共度一燒

营业中

休息中

去荃灣揾朋友食飯，見到呢間新開嘅串燒店，決定入去試一試。餐廳環境好好，好乾淨企理，座位都好闊落，唔會有好大陣燒烤味，唔怕食完成身都係燒烤味。我地叫咗幾款串燒黎食，呢間既串燒全部都係即叫即燒，黎到個陣熱辣辣。~~厚燒牛舌真係好厚切，食落好爽口。~~雞皮串食落卜卜脆。~~雞軟骨串食落好爽口，唔會乾。有d油脂位加埋小小燶邊，好好味。~~雞中翼燒得好香，雞皮好脆，雞肉好嫩滑。~~泰式豬頸肉啖啖肉，唔會太肥。醬汁帶有少少辣，好惹味。~~蒜香牛油雜菇呢個真係必叫，好好味。勁多蒜，好惹味，D雜茹吸曬d蒜味。~~牛油粟米燒得啱啱好，唔會乾。食落好香牛油味。粟米好甜。最後叫埋酸辣粉，好大碗。有好多配料包括肉碎，花生，榨菜，蔥花，芫荽等等。D薯粉好吸湯，食落少少酸，少少辣，好過癮。餐廳員工好有禮貌。好好服務態度。

聽講荃灣開左一間大埔串燒名店，唔洗入咁遠，緊係要試下。係正荃灣鱟地坊呢個美食勝地，感覺都有幾分保證。呢間餐廳主打串燒，同埋酸辣粉，咁既combination，真係少見。首食有個凍盤，酒糟雞卷，酒味濃厚，作為前菜幾好。最抵讚的係燒茄子，茄子醬汁極有誠意，醬汁明顯特意調製，帶有紅椒、青椒。串燒牛肋串、五花腩，肉汁豐富，調味不過重。而佢地主打牛舌，仲特别有2款，一種係牛舌心，一種係厚切牛舌，前者牛味，後者口感一流，記得要諗岩自己想食邊款先叫。呢到仲有少見的鵪鶉旦，出面串燒店真係好少見到。一口蕃薯幾好食，如果中意綿滑口感的一流。蔬菜類有用第二種醬汁，例如韭菜醬汁甚濃，多汁，有誠意。炸物炸得岩岩好，例如芝士手糕、榴槤炸彈，無油益味，抵讚。特別要提榴槤炸彈，榴槤流心咁流出黎，好！講左咁耐串燒，緊係要講下酸辣粉。出面食既酸辣粉好油，但呢間唔會，食得舒服，配撘串燒岩岩好。

經過荃灣夜市-鱟地坊，見到這間新開的串燒店，見到店內裝修感覺比較像型格少女cafe，若不細心看餐牌，真的以為是間cafe😆比坊間其他串燒店舒適很多～圖左至右，上至下介紹下先～芝士蝦球（$24）外層炸得好脆，蝦球🦐好有蝦味，包住拉絲芝士🧀一口豚炸串（$18）外層有層炸衣，有洋蔥包住豚肉，好有層次。安格斯牛串（$34）外層燒得好香，內有滿滿嘅肉汁。香辣牛肋串（$20）牛味好濃又辣辣地，十分惹味！厚燒牛舌（$28）👍🏻牛舌心（$28）店員見到我地揀咗厚燒牛舌，就推介我哋食牛舌心。牛舌心完全裝厚燒牛舌比下去，肉質彈牙，又有肉汁，真心十分推介👍🏻雞髀菇（$14）雞髀菇有燒烤味之餘，又保持到濕潤。秋葵（$16）燒秋葵真的好好味，比起其他煮法，我最喜愛燒秋葵。燒秋葵好似零食，可以一口接一口。白鱔（$42）好新鮮，少少鹽就已經鮮味十足。除左串燒，另外還有酸辣粉，岩晒怕淨食串燒唔飽嘅人😆酸辣粉-雞翼，肥牛（$42）酸辣粉有驚喜，做得唔錯。酸味適中，麵是比較粗的樹粉，麵質夠爽👍🏻店員十分有禮又親切☺️感覺很好，好適合同朋友邊吃邊傾～

係荃灣行過見到間新開既串燒店 即刻走入去試新裝修果然唔同d 環境好舒服 感覺有d似cafe叫左兩個凍盤 麻辣豬耳同酒糟雞卷 兩樣都好有驚喜豬耳既麻辣汁好香 辣度剛剛好 豬耳超級爽口酒糟雞卷好香花雕味 食落帶微甜 雞卷既肉質幾嫩口見到有酸辣粉即刻想試，食得出店主好有心機，個酸辣粉完全唔油好好味，唔係出面嗰種死辣，個湯好俾心機做，飲咗幾啖都唔口渴。佢有幾款海鮮，價錢都幾相宜，今日叫咗扇貝同埋聖子，兩樣都燒得啱啱好，佢唔會用過分嘅醬料黎蓋過食物嘅鮮味，扇貝食落去好新鮮，聖子都好彈牙。其他串燒全部都好好食 五花腩串燒得好香脆 煙肉蘆筍卷都好好食 男朋友就鍾意食燒豆卜 金菇牛肉卷都好Juicy另外氣氛好好 老闆好nice 同食客們打成一遍 值得再encore

經過荃灣見到呢間新開串燒分店仲要做緊九折咁就去試一試啦串燒好多款 可以要求辣或者唔辣同埋老闆好細心知我唔食得辣可以啊所以特登整咗BB辣🥺雞皮外脆內軟超香口燒白鱔外脆多肉汁 好食燒墨魚咀好少地方有 有口感幾得意夠煙韌煙肉蘆薈卷入邊啲蘆薈中和返煙肉嘅肥膩上湯煮花甲同XO醬粉絲娃娃菜都係必點花甲同娃娃菜都好清甜🥰炸物推薦吉列海鮮卷,波士頓龍蝦餅,紫心香芋丸呢三樣都超高質❤️夏天可以嘆住冷氣食燒烤,爽!間鋪係新開張門口又有打卡位乾淨企埋舒服如果一家大細或者同朋友嚟都坐得舒服

荃灣開咗間新嘅串燒店，原來唔止串燒仲有酸辣粉食！咁有幾好喎，冇澱粉質落肚唔餓嘅我，食幾多串燒都唔係好夠咁，叫多碗粉就啱啱好，唔係食串燒都食窮，哈哈！【酸辣紅薯粉】串燒即叫即燒需時，先嚟咗碗酸辣紅薯粉，我剔咗小辣少麻少酸，食一啖先發覺我應該可以食到中辣中麻，湯底好香濃，紅薯粉索晒湯，再配埋啲花生同酸菜，好正！配菜選擇都幾多，有唔同價錢嘅。【串燒】第一輪串燒上咗五款先：泰式豬頸肉搽咗蜜糖再燒，意外地好味，同喺其他串燒店食過嘅唔一樣；安格斯牛肉質唔錯，牛肉味濃；燒賣豆卜正常發揮，算係夠火候就好食嘅嘢；台灣腸幾多汁香甜。隔咗一陣再上第二輪串燒，等唔算太耐：羊架超級香，本來想食先，但超級熱拎唔到，哈！孜然粉同羊嘅肉味最夾，落得夠重手，好惹味；雞軟骨串正常發揮：金菇肥牛卷有成四件，份量好足；白鱔鮮味彈牙，燒到脆面鎖住肉汁，好好食！【炸物】波士頓龍蝦餅又幾特別，我以為入面係蝦膠或蟹柳嗰類嘢，原來佢喺類似炸鮮奶咁，不過入面係橙色嘅龍蝦濃湯；吉列海鮮卷抵食夾大件，飽肚之選。呢度嘅串燒整體嚟講好高質，唔會全部嘢都係孜然粉同一個味，所以食得返食材本身嘅味道，呢點做得唔錯！而且餐廳環境乾淨企理，而唔會好大陣燒

朋友下班經過荃灣鱟地坊，見到新開的餐廳，食酸辣粉，還有各種串燒，價錢也不貴，吸引了我們入座。酸辣粉$29,是我的至愛，已包括肉碎、榨菜、花生、芫茜，價錢合理。喜歡吃米線，選了小麻辣，多酸，每款配料加$6至$12元。我喜歡這裏的自家製酸辣湯底，本身的酸辣味道很大眾化，適合香港人口味，喜歡的辣度任君選擇，我喜歡多酸，一上桌真的聞到很香陳醋味，酸得來香甜，很對我胃口。加配了芝士腸$6和豬大腸$8，豬大腸滷水味道很入味，炆得夠淋。朋友不想吃粉麵，原來也可以點淨餸，滿$29或以上，等同或超過一碗酸辣粉的價錢，就可以了。娃娃菜鮮甜爽口，浸在酸辣湯裏，味道很相配呢！響鈴卷可即食，可浸湯，我們浸在酸辣湯裏一會兒即食，吃到酸辣味道，又吃到響鈴的腐皮味；金菇是最吸味的蔬菜，有這個酸辣湯，真的吃什麼蔬菜都好吃；鹵水雞翼炆得又淋又入味；餃子是 韭菜餃，韭菜很香，味道不錯。這裏也有涼拌小食，點了酒糟雞卷$26,酒味很香，不會太濃，夏天吃涼拌小食最清新，雞卷啖啖肉，肉質爽口。還點了主打的串燒試試，可選辣和不辣。朋友沒吃粉麵，就點了燒羊架$36當主菜，羊架中size，也不算細隻，燒成八成熟，肉質嫩滑多汁，羊肉味香！

食上癮既酸辣粉，大埔後再開分店向荃灣新分店好靚❤️環境又舒服又寬敞算係荃灣坐得比較寬敞既食店無敵厚切午餐肉酸辣湯底好惹味，忍唔住會狂飲佢既湯因為我好鍾意食魚，通常每次必食午餐肉、鯇魚腩，海鮮次次都好新鮮，鯇魚都好白雪雪，食材好靚料非常正宗既配料，因應個人喜愛揀辣度/酸味/走蔥/走花生等等，為左食真正酸辣粉，通常我都唔會走任何一款串燒配酸辣粉簡直係絕配，串燒可揀辣/唔辣，通常我會因應唔同既食物揀辣唔辣我最愛食台灣腸，呢度既台灣腸都size 比較大，好抵食串燒仲有新既款式向荃灣舖仲有必食串燒雞皮，必選辣，又脆又有辣粉，好好味🤤燒茄子都係必食，又juicy又好入味🤩必試❤️定期食完無耐又想黎食！😍必食推介宜家仲有好多新飲品飲，白桃梳打都好好味🥳餐廳靚靚裝修有月光燈，可供打卡，好似月蝕咁🌕🌖🌗🌘🌑🌒🌓🌔能夠成為呢間舖既第一個寫食評實在太榮幸❤️