冬蔭公公 (已結業)

這間主打泰國菜的連鎖店位於荃灣的分店，跟其他分店有點不同，最特別是有泰式車仔麵，冬蔭公湯底幾香，泰式河粉比較特別，肥牛一般，普通貨色，反而雞肉就幾好食，整體唔錯，值得一試！

一踏進荃灣廣場門口就見到有新食肆，位置顯眼方便，座位不少，不用等位，就即管試試這間冬蔭公公。我們點了招牌無骨海南雞配香油飯$52及自選1餸牛柏葉湯河$34，另加$4轉冬蔭公湯底！海南雞份量很少，沒有雞味，閉上眼咬下去根本吃不出是什麼肉肉質又不滑，何以成為「招牌」菜呢？另外河粉粉量很少，一般男人可能只有半成飽。冬蔭公湯底味精很重，有辣味、沒有酸味、沒有蝦味或其他海鮮味，令人十分失望呢，以為點了招牌菜一定不會中伏！雖然價錢合理，但牛柏葉份量十分少，河粉粉量少，大家看相片就知道了，湯底味道不夠好不緊要，連其他配料配菜都欠缺誠意。希望因為新店開張品質參次，日後會有改善！

今日同朋友去食冬蔭公公，我地叫左海南雞飯，落完柯打好快就有，不過送黎既飯竟然唔係食海南雞時應配合既油飯，而且食落比較乾身，對飯有些失望，至於海南雞，對我來說，評價就好好多啦，雞肉嫩滑，份量正常，仲有三款醬汁比我「點」，我比較喜歡中間個款醬料，因為酸酸甜甜好開胃

下午茶時間做完野就係附近揾食。記得之前食過呢間嘅冬蔭功湯粉都唔錯諗住再食。。。叫左個迷你無骨海南雞酸冬蔭功湯河。話迷你其實都係正常份糧，但我都係食唔晒！哈哈😄。 海南雞都幾好。唔老，但個冬蔭功湯就好酸，一d都唔辣，但我上次散叫係大辣就岩岩好。只不過下午茶就無得選辣度，有d失敗。河粉好粗look, 唔夠滑，價錢48加一埋單52.8。雖然唔係太貴。但我情願俾多少少食好散叫有得加辣。見到有牛肉火鍋我下次都想去試下！

今次晚餐的經歷真係好差，好差！！令我忍唔住要寫我第一個食評！當晚我同友人二人進餐，我叫左一個豬軟骨冬蔭功湯河粉，湯底完全係味精味，河粉係幾條痴埋！友人點了牛魔王，超級咸！成碗河粉都好咸！要不停飲水！雖說佢嘅價錢唔係貴，但係咁嘅質素～ 請我都唔食啦！最重要的是，當晚食完後，踏岀餐廳的五分鐘後，友人已經肚痛！過多一陣，連我都一樣肚痛！仲唔舒服左成晚，好掃興！真係無下次！！！！！！！！！！！！！！！！！！

夜晚睇戲前諗住食碗麵先入場，諗住沙田冬陰公公好好食諗住荃灣應該都有返咁嘅水準，當碗紅薯粉黎到，拎起舊蘿蔔一咬，完全係硬到咬唔開，根本未熟就放出嚟比客食，湯底勁咸應該落咗好多味精，下次返番沙田食好過

職員態度唔多好,同佢講野無心聽,同一條問題要問3次,我答3次,問佢地拎水比眼神我睇,拎隻碗仔勁多塵又有食物渣,食物麻麻,冬蔭湯唔夠味,碗河粉有毛髮。仲要只收現金,門口無寫明,差啲唔夠錢比。永不再去。

午餐下午茶價錢都幾抵食4.50蚊有嘢飲有個飯飲品有汽水或柚子蜜天寒地凍飲杯熱柚子，成個人即時暖返曬今日三人行嗌咗個無骨海南雞飯同埋海南雞冬陰公河粉，冬蔭公湯唔太重味仲有一個蘿蔔炆牛炆豬軟骨飯味精食得出都幾重但係海南雞雞肉尚算嫩滑豬軟骨幾好食啲骨仍然保持非常爽口份量都唔少下午茶午餐食比較平夜晚呢就係食物相同但係就貴十幾蚊

Lunch 第二次去食，第一次感覺唔係咁好，諗住比第二次機會佢，點知都係，一麵一餸叫左冬菇$36+$6芽菜，牛骨湯底，芽菜少得可憐，配菜咁，我朋友都係+$6 炸魚皮有一碟,D湯勁咸又重味精，要一邊食一邊飲水

今日午餐選擇了食冬蔭公公 星期一嘅午餐時段好易搵到位 其實之前黎食過晚餐 覺得幾好食 所以今次想再食 但可惜質素跟上次不同 覺得個湯底無第一次食的咁惹味 在價錢方面 56蚊包汽水或袖子茶 不算貴 因為分量真係好足夠 但味道方面就麻麻了 首先 餐牌上寫住 無骨海南雞 但上碟時也是有骨的 不只是小小的骨頭 而係跟本無去骨 還有雞肉有點鞋 建議選擇其他配菜

是日，本人同太太在荃灣行街，到用膳時，因大部份食市也需排隊，但見冬蔭公公就有較多吉位，故首次入內光顧。一見餐牌，感覺米線都不是太貴，但細心一望，原來轉冬蔭湯底需加六元，於是心想，「入得來食，都係食冬蔭公湯底啦」，咁我同太太也當然加錢轉換了冬蔭公湯底。龍蝦丸冬蔭公米線（中辣）：湯底清甜得夠辣（好似好矛盾，但確是個人感受），龍蝦丸吸了湯底的鮮味，也變得好吃，米線夠滑；魚腐冬蔭公米線（中辣）：湯底及米線的感覺同上，而魚腐香口，不錯；酸辣無骨鳳爪：份量算多。鳳爪香軟而夠味，味道配合得宜；環境：因當時有較多吉位，故感覺舒適，空間感較大；服務：不錯，服務員禮貌亦好。整體而言，該餐廳食物質素良好，服務及理境均不俗，在這些連鎖食店而言，確實難得。而價錢方面，如我太太所言，往其他食市光顧一碗冬蔭公湯也需數十元，以這概念來說，轉冬蔭公湯底加六元也不是太貴，加上該湯底確是鮮味，我與太太也飲了大半。值得推薦。

來到冬蔭公公午餐看到餐牌上有泰國冬蔭公湯就忍不住點了先點湯底 再選粉麵 最後選配料他用料不是上乘但湯卻是挺好的應該就對我口味罷了多酸少辣喝得就快連舌頭都要吸進去了配料不過不失 但魚腐卻不是我鍾情的因為它根本吸不到湯在裡面就像多餘的第三者一樣可有可無而已$54

今日往荃灣閒逛，沒有特定想食什麼，行過見到呢間多人得嚟又咁啱有位，即管試試。因為唔食牛的關係，所以點菜前不嫌其煩地問店員，他也有耐性地告知那樣食物可選，不像某些餐廳般敷衍甚至對自己店舖的食物不清不楚，所以覺得服務不錯。食物也有驚喜，去骨海南雞幾滑，湯夠清。飯方面，不像普通雞油飯，是比較乾身的做法。我喜歡它不太油膩，但若喜歡雞油偏重的就可能會覺不足。飲品選了泰國朱古力，比較特別也很好喝。總括而言，價錢合理質素中上，值得再光顧。

今日食超抵食下午茶叫左個「冬陰公河粉」配生菜+牛肉兩個餸，冬陰功湯底夠濃郁，我叫左大辣亦唔會辣到完全食唔倒，牛肉其實都係d肥牛薄片，，另單點左個「青檸梳打」，估唔到「青檸梳打」黎時罐裝嘅，不過都幾好飲，唔會太甜，呢個牌子第一次見。總括黎講，價錢都好合理。

相信呢間連鎖式既泰國菜大家都唔陌生，今次就選擇係到解決我既午餐。下午2-3點無乜人，唔洗等位就入得，見隔離台食緊叻沙好似幾吸引，所以自己就叫埋一份，仲加多左個泰式酸辣鳳爪、泰國豆奶。叻沙湯式充滿椰香，可惜唔夠辣，整體都算濃，啲面都掛到湯。可惜碗面配料就小左啲，得幾舊豆卜、羅白咁。鳳爪一早已經起左骨，食起上黎唔洗就住就住，個汁好夠辣，酸酸辣辣好開胃。泰式豆奶雪到好凍，充滿豆香但味道有啲啖，好似維*仲好飲。