刀鋒寶貝 (已結業)

依家疫情咁唔樂觀，落街食飯嘅機會都少左...😓所以有時如果咁岩要出街，都會心思思去揀啲小店去食下野，支持下佢地嘅生意啦!!! 今次嘅小店係黃大仙嘅山上，相信係做街坊生意為主~~ 當日去到小店都只得我地一枱客 但係小店好有心❤佢提供俾醫護人員有優惠，一齊支持醫護抗疫💪🏻推介肉燥雞脾飯🍗 雞脾煎到皮脆肉多汁，真係好好味喎!! 仲係大大隻架喎，估唔到依度嘅脾係咁有驚喜👍🏻 咁比較之下就覺得個肉燥一般，少左台式肉燥果一份油香。台式牛肉麵個湯好清，有少少蔥嘅味道所以都唔錯🍜 牛肉牛筋唔嚡口絕對係可以嘅質素，如果牛筋可以再淋啲就更加好啦😜😋　不過另一方面想講下佢係用油麵，個人覺得同台式牛肉唔係好夾，都係會prefer用台灣麵呀🤔台式香腸份量又幾多喎，差啲食唔晒🙈 煎到少少香口，又隔走啲油，所以唔會食到成口都係油🛢　最後想讚下個龍眼蜜唔會死甜，依家咁嘅天氣真係要好好保護喉嚨，要飲多啲清潤野呀🍯

諗起黃大仙你諗起咩？黃大仙祠？黃大仙除左有廟宇之外，重有美食！今晚約左朋友食晚飯，去左一間叫「刀鋒寶貝」嘅餐廳食飯。見餐牌有個飯叫「日式卷腩飯」，見個名幾得意就嗌個試試。問店員先知原來係將日式叉燒卷成圓形，食落甜甜鹹鹹，脂肪同肉嘅比例大約1:9，所以成嚿食曬都唔會覺得肥膩。呢間餐廳叫刀鋒寶貝，見有個小食叫刀鋒雞翼梗係要試下啦！雞翼用左蒜蓉同辣椒調味。蒜蓉為雞翼添上香味，微辣嘅辣椒令我食起上黎好吊癮！泰式炸花枝丸切開成花嘅形狀，外皮炸得微脆，食入口好彈牙又熱辣辣！配有泰式酸辣醬，想原汁原味食唔點又得，想點又得。嗌飯或麵奉送餐飲。嗌左熱黑糖薑母茶同埋熱玫瑰花蜜果茶。黑糖薑母茶喺呢個天氣飲真係暖入心呀！熱玫瑰花蜜果茶有玫瑰花香，飲落甜甜地，加上玫瑰花，感覺好sweet呀！

今晚約左朋友食晚飯，去左一間叫「刀鋒寶貝」嘅餐廳食飯。坐底睇睇餐牌見有飯有麵重有小食。主食點左雞髀肉燥飯、台式牛肉麵同埋日式卷腩飯。雞髀肉燥飯雞髀係炸嘅。外皮炸到脆卜卜。一咬開，d肉汁即刻流曬出黎！雞髀好大隻，有成隻手掌咁大！除左肉，重有菜。菜唔會有草青味，同肉燥一齊食，送飯啱曬！飯唔係普通嘅飯而係用珍珠米整架。台式牛肉麵有牛𦟌同牛筋，重有白蘿蔔。蘿蔔甜，無楂又爽口。麵條軟硬適中，唔會腍又有口感。牛筋腍身而且入味。小食叫左紅油抄手有兩款餡可以揀，分別係素菜或韮菜豬肉。揀左素菜。餃子有五隻。聽店員講，呢度嘅醬汁係秘製。筆者單憑肉眼，見醬汁用左蒜蓉同辣椒漿混合而成。至於個辣椒醬就唔知用左咩整啦，淨係覺得食入口有d麻辣。重有芫荽同埋蔥。唔怪之得食入口咁香啦！餃子嘅皮厚身，用黎吸d醬汁最啱！咬開見入面有粉絲。好少見餃子餡料會有粉絲，好特別呀！店員話所有野食都係佢地親手即叫即製，不含防腐劑。餃子都係佢地親手包，所以呢度嘅餃子係第二度食唔到架！

-#小肥黃大仙遊連踏左成個禮拜終於有孖Day放下啦🤤🐷🙇🏻‍♂️利申是日特登出黃大仙唔係拜神😏😂朋友總要聚一聚的😈適逢小肥記得呢度有間用遊戲名命名既小餐館😏🎮搵朋友之前一於黎刀鋒寶貝食下飯「打下怪獸」先😏🍚打頭陣既係小肥至愛既蔥油手撕雞飯🐔🤤肉質滑嫩Juicy既手撕雞🐔😋配合適量蔥油拌煮更增添不少蔥油鹹香亦唔會太鹹😆撈飯食係一流配搭之餘🤤😋🍚另外叫多個蒜香爆棚既牛筋牛𦟌小食🐮😋🧄濃郁蒜香配以肉質爽口彈牙牛筋牛𦟌甚具風味的🐮🧄😋另外附上既自家制麻辣醬油更係精要所在🤩🌶微微鹹香甚為開胃🌶😋順帶一提食完同老闆娘閒談說道除左學生全單平8蚊🙇🏻‍♂️醫護人員更全單平10蚊😱仲為左醫護朋友們著想特登送外賣到府上🙇🏻‍♂️少有有咁好又出心出力既良心老闆娘☺️喺呢度疫情艱難時刻真係要多多懲罰呢啲良心黃店🥺💛好心有好報呀☺️😆💛

最近出街食飯．購物，都盡量幫襯良心店舖，今日Lunch都唔例外，黃大仙竟然食到超正雞翼，店內都貼上"刀鋒雞翼"照，一定要試試招牌菜👍🏻雞翼上有辣椒蒜蓉，好入味，重點係出面好難食到咁多汁又唔鞋。再叫咗喇沙海鮮拉麵，湯底好正，又唔味精，好多料...鮮蝦．豆卜．蟹棒．魚片，加多罐可樂...好滿足😋雖然店舖細細，但好乾淨衛生，最重要食物有質數。這是我一向支持小店 用心經營嘅原因。以後喺黃大仙醫肚，又多一個選擇👍🏻

住家味小店星期六去左黃大仙，順便附近食野，食依間刀鋒寶貝，門面新，小店既野食感覺用心D去煮，野食平，所以試下。我地兩人叫左一個面，一個飯同兩個小食。刀鋒雞翼以為係冷盤嘅刀鋒雞翼，原來上台係熱食既，勁多蒜，抗菌重要佳品，又小小辣，夠入味，唔錯。手斯雞粗雞絲配合自家調既麻醬，味道夠，又有雞味，雞肉底下仲有四季豆，都夾，住家味。喇沙海鮮湯轉米粉料係海鮮，有蝦，魚片，豆卜，雞蛋同蟹柳，雖唔係咩名貴食材，但勝在湯底夠正，椰香喇沙湯好味，米粉索晒湯汁，好食。滷肉雞髀飯雞髀係新鮮炸既，所以等左陣，值得等，因為黎到時熱辣辣，雞髀炸得好，外皮脆，入面肉嫩有汁。食飯連滷肉同椰菜，夠晒味，滷肉似台灣味。叫飯或面仲送野飲一杯，要左凍百香果綠茶同埋熱柚子蜜。

到黃大仙祈福後肚有點饑，記得有朋友說過鳳凰邨刀鋒寶貝是自家製作，真材實料。店舖裝修簡潔乾淨企理，親切友善的老闆娘用心介紹食品，我們點左日式麻醬手撕雞$38，手撕雞肉頗多，麻醬勁香，很美味。紅油抄手$40是韮菜豬肉餃有四粒，大大粒很惹味真不錯👍。台式牛肉麵 $48，有牛𦟌、牛筋白蘿蔔。跟餐送飲品，百香果多多，這價錢真超值抵食。喇沙海鮮麵$48，有二隻蝦仁🍤和蟹柳、魚片角、豆腐泡， 小小辣得好味😋。跟餐百香果汁。這餐我們都很滿意，下次回頭再吃其他食品。

好耐都冇同媽咪出去。佢話唔鍾意食味精所以我帶佢上一間好好嘅餐廳。首先呢間餐廳座位唔係太多但係裏邊比較寬敞舒適。1. 媽咪比較鍾意食佢哋出名嘅皮蛋豆腐。這個豆腐非常鬆軟好食好入味。2. 我自己比較鍾意食佢哋嘅麻醬手撕雞。手撕雞雞肉鬆軟易入口易消化。而且配上麻醬嘅麻油香簡直係冇得彈。這款四川名菜亦係中外馳名好多鬼佬都鍾意。佢哋好多湯佢麵湯底唔錯而且刀鋒雞翼與雞出名所以食得好舒服。裏邊有唔錯嘅服務態度而且殷勤嘅服務。

刀鋒寶貝 - 《Garena 傳說對決》唔知老闆係咪好喜歡呢個game呢！？舊區多美食已成為定律，而且多數係小店經營，我就最鍾意支持小店❤️雞脾肉燥飯$48：雞脾好肯定係即叫即炸，入口勁多汁，雞皮勁香脆勁好味😋喇沙海鮮麵$48：湯底十分出色，好惹味！香而不濃，濃而不膩，差d好似拉麵咁飲哂d湯🤭泰式花枝丸$30：又係即叫即炸！抵讚👍🏽肉燥四季豆$28：肉燥香氣撲鼻👃撈飯一流😃值得一提...佢地嘅辣椒醬啲油超正！勁香！記得要試吓👍🏽👍🏽👍🏽飯同粉麵都免費送台式飲品（熱飲/凍飲）都話小店有心做，一定好食又抵食😎

最近有武漢肺炎 所以都比較少出街搵食反而比我係屋企附近搵到間新開的台灣菜醫護人員仲可以減$10添 撐醫護💪🏻💪🏻💪🏻.喇沙海鮮麵🍜台灣菜都有喇沙麵食？仲要係招牌菜緊係要試吓 味道比一般的喇沙甜少少有蝦 蟹柳 豆卜 魚片 蛋 份量都幾多重點是拉麵 夠彈牙爽口👍🏻可轉烏冬/米粉.葱油手撕雞飯🐓同想像中有少許出入 沒有綠色的葱油鋪面卻吃到陣陣的炸蒜香味 有驚喜的配搭加上枱頭的辣椒油 更惹味 帶出雞肉的嫩滑鮮甜p.s.即叫即撕 所以要等大約5-10分鐘.刀鋒雞翼🍗小食來說: 價錢相當親民 $28/6隻雞翼做冷盤會令到雞皮有種Q彈爽口的感覺而且非常入味 是蒜頭和辣椒 相當開胃.牛展牛筋🐄(蒜香/麻辣)有兩種口味選擇…其實是分開上的醬料罷了但不得不承認原味已經好好食😋必叫炆得夠淋夠入味 同時牛展牛筋又保留了咬口麻辣醬又整得幾出色 麻和辣的比例適中.飯/麵類送台式飲品🍈哈密瓜果汁🍹百香果多多.其實也有正宗的台灣料理的😂不要被我誤導~例如肉燥飯 牛肉麵 花枝丸 台灣腸等整體都十分出色 會再光顧支持

上次在黃大仙探訪朋友，在附近走走逛逛，順道吃頓晚餐才走。經過這間燈光光猛、新裝潢的小店，店名很有趣，主打中台式料理，選擇不算太多，價錢中等，一於進去吃吧。一看到刀鋒雞翼這名字，大概是小店主打及招牌菜，那就點個小食雞翼吧。果然不負眾望，香濃的生蒜味、辣椒粒，很驚喜醃得很入味，連皮裡的雞肉也很香，蘸點醬汁更惹味juicy。紅油抄手有韭菜豬肉／素菜的選擇，原本打算試試素菜，但已售罄，不過店員聽到我們想點，立刻說即席包給我們，所以每款三隻，兩款都可以試試看。餃子皮很煙韌，有嚼口，不易爛掉。素菜餃有冬菇粒、粉絲等，很搭配。韭菜豬肉餃則較普遍，出面常常吃到的味道，濃香韭菜味。主食方面較想吃湯麵類，所以點了碗喇沙雞絲湯麵，喇沙湯底甜甜帶點辣， 濃郁喇沙帶椰香，雞絲蠻多，拉麵很掛湯。跟飯或麵附送台式飲品，點了特色的巨峰提子多多。本身提子汁已經甜，所以加上多多就更甜。整體質素高，店員亦關心食物的質素，走過來幾次問我們味道如何，滿載人情味的小店，真難得。

🍗刀鋒雞翼雞翼size中，肉質滑嫩蒜蓉加上辣椒，雞翼入味又夠辣勁！身為辣控，超鍾意呀❤️🍢泰式炸花枝丸新鮮熱辣炸起，香噴噴呢🤤外層金黃，邊邊位香脆墨丸咬落有嚼勁再點埋泰式酸辣醬，認真好味💯🍜喇沙海鮮麵（$48，連台式飲品）配料有蝦、蟹柳、魚蛋、豆卜&雞蛋...麵條有咬口，掛湯力不錯😋叻沙湯底辣勁突出，椰香味較淡！🥤黑糖桂圓茶甜度適中，黑糖味濃郁唔會遮蓋桂圓，唔錯喔👍🏻🍚蔥油手撕雞飯（$46，連台式飲品）同想像中嘅有點出入...見唔到綠油油嘅蔥喔😛每條手撕雞size適中，雞有雞味，正！🥤龍眼蜂蜜滋潤又唔太甜，潤喉之選呀！

餐廳裝修幾整齊企理，座位比較少，繁忙時間可能要等位餐牌選擇都幾多，除咗台式飯麵之外，仲有日式飯同喇沙蔥油手撕雞飯 ($46) 手撕雞份量適中，唔會話太少雞肉，而且都幾嫩滑，每啖都充滿蔥油香味，仲有椰菜同半熟蛋叫飯類同麵類都會送台式飲品，都有好多選擇，仲有幾款養生茶，我就叫咗黑糖桂圓茶，香甜好飲，黑糖味好濃郁，有幾粒圓肉，好有口感肉燥四季豆($28) 肉燥夠惹味，又唔會太油膩，送飯一流，而四季豆都保持到鮮脆口感

同媽媽黎黃大仙呢邊拜完年，順便去黎呢到食野，上次黎食喇沙湯底，一試難忘。以前系做車仔麵，不過今次黎轉左型，做日台式料理。今次多左個好熱情既店員，非常有人情味既小店！有熟客心大心細又想食呢樣又想食果樣，比佢照樣樣點少少。【喇沙海鮮麵】$48有鮮蝦、蟹柳，魚片、豆卜，最正都系個湯底，勁多炸蔥頭，更香更惹味。【日式牛肉丼】$48好食過連鎖店既好多！！！一黎牛肉吾會勁肥，二黎真系好香，鹹度甜度好balance。【泰式炸花枝丸】$30外皮少少煙韌，內埋彈牙既墨丸。【台灣香腸】$30幾多肉汁下，切返殊少少就更好。叫小食可以加配熱飲$6，凍飲$8【黑糖薑母茶】&【百香果多多】

啲人成日話黃大仙係美食沙漠 其實都唔係姐 我覺得佢都有幾多地道嘅街坊店都質素唔錯🧐今次試嘅依間刀鋒寶貝又平又好味 充滿人情味嘅小店永遠都係我嘅最愛☺️-🐥葱油手撕雞飯 $46一上枱就聞到超香葱油同麻油味🤤手撕雞份量超多 差唔多蓋哂成碗飯🤣啲雞肉夾雜住少少脂肪 邪惡得黎真係超好味最正嘅一點係佢上面舖滿炸蒜 一級棒🥰-🍜台式牛肉麵 $48除咗台式麵你仲可以揀烏冬或者米粉想正宗啲我就揀返台式麵😏一嚟到啲牛𦟌多到嚇親我湯既味道啱啱好唔會太濃太咸 重點係 蘿蔔超甜啊🤩-🍳皮蛋豆腐 $28個人認為係必點嘅小食🧐冰凍嘅豆腐無論口感定味道都係無得頂😼加上皮蛋同埋秘製嘅麻油 又香又惹味😆-食到超飽都只係幾十蚊 真係好抵食啊😍重店係平得黎係真係好味真心食得好滿足 絕對推介呀🤣