共度一燒

营业中

休息中

扇貝清甜燒得啱啱好好惹味，尤其是嗰啲粉絲超級好味😋五花籃串好香好好味皇埋雞髀菇燒得好入味辣得好過癮，個厚切牛舌啖啖肉又唔會好煙煙韌韌，做得幾出色其餘串燒都好香口最值得稱讚真係呢個茄子，份量十足又香又惹味超級入味其他朋友最值得清其他人最稱讚屎手小菠蘿好香甜，雞中翼又好香口最衰食得太飽如果唔係都想試吓佢其他嘢整體感覺環境幾舒服，店員都幾細心可惜佢哋仲未有啤酒如果有埋啤酒就簡直係絕配老闆嘅感覺都10分友善，都會嚟問吓我哋對佢哋食物有咩意見，原來先知道佢啱啱新開不過佢哋食物質素真係有驚喜值得下次再嚟幫襯

荃灣真係一個飲食小天堂，基本上諗到咩都有得食，鱟地坊士林食街近來開咗間新串燒店，前排經過見到望見咁靚既？😍原來係食串燒！上openrice睇評價唔錯，住荃灣又成日外食既我梗係黎試下啦～食店環境裝修會唔會太靚👍🏻?！光猛，乾淨，舒適！同一般既串燒店真係好唔同！肚餓了🤤 最鍾意食串燒可以叫好多野，望住餐牌樣樣都想食咁，可以選擇辣/唔辣，因為一個食辣一個唔食辣，店員仲另外上辣粉，細心至極👍🏻！▫️酸辣粉 - $29有肉碎花生榨菜蔥花芫荽，仲可以另外加$6-$12配料，我地就叫咗豬大腸+豬皮+水魷。原來都幾大碗，夠麻夠辣，我就最鍾意豬大腸好淋好入味，而水魷真係度度有得食。▫️雞皮 /雞腎/雞軟骨 - 串燒至愛之一，每次必叫，燒出多油脂，滿足哂脆脆既口感，啱哂配杯啤酒🍺🍻或者汽水🥤▫️五花腩串 - 一層脂肪一層肉嘅五花腩最啱就係要黎燒，燒得啱啱好，肉既部份唔會韌，加埋入口即溶既脂肪一齊食唔會油膩感😍😍😍 推介推介推介！▫️雞髀菇 - 燒得好juice👍🏻▫️芝士蝦球 - 建議一口食，因為會爆漿🤣🤣🤣熱愛芝士必選，外層炸得酥脆，內裡係芝士漿，我建議趁熱正啲～▫️牛舌心 - 牛舌燒得好味唔容易，要燒到外爽脆內裡

喺荃灣以前雞脾爸爸附近，有一間光猛又簡約裝修，落地玻璃嘅串燒店，共渡一燒，睇得出老闆同員工好有心而且有heart，佢哋竟然請晒全場嘅客人試佢哋嚟緊準備會推出嘅奶茶，每人2,3啖咁😀最難忘嘅係嗌咗一條燒茄子，上面嘅蒜蓉香而不辛，年輕老闆話佢地d蒜蓉係生招牌黎，慢火炸足2個鐘先可以將蒜本身嘅辛辣減低，但又原好地保留返蒜蓉嘅香，即使條茄子鋪滿蒜蓉，但都好快清晒！至於其他串燒水準正常，價錢合理，調味略重少少，相比起街邊食串燒多了一分舒服，唔會食到好論盡😳五花腩串 $20泰式豬頸肉 $22安格斯牛 $34雞肉串 $16雞中翼 $14雞軟骨(2串) $22多春魚 $28牛丸 $12芝心獅子狗 $18原條茄子 $42燒菠蘿 $24

荃灣鱟地坊一向以打冷小菜麻甩佬味重的酒樓食肆林立，經過竟然見到一間小清新裝橫的食店，原來係主打食串燒和酸辣粉！室內光猛、齊整，有別於一般串燒店。他們第一間店是在大埔，而荃灣是他們的分店。究竟點解2間個感覺咁唔一樣呢？和店長聊起天來，他們想帶到唔同既感覺和新鮮感俾食客～酸辣粉 BB辣加牛丸、響鈴卷，米線 ($45)（利申我唔係太食得辣，所以好多都冇叫到辣）酸辣粉湯底喝到喉嚨有點微辣，這種辣度對於不吃辣的我非常接受得到，輕輕的辣為湯底加上層次感。湯底咸度適中也不會油!~五花腩串($20)大推的一款！本身五花腩的油脂燒過後鎖住在香脆的外皮內，加上調味粉，十分香口一吃再吃。泰式豬頸肉($22)泰式辣醬鋪面的豬頸肉串也很不錯！牛舌心 香辣(34)店家切走牛舌旁邊，只用中間的部份，就算厚切但食落都是鬆軟。真正的用心研究食材！多春魚($28) 很脆很香口, 肚子是甜的～原條茄子 ($42)很喜歡這個原條茄子，特別在於整個茄子都很濕潤。店家用上2小時烹調時間，做到熟透的狀態，比起平日我們吃的裡面還是有點生的，這個濕潤感是很驚喜的。鋪面的蒜蓉絕對是這個餸菜的靈魂，蒜蓉味道吸收在茄肉之中，融合非常完美。芝

黎到荃灣接朋友放工順便搵食，經過見有間共度一燒嘅食店新開張，店員介紹有酸辣粉有串燒，睇睇餐單都唔錯喎，一於試下佢啦。先來碗酸辣粉，上枱已聞到陣陣麻辣味，幾正咁喎。湯底揀左小辣少麻走酸，入口鹹鹹地，飲多幾啖就感覺到啲麻辣飄出黎，呢個辣度幾對胃，唔覺唔覺都飲左大半碗，哈哈。餸方面揀左豬大腸同腐皮，大腸好入味，而且好肥正呀，鍾意呢種肥滋滋嘅大腸，口感正好多㗎。朋友個碗叫左bb辣少麻少酸，多左少少酸味都幾好味喎，下次試下呢個組合先。餸要左芝士狗，哈哈，幾得意呀有芝士係入面嘅竹輪卷。兩碗都叫左紅薯粉，鍾意薯粉滑嘟嘟咁。當然要叫埋串燒試下啦，即叫即燒制作需時㗎。右起鵪鶉蛋，雞皮串，金菇肥牛卷，泰式豬頸肉，香辣牛肋條，同白鱔。黎到發現叫晒肉添，哈哈，果然係食肉獸。鵪鶉蛋燒起上黎又幾得意，脆脆地咁樣。白鱔夠晒肥，個皮超香脆。牛肋肉好重牛味，入口甘香。豬頸肉加左泰式雞醬酸酸辣辣好味喎。飲品有罐裝汽水同支裝飲品，唔知遲啲會唔會有埋啤酒呢？小店幾好坐立，冷氣十足，白色裝修感覺乾淨。食物好食，價錢亦貼地，推介喲～

今日一支公行街，本身想食碗拉麵見到咁多人為有行多一會再睇睇，點知行過去見到一間新開張小店，見間野環境唔錯就入去試一試，店員都幾有禮貌環境幾乾淨點左幾樣野味道又唔錯wo ,睇得出啲師傅都幾有心機個人最鐘意個章魚棒好鬼彈牙又會又有蔥香味幾特別本身第一次嚟都唔太感點海鮮費事中伏，點知見到隔離枱啲海鮮有幾鬼靚，最衰一個人又唔可以點太多野下次約埋三五知己嚟試吓啲海鮮先

今日去左荃灣一間開左一星期既串燒店，好摩登既裝修有別於傳統串燒店，廚房同食客地方分格開，所以不會太熱，冷氣夠。而且非常乾淨企理，佈置有現代感。點左好多串燒及小食【羊架2份】$72大大件羊架，而且食落去好juicy，非常好食😋😋😋【安格斯牛2份】$68牛不會韌，而且肉有肉汁不會乾。［牛舌心】$28牛舌心是厚切的，食落好有咬口，加埋醬汁及味粉，牛舌心好出色［泰式豬頸肉］肉非常香口，配搭泰式甜辣醬好特別，令到不會食所有野一樣味道［龍蝦餅］$32外面非常脆，感覺有啲似日本可樂餅，咬開後有龍蝦流心咁爆醬出來😋［麻辣豬耳］$26麻辣豬耳夠辣度，中意食辣既人岩晒全部都好食，餐廳另有酸辣粉，本來想試下，但食左不同串燒已飽左，下次會再來試酸辣粉

星期六收工經過見到新開張（9折），6點半不太多人便入去試下。除左有串燒，仲有酸辣粉牛舌心及五花腩肉最好味仲叫左原條燒茄子,安格斯牛粒，燒生蠔，蟶子。。另店主推薦波士頓龍蝦餅，裡面似係流心蝦膏。

讚1.叫左雞皮、番薯、酸辣粉、墨魚頭，整體都有水準，雞皮燒得幾香口，有油香，番薯都燒得幾透心軟熟，墨魚頭幾入味，酸辣粉叫左BB辣，夠滑身，同埋湯底都夠惹味2.環境真係幾好，以港式串燒店黎講係好骨子下彈1.無酒牌，食串燒點可以無啤酒

今日老婆提早放工，經過鱟地坊見到間新開張既燒烤店，新開張期間做緊9折！鐘意食串燒既我地當然唔執輸啦！😍😍😍一進店店員非常有禮貌，尊重客人既意見，加分👍🏻店內光線充足，座位舒適，設計時尚，有別以往去親其他燒烤店有逼逼夾夾冷氣唔夠既感覺，加分👍🏻到左食物部分🍗🦪肉類既串燒火候控制得好好👍🏻上到枱既時候熱辣辣，又唔會燒得太乾，保留肉質既鮮味，加分👍🏻海鮮類只叫得一隻蠔諗住試下味，試完之後好後悔！因為隻蠔好肥美。但只係叫左一隻…追加又驚等好耐😭😭😭到左蔬果類既燒物呢款燒茄子簡直就係共度一燒既靈魂！！超超超超超級好味，份量十足！😍😍😍👍🏻總括黎講，出街食野都係講求食物質素同舒適度。此店同時擁有！價錢合理，性價比高👍🏻要keep住用心經營啊！加油💪🏻

同男朋友經過荃灣覺得好肚餓想食一些barbecue,同時又可以食酸辣粉於是經過這間餐廳真係滿意。這間餐廳地理位置適中鄰近地鐵站走過來真係唔到十多分鐘。其次佢哋選擇超多,女生喜愛嘅燒賣鵪鶉蛋龍蝦丸墨魚丸牛丸芝士腸臺灣場都有,即使我男朋友鍾意食冬菇雞髀菇韭菜娃娃菜肉瓜亦可滿足到我哋, bbq最緊要唔使自己燒有專人幫你照顧到底。我自己比較鍾意佢哋有特色嘅秋刀魚同埋多春魚真係唔錯另外亦有鹽燒大虎蝦。地理位置環境衛生good

荃灣開了新的串燒店😋近日行過沙咀道果邊，見到開左間新食店，睇落好似一間cafe ,好清新的感覺，見到有人派傳單，原來係一間串燒店！今日穩到時間去試吓！一向都好中意食串燒！見到有感多種類嘅串燒，好開心，試左：雞中翼：$18/串豆卜：$15/串雞髀茹：$14/串五花腩串：$20/串雞肉串：$16/串蒜香茄子：$42一口豚炸串：$18/串酸辣粉：$3x /碗價錢好實惠!不得不讚下d串燒，尤其係五花腩串，豆卜同雞翼，好香脆，又腌得入味，食完仲想encore!酸辣粉又大碗又足料，又酸又辣，我一個女仔食五曬。個燒茄子一絕，配埋肉醬好襯，值得推薦，好入味！下次一定再利支持下，試吓其他菜式！因為朋友吾食牛嘅原因,所以無嗌到牛，我本身好中意食牛，下次要試曬牛既串燒😆

去荃灣揾朋友食飯，見到呢間新開嘅串燒店，決定入去試一試。餐廳環境好好，好乾淨企理，座位都好闊落，唔會有好大陣燒烤味，唔怕食完成身都係燒烤味。我地叫咗幾款串燒黎食，呢間既串燒全部都係即叫即燒，黎到個陣熱辣辣。~~厚燒牛舌真係好厚切，食落好爽口。~~雞皮串食落卜卜脆。~~雞軟骨串食落好爽口，唔會乾。有d油脂位加埋小小燶邊，好好味。~~雞中翼燒得好香，雞皮好脆，雞肉好嫩滑。~~泰式豬頸肉啖啖肉，唔會太肥。醬汁帶有少少辣，好惹味。~~蒜香牛油雜菇呢個真係必叫，好好味。勁多蒜，好惹味，D雜茹吸曬d蒜味。~~牛油粟米燒得啱啱好，唔會乾。食落好香牛油味。粟米好甜。最後叫埋酸辣粉，好大碗。有好多配料包括肉碎，花生，榨菜，蔥花，芫荽等等。D薯粉好吸湯，食落少少酸，少少辣，好過癮。餐廳員工好有禮貌。好好服務態度。

聽講荃灣開左一間大埔串燒名店，唔洗入咁遠，緊係要試下。係正荃灣鱟地坊呢個美食勝地，感覺都有幾分保證。呢間餐廳主打串燒，同埋酸辣粉，咁既combination，真係少見。首食有個凍盤，酒糟雞卷，酒味濃厚，作為前菜幾好。最抵讚的係燒茄子，茄子醬汁極有誠意，醬汁明顯特意調製，帶有紅椒、青椒。串燒牛肋串、五花腩，肉汁豐富，調味不過重。而佢地主打牛舌，仲特别有2款，一種係牛舌心，一種係厚切牛舌，前者牛味，後者口感一流，記得要諗岩自己想食邊款先叫。呢到仲有少見的鵪鶉旦，出面串燒店真係好少見到。一口蕃薯幾好食，如果中意綿滑口感的一流。蔬菜類有用第二種醬汁，例如韭菜醬汁甚濃，多汁，有誠意。炸物炸得岩岩好，例如芝士手糕、榴槤炸彈，無油益味，抵讚。特別要提榴槤炸彈，榴槤流心咁流出黎，好！講左咁耐串燒，緊係要講下酸辣粉。出面食既酸辣粉好油，但呢間唔會，食得舒服，配撘串燒岩岩好。

經過荃灣夜市-鱟地坊，見到這間新開的串燒店，見到店內裝修感覺比較像型格少女cafe，若不細心看餐牌，真的以為是間cafe😆比坊間其他串燒店舒適很多～圖左至右，上至下介紹下先～芝士蝦球（$24）外層炸得好脆，蝦球🦐好有蝦味，包住拉絲芝士🧀一口豚炸串（$18）外層有層炸衣，有洋蔥包住豚肉，好有層次。安格斯牛串（$34）外層燒得好香，內有滿滿嘅肉汁。香辣牛肋串（$20）牛味好濃又辣辣地，十分惹味！厚燒牛舌（$28）👍🏻牛舌心（$28）店員見到我地揀咗厚燒牛舌，就推介我哋食牛舌心。牛舌心完全裝厚燒牛舌比下去，肉質彈牙，又有肉汁，真心十分推介👍🏻雞髀菇（$14）雞髀菇有燒烤味之餘，又保持到濕潤。秋葵（$16）燒秋葵真的好好味，比起其他煮法，我最喜愛燒秋葵。燒秋葵好似零食，可以一口接一口。白鱔（$42）好新鮮，少少鹽就已經鮮味十足。除左串燒，另外還有酸辣粉，岩晒怕淨食串燒唔飽嘅人😆酸辣粉-雞翼，肥牛（$42）酸辣粉有驚喜，做得唔錯。酸味適中，麵是比較粗的樹粉，麵質夠爽👍🏻店員十分有禮又親切☺️感覺很好，好適合同朋友邊吃邊傾～