冬蔭公公 (已結業)

好耐都冇去荃灣行街, 一落西鐵就去最近既荃灣廣場睇下有咩食, 最後老公揀左沙田食過OK既冬蔭公公。我地2個都想食海南雞飯, 但老公話如果伏既話就2個都伏, 所以一個叫海南雞飯, 一個叫滷水豬手飯。但陀住呀B我真係唔夠飽, 所以叫埋蝦餅同軟殼蟹試下。呢啲咁basic既野, 唔會伏呀~~~海南雞飯 - 同平時食既價錢都咁上下, 但係眼望都見啲雞好鞋。油飯既顏色好好, 點解聞落冇油飯既味?  食落只係加左顏色既白飯呢?  隨餐個碗湯, 但其實淡如清水... 我都唔知仲可以講啲咩, 只係可以話好彩冇叫2份滷水豬手飯 - 食左2啖呢個海南雞飯知道伏左, 於是同老公交換, 食佢個份滷水豬手飯。湯都不如再講, 一樣的..., 豬手只得好肥既皮, 可能佢想我地骨膠原多啲啦...泰式蝦餅 - 好彩仲有小食, 蝦餅不嬲都唔算平, 但你都唔好比啲梅左既蝦做蝦餅先得架, 可唔可以做間有良心既餐廳?軟殼蟹 - 一上枱都知衰左, 勁油淋淋, 真係唔想放佢入口呢一餐盛惠$256, 仲送上餐廳疑似話事人既體味, 原因係疑似話事人係店內出出入入, 每當佢行過既時候, 都會帶住一陣令你想反胃既汗味

最先上枱是木瓜沙律半份($56) ， 沙律個汁都頗辣也夠酸，木瓜有咬口，咬到有點累，所以留待最後放入窩煮一煮，但仍是那麼煙韌。冬陰功海鮮火鍋一人份量($73) ，選擇了泰國冬陰公湯底，不辣只有甜味，都幾意外。窩內有三隻中蝦，兩隻青口，兩件冬菇，仿鮑菇三片，龍蝦丸兩粒，生菜和冬瓜兩大件，另外有數條魷魚鬚，整體味道不錯，乎合它的價錢。另有幾款米線麵可以選擇，米線索了冬陰公湯的味道蠻不錯，追加田園菜籃($12) ，蘿蔔三件($8) 龍蝦丸3 粒($10). 服務員主動幫我們加湯3 次，雖然湯底是比較甜，但打邊爐尚算不錯。米線可以加底即份量會加多一倍，只需要加五蚊，米線放在冬陰公湯底，即變成冬陰功湯米線確實不錯。另外半價飲品，我選了青檸梳打($28), 解辣一流。服務員的水準確實要讚，幾位服務員都很殷勤，很落力 有求必應語氣好，快回應，還有很留心！ 我掉了筷子落地，服務員五秒內遞上一雙新的給我，真是有點感動！很久未遇過這種服務態度，真是要讚一讚！！

早前和屋企人去了荃灣行街,在荃灣廣場附近見到這間冬陰公公 ,這間形式和車仔麵好相似，服務亦都OK,以開放式為設計，我有些小不習慣，這裡旳食品都OK ，個湯味道不會太咸,我覺得都不錯，米線亦煮得不是太淋,燒汁魷魚稍為咸佐些小，味道整體亦OK味道凍奶茶，稍為甜咗些小，奶味好夠手打牛丸,牛丸十分彈牙,亦不會太粉水餃，味道OK,皮薄多汁魷魚，稍為咸咗些小服務我覺得都可以啦,並不太差環境地方適中,座位之間有些迫價錢平均90元,.可以接受

其實之前喺沙田都食個冬陰公工嘅分店對佢印象一直唔差，今次難得經開荃灣區發現原來荃灣都有佢嘅分店見佢價錢同沙田一樣走平民路線於是乎就決定食依間～魚皮餃冬陰公湯檬粉上次同女朋友食個見佢食得好滋味今次終於到我叫！魚皮餃本身皮薄餡多，加上冬陰公湯底嘅辣度適中，浸入魚皮餃度令到魚皮餃嘅粉皮由原本平平無奇去到哨勁十分！加上本身冬陰公湯調味不錯，簡簡單單一啖湯一啖粉既配搭已經非常好食！泰式雜錦拼盤（泰式春卷，蝦餅，豬頸肉，麻辣鳳爪，沙嗲串燒蝦，沙嗲串燒雞肉）今次係同屋企人一行三人食，就點左依個份量比較多嘅泰式雜錦！同想像中嘅一樣各種泰國著名小食都有啲！各種小食都非常唔錯，自己最鍾意入邊嘅沙嗲串燒同泰式春卷及蝦餅，除咗調味唔錯，值得一讚嘅係由於餐廳係即叫即整嘅關係端上菜的時候仲熱到十足！白牛已經包含普通餐飲，我就點左個白牛，白牛其實即係雪碧溝雲呢拿雪糕，雪碧倒落去啲雪糕度，汽水中嘅氣會令雪糕外表急速溶解，不單止好喝，視覺上也能得到滿足～人流黎講同沙田比都略有分別，可能因為沙田citylink人口密度始終比較高所以入座都要排隊而荃灣廣場依間就唔使，睇吓嚟緊有冇機會去買冬陰公公其他分店試吓！

中秋一早已造節，今晚無咩do出左黎荃灣玩下燈籠，仲食左泰野。快餐模式價錢唔貴，味道都幾好吖。點左咸檸七同紅豆冰。魚腐冬蔭功湯米粉，冬蔭功湯粉45蚊，加餸樣樣唔同錢，魚腐要加九蚊，都幾好味，軟瀨瀨的，冬蔭功湯好好飲，夠酸。朋友要檬粉同豆卜，豆卜加五蚊，有三粒，吸左湯好好味。仲叫左併盤，大雜燴咩都有唔使諗，仲包野飲。蝦餅彈牙，春卷好脆，豬肉串燒同蝦都ok，鳳爪賣哂換左做木瓜沙律，呢個麻麻，好咸無木瓜味，又唔酸。三種醬料，無乜點過……

下午茶 ....全場差不多爆滿 ~Menu ~迷你泰式海南雞飯 (配例湯) $52是下午茶的迷你版本 , 但其實份量也頗大的 , 海南雞肉質嫩滑肉厚 , 皮爽少肥 , 雞有雞味 ~ 香飯 , 飯粒煙韌 , 入口軟綿 , 略嫌未夠油香 ~ 例湯是冬瓜湯 , 味道清又不油膩~馬來肉骨茶湯飯 $72有濃郁的藥材味，油份少，味道強而不苦澀，有3枝排骨 , 配白飯來吃 , 非常飽肚 ~鹹檸七喜 (另加 $9)喝一杯味道鹹鹹酸酸的 鹹檸七 以作終結 , 夫復何求 ~本篇完 ~

今次試食荃灣呢間冬陰公公。1行3人黎到食飯。叫左好多野食。泰式拼盤應該係必叫。如果你多人。叫左好多野食。開頭冇睇清個拼盤原來有蝦同串燒同埋泰式鳳爪。搞到d野食叫多左😂😂好彩最後都食晒。個生菜包唔食得太辣諗清先好叫。野食味道唔錯。坐都舒服。都幾抵食。可以再黎

應公關邀請,o係10-9-2016  (Sat)晏晝同老公o黎試食,我o地o黎到時唔係好多人,不過佢o地仍堅持自己幫客人安排座位o既作風,我o地坐低後,睇o左好耐餐牌,最後決定要:1. $98.00o既馬沙拉咖哩原隻羊膝配油鬆餅其實唔明, 油鬆餅擺明要蘸醬汁食,但點解重可以o係未有其他o野食到o黎前,第一樣o野上枱,想我o地等佢攤凍食?一件係薄薄同唔大件.要等到馬沙拉咖哩原隻羊膝到o黎至可以食.3分鐘後馬沙拉咖哩原隻羊膝到o黎,睇見隻羊膝幾大件.我先將 油鬆餅蘸醬汁食,醬汁唔算好辣,幾惹味. 油鬆餅煎得脆.之後切羊膝,有啲難切,切開啲肉好厚,食落,外皮滑,肉有少少o鞋但可接受,仍有少少羊羶味,呢點我o地係絕對冇問題.呢個係好食,我o地係咁食醬汁.不過我覺得佢o地漏俾一件油鬆餅,於是問侍應,一件油鬆餅係咪切成四件?佢答係.我話咁即係只o黎o左一件,仍欠一件未上.於是佢幫我追返.5. $38.00o既雪糕特飲,老公要芒果雪糕配珍多椰汁冰呢個我冇試到.6.$38.00o既雪糕特飲,我要綠茶雪糕配紅豆椰汁冰落單時,侍應話冇晒綠茶只有抹茶,我覺得冇問題照要.抹茶雪糕滑,味道唔太濃;椰汁味道亦o岩

行荃灣廣場發現呢間新開嘅冬蔭公公，身為一個冬蔭功怪點可以唔試吓!!海鮮冬蔭功湯米線，湯好濃，勁足料，今次揀咗BB辣，下次要叫中辣先夠過癮！泰國牛骨清湯米粉+雞扒，牛骨湯底好正，連我唔食牛都覺得正！一D都唔So，再加埋d傳統泰國辣椒粉簡直perfect池！仲有兩個泰菜必食嘅孖寶！兩個人嗌半份已經夠食，蝦餅熱辣辣，塊皮脆卜卜！我男人連啪三舊酸辣鳯爪都好入味，成碟俾我食晒咁滯~~

某日鬆弛閒來無事找地方吃飯，最後走到荃灣，還以為夏天便是吃泰國菜，原來是去這家「冬陰公公」，店子就剛好在荃灣廣場的旁邊，地點不難找。店子光猛潔淨，應該剛開業不久，雖是假日客人不算特別多。聽到店員之間的交談用泰國語，對店家的出品也有點期待。餐牌上選擇不多，不過款式幾吸引，今天先叫其中幾款淺嚐。冬陰公配蘿白。泰國粉類的選擇不多，不過也有特色一點的檬粉和米線，二選一之下要了後者。湯頭有香料鮮味，看下去十分濃郁，令人想多喝一點，入口也有清爽口感，另外把配料如花生，芫茜，粟米粒和芽菜也很不錯，當中有香味和口感。還有值得一提的是籮白，吃著覺得十分入味。整體水準不錯，我們吃得相當滿意，且看到鄰桌的小食亦吸引，應該會再來吃一趟呢！

冬陰公湯粉配薯粉，質感不粗，容易入口咀嚼叫左Bb辣，不會太辣，岩岩好叫左蜜糖全翼同生菜，全翼肉質結實，生菜吸收湯底味道，味道很好湯底酸辣適中及味道香濃油葱餅味道香，質感脆身，要盡快食帶有香葱香味芒果乳酸芒果味濃配上乳酸特別開胃公公拼盤多款小食合併一起，蝦餅香脆，串燒惹味沙律甜甜的更開胃

外面看還覺得不錯，最初係被平價吸引！坐底無耐看看餐單才發現中伏.. 逐樣價錢同您計，不同餸價錢不同！叫左一個冬陰公，見到色澤勁紅勁假，似色素多過真·冬陰功，第一口都不太為意！嘩！再吃，真的好難食！表姐既清湯米線，朋友既肉碎飯都一樣難食，結論係以後都唔會黎！無下次！！

行開荃灣一家韓國服裝店，跟住見到呢間新開嘅餐廳，上網睇原來佢有幾間分店開得分店應該味道唔錯同埋朋友想食泰國嘢所以就入咗嚟試夜晚都幾多人排隊，都等左20分鐘左右所以係呢個時候就睇定餐牌先門口有大大個牌介紹佢哋嘅海南雞飯所以一坐低就點左個海南雞飯呢個海南雞飯令我有驚喜因為我以為呢間餐廳主要係做粉面飯呢啲菜式應該麻麻地點知啲雞好嫰滑好夠油份啲飯亦硬度適中之後就點左個酥餅加左錢要左碗咖喱汁個咖喱汁用來送飯都一流！酥皮比平時嘅薄身啲但好鬆化柔軟軟殼蟹都幾抵食一隻蟹一開二而且有膏有肉最後點左呢個燒烤拼盤見到openrice多人介紹個份量都幾多兩個人食都夠有凸個鳳爪酸酸甜甜好開胃個春卷就此我哋平時食齋嘅餡料有雜菜同雲耳其他就中規中矩啦

係荃灣廣場行街見有間新開食市叫冬蔭公公^_^一睇個名就知食泰國野^_^算係半開放式，感覺無咁局束一睇餐牌，竟然有冬蔭公湯底米線兩樣都係我鍾意食既野^_^就一家四口入去試下^_^首先叫左個拼盤套餐包兩杯特飲$148有蝦、春卷、蝦餅、串燒、豬頸肉同泰式鳳爪價值算抵食，岩哂一家人食因為叫左拼盤有好多送，所以叫淨冬蔭米線^_^中辣晤算太辣，食得辣下次可以叫大辣再加個海南雞脾黃飯俾兩位小公主食雞肉好嫩滑，無骨^_^好岩小朋友食加埋冬瓜雞湯，簡單滿足老公就叫左個馬沙拉咖哩配油鬆餅佢話似印度咖哩，香濃野味埋單睇到不設加一^_^價錢算實惠

連續工作了多天, 終於到了週末的時間, 卻因為疲憊的身軀, 只想放工簡單吃個晚餐, 便回家休息。冬蔭公公就在荃灣廣場地下, 近西鐵那邊門口位置, 座位很開揚, 樓底高不會感到焗促, 不過座位就排得較密了。泰國珍多冰 (送)大大杯, 椰汁味香濃, 底下有用班蘭葉和綠豆製成的粉條, 份量多, 很容易便和椰汁一起啜入口, 不會太甜。 鹹青檸梳打 (送)鹹青檸配梳打本來就是無得輸, 這青檸味夠濃郁, 配上梳打甚清新, 但它比較多冰, 我不愛喝太凍, 就早早畢走冰。海南雞飯 $68 (轉雞脾+$8)有黃飯、海南雞脾、冬瓜湯, 湯有著瓜香但有點添加味道, 黃飯該有雞油、雞汁調味但不夠香, 海南雞的雞脾的確好嫩滑, 加$8轉雞脾是值得的, 連雞皮也不放過, 滿是油香滋味, 配上豉油、甜辣醬、薑蓉, 很有風味, 雞底下有些醃酸蘿蔔, 夠清爽可解膩。冬蔭功(小)$40湯底呈深橙紅色, 感覺很辣般, 但試過後, 才知真的是如描述般的BB辣, 辣中帶酸, 酸中有咸, 是頗濃重的湯, 湯料頗豐富, 有不少秀珍菇, 又有大大隻的鮮蝦, 蝦肉結實爽口有蝦味, 這價錢幾抵飲。公公拼盤套餐 $148這套餐是必點的,