影片
招牌菜
10年前后几番新，以前既感觉有维持到今日，以前$50包野饮觉得好好味，而家要成旧水又唔多值，味道也不及从前。(其实呢10年内都食过n次，不过无打食评。)最有记忆系有一次友人话唔钟意杂𩠌捞饭，但读书个阵最钟意就同朋友share lunch，呢到就比到你咁既回忆嘛。经典既六合面将鱼肉，翠玉瓜，肠仔，蟹柳，鸡脾姑加1种常煮既食物(忘了)煮熟加个茄汁/白汁/忌廉汁/咖喱汁/卤水汁任君选择，真系有"随便"之感但又富满足感因为唔系独孤一味呢d𩠌煮熟就好味，今次叫左白汁味道尚可，另外叫左个鸡翼一碟4只大大只，卤水唔差。我今时今日都觉得去六合简单食餐饭2个人吹下水无咩要求咁系会再帮衬既，而家性价比虽然低左，不过铺头呀叔真系好热情有礼，支持小店回忆黎(´・ω・`)
继续阅读
同朋友去到荃湾食晚饭，谂住大家都唔算太肚饿，咁岩行过六合坊，就入去试试.. 🤦🏻♀️点不知我真系觉得好后悔入左去食，本来写食评应该系分享美食，但系我真系未食过一间咁难食既餐厅，难食到我系觉得佢冇用个心去煮，收得一个意粉嘅价钱都系差唔多90几元，但系点解可以咁样去敷衍人客？利申：我觉得老板既态度同埋侍应既态度都系OK既，不过我认真觉得佢需要更换个厨师，认真帮佢倒米同埋赶客其实个忌廉汤普普通通啦，可以饮到既但系我朋友叫左个香草烧鸡柳•海虾•鳕鱼柳•元贝阔条面，价钱＄98。碟阔条面黎到嘅时候个卖相一般，我朋友话非常之难食，我去试味，真系好难食.. 真系好难揾到一间咁难食既野我叫左个日式海鲜乌冬，卖相极之不得了，简直完全系冇卖相，见到已经唔想食，食落口我简直觉得中晒伏.. 我食左少少已经冇再食了（我分左一半比朋友）🙄因为两碟面嘅卖相都好差，我冇帮佢地影相但真系太难食，食左几啖之后我决定影相🙄佢地送既餐饮味道正常既..但系餐厅环境其实真系超级细，我冇谂过我去厕所嘅时候竟然要打侧一个人先可以行到入去，如果你中等身形或者系一个肥人，根本就入唔到佢地既野食简直系冇用心去整，我谂求其揾一间都好食过佢地，餐厅播既音乐系怀旧金曲，简直格格不入。我以后都唔会再入呢一间餐厅食野！价钱唔系一般咁既平，食物味道质素仲要咁差我简直觉得完全中伏，食完成个心情差晒。或者希望个老板快d换左个厨师佢，祝佢好运吧。
继续阅读
其实原先想食吉边但太多人 无奈之下 见六合坊有好多位 价钱中规中矩 就入左去点知 系中伏既开始。由于入面都几多位 老板就叫我地坐四人枱 其实老板都几亲切 可惜都补唔返之后既野我地叫左一个白汁长通粉同炒乌冬 真心 未见过咁watery既炒乌冬 叫汁捞乌冬就差唔多 仲未讲两个蘑菇汤 一d都唔热 食物卖相好差好差 但其实我同男朋友都care味道多过卖相 佢好食我地已经收货 奈何d野冇味既 我狂加胡椒粉同其他调味 先勉强食晒 大佬你收人90蚊一个餐 唔好咁hea好吗? D鸡翼入面唔熟 好多血 unacceptable 重点来了 冇几耐 有三个人既party想入黎食 但全店四人枱都full 佢间铺又细 咁我地对面又得两个位 个老板娘 粗声粗气叫我地移二人位 但其实我同男朋友差好少就食完 成枱都系野 咁男朋友就话 "比多少少时间我地 好快食完 费事搬黎搬去" 个老板娘比晒面色我地 一见我地食完d野即刻收 见我男朋友饮杯野饮得有d慢就啤住晒 我隐约听到佢同老板讲"个三个走左喇 佢地唔换位"Honestly?! This is freaking nonsense, we are your guests too. We regret paying $200 for such poor service and awful dinner so much. 三个客就系人 我地系垃圾? 过门都系客 比d尊重喇放工身心俱疲想安稳食个饭慰劳自己 结果chur住食 男朋友都有d胃痛 唉Really don't wanna say so but if you don't want to be treated like shit, don't visit this restaurant
继续阅读
荃湾呢区多嘢食，但要揾到间岩口味又有特式嘅餐厅，可能未必个个都揾到！呢一晚系荃湾觅食，眼花缭乱，简直系好难入手呀！ 本来就抱著｢是旦｣嘅心态去呢间餐厅食，点知原来揾到间正嘢食！ 唔单止食物好食，而且好有人情味 (除咗个女店员态度麻麻之外).餐厅坐位不多，而且好狭窄，对于钟意坐得宽松嘅朋友，就未必适合啦！餐厅不断播送70年代的外语音乐，令气氛变得轻松，向街外繁忙嘅街道变成两个世界！我地2个人，就点个二人套餐A, $200 几蚊，晚餐算差唔多！先黎一个香滑忌廉汤，浓郁嘅牛油味，唔似即冲即煲嘅！前菜沙律最好食，用上新鲜生果，及三文鱼，两者口感配搭合适。生果够鲜甜﹑三文鱼满有鱼油香味！再来个墨西哥海鲜长通粉，通粉多到两个人都分唔晒，而且海鲜食材算多，不过酱汁就有少少腥！重点主菜系｢羊排」同｢大虾｣。 羊扒有骚味，而且没有薄荷酱提供，味道差少少~ 大虾唔够大，胜在弹牙，有虾膏！最后，配有｢台式饮品｣，但其实一杯台式嘢饮都无，就好奇问下店主。 店主十分有良心，告诉我，以前一值有售台式饮品，但系佢觉得台式饮品，特别系珍珠奶茶嘅珍珠好唔健康，所以决定唔卖！ 做生意又有人情味，值得一试！Blogger: 香港爱玩生 - iplayhk.com
继续阅读
今日因为要陪老公黎路德围整d野所以下午就一家五口加我妹黎觅食。本身想去食楼下冰室，但明明已经系成2点都仲咁多人排队，所以决定转场。行下行下见到呢间六合坊，见佢价钱算平仲要系我女最爱嘅西餐咁就一于入去试下。餐厅系比较细得几张台，但佢入面装修一d都唔会乱黎，灯光比较暗但有情调，播住怀旧英文情歌，令人感到窝心。好啦讲返野食先，总共叫左4个餐，每个餐都跟一杯饮品。咖哩皇鸡柳饭：好香嘅咖哩，唔系出面茶记嘅咖哩，食得出好香嘅咖哩粉味，有少少辣但好惹味，有少少似印度咖哩味道。鸡柳唔会话得几件，汁亦都够多。一赞！香蒜拿破仑茄汁长通粉：上呢一道菜时，老板会好细心咁连埋Tabasco 拎黎，味道真系十分好，食到真系有蕃茄肉，同埋唔会水汪汪咁，仲有烟肉，肠仔，翠玉瓜，我d 女都赞口不绝。肉汁日式海鲜饭：呢个感觉有点儿奇怪，肉汁原来系好似台式肉燥饭咁，再加上有蟹柳，狮子狗等，佢嘅配料系有少少炸过再淋上肉汁，令口感更香口。白汁猪柳粟米饭：呢个饭真系正，个白汁够creamy，好香仲有d粟米味，猪柳好淋身，连我岁半嘅女都可以自己咬到，呢个饭令我一试难忘，完全令我对呢间细小嘅餐厅另眼相看！另外值得一提系佢嘅咖啡系mocha , 唔系一般餐厅个d, 而佢嘅奶茶就系台式奶茶黎。但呢间餐厅真系令我感到好意外，老板亦都好好服务。仲要系平，咁多个餐埋单都只系170蚊！
继续阅读