刀鋒寶貝 (已結業)

刀鋒寶貝下～食車仔麵星期六放工去黃大仙行下，行上去近鳳凰村，平時好少去，發現原來銀鳳街四處都係車仔麵店，一條街入面起碼六七間，鞋道黃大仙居民特別喜歡食車仔麵，行經一間叫做刀鋒寶貝，見到個店名咁特別，原來也是一間食車仔麵店，於是坐低睇吓有咩食。門口見到招牌名特別好友武林小說嘅feel，望入店內座無虛席，所以也等了一會兒才有位坐。叫咗兩碗車仔麵、酸辣湯水餃及兩個小食，一碗係麻辣湯底米線，有四樣餸包括牛腩、牛肚、牛柏葉和魚皮餃，牛腩炆得好入味，牛肚牛柏葉好爽口，不太好魚皮餃的我也覺得很好味; 令一碗係三餸喇沙湯底油麵，有牛筋、豬軟骨、豬皮，喇沙湯底嘅車仔麵都係第一次食，好有特色；酸辣湯水餃嘅酸辣湯比得上某些上海食店啲酸辣湯，配上韭菜餃，令到酸辣湯變得更豐富。本身叫咗三樣小食，其中一樣掂嘅特色小食刀鋒寶貝雞翼已經沽清，今次冇機會食到，令一樣秘製牛展，配上秘製嘅蒜蓉酸汁，同一般嘅滷水牛展唔同嘅就係佢開胃，令一個係麻辣豬耳，10分爽口。

車仔麵車仔麵個靈魂係湯底，湯底一差成碗都會差，我叫左麻辣一黎到當然係飲啖湯先，麻煩湯味濃度適中唔會好擔喉，咖哩魚蛋都彈牙冇失望。滷肉雞髀飯雞髀係新鮮炸既👍職員都通知左一聲需要15分鐘，新鮮炸值得等啊。黎到時熱辣辣食滷肉先好足料，肉有肥有瘦不似出面全肥降低成本，雞髀炸得岩岩好唔會炸到乾珍珍又嫩口。麻辣豬耳麻辣係濃味不會流，豬耳又爽口片片都會有軟耳，廚師有篩選過既。酸辣湯餃子一見到碗野都怕食唔晒...因為太足料啦，出面好多都好稀水多過料，餃子都唔係六定既會食到冇咁乾身，酸辣湯調味唔錯唔會好淡冇味。

一入門口見到有店員喺度包水餃,咁呢度嘅水餃就係自家製嘅唔係入貨返嚟嘅水餃,咁一定要一試啦,而且我仲企喺度望咗一陣佢點包,個員工又好大方唔介意我偷師,影左張相,包得好靚!!!包水餃真係考手工,工多藝熟!""自己包嘅水餃係真係唔同㗎例如個餡都已經唔同,個餡係特別飽滿多餡D嘅,而且嗰個肉味會係鮮d嘅!!!不過個皮唔算好薄!!呢碟刀鋒雞翼真係辣得過癮,千其唔好睇小佢,佢嘅辣係你初初食落去無咩感覺,但後黎條脷就會麻,額頭開始會流汗,但係呢種辣度係食得到既,唔會話辣到個胃會痛,但真係好刺激!!!正!!!而且4隻都係賣$18,6隻$24!!!跟餐嗌一碟滷肉油菜都係加$10,比平時淡茂茂嘅烚菜多一番味道,依碟野講真送飯一流,有肉有菜有飯既話當一餐都得,哈哈!!!豬軟骨+八爪魚丸+蟹柳+蘿蔔+時菜配米線,豬軟骨煮得好淋好嫩好入味,每件都咬到有軟骨位!!!好欣賞佢呢度嘅溏心蛋係分開另上,因為佢呢度嘅溏心蛋係雪凍咗嘅,凍食嘅糖心蛋比起熱食嘅糖心蛋食落去較美味!!依碟係車仔麵配料之一嘅酸菜,佢同車仔麵分開另上,酸酸微微食落好開胃!!!估唔到食車仔麵嘅地方都有酸辣湯飲,調味到位,好足料同埋夠熱辣辣!!!如果就咁

當係附近唔知食咩好時，見到十分霸氣的招牌，以為食中菜，再望一望原來係食車仔麵，原來老闆係遊戲機迷，所以店名用刀鋒，另外，坐低看電視時發現播viutv，老闆堅持不看tvb,令我坐得夠安心酸辣湯+清湯餃子酸辣湯真心要讚，感覺是不計成本的超多料，酸同辣度都唔太超嗆，味道剛剛好，係舒服的酸辣，而餃子十分飽滿紮實，酸辣完，又可以清一清重味招牌刀鋒雞翼+秘製辣醬用得店名當然唔會差，老闆話專登煮得淋啲，等人唔洗咬，因為味道已勝過一切，蒜蓉辣椒已經十分足，但又唔麻辣，除左好味唔知點形容，真係試過先知，另外仲有點什麼都好食的辣醬3餸車仔麵炸魚肉雲吞麵、溏心蛋、鼓油王大腸4淨餸金錢肚、蜂巢豆腐、生菜、咖哩魚蛋＄35車仔麵如果唔選擇3餸，就可以變成4淨餸，金錢肚超多超大塊，咖哩魚蛋都大大粒又彈牙。專登選擇比較特別的餸，我估唔到食車仔麵都有溏心蛋，仲要同食拉麵時的質素一樣，大腸超大塊，通常炸大腸先會見到的size，最後炸雲吞食得多，魚肉第一次食，外皮炸得香脆，一咬肉餡肉汁湧出黎，依完的總結是，老闆用資都幾不計成本

蒲崗村 係我經常去嘅地區，皆因屋企係附近， 收工收得晏 去食晚飯都 選擇多， 最近見到銀鳳街斜路開咗新餐廳， 當然要去嘗新。 新餐廳叫刀鋒寶貝， 走平民大眾化路線， 30零蚊已經有交易， 而且學生仲有優惠， 極抵食。 餐廳除咗有車仔麵 之外， 仲有其他小食如牛展雞翼, 亦有持名嘅酸辣湯同埋滷肉飯， 今次就叫咗幾款嚟食。 酸辣湯餃子 酸辣湯勁大碗料勁足， 鴨血豆腐木耳絲, 酸辣度剛剛好唔會太搶喉.。 餃子有六大隻， 每隻嘅料都包得飽飽滿滿。 清湯牛腩飯 牛腩鬆化有肉香， 個湯都幾好，深而不濁。 搭配嘅白蘿蔔清甜入味。 配白飯食一流。 而依度嘅車仔麵 最欣賞嘅係可以揀菜底， 唔一定要食澱粉質。 我哋叫咗四個餸 ，揀咗豬耳，蘿白， 豬軟骨同埋 腩肉， 另外菜底係生菜。 豬耳勁爽口， 豬軟骨入微軟淋， 腩肉層層相間， 唔會太肥。 另外仲叫咗兩個小食， 分別係牛展同埋刀鋒雞翼， 呢兩個小食都係冷盤嚟嘅。 牛展軟硬適中 膠質含量豐富。 刀鋒雞翼 店主特製 蒜味勁而帶辣的醬汁， 蒜味鮮香勁度十足， 讓人食指大動。 最後叫了 凍檸茶和凍檸水， 車仔麵加杯`都只係加三幾蚊， 大杯又解渴。

黎得呢度食既9成都係住附近既街坊所以都算係區內數一數二出名好食既餐廳寶貝雞肶滷肉飯黎到呢到更係要食佢既拿手菜!!炸肶飯呢個炸肶飯唔係得炸肶同飯咁dry仲有滷肉可以撈飯食!!而且份量都幾多下先講隻炸肶, 有成隻手掌咁大而且係生炸的, 一點粉都沒有食落個皮係脆卜卜超yummy的口感而入面個肉質仲係keep到好嫩滑個皮係有胡椒做調味!! 食落係有些少不一樣的!!秘汁牛展呢個牛展小吃, 一共有6片, 上面既配料有蒜蓉同醬汁而牛展本身係帶點辣味, 非常開胃一片都幾厚肉下, 所以幾好咬口, 爽口彈牙!!

呢度除左可以叫飯吃之外仲可以點選車仔麵而材料都是任選的今次叫左個豬紅牛丸金錢肚米線麵的size都算大, 材料都很豐富, 選擇非常之外豬紅超juicy, 唔會太淋而且係keep到爽口既口感牛丸彈牙, 有少少爆汁既感覺金錢肚淋滑, 一定要叫黎試下!!清湯牛腩飯友人叫左個清湯牛腩飯最正係佢分開上的, 份量都算多可以自行決定撈唔撈汁食!!牛腩都幾爽口, 冇痴牙既口感, 不錯不錯而籮白是又大又爽又甜!! 超加分!!刀鋒雞翼味道有點似b仔雞翼尖的味道, 刀鋒雞翼煮既時間應該都幾長下所以非常之入味同淋滑, 帶點點既辣味令人想吃完一隻再吃一隻

同朋友係屋企附近食飯，見到新開咗間車仔麵，就諗住試吓啦！坐低見到餐牌除咗車仔麵仲有好多其他嘢食，搞到樣樣都想試吓，猶豫左一陣，落單嘅哥哥就走過來同我地講車仔麵可以淨係叫餸，咁我哋就可以叫其他嘢食試多啲嘢啦！車仔麵果邊就叫咗四個餸，有金錢肚、豬肚、清湯腩同魚蛋，金錢肚同豬肚都好入味同好淋，而個清湯腩就好爽口唔黐牙，最驚喜係魚蛋佢個咖喱汁雖然唔多，但好好味而且質地好彈牙！咁我本身就好鍾意食酸辣湯嘅，見到佢有酸辣湯當然叫咗碗試下，個酸辣湯好驚喜，入面超足料，而且又唔會太辣！落單嘅哥哥仲推介我哋食雞翼同餃子，佢話雞翼係招牌菜，而餃子係自己包嘅，咁既然係推介當然要試吓啦！雞翼係辣嘅，但又唔會死辣，食落幾好味，我本身食得辣就原全唔覺得辣，我朋友唔食得辣，但佢都食得到而且話幾好味！而碗餃子果然係自己包嘅，食落去好鮮味，菜同肉嘅比例剛剛好！而且店裏面d人好親切，果然做街坊生意係唔同d!

又發現新嘢啦 黃大仙呢邊又開左新嘢啦 ，一間比較親民嘅小店 主要食特色小食 三餸飯 / 麵 ， 老闆娘得閒仲會陪傾計㗎 ！！！ 刀鋒雞翼 睇落平平無奇 其實好入味 好香蒜蓉味 同埋系辣架 ， 上面有枝勁辣既魔鬼辣椒🌶️ 唔食得辣嘅咪搞佢 🥵🥵🥵 ，雞翼都越食越辣 夠晒入味！！🤣🤣🤣 香辣豬耳 / 秘汁牛展 豬耳 食落好爽脆 都系辣辣地架 ，牛展就五辣啦 酸酸地 好有咬口 五會太淋 。 酸辣湯餃子🥟 湯底似系 { 碗仔翅 } 既多料版 🤣🤣 酸酸地 對於夏天咁熱無胃口食就啱啱好啦 ， 餃子都食得出係新鮮包嘅 入邊啲豬肉同菜都 新鮮 。 三餸麵 牛腩 貢丸 糖心蛋 ， 湯底系奶色架 都好濃下 ，糖心蛋 正 😋😋 仲好流心呀 ！！！ 好滑好食 。

住咗係度幾年, 除咗食兩間車仔麵之外, 終於俾我搵到間好嘢啦!! 一間價錢平民化的隱世小食店。秘汁鹵水牛𦟌好有口感, 而且醬汁酸酸辣辣非常醒胃, 試食價只係18蚊一碟, 超值。紅油豬耳, 豬耳好爽口, 咬口好爽脆, 紅油少少辣, 唔油膩, 一試難忘, 試食價都只係18蚊。刀鋒雞翼, 非一般蒜蓉雞翼, 食落口暖暖地沒有凍食停晒油個種油膩口感, 但留有蒜香味道, 4隻18蚊, 6隻24蚊。手工自家制韮菜餃子, 韮菜同豬肉比例非常好, 好味!!車仔麵餸必食推介 - 豬軟骨, 豬大腸, 清湯腩豬軟骨好入味, 據師傅所講用西班牙秘方煮製而成。豬大腸好入味, 腸內沒有過多肥油。清湯腩唔會太冧亦唔會太硬, 有口感亦易咬口。

今日同男朋友途經銀鳳街發現多了一間新餐廳個名幾得意，叫「刀鋒寶貝」喺門口諗住裝下有咩食啦望兩眼就有個哥哥仔行出黎介紹見佢幾好禮貌同笑容盛情難卻一於入去試下味點知一試難忘忍唔住要分享下哥哥仔推介酸辣湯我再叫左一碗三餸飯男朋友就叫左碗四餸担担麵另外再叫左碟牛𦟌添酸辣湯無得頂酸辣度調配得啱啱好湯入面有豬紅、木耳、豆腐等味道好正宗牛𦟌個汁又係無得彈同男朋友爭食咁一塊一塊停唔到口我個滷肉飯都好一流呀$35 好大碗好足料呀滷肉似足我去台灣食嘅味道滷肉肥瘦參半，唔會好油，送飯一流白飯係珍珠米，粒粒分明好飽滿刀鋒雞翼原來係蒜香味原本睇落到冇色，以為冇味啦點知一食落口，成口蒜香味，好鬼正呀豬大腸亦處理得好好冇奇怪味（我最怕奇怪味）呢碗飯我下次一定encore男朋友個担担麵又係足料大碗佢對個豬軟骨讚不絕口好味到一舊都冇分畀我食^_^聽大廚講係西班牙豬軟骨我下次一定要自私食店仔應該新開冇幾耐食完d店員都好好禮貌會問下我地對d野食滿唔滿意有咩意見，有冇野要改善等等呢種虛心同樂於改進嘅心而家係少見嘅值得一讚Btw本來好想問下個店名係咩意思但一坐低就掛住係咁食食食下次一定要問清楚再btw雖然店仔細細但個洗手間真係