六本木日本料理 (已結業)

尋日3個女仔諗住食日本野,去番去開慨sushi tei,但又想試吓新野,咪去左呢間六本木到食!上到去,裝修都ok靚,中間整野食個位都ok,但d台就令我失望,白色台布同個環境一d都唔match,仲有d茶樓feel tim! 其實間野吸引到我去都係因為用信用card有8折架咋,點知打開menu,原來d野都幾貴架bor,打完折都未必抵!叫左幾樣野,有蟹子沙拉,介辣八爪魚,鰻魚抄飯,芝士吞拿魚,炸蝦卷... etc. 蟹子沙拉同介辣八爪魚黎到,超細碟囉,最多比盡可能係sushi tei慨3份1到咋,味道ok啦,無咩special,勁唔抵食!芝士吞拿魚同炸蝦卷ok d,幾好食但都要$70-80一碟!鰻魚抄飯最抵,$80,3個人食唔晒,因為都唔好食囉!賣單好surprise囉,只需每人$120幾喎,但我決定都唔會再去lu!

因看了此處的介紹所以光顧了六本木食物水準一流. 環境清靜. 職員有禮我們一行2人order了以下食物1) 牡丹蝦做緊推廣. 超大隻. 肉厚鮮美(共4只)2) 蟹籽沙律. 乾身夠凍.有心思之作3) 燒大蝦. 略為燒得太長時間(1只)4) 上雜錦壽司(魚夠新鮮)5) 炸軟殼蟹(粉漿夠薄)6) 燒鯖魚(鮮味+鹽味一流)7) 海鮮雜菜鍋(陣陣清香的海鮮味.內的尤魚很爽)8) 清酒大善若水一支(720ml )我們2人吃得十分飽. 而且職員很細心為我們介紹清酒類別食物未到前仲想加order.幸好職員意見下我們不再添叫有幾張credit card都有8折.以上埋單共$960要是想吃有水準之食物.必選此店

情人節前夕同朋友去試左呢間餐廳, 可能係樓上舖同新開的關係, 只得幾枱人.我地叫左個雜錦魚生飯, 雞軟骨棒同海鮮炒飯, 整體味道不錯, 魚生都幾新鮮. 至於環境就令人感覺好西式, 不過都坐得好舒服, 起碼好靜先. 但價錢就略貴, 好彩依家DBS信用咭有8折, 折後價錢至變得合理. 而招呼亦好周到. 係尖咀黎講, 呢度都係一個好選擇, 至起碼唔等位先啦!

昨晚與朋友去左六本木吃了一餐好好味的日本菜，真是一試難忘。由於我是一個素食者，固此本來想去到都是陪太子講書，無啖好食，但是居然有驚喜，他們服務一流，我告訴他們我是素食者有什麼可以吃，服務生為我介紹了一個素食壽司拼盤，及一個什菜鍋，使我最感動的是他們會為我重新配一個清水加麵豉醬湯底。而我朋友門叫了10幾樣東西，有牡丹蝦，雞泡魚乾，大蝦天婦羅，特上壽司，番薯芝士波，什菜飯，魚生沙律，仲有我的素食壽司拼盤，及什菜鍋，及兩樣已經唔記得了，由於新張期內仲每人送一隻焗帶子，及用恆生或永隆卡有8折，樣樣他們都話好好食，上碟又放得好有心思好靚，我試了一個天婦羅茄子，嘩!真是好好食，而我的素食拼盤及什菜鍋都做我好好味及好靚，最後埋單都是$847，總之此餐廳真是藉得再去。

一月十日(星期四)今日好開心呢!我既食評上左u magazine!係板長!.....真係要多謝老公大人同我四周圍去食好野!辛苦了老公大人!為左報答您我都會帶您食buffet!今日去左試六本木!食左佢個牡丹蝦!wa!好大隻!!!好食呀!!第一次食!正呀!老公真係冇介紹錯呢!不過佢話細隻o個d係入口即容!而且個蝦頭+8蚊可以炸埋!正呀!!!仲有叫左個三文魚親子飯!d米係日本米,好lim!而且三文魚係魚腩!好食!同埋個鰻魚炒飯,呢個ok,饅魚唔多!上次o係數東京食o個個好食d!!同埋不得不提既係佢地服務好好!!90度陱公呀!同埋都幾pro!唔錯!牡丹蝦最抵28蚊!做緊promo!

潮興creative dining，無計，都要試下。打電話來訂了壽司吧檯，入到來小貓三幾隻，老闆坐到埋邊private area傾生意，與友人坐到師傅主理席位前，不勝榮幸。壽司吧十餘款海鮮，櫃內乾爽無濕氣，當然最大興趣是對正門口的游水（魚周）魚。翻開餐牌看著，友人慣性地與師傅寒暄一番，也順道收收風，妙語連珠也聽得叱吒稱奇。先來前菜，是些佐酒的小吃，煙豬、海葡萄山芋、鹽焗銀杏、青瓜夾明太子，煙豬味幾淡的，賣點是出面餐廳唔多見有，但Sogo、C記有得賣。海葡萄山芋師傅又開始自吹自雷一番，說來自沖繩坊間少有芸芸，說真的，連日航自助餐都曾經推出過此物時，想不出賣點在那，此品轉贈友人，她是吃得津津樂道。鹽焗銀杏是本地貨，質感一般，然，只收$30，加上靚靚樹枝作配襯，也見誠意，收貨；青瓜夾明太子，以Martini杯冰鎮而上，設計花了不少心思，這方面幾有誠意，但另一方面青瓜是腍而帶瘀色，明太子一味得個辛字的現成貨，靚仔設計與水準以下的味道，有辣有唔辣，不懂欣賞。同場加映了師傅送贈的烤烏魚子乾，魚子的熟成度不足，口感粉麋。吃了些前菜，喝了半口冰啤，再來是一些刺身，牡丹蝦、三文魚腩，友人想吃海膽，遊說了

星期六去左呢間六本木日本料理食lunch，點左個天婦羅定食同三文魚刺身，三文魚刺身好新鮮，佢將d三文魚刺身放係d冰上面，而且賣相真係好得，去呢度真係要試一試d刺身，至於個天婦羅定食都炸得相當脆，再加埋味憎湯同餐後水果，真係好完美既一餐，而呢度既service亦都好好，見我羅紙巾出黎即刻羅d紙巾俾我，同埋經常加水，依家新張期仲有八折，去開尖沙咀可以試試~