初見

营业中

休息中

人係有時好喜歡懷念過去的，我都唔會例外，福來村係我由細住到大的地方，我每過一段時間就會去果頭搵返以前餐廳食。今次回憶餐廳係初見， 好似已經超過一年多無來了， 味道依舊keep 到，人氣仲要幾旺下，一轉眼已經座滿人客。🔯 初見香草吉列牛 ～ 謙謙話太耐冇食過燒吉列牛，所以叫左一份比佢自己燒，衰豬又燒得唔錯， 仲分左一件比我食， 吉列牛邊邊有香草包住，外邊脆內裡腍腍。🔯 照燒豬軟骨拉麵（轉地獄湯）～ 拉麵掛湯唔錯，但地獄湯再辣d 會更正， 因我比較愛刺激濃味， 豬軟骨份量十足炆得入味可口。

今日難得出到荃灣就嚟到呢間又平又好食嘅日式餐廳食🙈//🦐季節海鮮鍋 (龍蝦湯配白飯) $88龍蝦湯好濃🤤撈飯食真係一流，海鮮有蜆、蝦等等，好足料😻最緊要食完一啲味精味都冇👍🏽完全係真材實料~~🥩安格斯牛肉鍋 (味增湯配白飯) $88好多牛🙈而且牛味濃得嚟又唔會好肥，味增湯底清甜😋仲有好多菜同配料~加咗$8轉烏冬，食完唔會覺多好膩🤪🥚溏心蛋 +$12正常發揮🙊不過佢漬得幾人味~撈飯同麵都好正😚

老婆掛住日本，同佢黎荃灣平平地止下心癮。排隊都抵嘅，無加一百零蚊有石燒牛食喎！賣相好得，用香草包邊視覺效果超靚。牛肉肥瘦均勻，用附送嘅牛油喺石上面搽一層油，再放上幾塊吉列牛燒得香脆。點海鹽、燒汁醬都好味，拌飯同溏心蛋，滿足！安格斯牛肉鍋湯底濃而不咸，料足，有魚蛋片、豆腐、鮮菇、菜、蒟蒻等等。安格斯牛嘅質素不俗，烚兩烚佢保持軟嫩。入到舖真係另一片光景，好有feel，仲有部電視播住日本街頭閒逛嘅影片，有心營造氣氛。

同新同事係公司附近食飯，佢揀左依間日本嘢😋唔係好肚餓嘅我就叫左個安格斯牛肉豚骨湯拉麵，拉麵湯呈奶白色，非常清甜。安格斯牛肉肉味濃，肉質嫩口，唔錯。同事就叫左初見特選蟹王刺身丼，個日無海膽所以就轉左蟹籽。雖然睇落細細碟，但份量都幾足！除左蟹膏蟹籽外，仲有吞拿魚蓉，帶子同玉子！樣樣都好新鮮！個飯底撈咗飯素，食落更有層次！另外追加左一份刺身+湯+花茶刺身有4片，都唔錯。花茶未入口已經散發花香，十分清新。

荃灣今日嚟到荃灣區搵朋友食飯喺愉景新城行完街之後就開始搵嘢食啦朋友話附近有間好出名嘅日本餐廳叫初見 見到近近地就過咗去試 愉景新城行過去都係8分鐘左右間舖頭喺屋村下面唔算難搵因為個招牌都幾明顯，就咁睇門口以為好細間點知入到去樓底原來好高好闊落由於太肚餓嘅關係我哋兩個人總共嗌咗三個餐😆日式叉燒豚骨湯拉麵 $68+$35 套餐(刺身+湯+熱飲)套餐有兩片三文魚刺身，兩片吞拿魚刺身好新鮮好厚，南瓜湯超級好飲👍🏻👍🏻👍🏻👍🏻👍🏻👍🏻👍🏻👍🏻日式叉燒好香 唔太肥 唔會太鞋颯颯 中意個拉麵湯唔會覺得咸😋份量再多啲就好🤪照燒豬軟骨豚骨湯拉麵$68豬軟骨比較濃味 都煮得多腍 唔錯和風燒餅汁牛肉漢堡包配炸薯條$88食呢個漢堡好似食緊章魚小丸子咁🤣因為個和風燒餅汁做得太好，估唔到同牛肉有幾個夾😚食左咁多人均消費都係$130左右！抵！Janna 翻撻指數：8/10🥢🥢🥢🥢🥢🥢🥢🥢

好耐都冇食過呢間餐廳，想食吉列牛扒嘅心癮又起，當然同朋友就去咗呢間餐廳！呢度用barcode比你自助落單唔使等職員嚟先落到單好方便而且啲餐具係獨立包裝好衛生！✨初見香草吉列牛（套餐）前菜❤️刺身真係超級厚切，而且所有食材都好新鮮！食完刺身會想下次嚟食呢間餐廳啲刺身丼飯呢！❤️南瓜湯超級濃郁！味道完全可以媲美正宗西餐廳嘅南瓜湯！估唔到呢間餐廳前菜令到我朋友咁滿意呢😝😝❤️ 初見香草吉列牛吉列牛嘅份量都幾大，而且充滿香草味！牛肉沒有筋而且接近入口即溶！❤️溏心蛋真係超邪惡而且好入味，入邊嗰啲半熟糖心蛋黃係甜甜地㗎，充滿醬油嘅香味同蛋黃味！✨季節海鮮鍋龍蝦湯（配讚岐烏冬+8）性價比超高！$88就食到咁多海鮮！包括有蜆肉、蝦其他甲殼類食物等等！而且個湯好甜同埋返到屋企都唔覺得口渴！值得一讚就係啲海一啲沙都冇，食得好開心！❤️ 讚岐烏冬雖然要加$8但係完全係值得嘅！因為咁先可以用烏冬索啲湯汁！烏冬好滑！

❣️荃灣性價比日本菜初見創作料理 ❣️哥哥同我一樣都係超級鍾意食日本菜🇯🇵一個星期平均食三次壽司🍣 初見創作料理係哥哥鍾意食嘅其中之一🌟我鍾意嚟呢度其中一個原因係勁近屋企😆就喺愉景新城附近好就腳💗我哋每次嚟到都一定會叫兒童壽司🍣佢哋嘅蟹籽壽司！蟹籽份量真係超級多😍🍗炸芝士餃子釀雞翼雞翼釀入芝士、豬肉等餡料🌟半溶既芝士同豬肉混合配上外脆內軟既雞肉入口嫩滑😍多重口感令味蕾滿足感大增😋💛初見邪惡炸薯條一見到個份量真係超級邪惡！勁大碟！薯條又粗又長💓仲有勁香嘅鹹蛋黃味😝薯條外脆內軟！每一條都沾滿鹹蛋黃醬！口感非常刺激🦀粒粒原隻軟殼蟹反卷一碟有六件大大粒反卷！用立全隻軟殼蟹做主體，外層酥脆可四😋原隻蟹包入反卷入面！最外層被滿滿嘅蟹籽包圍住，每一啖非常滋味🇯🇵和風章魚燒一碟有六粒！大大粒脹卜卜！裏面有大大粒嘅章魚同埋菜粒💚分量十足！加埋啲和風醬汁非常惹味😍

隨著疫情放緩,堂食禁令放寬, 又係約埋三五知己去餐廳聚舊嘅好時機。餐廳位於荃灣區, 店名取自納蘭性德嘅詩句,人生如若初見,文青感十足。當晚天氣不穩定,暴雨傾盆, 堂食顧客得小貓三兩隻, 環境清幽寧靜, 比平時門庭若市門外長龍嘅景象 截然不同,頓時有另一番感受。我哋叫咗兩個餐, 分別係一個鍋物同一個意大利飯。鍋物方面,我哋叫咗個季節海鮮鍋,湯底係龍蝦湯, 近鍋物配埋白飯。龍蝦龍蝦湯底鮮甜好味，唔會太咸，海鮮嘅份量合理，有蜆肉，青口，蝦仁，鮮蝦，三文魚同埋大蜆。 海鮮尚算十分新鮮。另外我哋亦追加咗一客烏冬, 只係追加多12蚊相當超值, 追加嘅烏冬品種係讚岐烏冬。讚岐烏冬麵條呈正方形，口感較煙韌彈牙, 麵條索曬啲海鮮同龍蝦湯,味道相當開胃及惹味。喺意大利飯方面,我哋叫左北海道帶子黑松露意大利飯, 北海道帶子十分清甜可口,而且相當大粒,配以上等嘅黑松露點綴, 為意大利飯增色不少, 美中不足嘅係正宗的意大利燉飯通常為只有八成熟的夾生飯，這種口感與亞洲人習慣的熟爛米飯不同, 唔係好食得慣!

今日嚟到位於荃灣嘅初見，平日8點幾唔算好多人，嚟到就即刻可以入座！🥩初見香草吉列牛 配白飯 糖心蛋（$128）吉列牛有淡淡香草味，鐵板自己燒可以自行控制生熟度，我就鍾意煎到佢7成熟左右，唔會韌😆，鍾意重口味啲嘅話，可以蘸埋鹽同醬油，吉列牛嘅份量都幾多，夠餸晒成碗白飯～🍲安格斯牛肉鍋 味噌湯配白飯（$88）份量都尚算多，牛肉都唔會好鞋同好韌，鍋入面嘅配料大概有五至六款，而湯底嘅味道就比較淡～80幾蚊嚟講算不錯！🍣刺身、湯品、飲品（+$35）刺身分別有三文魚同吞拿魚各兩舊，兩款都新鮮，同埋切得幾厚，啖啖肉，三文魚會好食啲🤣！湯品方面可以揀麵豉湯或者南瓜湯，今次就揀咗南瓜湯🤣不過飲落味道較淡，亦有少少稀🥲

媽媽點名要again 的日式烤肉店作為母親節飯沒有預約服務，晚上等了近一個小時，門外也沒有椅子之類的，老人家站了很久建議有預約/電子排隊服務食物量不是很多，混合配搭起來可以吃到不同的食物我們3個人，要了一個香草烤肉套餐+追加一份肉、肥牛鍋套餐，剛剛好肉很新鮮，滿足

日式吉烈豬扒一向都會有一種不可抗拒的美味感，有時候我也忍不到要叫的，這次選了一個日式炸吉烈豬扒烏冬，以及餐飲則選了柚子蜜。吉烈豬扒大小來說，比一般的大，肉汁仍然存在，外脆內具咬口，旁邊也附有沙律醬。除了豬扒外還有沙律菜配搭芝麻醬，口感尚算清神的。烏冬方面，顧客可以選擇拉麵，我這次選擇了烏冬，豬骨湯底濃郁，有兩片紫菜、筍、粟米，烏冬份量多，絕對足夠大部份人士進食，性價比來說挺高的。大家不妨一試午餐。

📍#初見 (#荃灣)荃灣海壩街22號華達樓地下F號舖♡推薦程度: 🌕🌕🌕🌕🌗🔺🔺🔺🔺🔺🔺🔺🔺🔺🔺🔺🔺🔺❣#煙三文魚明太子炒扁意粉💰$88明太子味頗濃郁 意粉軟硬適中每一啖嘅夾雜着啲煙三文魚好好味 不過建議同朋友分享 食完都有少少膩❣️#日式叉燒豚骨湯拉麵💰$68豬骨湯底都ok😋裏面亦有一般拉麵都會有嘅配料 包括有紫菜、荀等等 個荀好爽口但拉麵嘅主角有點失色 叉燒比較乾身🥺❣#南瓜餅💰$28@1外皮香脆 南瓜味香甜 從夾雜咗少少紫菜喺入邊加埋沙律醬 整體感覺很不錯👍🏻

見呢間有好多好評，所以同朋友Book左晚上去食，一入到去啲侍應真係完全無左個靈魂咁，無人會理你，咁算啦，因為只係岩岩開始食姐，心諗錯覺黎姐。咁落單係嘟code自己落既，叫哂野食，朋友都叫左杯生啤，過左一陣侍應就擺底左隻杯+一罐asahi辛口（唔係asahi生，產地不同），原來咁樣就係生啤，盛惠$28（值唔值就自己考量）。之後朋友倒完個杯叫佢收返走個啤酒罐，叫完唔知佢係聽唔到定扮聽唔到啦。叫左個香草牛，呢個話哂都係招牌菜呀，咁就梗係要試下，一上菜，需要自己燒，但之後食落無牛味連香草味都無，係呢一刻都心諗大撚鑊。之後仲有個龍蝦海鮮鍋，呢個好食，個湯底夠濃，但係個2隻蝦就真係唔新鮮，因為未燒都已經黑邊。仲有個鰻魚飯，呢個又真係幾好食，但條鰻魚都建議可以喺一田買，因為味道大細係一模一樣。到我哋差唔多食完一個鐘頭後度，侍應最後先至上最後一個軟殼蟹壽司，問點解咁遲先上，佢哋既解釋係新鮮炸，聽完真係得一啖笑，因為入面隻蟹係凍嘅，仲好重油溢味。最後總結，其實到呢一刻都唔明點解會有咁多好評，明白香港人生活大壓力，唔係俾錢大晒，但其實喺服務上呢一part真係可以做得好啲。話佢哋冇服務又唔係，但侍應係連對答

🐝 初見 (荃灣)🐝…✨安格斯牛肉鍋(味噌湯配白飯) $88睇圖就知佢勁大盤安格斯牛肉！🤩紋理又好靚，😚食落唔靱好正。佢哋嘅生薑洋蔥自家調醬汁好清香，好match啲肉‼️😍其他食材都好多，有金菇、日本魚蛋、豆腐、冬菇、椰菜、紅蘿蔔、獅子狗卷！勁豐富勁抵食呢😋😋…✨安格斯牛肉豚骨湯拉麵 $68個拉麵嘅肉超多，拉麵🍜麵質都夠淋，而且牛肉都唔韌，😚同埋個湯都好濃好夠味‼️好好味😍另外，我地再加$35就有刺身+西式南瓜湯+飲品！😆😆好抵好正啊‼️…整體評分食物：🤍🤍🤍🤍服務：🤍🤍🤍🤍環境：🤍🤍🤍🤍🤍價錢：🤍🤍🤍🤍🤍…📍 荃灣海壩街22號華達樓地下F號舖

📍#初見#MFJ荃灣 #MFJ日本菜人均消費: HKD98又要覓食時間，今日去咗荃灣海壩街嘅初見 @shokenhk ！ 聽講依間係超人氣餐廳，長期排長龍😱 佢個香草吉列牛最出名！ 餐廳完全係行文青工業風！你唔講我以為係Cafe 🤣 雖然餐廳唔大，但佢樓底好高，所以好有空間感好舒適！ ⭐️初見特選海皇蟹刺身丼🍱$98見到依個Set Lunch 已經心心眼😍 上枱時有少許驚訝，因為佢用西式碟放日式野😅 睇落細細餐，原來都幾足料！有蟹膏，吞拿魚蓉，海膽，帶子，蟹柳，蟹籽同玉子！每樣都幾唔錯同新鮮！飯撈咗飯素，令到食起上嚟比較香口有口感！份量剛剛好！雖然無食佢個香草吉列牛同鍋物，但我都明白點解話好多人排隊！佢性價比都算幾高，按呢個質素喺出邊冇可能咁平！下次要試吓佢個吉列牛！#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #japanesefood #japanesecuisine #ja