六合坊 (已結業)

10年前後幾番新，以前既感覺有維持到今日，以前$50包野飲覺得好好味，而家要成舊水又唔多值，味道也不及從前。(其實呢10年內都食過n次，不過無打食評。)最有記憶係有一次友人話唔鍾意雜餸撈飯，但讀書個陣最鍾意就同朋友share lunch，呢到就比到你咁既回憶嘛。經典既六合麵將魚肉，翠玉瓜，腸仔，蟹柳，雞脾姑加1種常煮既食物(忘了)煮熟加個茄汁/白汁/忌廉汁/咖喱汁/滷水汁任君選擇，真係有"隨便"之感但又富滿足感因為唔係獨孤一味呢d餸煮熟就好味，今次叫左白汁味道尚可，另外叫左個雞翼一碟4隻大大隻，滷水唔差。我今時今日都覺得去六合簡單食餐飯2個人吹下水無咩要求咁係會再幫襯既，而家性價比雖然低左，不過鋪頭呀叔真係好熱情有禮，支持小店回憶黎(´・ω・`)

同朋友去到荃灣食晚飯，諗住大家都唔算太肚餓，咁岩行過六合坊，就入去試試.. 🤦🏻‍♀️點不知我真係覺得好後悔入左去食，本來寫食評應該係分享美食，但係我真係未食過一間咁難食既餐廳，難食到我係覺得佢冇用個心去煮，收得一個意粉嘅價錢都係差唔多90幾元，但係點解可以咁樣去敷衍人客？利申：我覺得老闆既態度同埋侍應既態度都係OK既，不過我認真覺得佢需要更換個廚師，認真幫佢倒米同埋趕客其實個忌廉湯普普通通啦，可以飲到既但係我朋友叫左個香草燒雞柳•海蝦•鱈魚柳•元貝闊條麵，價錢＄98。碟闊條麵黎到嘅時候個賣相一般，我朋友話非常之難食，我去試味，真係好難食.. 真係好難搵到一間咁難食既野我叫左個日式海鮮烏冬，賣相極之不得了，簡直完全係冇賣相，見到已經唔想食，食落口我簡直覺得中曬伏.. 我食左少少已經冇再食了（我分左一半比朋友）🙄因為兩碟麵嘅賣相都好差，我冇幫佢地影相但真係太難食，食左幾啖之後我決定影相🙄佢地送既餐飲味道正常既..但係餐廳環境其實真係超級細，我冇諗過我去廁所嘅時候竟然要打側一個人先可以行到入去，如果你中等身形或者係一個肥人，根本就入唔到佢地既野食簡直係冇用心去整，我諗求其搵一間都好食過佢地，

其實原先想食吉邊但太多人 無奈之下 見六合坊有好多位 價錢中規中矩 就入左去點知 係中伏既開始。由於入面都幾多位 老闆就叫我地坐四人枱 其實老闆都幾親切 可惜都補唔返之後既野我地叫左一個白汁長通粉同炒烏冬 真心 未見過咁watery既炒烏冬 叫汁撈烏冬就差唔多 仲未講兩個蘑菇湯 一d都唔熱 食物賣相好差好差 但其實我同男朋友都care味道多過賣相 佢好食我地已經收貨 奈何d野冇味既 我狂加胡椒粉同其他調味 先勉強食曬 大佬你收人90蚊一個餐 唔好咁hea好嗎? D雞翼入面唔熟 好多血 unacceptable 重點來了 冇幾耐 有三個人既party想入黎食 但全店四人枱都full 佢間鋪又細 咁我地對面又得兩個位 個老闆娘 粗聲粗氣叫我地移二人位 但其實我同男朋友差好少就食完 成枱都係野 咁男朋友就話 "比多少少時間我地 好快食完 費事搬黎搬去" 個老闆娘比曬面色我地 一見我地食完d野即刻收 見我男朋友飲杯野飲得有d慢就啤住曬 我隱約聽到佢同老闆講"個三個走左喇 佢地唔換位"Honestly?! This is freaking nonsense, we are your guests

荃灣呢區多嘢食，但要搵到間岩口味又有特式嘅餐廳，可能未必個個都搵到！呢一晚係荃灣覓食，眼花繚亂，簡直係好難入手呀！ 本來就抱著｢是旦｣嘅心態去呢間餐廳食，點知原來搵到間正嘢食！ 唔單止食物好食，而且好有人情味 (除咗個女店員態度麻麻之外).餐廳坐位不多，而且好狹窄，對於鍾意坐得寬鬆嘅朋友，就未必適合啦！餐廳不斷播送70年代的外語音樂，令氣氛變得輕鬆，向街外繁忙嘅街道變成兩個世界！我地2個人，就點個二人套餐A, $200 幾蚊，晚餐算差唔多！先黎一個香滑忌廉湯，濃郁嘅牛油味，唔似即沖即煲嘅！前菜沙律最好食，用上新鮮生果，及三文魚，兩者口感配搭合適。生果夠鮮甜﹑三文魚滿有魚油香味！再來個墨西哥海鮮長通粉，通粉多到兩個人都分唔曬，而且海鮮食材算多，不過醬汁就有少少腥！重點主菜係｢羊排」同｢大蝦｣。 羊扒有騷味，而且沒有薄荷醬提供，味道差少少~ 大蝦唔夠大，勝在彈牙，有蝦膏！最後，配有｢台式飲品｣，但其實一杯台式嘢飲都無，就好奇問下店主。 店主十分有良心，告訴我，以前一值有售台式飲品，但係佢覺得台式飲品，特別係珍珠奶茶嘅珍珠好唔健康，所以決定唔賣！ 做生意又有人情味，值得一試！Blogger:

今日因爲要陪老公黎路德圍整d野所以下午就一家五口加我妹黎覓食。本身想去食樓下冰室，但明明已經係成2點都仲咁多人排隊，所以決定轉場。行下行下見到呢間六合坊，見佢價錢算平仲要係我女最愛嘅西餐咁就一於入去試下。餐廳係比較細得幾張檯，但佢入面裝修一d都唔會亂黎，燈光比較暗但有情調，播住懷舊英文情歌，令人感到窩心。好啦講返野食先，總共叫左4個餐，每個餐都跟一杯飲品。咖哩皇雞柳飯：好香嘅咖哩，唔係出面茶記嘅咖哩，食得出好香嘅咖哩粉味，有少少辣但好惹味，有少少似印度咖哩味道。雞柳唔會話得幾件，汁亦都夠多。一讚！香蒜拿破侖茄汁長通粉：上呢一道菜時，老闆會好細心咁連埋Tabasco 拎黎，味道真係十分好，食到真係有蕃茄肉，同埋唔會水汪汪咁，仲有煙肉，腸仔，翠玉瓜，我d 女都讚口不絕。肉汁日式海鮮飯：呢個感覺有點兒奇怪，肉汁原來係好似台式肉燥飯咁，再加上有蟹柳，獅子狗等，佢嘅配料係有少少炸過再淋上肉汁，令口感更香口。白汁豬柳粟米飯：呢個飯真係正，個白汁夠creamy，好香仲有d粟米味，豬柳好淋身，連我歲半嘅女都可以自己咬到，呢個飯令我一試難忘，完全令我對呢間細小嘅餐廳另眼相看！另外值得一提係佢嘅咖啡係mo

見餐牌種類頗多就同朋友求其揀左入呢間 叫左個2人餐 一坐低個呀姐已經催左我地幾次落單 好似好趕時間個餐有蘑菇湯 咁大個第一次見未飲既湯可以不到半碗都無 第一印象已經差到極 湯稀而無味每樣賣相一啲都唔似餐廳出品 頭盤沙律同貝殼粉+魚柳十分難食 貝殼粉得油味 魚柳又不香又不脆 得個蕃茄意粉算係咁多之中最入得口 2人已經食到掃哂興。誰不知進食中見到餐枱側有bb曱甴經過 頓時食慾大減 係恐懼之中食埋餘下既野 後來隻曱甴第2次出現 已經忍唔住要同個呀姐講 佢埋到黎用布一手捉住隻曱甴後無講任何野就走左去 仲黑口黑面後上一杯凍檸茶同咸柑桔 味道一樣咁差埋單時個疑似老闆娘呀姐可能見到我地上openrice 即刻補飛問碟貝殼粉係咪難食 炒好食啲再叫我地打包 我地點可能會應承 最後掃興地走 永不幫襯 希望唔好再有咁多人中伏

見佢門口裝修不錯以為 食物都唔會差得去邊入去叫了個$218既餐 一黎碗湯就覺得中伏 份量得個碗既3分1 又淡又冇味 之後個鱈魚蜆殼粉 條魚就煎到又老 顏色又暗又多油 但又冇乜味 蜆殼粉同就咁用水煮既一樣 完全乜味都冇 跟住餐飲凍檸茶都可以沖到一d茶味都冇 得檸檬酸味野難食都算 仲要食食下有小強 個老闆娘行埋黎拔走佢就算 唔好意思都冇句今晚呢個餐飯50蚊都俾多佢以後請我都唔黎

記得好多年前成日黎六合坊食野! hea真係一流架!佢設有indoor and outdoor! 今日下午黎到原來冇下午茶餐! 只有午餐和小食!又唔係好餓只叫左午餐同一個小食!我就order左香蒜拿破倫長通粉同埋一碟炸魷魚so...長通粉用腸仔炒! 好入味! 我一路以黎都最鐘意佢哩度既茄汁炒野! 好香!炒得好均勻! 蒜味又重! 最重要係多年無變既係依然大大碟! 份量真係夠2個人食架!至於今次既魷魚鬚炸得都好炸!老闆好細咁講幫我地落左鹽架! 唔夠自己再落d 啦!但底部好多油呀! 建議用隔油紙墊底會好一點!同埋一個小食$38都算貴呀!總括佢既午餐系列真係好大碟又抵食!但係小食方面可以小d油就好了! 

發掘午飯好地方，日日係同一個地方番工真係要揾d新地方試新野先可以無咁悶，今日行過見到呢到無乜人應該可以坐底慢慢hea，門口lunch menu亦啱食所以就入左去，入到去雖然迫左少少，但都舒服既，又播住歌d位都闊落，最重要係無乜人叫左個咖哩雞柳飯($36)，咖哩稀身唔辣但都夠味，撈飯都ok，但就無配薯仔反而係配翠肉瓜，有點失望，雞柳唔大舊但幾多， 都ok既 lunch包野飲，而且唔係淨係有得揀檸茶檸水咖啡，我揀左蘋果綠茶，無藥水味，對其他人講可能會甜左d但我接受到之後就慢慢坐，真係一個hea時間既好地方，而且價錢又唔太貴食物又ok又無人趕你走，推介

一直路經此餐廳都想進去試一下。今次終於有機會了。點了兩個主菜另外加錢點了兩個小吃。餐湯是羅宋湯，味道清新，有少許黑胡椒味道。小吃有雞翼，是焗的，雞翼偏大隻，味道沒特別。另一小吃煙三文魚蝦雜果沙律，生果新鮮。主菜分別有雞扒和香煎魚柳，店員說是急凍魚柳，味道覺得有少許咸，外面的魚皮煎得金黃色，很脆，內裡的魚肉剛好。雞扒很厚肉，份量很大。另一主菜香煎羊架和雞扒，羊架肉質偏淋，如有更多香草味會更好。意粉煮得剛好，有一些黑胡椒調味。另外提議:如有甜品贈送會更好。餐廳坐位偏迫。

今天經過路德圍,看到一間門口普通的食店,諗住是旦試下的心態㸃了纽西蘭法式羊扒拼冰峰雞扒意粉, 等了5~8分鐘,賣相都唔錯,食物温度很熱,明顯是即叫即炒的, 羊扒煎得恰到好處,配上那些黑椒汁,味道竟有点似懷舊扒房的精髓! 真的有驚喜!! 老闆娘也十分親切,我相信我會再來幫襯的!

工作忙到三點才記得吃飯，唯有匆匆忙忙去到路徳圍，吃個Lunch再回去繼續搏殺。店內面積不大，只有四張枱，可能午市已過，人客不多。午市套餐選擇都算多，價錢由$38-$68不等，豐儉由人。香燒雞扒清酒鮮蜆闊條麺 - $66商務套餐的價格可以接受，可能在上環消費習慣了。雞扒和鮮蜆的份量都很多，闊條麺的軟硬適中，忌廉汁味濃郁，但吃下去又不會太漏，非常好吃。餐飲叫了金香奶茶，茶味和奶味不太出，飲到很重的糖水味，較食物遜色。餐廳雖小，但侍應的誠意搭夠，服務非常良好而且貼心，值得一讚...

時不時都會食下的小店，老實講呢到的pasta 唔係好特別，但就好有香港地「豉油西餐」的感覺。用帶有中式料理的風格做西餐，但我卻覺得好有特色。其實味道都中上，比茶餐廳好又算不上西餐廳規格。特別一提的是這裡有蜆殼粉食。是許多地方都吃不到的。但不明為什麼沒有食評提到。

星期日, 跟媽媽到了荃灣閒逛~適逢午飯時間, 一於先到平時想試,但又經常過門而不入的''六合坊''開飯先!!店內的面積果然細小, 檯與檯之間相距甚近。青蛙僅僅能通過上圖的通道,肥多少少都應該過不了......我們還是快快點食, 盡快吃完離開吧~咖哩豬扒飯咖哩汁夠多, 足夠青蛙撈飯吃~而且味道挺香、開胃。豬扒夠腍、入味, 最重要是沒有雪味!水蜜桃紅茶很香蜜桃味, 但比較甜。黑椒雞柳蜆肉腸仔炒長通粉獲氣不足, 黑椒味形同虛設~蜆肉帶腥; 雞柳有雪味, 差!!整體上味道不討好。凍咖啡媽媽說她的凍咖啡味道較淡

午飯時間經過這裡，見店內環境好像挺不錯，又看到門外餐牌寫着各式套餐，就決定入內試試。點了香濃白汁豬柳粟米飯($38)，個人喜歡白汁，故看到餐牌標榜「香濃」，因而對醬汁有一定期待。可惜的是嚐過後並沒有想像中出色，只是一般淡淡的罐頭湯而已｡至於豬柳其實是切成小塊的豬扒，豬扒沒有底味，只能靠剛才提到的稀淡白汁和粟米提味，感覺略嫌不足｡以環境而言，這裡的確是上班族午間偷閒的好地方，然而食物質素只有一般茶餐廳水準，實在有點浪費這悠閒的環境。幸而價錢方面尚可接受，故要適當調整一下用餐心態，就當自己到了一家優雅的茶餐廳，享用了一個「是日ABC午餐」好了。