影片
更多
2019-11-04
42 浏览
一入門口見到有店員喺度包水餃,咁呢度嘅水餃就係自家製嘅唔係入貨返嚟嘅水餃,咁一定要一試啦,而且我仲企喺度望咗一陣佢點包,個員工又好大方唔介意我偷師,影左張相,包得好靚!!!包水餃真係考手工,工多藝熟!""自己包嘅水餃係真係唔同㗎例如個餡都已經唔同,個餡係特別飽滿多餡D嘅,而且嗰個肉味會係鮮d嘅!!!不過個皮唔算好薄!!呢碟刀鋒雞翼真係辣得過癮,千其唔好睇小佢,佢嘅辣係你初初食落去無咩感覺,但後黎條脷就會麻,額頭開始會流汗,但係呢種辣度係食得到既,唔會話辣到個胃會痛,但真係好刺激!!!正!!!而且4隻都係賣$18,6隻$24!!!跟餐嗌一碟滷肉油菜都係加$10,比平時淡茂茂嘅烚菜多一番味道,依碟野講真送飯一流,有肉有菜有飯既話當一餐都得,哈哈!!!豬軟骨+八爪魚丸+蟹柳+蘿蔔+時菜配米線,豬軟骨煮得好淋好嫩好入味,每件都咬到有軟骨位!!!好欣賞佢呢度嘅溏心蛋係分開另上,因為佢呢度嘅溏心蛋係雪凍咗嘅,凍食嘅糖心蛋比起熱食嘅糖心蛋食落去較美味!!依碟係車仔麵配料之一嘅酸菜,佢同車仔麵分開另上,酸酸微微食落好開胃!!!估唔到食車仔麵嘅地方都有酸辣湯飲,調味到位,好足料同埋夠熱辣辣!!!如果就咁
一入門口見到有店員喺度包水餃,咁呢度嘅水餃就係自家製嘅唔係入貨返嚟嘅水餃,咁一定要一試啦,而且我仲企喺度望咗一陣佢點包,個員工又好大方唔介意我偷師,影左張相,包得好靚!!!包水餃真係考手工,工多藝熟!""
自己包嘅水餃係真係唔同㗎例如個餡都已經唔同,個餡係特別飽滿多餡D嘅,而且嗰個肉味會係鮮d嘅!!!不過個皮唔算好薄!!
呢碟刀鋒雞翼真係辣得過癮,千其唔好睇小佢,佢嘅辣係你初初食落去無咩感覺,但後黎條脷就會麻,額頭開始會流汗,但係呢種辣度係食得到既,唔會話辣到個胃會痛,但真係好刺激!!!正!!!而且4隻都係賣$18,6隻$24!!!
跟餐嗌一碟滷肉油菜都係加$10,比平時淡茂茂嘅烚菜多一番味道,依碟野講真送飯一流,有肉有菜有飯既話當一餐都得,哈哈!!!
豬軟骨+八爪魚丸+蟹柳+蘿蔔+時菜配米線,豬軟骨煮得好淋好嫩好入味,每件都咬到有軟骨位!!!
好欣賞佢呢度嘅溏心蛋係分開另上,因為佢呢度嘅溏心蛋係雪凍咗嘅,凍食嘅糖心蛋比起熱食嘅糖心蛋食落去較美味!!
依碟係車仔麵配料之一嘅酸菜,佢同車仔麵分開另上,酸酸微微食落好開胃!!!
估唔到食車仔麵嘅地方都有酸辣湯飲,調味到位,好足料同埋夠熱辣辣!!!如果就咁淨飲酸辣湯會覺得唔夠飽嘅話可以拼水餃!!!
依碗車仔麵就特別想介紹下佢嘅湯底係擔擔麵湯底,飲落去微微辣,唔錯,用黎做車仔麵湯底較特別!!
最後就係店內嘅牆上壁報提及到呢一間鋪其實係一班喜歡打機嘅朋友一齊開嘅,個店名" 刀鋒寶貝"其實就係一個遊戲裏面某一個角色,對一班老闆嚟講一定有特別嘅意思而佢哋嘅經營理念同服務都睇得出係有用心既!!!
张贴
