六喜見 (已結業)

今日去左旺角呢間新開嘅六喜見點了外賣，嗅到佢嘅香味比佢吸引左，地方又乾淨又舒服，播放住音樂。佢嘅menu上面寫明佢所有嘅湯底盡量堅持不加味精， 希望原汁原味呈現湯嘅真味， 讓客人嘗試到湯嘅原汁原味道精華，令客人食得健康又開心！我見到都感受到佢嘅誠意啊。我揀左佢嘅招牌試下， 佢有一啲招牌湯麵，双湯嘅，即係兩種魚湯做嘅湯底，令湯底更加鮮味。點左4個麵，雙湯蝦籽雲吞麵， 雙湯蝦醬肥牛麵， 雙湯湯黑薑醋豬手醬油香蔥撈麵，雙湯 蝦醬肥牛醬油香蔥撈麵，個人比較喜歡撈麵多d，豬手很入味，肥牛就份量好多，雲吞麵包得夠薄皮靚涵粒粒大粒好食，佢面可揀幼麵粗麵瀨粉河粉，我就揀了幼麵，很爽口，湯底真係好正，真材實料，鮮味。 之後仲叫咗一碟菜心同埋炸蠔餅。炸蠔餅炸得好香脆！而且蠔嘅份量好多，好抵食，好好味！不過我係外賣返到屋企，返到去凍同淋咗少少，如果堂食就一定更加好食了，同埋要讚佢自動分湯同辣汁好正！整體都好好 店員又好nice，環境又好，價錢都合理，下次可試埋飯或者其他小食先！