六喜見 (已結業)

喺通菜街搵食，發現有間新開嘅小店<六喜見>，主打無味精自家麵食創作料理，一於試一試😃店鋪面積雖然唔大，但樓底好高，堂食亦唔會感覺侷促😇六喜甜辣醬海參花 ($59)海參花好爽口，加埋甜辣醬，食唔停口👍🏻六喜甜辣銀魚秋葵 ($38)秋葵好新鮮清新✨配埋銀魚、甜辣醬，係個新奇惹味嘅配搭😙 一人炸蟹餅 ($60)蟹餅蛋味好香，加埋結實嘅蟹肉，香噴噴☺️一人炸蠔餅 ($48)蠔餅鬆脆香口，蠔仔份量好多，鮮味十足🤩店家精心炮製嘅小杯清香菊花茶，隨主食奉上，清新味蕾，提升鮮味感受😋(升雲)雙湯蝦籽雲吞麵 ($51)大地魚同香蝦熬嘅湯底，配合蝦籽，衝擊味蕾，不同凡響😍😍 雲吞皮薄餡靚，麵條彈牙可口，又一碗港人最愛嘅細蓉🫶🏻海家漁湯銀魚蠔仔蟹肉湯飯 ($88)湯飯好足料，蠔仔飽滿，蟹肉銀魚散發香氣，配上濃厚海魚湯，好滿足🥰🥰凍洛神花茶 (跟餐$15)洛神花茶煲得好濃，飲得出火喉十足，為健康加分💪🏻 Cheers🍷喺旺角街頭，幾時想享受吓海の精華兼進補一吓，<六喜見>滿足到你嘅願望😉

今日放假和朋友在旺角行了一輪街跟住去午餐！ 記得有人介紹過附近有一間好吃的麵店🍜叫六喜見，於是去試吓😉它在旺角通菜街1A-1L威達商業大廈地下J舖😀 旺角港鐵站行幾分鐘就到，交通十分方便！ 店內裝潢設計有日式風格，整齊乾淨，地方也寬敞，坐得舒服😃我們先來了雙湯頭酱肥牛撈麵🐮它們主打所有湯底堅持不加味精和即日淆製💯 雙湯係大地魚🐟金湯溝香蝦🦐海味金湯, 飲落味道鮮美，不會太咸👍 頭酱是秘製，有濃濃甜鼓油味，配上爽口的幼麵和鮮味肥牛，真的超搭配，好惹味😋再來的漁湯銀魚雙丸麵 🍜 漁湯是用新鮮的魚淆製，鮮甜可口，有很濃香的魚味！ 蝦丸爽口彈牙！豬肉丸吃到豬肉的鮮味，手打係不同的👍淨薑醋豬手超稔滑入味，份量也不少，超開胃😋 甜辣酱海參花係第一次吃到的！爽口有鮮味，配上自家製的醬，超夾😆 是必吃的👍 最後來個炸蟹餅🦀 即做即炸，鬆脆可口，蟹肉足份量，好好味！這裏是一間高質數的麵店，冇味精和自家製的食物，很用心♥️ 值得向大家推介😘

夏天咁熱其實唔想食太多嘢🥵小湯麵再加少少涼拌小菜就真係最好不過💦通菜街由登打士街至豉油街嗰段係超級多食肆想買外賣返屋企又唔想太heavy見到呢間<六喜見>個樣新蔟蔟幾精神企理🤩個裝修又幾有格調睇一睇個餐牌原來係係中式麵🍜但配搭幾有特色有蝦丸/薑醋豬手/肥牛等等而且佢獨創雙湯湯底平時出面食嘅雲吞麵湯底通常都係用單一大地魚熬製而成🐟呢度雙湯湯底就溝埋秘製香蝦海味金湯🦐不過佢都照顧埋對蝦敏感嘅朋友仔係可以揀單一漁湯的超貼心🫶🏼雙湯香葱芫茜蒜香鱔仔乾草菇醬油撈麵好少見人用草菇做配菜呢個配搭好新奇🙀（題外話草菇我以前麻麻地鍾意食但自從有一次咬開一半見到裡面有粒好可愛嘅小菇我就愛上草菇了🤣🤣🤣）個撈汁係秘製甜豉油/秘製豉油皇/蠔油調配製成草菇清淡爽口加埋呢個充滿鮮味的撈麵汁令到大家都唔會搶咗對方嘅focus（即係如果係牛腩再加撈麵汁嘅話就可能會太濃烈）再配以大海無量嘅芫荽香蔥炸蒜🌿🌱🧄老闆娘實在毫不吝嗇令人非常滿足另外撈麵附送嘅雙湯真係不得之了鹹得嚟夠味而另一方面又極度鮮甜可口🤤我完全飲哂仲要一啲都唔口渴佢一定係無落味精😍😍😍涼拌小菜叫咗甜辣醬🌶️銀魚仔秋葵同埋海參花甜辣醬開胃鮮美入

今日又係跟得夫人跟住老公去做嘢既一日🙉冇錯呀，又係旺角呀🤣餓到不得了，諗住捉佢去後面街食餃子，見到新開咗間餐廳，店名既得意叫六喜見，嘢食又唔算貴，主打冇味精tim！！一於試下伏唔伏餐廳好簡潔，有種日本麵屋既感覺，最鍾意佢門頂塊牌匾姨姨好熱情，好仔細咁同我介紹咗唔同麵款，推介雙湯麵，係由大地魚同埋海蝦製成嘅雙金湯，而金湯嘅各款麵都好得意，各自有自己嘅稱號😻冷盤小食我哋揀咗甜辣醬海參花，海參花其實就係海參個咀，滋陰養顏😳😳😳看我仲唔吃爆你最出色都係個甜辣醬，係師傅自己教嘅，差啲比個甜字呃咗，其實都幾辣🥹我很醜，可是我很養顏☺️飲品我哋揀咗自家製嘅菊花茶，消暑一流🥰味道好甘甜好好飲老公就揀咗個雙湯蝦醬肥牛醬油香蔥撈麵，好大碗😳而且肥牛好多，唔係果啲cheap cheap薄過人情既肥牛嚟，白灼已經好有牛味個湯真係幾特別，口感好滑身，唔係油膩果種滑，有大地魚香味之餘仲多咗種蝦乾海味既鹹鮮味，老公唔飲魚湯都飲得落😳趕得切魚湯煲起，可以叫魚湯麵🥰我就揀咗魚湯雙丸麵+雲吞呢度嘅雙丸係豬肉丸同蝦丸，同雲吞一樣全部都係自家製粒丸唔係講笑，大過隻匙羹，我第一次見蝦丸入邊真係有一隻隻既蝦😱好！好！食！彈牙已經不

今日朋友介紹我黎食呢間新開既「六喜見」話上次食過好高質，自問我都算嘴刁，一於就睇佢介紹咩比我！呢到無論門面定內籠都好光猛白淨，比人好乾淨清新既感覺呢到主打蝦丸雲吞傳統麵食，所有食物即叫即製，全無味精蝦醬肥牛撈麵配魚頭湯，呢到啲湯全部都係即日一大朝新鮮淆製，後勁好重魚鮮味，覺得撈麵太乾身可以落少少，無落味精成碗飲晒教無問題撈麵上面加左蝦乾蝦醬，唔單止食落好夠咸香，仲有啲蝦乾食落勁有咬口，麵質亦爽口有少少鹼水味，好好食甜辣醬皮蛋，甘香味好出，食完個口都仲會有啲香氣徘徊雙湯雲吞，湯底係大地魚金湯溝香蝦海味金湯，飲落夠咸但又不失鮮甜味，雲吞入面係大大隻蝦同豬肉，好足料炸雲吞，同樣鹼水味好出，好脆身，入面都係蝦同豬肉，唔錯呢個蠔餅真係無得彈！炸粉唔會落左好多，食落唔會好硬身畀口或者比人感覺好熱氣，反而軟得黎又係脆，加上入面啲蠔都好新鮮夠味，食完一份唔夠我地再叫多份自加製菊花茶、洛神花茶，糖漿唔會添加得好多唔會太甜，保留左好多花茶原本既味道，好好飲

行咗一輪街先去食嘢，熱到冇咩胃口。兩個人叫咗一個麵3個小食同兩支自家製菊花茶。首先嚟咗（升雲）雙湯蝦籽雲吞瀨粉，原來雙湯係指配一杯冰凍菊花茶，店員話飲咗清要清個口先再食麵，係旺角行完街飲冰凍菊花茶個人即刻涼返，之後再食瀨粉，唔係平時啲鹼水味嘅麵…個湯我都唔太識形容….好似好清淡但又唔係好清淡…會默默咁邊食邊飲曬個湯唔會口渴…因為係無味精湯底！（平時去食拉麵都唔會飲曬個湯嘅人）….雲吞都好有驚喜…平時成日食到啲雲吞皮總有個位係成舊粉咁..但呢個唔會！好好味之後上咗瑤柱蠔油青菜心，好食唔會油冧冧。（唔記得影相）然後就係呢個驚喜菜式，六喜甜辣海參花，好好食！口感好特別，個醬汁少少辣好開胃然後就到一人炸蟹餅，冇油益味，口感似炸蠔餅，好多蟹肉唔係食粉餅，好快就清曬食完開咗個胃唔夠喉，又叫多個雙湯手打豬肉丸油香蔥撈粗麵（又唔記得影相）…手打豬肉丸因為係自家製，好有口感唔係出而啲粉粉肉丸…撈麵同湯麵一樣冇鹼水味..（好怕食粉麵有鹼水味😹）…粗麵彈牙又唔會好似橡筋咁膠感….一定要配埋自家製辣油…不得了好快清曬好滿足。好耐冇食過咁有質素嘅傳統麵食，下次要試埋漁湯…P.S店員好忙但都好親切解釋每樣食物要配

📍六喜見 𝑯𝒂𝒑𝒑𝒚 𝑻𝒐 𝑺𝒆𝒆🧭旺角通菜街1A-1L號威達商業大廈地下J號舖通菜街餐廳五花八門，行過俾間小麵店 #六喜見 吸引住！門面白雪雪又光猛十分舒適！ 餐廳主打無味精雙湯（大地魚湯金湯+香蝦海味金湯）一行六人實行咩都試！😎💯海家漁湯銀魚雙丸麵 $89試啖湯頭，堅鮮甜超濃魚香！ 揀咗幼麵，麵質好有咬口好掛湯！除咗主打魚湯掂，啲手打丸都勁得！ 蝦丸係勁多大大粒蝦肉，超鮮超爽口！ 豬肉丸口感都好好！ 真心驚喜！⭐️雙湯薑醋豬手醬油香葱撈麵 $82薑醋豬手撈麵真係第一次聽！ 比我想像中大碗！ 豬手有成五大件！好香嘅薑醋味，估唔到撈麵咁特別開胃！ 豬手軟稔稔勁入味⭐️雙湯蝦醬肥牛醬油香蔥撈麵 $75香蔥撈麵係秘製甜醬油、豉油皇加蠔油，調味唔錯幾香口但又唔會好皇口味！ 蝦醬肥牛都幾特別，整體惹味⭐️六喜甜辣醬銀魚手拍青瓜 $25爽口青瓜，個醬唔係醋果種，食落都幾飽肚⭐️六喜甜辣醬皮蛋 $28皮蛋味好濃，啱我口味🤣⭐️六喜甜辣銀魚秋葵 $38秋葵開咗邊，好入味香口💯六喜甜辣醬海參花 $59第一次食海參花，原來海參花係海參入面嘅精華超有營養價值！咁多種小食佢同個醬最夾，幾有咬嚼感，轉頭就食晒💯凍菊花茶

六喜見.旺角新開張既麵點，主打無味精湯底，包括湯傅統大地魚金湯和秘製香蝦海味金湯。.🔥 雙湯手打豬丸醬油香蔥撈麵 $68 ⭐️8.5/10⭐️豬肉丸係師傅自家制手打，用料係呀充足，食到豬肉嘅鮮味，軟硬啱啱好，但唔係彈牙個種豬肉丸，撈麵亦加入不少蝦籽點綴，小編覺得好好食！.🔥 雙湯薑醋豬手麵 $69 ⭐️9/10⭐️薑醋豬手炆得好淋好入味，店員建議食河粉，因為可以吸收湯底既味道,加埋蝦籽係入面，味道有層次！.🔥 淨雲吞漁湯 $58 ⭐️8.5/10⭐️雲吞足料，食到一粒粒嘅蝦肉，魚湯有淡淡的魚味，食唔到任何味精，如果魚湯再濃d會更好！.每一個麵都會配細細杯既自家製菊花茶，比你清下味蕾，菊花茶唔甜幾好飲！

今日去左旺角呢間新開嘅六喜見點了外賣，嗅到佢嘅香味比佢吸引左，地方又乾淨又舒服，播放住音樂。佢嘅menu上面寫明佢所有嘅湯底盡量堅持不加味精， 希望原汁原味呈現湯嘅真味， 讓客人嘗試到湯嘅原汁原味道精華，令客人食得健康又開心！我見到都感受到佢嘅誠意啊。我揀左佢嘅招牌試下， 佢有一啲招牌湯麵，双湯嘅，即係兩種魚湯做嘅湯底，令湯底更加鮮味。點左4個麵，雙湯蝦籽雲吞麵， 雙湯蝦醬肥牛麵， 雙湯湯黑薑醋豬手醬油香蔥撈麵，雙湯 蝦醬肥牛醬油香蔥撈麵，個人比較喜歡撈麵多d，豬手很入味，肥牛就份量好多，雲吞麵包得夠薄皮靚涵粒粒大粒好食，佢面可揀幼麵粗麵瀨粉河粉，我就揀了幼麵，很爽口，湯底真係好正，真材實料，鮮味。 之後仲叫咗一碟菜心同埋炸蠔餅。炸蠔餅炸得好香脆！而且蠔嘅份量好多，好抵食，好好味！不過我係外賣返到屋企，返到去凍同淋咗少少，如果堂食就一定更加好食了，同埋要讚佢自動分湯同辣汁好正！整體都好好 店員又好nice，環境又好，價錢都合理，下次可試埋飯或者其他小食先！

旺角開咗間新小店， 六喜見 有魚湯麵食幾吸引就去試吓，細細間都滿座，細問原來這裡開約一個月，怪不得在附近返工都不太覺眼，之後又有多個選擇一人炸蠔餅$48，岩晒1-2人食，蠔份量都不少夠新鮮蠔油西生菜$15，喜歡蠔油不會太杰身有啲味不錯，菜都新鮮雙湯手打豬丸醬油香蔥撈粗麵$68，加咗蔥幾香，豬肉丸手打所以口感不錯而且啖啖豬肉碎，附加的高湯幾清甜海家漁湯銀魚蝦醬肥牛幼麵$77，魚湯味好濃沒有味精食完都不會口乾，牛肉份量多幾好食麵叫了粗和幼麵，2款口感都十分彈牙而又沒有鹼水味不錯，份量剛好加餸薑醋豬手$29，真心必叫這嗰，味道濃又入味，薑都入晒醋味好好食，份量細碗都夠2人，細心仲可以分開上炸雲吞$38，啖啖蝦肉幾彈牙，雲吞皮薄身，炸得香脆而不會太油跟餐仲可加飲品，凍檸茶少甜$10，檸樂$15

朋友知我鐘意食魚湯，佢上次食完覺得好掂，今日帶埋我嚟試！天氣太熱，先點了菊花茶解渴！好重菊花味又唔太甜，不錯～我哋2人點了：甜辣銀魚秋葵瑤柱蠔油青菜芯雙湯手打淨豬肉丸（六粒）海家漁湯銀魚淨雲吞（六粒）一人炸蠔餅先上前菜甜辣銀魚秋葵，呢款好有驚喜，調味汁甜辣，配落爽口秋葵，配埋咸香銀魚仔，好開胃，可以1個人食晒1碟。瑤柱蠔油青菜芯，蠔油配瑤柱同菜一齊食，減少咗草青味，比起外面的蠔油菜芯加多點心思。主角雙湯手打淨豬肉丸，湯頭深色清澈，先飲一啖湯，真係不得了。充滿海蝦同大地魚味，飲到唔想停。店員介紹辣椒油都是自家製，可配豬肉丸同雲吞一齊食！個人覺得同外面的辣椒油的確好唔同，會比較香，似XO醬。豬肉丸真材實料，咬落有肉汁。海家漁湯銀魚淨雲吞，呢款是海魚湯，湯頭偏白，加埋韮黃蝦籽又係好好飲👍🏻 雲吞一啖一粒，大小剛剛好，而且幾重蝦味，配埋辣椒油的確很不錯。最後是1人炸蠔餅，炸得酥脆，蠔仔大大粒！我覺得呢個份量幾好，幾適合1-2人食。另外想讚一讚呢度店員服務很好，好有禮貌，主動介紹菜式!最後我哋飲清2碗湯！今日tea time嚟，店員表示太早仲未有蝦丸，下次晚市再嚟食返先！

兩個人行行吓女人街，見到有個好特別招牌叫做六喜見，肚仔有D餓就走咗入去。舖仔細細但係服務好周到，會介紹佢地嘅菜式。可能係新開，人流唔算太多。首先嚟咗個甜辣醬海參花，好好味又醒神，海參花據我所知嘅就係降三高，有益身體。跟著上左樂也虾丸麵同埋細杯菊花茶，我揀咗幼麵，首先飲咗細細杯菊花茶然後食麵，飲完覺得D麵特別好食，D麵新鮮有咬口，D湯係特別巧手精制，好好味呀。朋友叫左姜醋豬手撈麵，佢話姜醋好好味，豬手軟淋彈牙好味，重飲哂成碗撈麵配湯呢。d麵就非常爽彈，以為都係平時麵舖quality，但好有驚喜！跟著上咗炸蚝餅及炸蟹餅，新鮮熱辣炸起特別香口好味，D蚝同埋D蟹都好新鲜。呢d小店真係少有，覺得㕑師好有心機整野食，希望佢地長做長有。

旺角女人街d 野食多到數唔哂。依間小店新新地，見d 野食都幾特別所以買個外賣番屋企開大餐可惜冇蝦丸，賣哂幾多野食下瑤柱蠔油青菜芯 $25健康之選一人炸蟹餅 $60一人都可以食到，份量啱啱好。勁多蟹肉，好結實一人炸蠔餅 $48都算多蠔仔，唔錯雙湯蝦醬肥牛醬油香蔥撈麵 $75重蝦醬味，d 麵好食，味道啱啱好小店d 品質係幾高淨豬丸（六粒）（雙湯）$60自定製。sure win海家漁湯銀魚蠔仔蟹肉湯飯 $88唔平嘅，不過足料鐘意食蠔食蟹，一定要叫魚湯好鮮地址: 旺角通菜街1A-1L號威達商業大廈地下J號舖

雙湯豬肉丸面湯底為兩種結合，一種是傳統大地魚湯底，另一種是秘製香蝦海味湯底。兩者融合在一起鮮甜味美，有豐富的層次感。聽老闆娘講仲係香港首創，出面食唔到架。豬肉丸係全人手製造，口感鮮嫩多汁。蝦子麵彈牙有嚼勁，完美地吸附了湯汁的滋味。魚湯蠔仔蟹肉泡飯泡飯上擺滿了蠔仔和蟹肉，每一口都有蠔仔和蟹肉的鮮甜。魚湯的清爽口感為這道菜品增添了一絲清新。而且魚湯飲得出係原汁原味，無添加味精，完全唔驚渴喉！魚湯淨蝦丸蝦丸都係全人手製造，非常入味。蝦丸較有彈性，仲食到蝦肉。雙湯淨雲吞雲吞餡料豐富，包括鮮嫩的豬肉和鮮蝦，每一口都帶來滿足感。蠔餅外酥內軟，裡面填滿了鮮嫩的蠔肉。每一口都帶來蠔肉的鮮甜。小店比人好舒服同乾淨嘅感覺，老闆娘好nice，仲送上自家製嘅菊花茶，夏天飲一啖清甜解暑！

今日傍晚經過通菜街，見到間似韓式裝修既中式自家麵店，大約等左5分鐘左右，入門口巳經聞到大地魚湯香味，晚市都比較忙，安排坐左張2人枱，聽見隔離左右都order 漁湯蠔仔蟹肉湯飯餐，漁湯雲吞麵，香蔥芫荽蒜香糊仔乾草菇面，甜辣醬海參花，甜辣將銀魚秋葵，一人炸蟹餅 & 凍洛神花茶。我拎起餐牌有一人炸蟹餅&一人炸蠔餅，甜辣醬海參花，市面都少見，，菊花茶 & 凍洛神花茶都係自家製,第一次試食叫左-雙湯頭醬肥牛撈麵 ，一人蠔餅，自家菊花茶。