六丸(居食屋)日本料理 (已結業)

當日太夜收工我同男朋友都超肚餓，差不多夜晚九點先到旺角，所以就衝左入就近嘅一間餐廳食飯。並唔係第一次幫襯呢間餐廳，今次都係因為唔需要排隊，所以再次黎食。其實食物質素唔可以話差，只係你唔可以對佢有太大期望🤣今次我order左個壽司set，叫做《梅》。如果姐姐一放低就話：「你好，《梅》嘅壽司。」笑到我同男朋友完全食唔到野😆😂😂😂😂😂至於食物質素，可能人肚餓咩都覺得好食，我覺得好味嘅🙊另外仲叫咗炸蠔、炒雞腎&軟殼蟹手卷，不過太肚餓既關係都無影到相⋯⋯🙈 炸蠔食落口並唔會覺得酸或者有臭味😌 炒雞腎嘅份量係成座山咁，份量取勝🤣