刀鋒寶貝 (已結業)

一段時間無嚟黃大仙，疫情下...比我遇上呢間小店，一於外賣返屋企慢慢品嚐。拎起點菜紙，揀咗幾款有👍🏻的招牌菜式。「雞髀肉燥飯」肉燥味道好濃郁，原隻炸脾，外皮脆卜卜。「台式牛肉麵」湯底好香牛味，仲有牛筋喺湯底，幾款麵底選擇，揀咗拉麵，原來同牛肉好夾😋「紅油抄手」韮菜豬肉餡料，好足料。必定要試「刀鋒雞翼」香濃蒜蓉，辣辣地好好食，果然係招牌菜。見到店裡有「醬后」麻辣醬，好吸引呀，下次再嚟食，要試埋個辣醬先得😍

呢幾個月因為疫情關係，大家去食肆都人心惶惶😢，留係屋企安全好多所以就嗌外賣多🥡。不過小編我就無咁好彩喇，日日都要開工📝，所以繼續為大家搵好嘢食，支持香港人啦💪。今日去嘅呢間店名幾特別，叫做《刀鋒寶貝》😯，而且有飯又有麵食，地方細細但環境都坐得舒適，最重要係醫護食飯有提供優惠畀佢地👨‍⚕️，同心抗疫呀✨！🎈刀鋒雞翼 $22/4隻本來只係有4隻雞翼🍖，但因為老闆娘話今次啲雞翼細隻，所以送多一隻畀我食。嘩！真係有良心同好好人😍。雞翼上啲蒜粒同用辣椒浸過，肉質好淋容易咬開，辣辣哋又好開胃🤤，食完一又好快又想食多隻，價錢亦都唔算貴，喜歡食雞翼嘅朋友去嗌嚟食😳。🎈喇沙海鮮拉麵 $48麵底可以揀拉麵，烏冬，粉絲🍜。我就揀咗拉麵，喇叭味一上菜就好強烈，香噴噴即刻開餐🌬。呢碗麵有豆卜，蟹柳，魚片，蝦，半隻蛋🥚。配料每款2件，都幾豐富，有蝦食係最正🦐，小編係海鮮當中最鍾意就係食蝦，有蝦就讚🤤。碗麵份量適中，唔會過多或者過少，雖然湯底就唔係太濃郁，不過亦都係可接受味道🙈。🎈哈密瓜多多 午餐送一杯台式嘢飲🥤，我揀就咗哈密瓜🍈，另外仲可以揀果汁，多多同綠茶，我就唔知咩叫多多🤔，就一於試下溝呢個👆。原來多多係解益力

最近成日都要買返嚟食，已經嘗試過屋企附近嘅餐廳，所以今次去遠少少，遠一啲小店外賣，睇下會否有驚喜。呢一間喺黃大仙上面環鳳街嘅小店，門面乾淨企理，俾人好清潔、乾淨、住家菜嘅信心。主食試下蒜香牛腱飯，好香又好味，因牛腱好入味但又不會太咸。非常之正，飯係珍珠米，好香軟。小吃叫泰式炸花枝丸，有甜酸醬，大粒而且好脆，現場食應該更好味。飲品百香果多多，酸甜配是夏日必然之選！正呀。食店接受自備餐具，希望大家愛護地球，盡一分力去買外賣啦

今日經過一間小店，對鋪頭名好好奇，點解會用刀鋒寶貝呢個名，上網搵搵先。原來"刀鋒寶貝"係一知名手機遊戲的角色，喺開餐廳取名既時候，幾個鐘意打機的店主，就用左呢個名命名。見啲野都幾平，主打親民，一於買啲返去做晚餐。 紅油抄手、卷腩飯、豆燥四季豆角和刀鋒雞翼。幾鐘意個紅油抄手同刀鋒雞翼。紅油抄手可以選擇配搭韭菜豬肉/素菜，唔太辣而有紅油香。冷盤嘅刀鋒雞翼嘅蒜香味十足，又微辣，腌得又入味，好味。下次試埋啲麵先。

屋企人懶得煮晚飯就到附近銀鳳街買外賣, 呢到有不少食店, 呢間有我鍾意既肉燥飯, 就試下呢間, 叫左雞脾肉燥飯$48及三個小食: 牛展牛筋$46, 手撕雞$38, 雞翼6隻$28. 雞脾肉燥飯既肉燥唔會好油, 肉碎同汁溝埋好好 送飯, 仲有D椰菜, 加埋隻即炸雞脾, 一路行番屋企都聞到香味, 幾想即刻咬一啖 熱辣辣雞脾. 香蒜牛展同筋好入味同夠林, 唔會好硬好難咬開, 自己整一定無咁入味. 手撕雞有青瓜絲加埋麻醬好香.雞翼辣辣地,最岩凍食好開胃. 小店努力經營, 食物味道有誠意不是行貨, 很新鮮不會有雪藏味. 午飯或晚飯都可以黎試一試 

今日收工去咗黃大仙買個外賣返屋企加餸，又黎呢間黃店刀峰寶貝，上次食過佢嘅小食覺得好好味，今次想再試多幾樣😆🐣 刀峰雞翼 （$28/6隻）上次都食過刀峰寶貝嘅招牌雞翼，真係覺得好好味。同上次一樣，啲雞翼好肥美，肉質嫩滑又juicy，有少少辣椒同蒜香，惹味又唔重口味。上次叫6隻屋企人嫌唔夠，今次仲叫夠12隻😆台灣香腸 （$30/8條）非常有台灣風味嘅腸仔，甜甜哋嘅脆皮，又香口又惹味，入面啲肉都好香甜😋皮蛋豆腐（$28）皮蛋豆腐明明係最平但竟然裝滿曬成盒，非常足料～皮蛋同芫荽好夾，加埋好香，豆腐又好香滑，讚😙牛𦟌牛筯（$46）上次叫曬蒜香同麻辣牛𦟌牛筯，都覺得好好食，今次一於再encore！牛𦟌牛筯都係一樣大大舊，好足料。今次叫咗麻辣味，雖然我鍾意食蒜香味多啲，但少數服從多數，屋企人話鍾意麻辣味，食得過癮啲😝巨峰提子多多（$15）巨峰提子好香甜，多多又有少少酸酸哋，好match😋水蜜桃綠茶（$15）水蜜桃綠茶唔會好甜，但又有水蜜桃嘅香味，好好飲！

就快5.1.黃金周，有機會當然要撐一撐黃店呢間黃色抗疫小店舖仔細細，限聚令下座位更少見佢好支持醫護同學生，所以我買咗外賣，唔加重座位負擔一碗麵都係好平，買咁多嘢都係百零蚊埋單價錢似乎係為我哋啲窮人而設冷盤比主菜更有驚喜喇沙海鮮麵好惹味！可以配搭拉麵、烏冬或米粉，我揀咗拉麵材料比較平民，有爽口嘅蝦肉+幾彈牙嘅魚蛋+同好索湯嘅豆卜+蟹柳+椰菜湯底唔差，喇沙湯底竟然唔鹹，入口仲有啖啖椰香值得一讚係湯同麵底分開，返到屋企無淋晒日式卷腩麵特別建議配拉麵，會似平價食到日式風味拉麵質感可以俾佢合格嘅卷腩係五花腩，肉同脂肪層層分明腩肉好有油脂香，略帶微微甘香同鹹味肉質軟嫩，食落似煎香過而湯底就比喇沙湯底濃厚同鹹日式麻醬手撕雞除咗有手撕雞，下面仲有一堆青瓜絲份量充足，雞肉嫩滑，入口食得出有雞髀肉同雞胸肉淋上胡麻醬汁即帶酸甜味，幾開胃，幾多麻醬入口有啖啖芝麻香，適合當前菜青瓜絲配胡麻醬汁其實更爽切得幼細，簡單冷盤暗藏心思紅油抄手可以揀韭菜豬肉或素菜的確有紅油香，但竟然唔辣啱啲唔食得辣又想食抄手嘅人餡料粒粒拱起，形狀一致刀鋒雞翼係招牌菜，蒜蓉同辣椒入饌，好入味辣椒微辣，濃郁蒜香味，兩者極配合雞翼飯麵都有杯台

刀鋒寶貝抗疫期間，放假唔想去甘遠，就係屋企附近搵外賣買回家食算肥牛喇沙麵烏冬賣相已經吸引！未食已經聞到很香的椰汁味湯底非常濃郁，用心熬製又香又惹味。！肥牛份量好多韮菜豬肉餃烏冬餃子皮厚身，吸醬汁最啱！咬開見入面有粉絲。好特別呀。烏冬好正手撕雞葱油味香而不油膩，手撕雞嫩配上麻醬好好味百香果、荔枝綠茶仲送台式飲品，唔會太甜架，好飲熱情既店員，非常有人情味既小店

由於疫情嚴重，政府頒佈了一系列的措施以防疫症漫延，飲食行業首當其衝，大家各師各法，務求可以繼續生存下去，所以大部分食肆的堂食都轉為外賣，位於黃大仙的「刀鋒寶貝」也不例外，今天我就買了些外賣回家慢慢享受。《雞脾肉燥飯》$48 大大隻雞脾肉質嫩滑，肉燥汁撈飯最正。《日式麻醬手撕雞》$38這盒手撕雞性價比很高，38元超抵，啖啖雞肉，麻醬很香《泰式炸花枝丸》$30花枝丸炸得又香口又彈牙《刀鋒雞翼》4隻$22這是招牌雞翼，味道醃得合到好處《牛展拉麵》$48老板細心地把湯和麵分開放，所以拿回家時麵不會發漲，拉麵仍很彈牙，牛展軟腍。在這艱難時刻，希望大家仍能繼續支持小店，為了地球著想，下次買外賣時，記得帶些盒子去裝(今次自己都忘記了)

留家抗疫少不免叫外賣💛💛日日換款是常識吧😝今日就試下附近嘅刀鋒寶貝🟡刀鋒寶貝主打拉麵，所以今日就叫咗台灣牛肉麵試下🍜🍜🍜一塊塊牛𦟌入味又淋🐂加上牛根，拉麵煮得啱啱好保留彈性。除咗拉麵，仲可以揀烏冬同米粉，烏冬仲唔洗加錢添！而且跟餐仲送嘢飲！48蚊一個餐，真心抵食！我哋仲叫咗海鮮喇沙烏冬🦐🦑🍜入面有蝦又蟹柳，絕不欺場！喇沙椰香十足，唔會太辣！留意返外賣好細心湯同面分開上架👍👍小食方面我地叫咗皮蛋豆腐同必食嘅刀鋒雞翼🐔🐔雞翼28蚊6隻好抵食，少少辣好惹味！皮蛋豆腐大大份，醬汁配得好香，豆腐又滑，開胃之選！

同朋友係黃大仙唸住求其食d平民美食，唔想口淡淡又想食辣，即刻唸起刀鋒寶貝。好耐之前來過一次，呢度真係好味又抵食的。今次我們點了的美食有牛展牛筋麵，紅油抄手，泰式炸花枝丸，皮蛋豆腐。再點了兩杯飲料，百香果多多和荔枝綠茶，已經吃得津津有味。牛展牛筋做得好有嚼勁，牛筋好爽及彈牙，真係做得有水準。紅油抄手是我喜歡的，帶點辣又夠香，老闆人真的好好，還特意給我們秘製辣椒醬調味，真係正到爆，配麵配紅油抄手一樣好吃。好喜歡這個炸花枝丸，大大粒又脆口，更喜歡皮蛋豆腐，好滑的豆腐，口感也是滑溜溜的，加上皮蛋味不算太濃但有口感，配搭剛剛好。雖然是小店，但也有很多人來吃，都滿座，還有外賣，食物好吃就是黃道。

雖然餐廳位置有少少崎嶇，但係都值得幫襯！冇錯我要介紹嘅就係呢間良心小店餐牌上面選擇一目了然，不過都令人樣樣想試。雖然我只係叫外賣，但係都影左餐廳內嘅裝潢，簡單乾淨舒服。飲品略甜，不多介紹。雞髀香脆，配飯一流，加上肉燥，香口滋味。叫外賣拉麵同湯係分開嘅，好細心！牛展相當大塊同美味可口！雞翼本身得四隻，但因為比較細隻，良心小店發揮良心本色，送多一隻。唔好睇佢冇乜色水，相當好食又夠味。最後介紹買個手撕雞，配芝麻醬就係冇得輸，加上青瓜絲，食到停唔到口。

💛黃店推介自從肺炎開始差唔多日日都三餐都食屋企飯餸，今日想偷吓懶煮少幾樣，就去咗黃大仙呢間「刀鋒寶貝」買咗幾樣餸☺️🟡刀鋒寶貝嘅店內外都貼咗好多文宣，提供優惠比醫護人員，參與區內黃色經濟圈食店活動，曾經參與罷市，仲有擺咗啲小朋友整嘅抗爭飾物出黎賣（自由訂價）。日式麻醬手撕雞 （$38）✨第一樣係屋企唔會煮嘅手撕雞，份量都唔少喎☺️ 除咗手撕雞仲有青瓜絲，而且仲有我最愛嘅胡麻醬🤤雞絲好軟熟，加埋清新嘅青瓜同麻醬，我比4/5分～刀鋒雞翼 6隻($28)✨之後當然要試吓招牌雞翼啦，雞翼唔知係用咩醬汁整咖呢！好清新嘅感覺，有少少辣味，好好味，得6隻，手快有手慢冇啊🤪 而且價錢都好抵，5/5分！蒜香牛展牛筋($46)✨呢個係家姐最愛嘅一味餸，佢超鍾意蒜味🙈牛展好大塊好厚，而牛筋就煮到好淋，我十級鍾意牛筋！！！而且牛筋都非常大舊，本身諗住$46有少少貴，但原來係咁真材實料，味道又爆分，我比6/5分😝麻辣牛展牛筋($46)✨至於麻辣味道，其實都係出自同一煲煮嘅牛展牛筋，所以如果冇沾到醬料其實係一樣味。講好個麻辣醬，佢係非常之香嘅，未打開已經聞到陣味，食落去又唔係特別辣，但都係嗰陣香味好重，5/5分😋對抗

🔸刀鋒雞翼肉燥溏心蛋飯 ($48)分數: (7.6/10)刀鋒雞翼，微辣，味道像”A”仔雞翼尖。溏心蛋入味，肉燥芡汁較多。.🔸蔥油手撕雞飯 ($48)分數: (7.4/10)葱油味香而不油膩，手撕雞嫩配上乾蒜，送飯一流。配很多菜，感覺健康。.🔸蒜香牛𦟌牛筋($46)分數: (7.710)煮得十分入味，牛筋很冧很好吃，牛𦟌唔硬唔痴牙。.🔸玫瑰花蜜果茶(跟餐)分數: (7.7/10)玫瑰香，內有一顆顆小玫瑰，甜度適中。.🔸黑糖薑母茶(跟餐)分數: (7.6/10)甜度及黑糖薑味適中。.💛醫護人員減十蚊。

作為黄大仙街坊，抗疫期間外賣就要發掘一下附近黃店，刀鋒寶貝店內乾淨企理整潔，拿起點餐紙，選擇不算太多，但都非常吸引，親民的價錢，台川星馬風味均是大眾化的選擇。先說小食，竟然兩款都有驚喜，泰式花枝丸$30六粒十字切的酥炸花枝丸，炸得金黃口感同無雪味道點上甜酸醬，打開了胃口迎接第二個小食。皮蛋豆腐$28嘩，呢個冷盤真心好食，皮蛋係我最愛，而滑溜豆腐再加埋秘製調味碎皮蛋，又夠味又滑口，下次再來一定encore!喇沙海鮮麵$48欣賞小店外賣碗已隔餸分湯，拿到回家也避免麵條過林，材料份量也滿多，叻沙料齊哂，蝦、豆卜、魚片、蟹柳各兩件，加埋溏心蛋口感嫩滑，除了麵條亦可選擇烏冬或米粉。麻辣雞翼烏冬$46川式麻辣湯底，三隻炆得入味雞翼，加多半隻溏心蛋，優質湯烏冬飽肚滿足。況惠顧飯麵已可免費選擇台飲，選了玫瑰花蜜果茶及桂花蜜果茶，兩款也不是Hea淡的餐飲，清甜潤喉，是夠哂經濟一餐的飲品驚喜。外賣加$2，同區CP高的推介餐廳，街坊真心值得試試。👅美味: ⭐️⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️⭐️/5