/10）：裝修簡約中帶有日式風格，用上樹枝作為店頂裝飾，配合像鳥籠的酒架，和諧中帶點特別服務（8/10）：餐廳需用QR碼下單，但亦設實體餐牌，出餐快，店員有禮貌，而收銀位置設有消毒潔手液食物（9/10）：這間日本料理比較出名的是日式火鍋，同時亦有燒肉、刺身、壽司及小食等選擇，品質都不錯季節海鮮鍋 龍蝦湯配白飯 ～ $88這個鍋物用上龍蝦湯底，材料有八爪魚、沙白、海蝦、蝦仁、蜆、冬瓜、冬菇、紅蘿蔔、豆腐、椰菜、金菇、蒟蒻及日式魚蛋，材料相當豐富，海鮮亦夠新鮮。忍不住把湯倒在碗內喝，味道鮮甜香濃，而食材足夠入味及送飯安格斯牛肉鍋 味噌湯配白飯 ～ $88這一款鍋物用上味噌湯底，相對沒龍蝦湯鮮甜，但味道夠香。主菜的安格斯牛肉肉質鮮嫩而且油花均勻，用了打邊爐一流，配合湯內差不多一樣的配菜，包括冬瓜、冬菇

難得入荃灣食野，諗住嚟試下依間人氣小店。佢距離地鐵站都唔算近，要行一段路先到。我接近7點嚟到，已經見到出面聚集左一班人，攞左飛之後就開始漫長嘅等待。餐廳有限時60分鐘，如果第一輪入嘅話其實食得相對較趕，不過店裡面檯嘅數量唔多，所以就算有限時都要等得比較耐，我最後等左一個鐘先有得入。餐廳用QR code點餐，除左日式野之外仲有西式燴飯、漢堡可以揀，種類都幾多元化 。不過人氣no. 1始終係吉列牛，所以今次都係專程為左吉列牛先食依間。同朋友諗住share食叫左兩樣野。初の特選小食拼盤($98)甘栗紫薯餅、明太子雞翅、一口芝士、雞軟骨餃子每款有兩件，味道就正常發揮無咩特別，不過明太子雞翼係幾足料，唔錯。但如果以小食嚟講我會覺得依個價錢有少少偏貴。 初見香草吉列牛 ($128) 配白飯、溏心蛋追加吉列牛($98)因為唔想食咁多飯，所以乾脆叫一個set然後再追加吉列牛，分量對我地兩個女仔嚟講係啱啱好。吉列牛嘅外皮係綠色，用左香草包住真係幾特別，不過可惜香草味道唔係太突出，變相食落覺得同普通吉列牛分別唔大。肉質部分都算係軟嫩，但未去到入口即化嘅程度，如果同我之前食過其他間嘅吉列牛相比，會覺得相對比

今日初見 "初見"， 好在一早訂左位， 但去到都要排隊。 餐廳位於荃灣海壩街， 餐廳主打日本菜， 重有提供Fusion 食物， 乜都有得食。 裝修走日系文青路線， 啱哂我呢d偽文青。是日晚餐初見香草吉列牛，+ $35 有刺身同湯季節海鮮煱初見香草吉列牛， 自己燒自己食， 吉列牛外面圍滿香草， 味道好香口， 牛肉厚切， 入口即潤， 非常嫩滑，牛味充滿口腔。季節海鮮煱，唔洗講野， 新鮮海鮮做湯底， 鮮味，甜味完全滲哂去湯底度， 大家真係要飲多幾啖湯先好食海鮮， 海鮮配料有蝦，青口， 蜆等等， 加埋個龍蝦湯底配白飯， 真係可以食多幾碗飯。

天氣凍冰冰有啲想食打邊爐，但係又唔想自己煮，所以就落咗黎屋企附近嘅呢一間日本野嗰度食啦。平時經過都見到好多人，難得今日早咗所以就同屋企人落嚟食。就算係六點幾已經有幾台客喺度話果然係名不虛傳。我就叫咗一個豬軟骨拉麵，而屋企人就叫咗一個安格斯牛嘅窩物🤪價錢上都唔係好貴，同埋佢唔收+1 ，更加抵。我哋加多左一個追加可以食埋刺身加麵豉湯同埋一杯嘢飲，見佢有玫瑰花茶我哋就揀咗呢一個加$12仲可以變一壺添兩個人飲啱啱好。豬軟骨拉麵啲豬軟骨都好林同埋幾好食，份量都幾多下，二安格斯牛份量都唔少😍同埋食落去覺得好新鮮好好食，見到啲人全部都叫香草吉列牛肉，下次可以試吓

今次係小編第一次係食香草既吉列牛 😌話說尋日我地係荃灣既 #初見 開餐。7點前入座，已經坐到8成，是日晚餐如下：🥓初見香草吉 $1️⃣2️⃣8️⃣見到其他食客都點左呢款，我都唔執輸，試下先～吉列牛肉質唔錯，油脂分佈幾均勻，食唔到有筋。加上香草味配搭，食完唔覺油膩。可另外點醬或者鹽，個人比較喜歡點醬多啲…留意返，d火好快熄，搞到我食唔到最後一塊肉😿+$8 換烏冬，但烏冬無咩味，普通野～隔離位叫左個泡菜牛肉煲🍲雖然有泡菜，但係火鍋既配料幾日式。湯底唔多辣，有啲失望。雖然牛肉幾大塊，但無咩牛味～整體黎講，吉烈牛好食d另外叫左個限定小食，醬漬鮑魚（好似係）。估唔到平平地都幾好食，鮑醬油甜甜地，鮑魚有咬口得黎唔韌，推介👍

嬲到要即刻寫食評 未食完就已經發脾氣 😒見open rice 同社交平台見到勁多讚一心同男朋友勁早去排隊 5:30就到諗住正呀食好西 拍拖拖成餐飯 食咩都無味 咩料呀🙄🙄🙄噢…. 極度失望囉 落車勁大 唔叫難食 但成餐飯 食完個口勁淡😅😅毫無滿足感🥲💔真係唔會再見👋

.#哈比四圍食 #荃灣 #荃灣美食🐮 香草初見吉列牛 $128 一上枱就雙眼發光了🤩一碟靚靚嘅牛柳比滿滿嘅香草包住，落少少牛油自己慢慢煎，想幾生幾熟你話事😁牛肉冇乜筋位，好淋好重牛味🥰🍱 蟹子三文魚丼 $88超厚切三文魚腩6大塊😋又有蟹子、蟹柳、玉子，好足料，超抵食🥢 特選小食拼盤 $98呢個價錢超抵食，勁多款，紫薯餅、明太子雞翼、一口芝士、雞軟骨餃子，全部都熱辣辣，係熱氣嘅但好味😆📍 初見 (荃灣)荃灣海壩街22號華達樓地下F號舖

香草初見吉列牛 $128 (+35$ 配刺身+麵豉湯+飲品）上台嘅時候火光熊熊，見到係一條牛柳，出邊用啲香草包住左，仲配埋少少牛油比你自己煎牛扒，聽到d吱吱聲都已經流口水🤤季節海鮮鍋(龍蝦湯) $96上台已經用個爐滾住上，另外仲有一大盆海鮮，有蝦，蜆，魷魚，三文魚柳，湯低唔會好杰，不過好香濃，配海鮮🦞食岩岩好😍😍炸雙拼雞翼 (明太子雞翼+芝士餃子雞翼) $682款雞翼有四隻，隻隻都大大隻脹卜卜，咬一啖入邊啲餡料就爆曬出嚟，芝士好好味😋 明太子咸咸辣辣，雙拼就可以一次過食哂2款剌身拼盆(+$35套餐）有三款魚🐟，每件都厚切，食到魚油香味，顏色好靚好吸引，絕對新鲜