初見

营业中

休息中

好期待呢一間嘅吉列牛好耐！😍因為佢哋嘅獨家配方，真係好吸引，係牛扒上邊加上秘製香草，😙牛肉出邊帶上獨特嘅香草香。上檯時係半熟嘅質感，所以有提供一個迷你嘅鐵板套餐🔥俾你燒，等你可以燒到自己想要嘅熟度。❤牛肉嘅份量幾足，性價比好高，而且食落去非常厚實，好有口感。除咗肉之外，🦀我哋都叫咗一個蟹籽沙律，香脆嘅在蟹籽，再加上豐富嘅配菜，🥗營養又健康。初見香草吉列牛配白飯同糖心蛋蟹籽沙律dinner

荃灣區嘢食餐廳選擇非常多，特別係好多特式小店。收工順路就去咗呢間係屋邨入面嘅「初見」日式西餐廳。唔少朋友仔都推介佢個石燒吉列牛同抵食鍋物。果然唔錯，好食之餘又啱晒影相😆。初見香草吉列牛 （配白飯） $128吉列牛平時見唔少，外層係綠色嘅都幾特別。紅綠色嘅搭配出眾，賣相吸引。牛嘅油脂分佈都均勻，燒左嘅牛肉充滿油香，沾埋醬汁再配一啖飯。大滿足！溫馨一題，放牛落去燒之前記得用啲豬油抹下塊熱石，咁就唔驚黐底啦～另外，最尾食埋隻糖心蛋，正呀。季節海鮮鍋 （配白飯）＄88湯底濃郁鮮甜，非常香。湯底同海鮮係分開上，方便你食咩落咩。咁啲海鮮就唔會過熟豐富配料：有三文魚、青口、海蝦、蝦仁、魷魚、蜆肉等。而且量都唔少，滾下滾下海鮮的精華融晒係湯。啖啖滿滋味。另外仲有豆腐、金針菇及蔬菜等。送飯一流😝。*除咗配白飯之外，加少少錢仲有拉麵、烏冬，味素飯可以簡。

餐廳環境非常闊落，雖然餐廳主打石板燒但唔會有太大嘅油煙同油煙味，通風系統都唔差。初見特選蟹皇·刺生丼：店員一放低，眼都突埋！魚生刺生非常足料，份量勁多！好大pat嘅蟹膏，蟹膏食落唔會腥仲好重蟹膏味！海膽仲食到少少海水鹹味，蟹肉一絲絲仲要係粗絲！食到啖啖蟹肉，估唔到竟然仲有兩隻蟹鉗！吞拿魚蓉食到啖啖魚香仲帶有少少魚油！個飯仲有一個特別之處係唔係普通白飯，以係加咗啲紫菜飯素！日式叉燒·豚骨湯拉麵：一開始飲啖湯已經飲到好濃郁嘅豚骨味，叉燒份量都幾多，唔會太肥仲有少少嘅火炙味，拉麵麵質適中有咬口！

呢間日本餐廳門外有很多人等著入座，多人既地方就有好野食係無錯的！果然無令人失望這間餐廳是用二維碼點餐，我們點了安格斯牛肉鍋(味噌湯配白飯)， 日式叉燒豚骨湯拉麵 ，加35元升級套餐 ，有刺身，湯(味噌湯 或西式南瓜湯)，我選了南瓜湯， 另加12元轉凍飲柚子蜜。安格斯牛肉鍋大大片的安格斯牛肉， 十分鮮嫩， 清淡的味噌湯更能突出牛肉的鲜味，鍋裏還有蔬菜，鮮冬菇，竹輪卷，金菇等，非常豐富.日式叉燒豚骨湯拉麵這裏的叉燒和我以前吃過的有點不同， 這個炙燒過的义燒，可以帶出豚肉的脂香， 且拉麵軟滑富彈性， 配上濃郁鮮味的豚骨湯, 令人食指大動。升級套餐刺身有三文魚，油甘魚 ，都很肥美鮮甜 西式南瓜湯很creamy 和有很重的南瓜味， 好好飲。

👧🏻Wodafoodie in Tsuen Wan有時唔想食生冷野又想食日本野咁點算？可以試下呢間出名食吉列牛或鍋物既日本菜😌✨🦐季節海鮮鍋 $88 +$5轉地獄湯海鮮鍋有鮮蝦 青口 帶子 蜆 螺肉 魷魚 三文魚估唔到有咁多種類既海鮮☺️ 有驚喜！將龍蝦湯轉做地獄湯非常明智香濃帶少辣 好惹味！好味到飲左大半🤭 無調味既海鮮 配上呢個濃湯 撈飯一流👍🏻✨🐮安格斯牛肉鍋 $88牛肉鍋配味噌湯 湯頭相對清淡同樣地湯底有好多菜、菇、蒟蒻、竹輪卷、豆腐薄切牛肉好大片😍 油脂分佈平均配埋一個帶蕃茄味既醬汁 幾特別仲可以問店員拎燒汁點牛肉 正😋唔想食生冷野或熱氣野 叫鍋物都係一個好選擇呢到仲要唔收加一😍好抵食呀～📍 初見 (荃灣)荃灣海壩街22號華達樓地下F號舖

尋日同friend去咗荃灣行街，順便喺附近搵咗間日式餐廳食嘢。去到先發現原來餐廳有勁多選擇，日式西式嘅嘢食都有🫶🏻我哋lunch time去到餐廳都幾多人，等咗陣位，所以如果大家想去食嘅話可能就要預返時間啦～-初見特選蟹皇·刺身丼 $148呢碗刺身丼有勁多款刺身！帶子、吞拿魚蓉、蟹子、蟹膏、蟹鉗、海膽、蟹肉、仲有玉子～～啱晒我呢啲乜都想試吓嘅選擇困難症人😂😂刺身全部都幾新鮮，我覺得最特別嘅係佢哋嘅刺身飯加咗好多飯素，令到個飯嘅口感更加豐富，正🫶🏻🫶🏻-北海道帶子黑松露意大利飯 $88兩粒大大粒嘅帶子令人一望就流晒口水，兩面都煎得金黃，熟度啱啱好，口感好滑，香口得來好鮮甜😋表面仲要有好多芝士，勁邪惡！！Risotto帶好香嘅黑松露同忌廉味，creamy得來幾煙靭，粒粒分明而且有咬囗，但食到後尾會有啲膩😵‍💫-套餐升級 +$35升級套餐之後會有刺身，我哋嗰日去刺身有三文魚、油甘魚、仲有帶子，都幾新鮮。除咗刺身之外仲有湯：可以揀南瓜湯又或者味噌湯，仲要包埋飲品，都幾抵～～

🐻🐻喜歡浪漫 最近見有朋友介紹話荃灣有間餐廳叫初見 個名好浪漫 意味著人生若只如初見有多好 而且好多人排隊食🤔🤔 🐻🐻就決定去試下~ 佢係一間日本餐廳 都真係多人排隊 🐻等咗10-15分鐘先有位😢 🐻🐻食咗：季節海鮮鍋龍蝦湯配白飯 - $88依個有點驚喜 估唔到依個價錢真係有海鮮(本以為得小蟹柳嗰啲) 海鮮種類都幾多 有蝦 三文魚 蛽肉 帶子 青口 魷魚 大蝦兩隻 正正常常 大蝦較為突出 蝦膏都多 肉質鮮嫩 龍蝦湯好香 但食落味道偏淡 不會過咸搶了海鮮嘅味道 但更濃郁會更好蟹籽三文魚刺身丼 - $88三文魚新鮮唔會有雪味 蟹籽量多 而且仲有蟹柳同玉子令到個丼唔會太單調 此丼特別之處係飯有味素 味道不需依賴醬油🤓😏💫回頭率: 4/5 （價錢適中 下次想食板燒吉列牛❤️)

✨初見香草吉列牛（配白飯）$128-有飯有烏冬揀 以吉列牛嚟講比較小見 不過今次都係照舊揀左白飯-一啖牛一啖飯 用飯中和口入面嘅牛油香氣 簡直係一流嘅體驗-香草味都有 但唔算好突出反而唔會搶左牛嘅香氣-吉列皮幾脆 牛油脂分布都均勻 未到入口即化 但係柔軟好食嘅✨刺身+日式豉湯＋飲品 加配$35/汽水+$5-刺身份量唔多 但每件都厚片同無腥味 食一兩塊過下口癮幾好㗎-豉湯較咸但香味好濃✨和風燒餅汁牛肉漠煲包配炸薯條 $88-百分百和風燒汁風味 有小丸子feel～-漢堡牛肉一咬開成口肉汁 無筋-漢堡size幾巨 麵包鬆軟 -薯片熱辣辣

今日晚餐去食日式料理，2位。 試了餐廳No.1人氣之選“初見香草吉列牛” 配讚岐烏冬， 加多$35有刺身（4片），南瓜湯及飲品。 鮮紅色牛肉 配埋 草色吉列粉，令人見到食慾大增。 牛肉 肥瘦均勻 ， 自己用熱石煎熟， 程度由你決定。肉質入口嫩滑， 配埋 脆脆吉列皮， 又是一絕。 烏冬彈牙配上鮮味豚骨湯底， 仲有半熟開邊溫泉蛋， 出品絕不馬虎。另外選擇了一份“安格斯牛肉鍋”配拉麵。 牛肉 大細厚薄適中， 而鍋內配菜充足（ 金菇，椰菜，獅子狗卷，蘿蔔等）一點也不“揸流灘”。 拉麵質地較軟，也是配上香濃豚骨湯， 味道可比專業拉麵店。最後值得一讚的就是牛肉入口前所點的醬汁， 帶甜酸味， 相當惹味開胃。

今次嚟到荃灣區，揀咗呢間人氣料理店 - 「初見」 ，食咗豐富嘅午餐享受一下！呢度喺主打西日式fusion菜，提供各式各樣fusion菜，仲會融合唔同國家烹調方法！所以我就點咗一份安格斯牛肉豚骨湯拉麵，再追加刺身同湯嚟滿足一下自己個胃！刺身有三文魚＋鯛魚，合共四片。而且都係厚身，非常新鮮！安格斯牛肉豚骨湯拉麵安格斯牛肉肉質嫩口，再配上豚骨湯，非常入味又鮮甜！豚骨湯湯底煮至呈奶白色，非常清香，仲有超多配料係入面，如溏心蛋、筍條，蔥，紫菜係入面，好豐富！值得一提嘅係餐廳環境好優美，係呢個咁舒適嘅環境，絕對可以安靜享受用餐。而且呢度嘅服務員都態度好好，非常友善，值得加分！！！

系OpenRice同IG都見到人推介呢間餐廳，所以特登襯週末去食下。餐廳位置唔算方便，由地鐵站行過黎要最少10分鐘，大熱天時都真係幾辛苦。餐廳裏面啲冷氣好弱，基本上入坐之後都係繼續流汗。聽到附近幾枱都有叫侍應幫手添凍水，但啲水其實係唔凍既😂；有啲枱就熱到叫飲品，唔知呢個係咪餐廳既經營手法，但真心，熱到差啲飯都食唔落。食物黎講，我地叫左香草牛、安格斯火鍋，同埋雞翼雙拼。整體水平係非常普通🥲香草牛係一啲牛味都無，類似既菜式可以用差唔多價錢系其他餐廳例如 秘 食到，但人地就好食啲🥲。安格斯火鍋算係多肉既，但都係同一個問題，一啲肉味都無。至於雞翼，話就話一款係明太子一款係芝士，但其實啲調味真係哈哈哈哈，唔特登講你知既話係無可能食得出。間餐廳整體就係名過其實，食完都幾失望😪而且差啲熱到中暑🥵 唔會再訪

“初見”一間有初戀感覺名字的餐廳，就像是初次見面約會的地方。好耐之前聽過呢間餐廳名已經想黎食嘢，終於都有機會黎食喇。“初見”係一間比較平民化嘅日式餐廳，一入門就覺得樓底好高，感覺簡約舒服。近門口位置有個Bar枱，壽司吧同水吧位置上面有個裝滿日本清酒嘅架，天花有樹枝做裝飾，最入corner 有幅假葉牆啱打咭用。呢度最出名就係”初見香草吉列牛” ，當然要試下。另外，我地叫咗”野菜豆腐鍋”同三文魚刺身。“初見香草吉列牛” - 石燒牛，客人可喺石火爐上因應自己喜歡的生熟程度將牛燒熟。呢度用上優質澳洲或美國牛小排，配上流心蛋同日本珍珠飯，份量十足。厚切牛塊用香草包住，肉質香嫩多汁，只需煎到半熟就已經有外脆內嫩嘅效果。“野菜豆腐鍋” - 好豐富的野菜鍋，再加錢轉配礸岐烏冬，個人好喜歡。材料新鮮，用咗日本椰菜同豆腐，再加上鮮冬菇、金菇、蒟蒻、芋絲，只需幾分鐘，成個鍋已經好清甜。本臭想食埋壽司，但怕食唔晒，所以最後只係叫咗碟三文魚刺身試下。刺身大塊厚切，一啲都唔吝嗇。顔色尚算鮮豔，位置應該係魚腩附近，食落有微微嘅油脂味。$45/4塊，抵食。整體服務同食物質素都不俗，價錢唔貴。呢度食物款式好多，吉列牛同

今晚與太太兩個撐枱腳， 選擇了一間日式餐廳。 此餐廳晚上六點開門， 我哋選擇食頭圍唔使排隊。 餐廳環境尚算舒適， 樓底高， 有特色植物環保牆。 餐桌之間有一定距離，有安全感。 唯一美中不足就是洗手間比較狹小，出入相當唔方便。此餐廳用QR Code自助落單。 我們選擇了人氣No.1之選" 初見香草吉列牛配拉麵， 另外加了$35 升級，有南瓜湯 及刺身4片。 吉列牛 肥瘦分佈均勻 口感嫩滑， 但缺乏牛味及吉列粉 略為硬及太厚身。 拉麵較軟身， 值得一讚的就是 豚骨湯底及溫泉蛋👍而太太則選擇了 安格斯牛肉鍋配烏冬，$88 相對性價比較高。 牛肉厚薄適中， 窩裏有菜，金菇，獅子狗卷及蘿蔔。 值得推介～

初見💛野菜豆腐鍋 (味噌湯配白飯) $58轉日式味素飯 +$8升級套餐 (刺身+西式南瓜湯+飲品) +$35飲品：檸檬茶 +$5安格斯牛肉鍋 (味噌湯配白飯) $88追加雞蛋 +$6轉拉麵 +$8升級套餐 (刺身+日式麵豉湯+飲品) +$35飲品：凍柚子蜜 +$12人均消費: $127.5 (2人)-野菜豆腐鍋 (味噌湯配日式味素飯)🥘入邊有冬菇 鴻喜菇 娃娃菜 椰菜 豆腐同埋獅子狗x2 鳴門卷x2🍥佢嘅菜同菇個份量好多😝個豆腐滑捋捋 好軟熟🤤不過佢嘅獅子狗同鳴門卷係屬於粉狀嗰隻軟林林 唔係煙靭嗰種🥺加咗$8轉做日式味素飯雖然佢嗰啲日式味素係幾好味😋但係本身個鍋入邊有湯可以就咁白飯撈湯都OK🤤所以唔使特登加錢要味素 都OK🥺不過佢好大火🔥 成日都驚佢個鍋啲火整到我🤣·刺身🍣每份刺身有三文魚x2+油甘魚 (唔肯定係咪👷🏽‍♀️)+帶子好新鮮😝高質 好味🤤(我唔知仲有咩可以講🤣)🐷：刺身好新鮮 幾好食🤤唔知咩魚(粉紅色嗰個)巧巧食 冇根～·西式南瓜湯🎃好creamy嘅湯比較飽肚嘅湯🤤好重南瓜味😚自然嘅甜味～🐷：湯好飲 南瓜湯好大南瓜味 真材實料 唔錯 不過唔夠cream·日式麵豉湯🥣麵豉落嘅

呢一間喺荃灣嘅隱世日式料理餐廳🇯🇵🍴最出名一定係佢哋個初見吉列牛🤩想試好耐嗰日就同朋友嚟咗食🥳.📌初見香草吉列牛(配白飯, 溏心蛋) $128呢個吉列牛嘅賣相好靚 用香草包住個牛 見到都即刻忍唔住燒黎食💚隔離有三舊細細地嘅肥膏 係當油搽上去 等吉列牛燒得更香口同埋冇咁易燒焦🔥個香草味好香🌿炸皮薄得黎又夠脆 肥瘦適中而且油脂分布均勻 肉質淋身亦冇乜筋🐮不過最可惜嘅係佢冇乜牛味肉味😟所以點一點個醬油同埋鹽就好好多🧂溏心蛋好流心 仲有啲醬油味🥚.📌季節海鮮湯鍋(龍蝦湯配白飯) $88呢個海鮮鍋好抵食 無論係味道同份量都好值呢個價錢🤑海鮮有蝦🦐三文魚🍣魷魚🦑青口同埋蜆 好足料👍🏻所有海鮮都好新鮮 除左有兩隻蝦係雪藏嘅有少少腥🫣鍋入面仲有椰菜🥬菇🍄豆腐, 芋絲, 竹輪等等嘅配料 好豐富😚個龍蝦湯亦都好濃好鮮 用黎送飯一流🦞而個白飯係用左珍珠米 食落好香🍚