其匠燒

营业中

休息中

厚福街出名多餐廳，多數都係街舖食完就走最近先發現原來同一條街樓上都有隱藏美食﹗裝飾好有特色，好似日本居酒屋咁壽喜燒(牛)見餐廳是日推介就決定嗌牛肉夠香口滑嫩好多菜蔬夠晒入味不過叫果陣以為有埋主食一口牛舌芯串厚切牛舌﹗外層燒得焦香，內裡都幾嫩滑濃厚嘅牛香味加埋附贈嘅芥末醬夠晒解膩燒雞皮蝦顧名思議用雞皮包住嘅蝦金黃色好靚蝦已經仔細咁拆殼好方便食口感好特別雞皮燒得有小小脆口但同時保留咗柔軟嘅口感蝦肉爽口彈牙鹽燒勁香口好味原條太陽蛋蒜蓉茄子特別嘅組合上枱時仲係流心嘅太陽蛋太陽蛋仔細地攪拌每一部分都吸收到太陽蛋更加香滑味道仲好豐富茄子大大條又厚肉好嫩滑加埋蒜蓉有小小辣更香口原條日本五花腩大大條厚切每舊都燒到勁香脆內嫩中間脂肪層好適中鹽燒好正，唔洗加芥末醬都已經好好食果汁乳酸梳打(白桃/青蘋果)解膩一流﹗職員好nice!!好似老朋友咁樣愉快嘅一個晚上

尖沙咀樓上日式串燒店裝潢簡約設有日式榻榻米vip房間、吧抬等座位好適合朋友聚餐暢飲一番🍺🥃其匠免治雞肉棒 $42免治雞肉以汁燒，香脆外皮加上軟骨爽脆咬口，肉汁軟腍，口感層次都非常豐富，沾上香濃既蛋漿，好惹味🤩。雞皮 $32脆卜卜，十分香口。厚切牛舌芯 $78牛舌十分厚切伴芥末籽，肉味濃郁，軟嫩多汁，油花豐富，口感十足。西班牙豬肋肉 $38油香豐富，肉質軟嫰彈牙仲要好juicy! 推介呀！明太子芝士玉子燒 $88雞蛋味道香甜濃郁，柔嫩多汁，明太子芝士醬有點邪惡。原粒太陽蛋蒜蓉茄子 $68將太陽蛋撈均，令一絲絲既茄子口感更加軟滑，蒜蓉控一定好滿意。厚切雞脾菇 $28口感彈牙。和牛稻庭烏冬 $88稻庭烏冬口感細滑，煙韌彈牙，和牛肉質軟腍。 柚子乳酸梳打 $38巨峰乳酸梳打 $38

如果想食好味又唔貴嘅串燒，呢間絕對啱心水。有其他舖頭冇嘅款式，而且每款都有返咁上下水準。串燒方面：一口牛舌芯燒得啱啱好，口感彈牙有嚼勁；明太子雞腿肉鹹香惹味，雞肉嫩滑多汁；燒牛小排串肉味好濃，脂香四溢，外脆內嫩；黑豚腩肉肥瘦適中，燒得香脆唔膩；燒鷄皮蝦幾特別，外脆內爽，層次感十足。蒜蓉茄子夠晒入味；露筍爽口清甜；焦糖沖繩菠蘿外脆內甜，幾有驚喜，非常Juicy亦唔會好酸；其他小食：酒盜芝士啖啖鹹香，重口味人士之選；豚肉糖心蛋，蛋香豬肉香交織得好夾；清酒牛油煮蜆真係好正，有酒香之餘牛油味又唔會搶戲，蜆都好鮮甜，湯底直程飲晒佢都得，必食！巨峰果汁乳酸梳打：酸酸甜甜，有巨峰香，飲落清新又開胃。整體嚟講，款款都見到用心，味道有驚喜，絕對值得一試。而且服務超好、店員、老闆都好Nice

前排去咗尖沙咀嘅其匠燒同朋友食晚飯，首先點左明太子玉子燒，色澤好靚，咬落去玉子燒軟滑得來又有蛋香，同明太子嘅鹹鮮味好夾，份量啱啱好，唔會太膩。🥚之後叫咗份厚切牛舌心，牛舌切得厚身，燒得外層微焦，咬落去好有嚼勁，牛味濃郁，鍾意牛舌嘅唔好錯過！🐮再嚟講三色雞頸肉，呢款串燒用咗三種唔同嘅雞，食落去每段味道同口感都唔同，前段香口，中段嫩滑，後段又有少少咬口，燒得啱火候，值得一試！🍗雞皮蝦又係另一個驚喜，雞皮包住蝦肉，燒到外脆內彈。雞皮香脆得來唔油膩，蝦肉就保持到鮮甜，兩者一齊食真係好有層次！🦐月見雞肉肉質滑嫩又有少少軟骨嘅咬口。沾咗蛋汁之後，口感更加滑溜，蛋香同雞肉嘅味道混搭得好和諧。🍳紫蘇蟹籽墨魚滑係一道比較特別嘅菜式，墨魚滑本身好嫩滑，紫蘇葉嘅清香同蟹籽嘅鹹鮮加咗層次感。墨魚新鮮得來無腥味，配搭得好有心思。🦑最後叫埋主食，黑松露野菌炒烏冬，彈牙得來黑松露嘅香氣好突出，野菌又鮮味十足，醬汁調得啱啱好，唔會太濃或太淡，份量夠，食完有飽足感。🍝

最近試了不少串燒店，但「其.匠燒」依然讓人印象深刻，每道料理都有獨特的記憶點，水準相當出色。**每次必點的厚切牛舌** 口感Q彈嫩滑，牛香濃郁。搭配微酸的芥末醬，更能襯托出肉質的鮮美，絕對是招牌之選。**驚喜之作——和牛烏冬** 看似平凡，主廚卻用炙燒過的肥牛片增添層次，淡淡的煙燻香氣讓湯頭更顯心思，簡單中見真章。**人氣推薦的免治雞肉棒** OpenRice上極受好評的這道菜，入口脆嫩交織，原來混入了雞軟骨！難怪成為每桌必點。**壓軸的太陽蛋蒜蓉茄子** 鋪滿蒜蓉、芝麻與青蔥的茄子，劃破蛋黃後更添creamy口感。濃郁卻不膩，滋味令人難忘。從食材處理到調味細節，處處能感受廚師的堅持。喜歡串燒的話，這家值得一試！

🔥 鰻魚炒飯! 鑊氣十足 鰻魚多到瀉 一上枱就聞到陣陣焦香，米飯炒到粒粒分明，仲見到唔少鰻魚粒！師傅用咗關西做法，鰻魚皮燒到微脆，肉質依然嫩滑，最正係落咗少量山椒粉提味，食完成個口都係鰻魚嘅油脂香。朋友食到唔停口！呢個炒飯嘅鑊氣！拍得住大排檔！🍄 黑松露野菌炒烏冬：松露控必試 平時好少喺串燒店叫烏冬，但見到有黑松露就忍唔住！上枱已經聞到勁濃松露油香，菇菌種類多到嚇親—冬菇、本菇、舞茸鋪滿成碟。烏冬炒得夠乾身，同黑松露出奇地夾。 🍗明太子雞腿肉 雞腿肉加左明太子醬，，雞肉用咗海鹽醃過，皮燒到微焦，明太子嘅鹹鮮同辣度比預期強烈，味道方面都好夾！🐔 雞皮其實真係脆到犯規 ，而且雞皮完全冇油膉味，送酒一流。朋友食到停唔到口：「早知叫多串啦！」🍍 焦糖菠蘿菠蘿先用肉桂糖水浸過，表面燒出焦糖脆殼，一冷一熱口感好過癮。整體而言，酸甜平衡得剛剛好。🥒 翠玉瓜翠玉瓜厚切夠juicy，簡單但好食。特別欣賞佢哋冇燒到過乾，咬落仲有蔬菜清甜。🐷 日本五花腩串五花腩串烤得啱啱好，外皮脆卜卜，一咬落去油脂香氣爆晒出嚟，肥而不膩，仲有店家秘製醬汁，鹹香帶少少甜，每啖都滿足到瞇晒眼。肉質嫩滑多汁，加咗炭火煙燻味

今日收工和朋友去尖沙咀行街，朋友提議去附近的居酒屋 happy hour! 它位於尖沙咀厚福道12-12A號藍馬商業大廈10樓！ 尖沙咀港鐵站B2 出口行3分鐘就到，十分方便！ 以日式居酒屋主題！啱哂放咗工去輕鬆一下！⭐一口牛舌芯串 口感彈嫩有嚼勁，中心部位柔軟，有濃郁牛脂香，搭配鹽燒來提鮮，非常美味。 ⭐燒牛小排串 肉質細膩帶適中油花，略帶焦脆邊緣。鹽烤味很香，令牛肉香氣突出！⭐日本黑豚腩肉 肥瘦相間，油脂融化後多汁。 豬肉鮮味有咬口！⭐青蔥豚肉卷 薄切豚肉包裹清脆青蔥，層次分明，蔥香解膩，醬油味鹹甜適中！⭐美國牛肋條筋肉燒後軟嫩多汁美味，有濃郁牛肉味！一口一小件，鮮甜的香味加上口感，真係一流！⭐西班牙豬肋肉 豚肉紮實，帶骨香。 煙燻香料醃製味濃！ 好適合喝啤酒！⭐青瓜芥辣八爪魚 八爪魚新鮮，爽口彈牙！ 青瓜脆爽配八爪魚刺身真係好夾。日式芥末醬嗆辣帶甜，清新開胃。 ⭐多春魚 魚身酥脆，魚卵爆漿。 鹽烤加檸檬汁去腥，海洋鮮味濃。 ⭐雞翼 外皮焦脆，肉質嫩滑可口！ 風味經典，是必吃的！⭐生啤 Sapporo - 口感：清爽清新，氣泡順滑！ 適合搭配油膩燒烤。 這

厚福街出名多餐廳，今日放工又同朋友過嚟覓食🤣第一次嚟其匠燒，環境好舒適，枱與枱距離寬闊，而且有一個獨立tatami房，適合朋友聚會👍🏻蟹籽沙律清新又開胃，蟹籽份量多，沙律菜新鮮明太子芝士玉子燒味道香濃，蛋好滑嫩，配埋明太子，口感層次豐富芝士年糕每次去居酒屋必點菜式😆芝士濃郁咸香和牛稻庭烏冬和牛肉質好軟嫩，稻庭烏冬口感彈牙，湯底濃郁原條太陽蛋蒜蓉茄子茄子厚肉，蒜味十足，啱晒鍾意蒜蓉嘅朋友蘆筍豚肉卷蘆筍脆嫩，豬肉調味好食唐揚魷魚圈外脆內嫩，佐酒一流其匠・免治雞肉棒 (汁燒)又係居酒屋必點，醬汁惹味整體嚟講食物選擇好多，而且即叫即燒，性價比高，會再光顧!

今晚同friend去咗間隱世日式居酒屋，真係有驚喜！全店由師傅坐鎮，炭火直燒，仲有冰凍生啤，完全係日本當地居酒屋嘅風味！🔥 串燒（即叫即燒）- 雞膝軟骨：炭火燒到金黃，咬落"索索"聲，配七味粉超惹味！- 美國牛肋條：師傅火候掌握得啱啱好，外層微焦，肉心粉嫩多汁！- 日本五花腩串：肥脂分布靚到震，燒到微微焦脆，油脂香爆發！- 西班牙豬肋條：肉質彈牙得嚟帶蜜糖甜香，食完即刻想encore！🥓 北海道煙肉煙燻味好濃郁，鹹香中帶清甜，送酒一流！🌿 韮菜腐皮角腐皮炸得脆而不油，韮菜鮮嫩多汁，蘸少少鰹魚汁更提鮮～🍜 和牛稻庭烏冬湯底用鰹魚熬製，清甜得嚟唔會搶咗和牛嘅油香。和牛片薄切，入口即溶，烏冬滑溜有嚼勁！🍺 生啤（必點！）生啤冰凍到起霜，泡沫綿密，飲落清爽解膩，同串燒簡直係絕配！💯呢間絕對係香港難得嘅正宗日式串燒店！師傅手勢專業，價錢合理。想體驗日本居酒屋文化嘅朋友一定要試！📍 #香港居酒屋 #日式串燒 #炭火直燒 #生啤 #隱世美食（P.S. 建議預早訂位，晚市經常爆滿！）

其匠燒(香港)地址: 香港尖沙咀厚福街12-12A號藍馬商業大廈10樓電話: +852 靠著唔怕熱氣，食完燒物都唔會出暗瘡同喉嚨痛架體質，我就經常以呢個優勢去同朋友食串燒日式居酒屋氣氛好，可點beer : sake$188 原條五花豬腩肉，豪一豪成條上，咬下就滲出油脂香，散在口中。$38 免治雞肉串，隻生蛋黃是精粹$88明太子芝士玉子燒，唔淘講太多，有芝士一定要點，芝士控架人唔泡比理由！$58 雞皮蝦，雞皮燒到脆脆，勁好食成條肥豬腩食完好有罪惡感，想減guilty 同油膩感，點了份$88 野菌炒野菜

今日收工去厚福街睇下有咩好食就揾到間樓上的日本居酒屋6點先開門店舖唔算好大但氣氛係超夠好熱鬧加埋侍應好熱情所以係好enjoy 個moment ~好feel 首先落左2杯飲品果汁乳酸梳打（巨峰）（白桃）幾好味，又解膩！叫左幾款串燒一口牛舌芯，佢燒得岩岩好硬度，同埋厚身！三色雞頸肉 ，咩係3色？竹絲雞走地雞老雞，一入口，個感覺好好味！唔識形容，要試過先知！之後有叫雞腎，雞翼，都好脆口的，肉裡juicy !仲有美國牛肋條。芝士冬菇燒，又估唔到咁夾，芝士溶係菇個度，真係好好食！清酒牛油煮蜆,,第一次飲d湯係清酒好濃！好似叫左杯清酒😆蜆又大大隻！和牛稻庭鳥冬就正正常常，牛肉都好嫩的！明太子芝士玉子燒，好嫩滑的蛋！欣賞！同明太子好好夾☺️☺️☺️仲有芝士😍 prefect 侍應雖然好忙我爭啲啲頭髮掂到啲湯啦，佢會走過嚟提醒我超貼心！同埋都好詳細講解下邊d special 見到100蚊任飲，，好抵咁！😂😂不過我唔飲酒，所以無得試

唐楊魷魚圈：炸粉厚底適中，香脆可口。牛小排串：牛味較濃郁，大約半熟的程度，食落有𡁻口亦唔會太乾，外層焦香。牛肋肉串：牛肋肉雖然唔係貴價肉，但處理得好好，牛味唔差，含有滿滿肉汁及油脂香，十分出色，性價比亦高。燒雞腎串： 雞腎大小適中，一口一粒，亦唔會太乾身，食落爽口彈牙。燒五花腩串：頗有驚喜。豬味十分濃郁，腩位充滿油脂香，油脂位入口即溶，食落唔會覺得膩口，非常推薦。紫蘇墨魚滑：燒過既紫蘇葉 帶有清香，並同墨魚滑融合一齊，估唔到又幾夾。墨魚滑爽口彈牙，食落有墨魚粒。黑松露野菌炒烏冬：非常出色既一道菜。上碟時熱騰騰，松露及菇菌味不斷散發，食落有鑊氣，亦唔會太多油。饅魚炒飯：同樣即叫即炒。飯粒分明，配上饅魚食落唔會太油，同樣好有鑊氣總結：串燒水準頗高，炒飯及烏冬有驚喜，價錢合理，值得一試。

今日喺厚福街去咗食串燒居酒屋朋友晏晝食過 午餐好抵食夜晚星期一至四又有75折，所以就夜晚嚟聚一聚Asahi 加牛肋條牛肋條多汁牛香味濃鬱， 有串燒的焦香燒雞腎大大粒食落係彈牙口感燒大啡菇上面仲有啲木魚碎， 燒汁配埋大菇多汁， 覺得好好食送酒一定要叫炸物就叫咗個魷魚圈炸起鬆脆， 非常熱辣辣燒茄子真係每次串燒店都必食今次餐廳有個特色食物係加多一隻蛋 原條茄子太陽蛋蒜蓉茄子出奇地加埋蛋撈落去茄子更加滑唔會覺得唔夾芝士年糕燒起外脆內軟，裏面芝士流心燒醬油飯糰係心機菜， 要慢慢燒，完全燒香每一個表面外面嘅飯焦，裏面嘅飯都調咗味一人一個剛剛好食咗咁多熱氣嘢最尾當然要返個和牛洞庭烏冬烏冬係嗰種煙煙韌韌嘅烏冬牛肉質素高，唔係普通肥牛， 牛肉都幾嫩口， 牛油味香口星期一至四嚟食真係抵食75折兩個人埋單400蚊左右仲可以加錢任飲啤酒， 是日明天要上班就節制節制飲兩罐，放假過嚟飲酒吹水都幾爽皮另外餐廳侍應好友善，感覺同食客都打成一片有真正日本居酒屋的歸屬感

喺尖沙咀居酒屋好多，但係搵到一間能夠感受到正宗日本風味嘅居酒屋都唔容易～但係「其匠燒」就係超出色! 一入到去，已經感受到輕鬆自在嘅氣氛，夜晚都坐滿客，服務員都好熱情，亦會同客人傾計，係我鍾意嘅居酒屋vibe～首先要講下免治雞肉棒，必點之選~ 真係太好味! 雞肉鮮嫩多汁，啖啖都係享受厚切牛舌肉質厚厚實實，但口感好嫩，牛肉香味好濃，出色~日本五花腩串，五花腩肥瘦適中，燒到微微焦脆，咬下去就有啲油香味，超級好味 蘆筍豚肉卷都好正，豚肉嘅香氣配埋清脆嘅蘆筍，係一個味覺平衡~一啖咬落去，口感一流!油甘魚鮫估唔到有兩大件，好抵食肥美既魚腩味道鮮甜，燒烤後外層呈金黃香脆味道更加出色~雞胸軟骨，咸度剛剛好，有嚼勁~明太子玉子燒真係要大推超滑，好鍾意呢d 綿綿嘅口感加上軟滑芝士同埋明太子嘅海鮮香，口感超豐富!柚子乳酸梳打酸酸甜甜，解渴得好開心，係燒得熱嘅美食之後嘅最佳搭配值得encore 的一餐!

今日喺尖沙咀厚褔街藍馬大廈搵到一間日式串燒店——其匠燒，真係唔可以錯過！✨首先，我哋叫咗燒提燈，味道香脆，外面酥脆，內裡卻保持住濕潤，真係食到停唔落口！🍢接住就係大熱梅醬雞髀肉，梅醬嘅酸甜味同雞肉嘅嫩滑完美結合，食完根本唔想停！😋再嚟就係秘製汁燒雞肝，味道豐富，雞肝煮得啱啱好，口感滑溜，令人一口接一口！😍原條明太子就好鮮，配上酒盗芝士，真係食到爆汁，味道層次感十足！🍣仲有爆汁吉列炸蠔，咬落去外脆內滑，裡面嘅蠔肉鮮美，真係一流！🍤鰻魚炒飯亦都唔錯，米飯粒粒分明，鰻魚味道濃郁，完全唔會油膩！🍚最後飲咗柚子乳梳打，酸酸甜甜，真係好解膩，為一頓豐盛嘅餐點畫上完美句號！🥤整體嚟講，呢間串燒店無論係食物質量定係味道，都非常出色，環境舒服，服務又好，下次一定會再來！👍🎉