六丸(居食屋)日本料理 (已結業)

牛肉鍋定食$39鰻魚炒飯$38燒魷魚$48串燒拼盤$48(好食指數:7/10)抱住佢咁平應該麻麻，不過岀乎意外。牛肉鍋味道同湯袋啱啱，包左一大碗飯，啱唒肚餓既你。炒飯略嫌太濕，未炒得乾身，鰻魚份量好小，不過味道還好。最意外既係魷魚，加上燒汁好惹味，又唔會燒得咁un，啱啱半生熟。$48串燒拼盤亦有好多串，最欣賞係雞腎同雞肉串。總括係又平質素又ok既日本餐廳!2013-10-31

係旺角食得日本嘢, 唔係去連鎖就去放題, 今次決定要試試通菜街啲日本餐廳!戰戰兢兢, 因為知道旺角唔會好~乾淨, 亦聽朋友講過食過間好差既..但都係要俾次機會佢, 唔好食最多以後唔食啫~ 冇嘢既~o 海膽軍艦 $38/2件   都算幾多料喎以呢個價錢, 雖然味道淡啲, 都OK新鮮呀! 可以叫~o 櫻之花壽司拼盤 約$118   有8件壽司3件卷物, 都可以啦~   刺身味道都可以, 唔算薄切, 算係咁啦, 幾好呀!    卷物幾好味, 如果淨叫卷物可能仲好, 反正刺身唔係特別出色... o 美國蠔 $45 / 2隻   好鬼平! 仲好大隻吓!   雖然味道唔係好濃, 但都新鮮, 又厚肉!!   呢個價錢, GOOD! o 清酒煮蜆 約$45   一上菜, 個味咁怪既? 原來係好好好勁既胡椒味!   令我即刻懷疑咁勁胡椒係咪想用嚟袪腥..   飲落個湯都仲有清酒味, OK喎, 不過因為胡椒既關係, 好辣!! (LIKE)   食清楚粒蜆, 都唔太覺有腥味, 只係韌咗啲~   雖然個湯都係有味精架啦, 不過又真係幾好飲既!   見隔離枱兩個人仲一人一份tim呀!如果咁啱係旺角, 又真係好想

        呢條街餐廳真是很多,隨便選呢間入去食吧~SUSHI的款式很多,價錢又合理~當我地坐左15MINS左右掛住傾計未點菜,有個職員很不客氣走過來問我地點左菜未~ 環境尚舒適~明太子3文魚沙律$28, 份量又幾多~不過沙律醬又是太多……D醬浸到青瓜條都變得不好吃了…3文魚粒,蟹籽份量OK的~DINNER特價半磅3文魚刺身 $25(食滿$50以上) ,點菜後不用2MINS便上菜~質素不錯~WASABI真係好夠辣,我食第1口已經被嗆倒~~~~~ 肥美呀~明龍卷5件 $28 飯粒,紫菜比較黏口~壽司醋較重~餡料的炸蝦質素麻麻,不太新鮮~最後TOTAL $97,都抵吃的

叫完個午餐定食，想叫多個小食，乜都話無，問佢攞杯水，竟然話要廿蚊，不知所謂，尤其係d員工，唔想做就辭工，唔好咁既態度，我係消費者！成個女人街無一間日本料理咁不知所謂！

與友人到旺角行街,走到累了,便去覓食了聽聞通菜街有很多價錢便宜的日本菜便到那走一轉走到這間六丸門前,見不用等位,便決定在這間進食晚餐了餐廳環境紛暗,尚算舒適不過二人桌略嫌太小,放兩碟食物已經容不下其他的了與友人先點一個三文魚炒飯($42)和一客芝士軟殼蟹卷($42)炒飯份量適中,對於女生來說剛剛好,但對於男生來說,應該不夠填飽肚子了三文魚份量不多,不過勝在炒飯中加入了薑絲,十分惹味,很適合在寒冬進食隨炒飯送上一客麵豉湯咸得像鹽水,與友人喝了一口便立即叫店員把它拿走芝士味道太淡,中間的炸軟殼蟹太淋,一點也不鬆脆紫菜也太軟身,少了點口感不值一吃這兩款不夠我與友人填肚子,便再點叫一客東京大阪燒($32)及半磅三文魚刺身($25)大阪燒以鐵板盛載,但這只是微暖,熱力不足而且,沙律醬和燒汁份量太少,味道太淡於是,我便請店員送上一碟沙律醬,大阪燒的底部太濃,煎得有點過火惠顧正價食品滿$100便能以優惠價$25享用半磅三文魚刺身(原價$50)三文魚不夠肥美,魚味不夠濃郁不過以這樣的價值來說,也算不錯了。

某日3點幾行行下旺角想搵野食....見佢下午茶都幾平就試下!雞扒拉麵($35左右) - 雞扒油左d同薄左d, 但拉麵唔錯!~~ 跟壽司 2件 及 細可樂一支鰻魚炒飯($38) - 個味幾夠, 但炒燶左d 及比較油. ~~跟細可樂一支一分錢一分貨啦! 唔可以同高級日本餐廳或連鎖餐廳比!整體上可以再來食!

壽司類質素幾好，款式亦多。$25半磅既三文魚就不過不失啦，咁既價錢唔可以要求太多啦。串燒類方面，賣相係幾吸引既，但食落就真係差，一送到黎已經係唔熱既，唔通一早燒好？另加大阪燒，細細份好多木魚絲。但又一次金玉其外，敗絮其中，木耳絲下面既全部都係生既粉漿，難以入口。結果剩低半個食唔落。環境服務方面，舖頭面積頗大，大半間舖都係空位，以為可以坐得舒舒服服，點知肥佬員工（可能係老闆）點都要我地（２個人）搭枱。同佢講我地好快食完，佢就口噏噏黑面俾張４人枱你，跟著即刻安排新入黎既客人同你搭枱。新搭枱既客人都非常不滿，見到佢既員工都好無奈。　結果張枱太細，食物當然擺唔哂。肥佬仲要全程眼超超，口噏噏話你麻煩，真係火都黎埋。結果食完，舖頭仍然只得半滿。總括而言，如果要食，建議只食壽司魚生類，其他真係可免則免。但我就以後都唔會再黎。食飯食到一肚氣，何必呢。

同班fd食夜晚，等位5 -7mins叫左個魚生飯，ok好食，佢有埋個味噌湯，不過唔係幾好飲lor魚生都算大片既，不過飯就唔算多，如果可以再多啲就好la另外，餐廳環境有啲暗，希望可以改善下

果日同朋友一起去女人街玩，有朋友建議試下呢邊嘅日本餐廳，睇過幾間，覺得六丸鋪面都ok，睇到25蚊半磅幾抵食喔就同朋友一起入去，即刻有服務員過黎帶我地，雖然我地就得四個人，不過服務員都比到一個近門口嘅六人臺，不過應該門口經常開，覺得果個位置好熱，同果個服務員講，佢即刻帶我地坐入面嘅臺，仲話左吾好意思，系呢個服務行業呢個態度都算唔錯啦。我地坐低後就即刻叫半磅三文魚刺身，果個服務員就同我地解釋話夜晚先有，雖然有d失望，不過都已經入左黎，就試下呢度嘅午餐啦，睇果個menu，d野都幾平喔，果d拉麵餐，烏東餐就得30幾蚊，飯餐都好平仲有湯同汽水送添，我霖同其他日本餐廳相比都算少有啦，我同朋友就點左竹烏東，三文魚反卷烏東，叉燒拉麵同牛肉火鍋，果個拉麵仲有四樣野撿添。差唔多等左十分鐘左右就差唔多黎齊，比我預期中黎得快，果個烏東同拉麵都幾大，比我最大驚喜就系果個牛肉火鍋，最初以為五熱嘅，原來果個鍋系好熱嫁，慢慢煮熟果d牛肉，而且仲好好食，竹套餐嘅壽司好多，好抵食！最好我地買單果陣，果個服務員仲羅埋果個單過黎比我地買單，五洗我地自己出去，好過依家d茶餐廳，今日比我地感覺就系抵食，服務幾好。

與同事食飯,搵下搵下嚟咗呢度...地方幾大,都幾乾淨,但服務就...坐低咗一段時間先有人嚟,客人未走就逐步熄燈,埋單都耐過人...一睇餐牌,見到個午餐幾吸引,粒麵+sushi roll+餐茶=$36,無記錯好似無加一...就叫兩set,我要咗三文魚卷,周事要咗鰻魚卷...碗拉麵都幾大碗,裡面仲有菜,粟米,略嫌無乜味...個三文魚卷尚算ok,有成6舊,每塊魚都唔算薄,同埋都算新鮮;鰻魚都一樣,但相對地,三文魚好似抵食啲...係個服務唔得,今時今日咁嘅服務態度,簡直死得...

係女人街搵日本野食，街頭見到六丸，見佢多款式又有位，就入黎試下，味道幾好呵！三文魚刺身：特價食品，$25有半磅。刺身新鮮肥美，沒有將貨就價。蟹籽沙律：唔夠凍，沙律醬太多。海膽軍艦：海膽味香濃但不是甜味那種，份量多抵食。芥辣八爪魚軍艦：芥辣味勁，口感 “張下張下” 好正。龍蝦沙律軍艦和帶子壽司就普通。京燒銀雪魚：份量少，睇圖有兩大塊的。燒得剛好，魚肉非常嫩滑肥美。清酒：米味香濃，易入口。店子小小，食物款式十分多，啱晒唔同人既口味。

今日響男友介紹下入咗黎吃午餐,不過時候都到下午茶時間了,店內很滿坐,侍應都叫我地等陣,有人埋單,出去黎,但又話唔好行入去,要執野,不過都等咗成5min,效率真係.................慢終於坐低後,本來我想吃牛油三文魚定食(我已經吃過一次),不過我留番比佢,自己要個比較便宜的下午茶雜錦鍋仔拉麵,因為有三文魚壽司送,三文魚給得都是腩位,肥沃美味,不錯,但飯就很容易散,5min後牛油三文魚定食到了,用鑊仔裝著7塊煎得剛好的三文魚,底下的洋蔥吸收了三文魚的魚油,香氣飄逸,送飯很好吃,三文魚煎得很滑,火喉很好,沒有半生熟,入口很滑溜,很有魚味,偶已會吃到黑椒,不過吃完會覺得鑊底很油膩,感覺好肥我的雜錦鍋仔拉麵真的很多材料,有天婦羅蝦、叉燒、鳴門卷、蟹柳、椰菜、生雞蛋等等,本來想等生蛋變得再熟一點才吃,但等極都沒變化,只好搞拌成湯汁之中了,拉麵好淋,沒口感可言,湯底不夠熱,除了叉燒ok之外,所以食材都是煮得過淋的,味道是過得去,唔難食服務方面,侍應毫無生氣,死魚眼神,漏完汽水漏味噌湯,唔吹單都唔比,但味道同價錢來說是接受到的,座位方面,是木枱木椅,size都算適中,不過就真係希望服務好

５：３０倒黎到，入面仲有幾枱客食緊下午茶，而我同朋友就食晚市。什錦肥牛鍋定食：好多料，有肥牛（都好多塊，又大大塊，唔會碎鹽鹽甘），不過都係一啲普通肥牛，沒什麼特別，其他配料有金菇，津白，煬絲等等；燒豬頸肉定食：配有沙津（有蟹柳同青瓜絲，青瓜絲煮林左，易入口），豬頸肉都好多下，起碼有６－７塊，大大塊；三文魚：每次黎都必叫，只不過係＄２５，不過要嗌夠＄１００先可以以優惠價叫（好新鮮，紋理好靚，有成１０塊）抵食。其實都唔只黎過一次，之前都叫過下其他野食。泡菜牛柳粒石鍋飯：ｄ汁太辣，唔食得辣的朋友就唔好嗌啦（牛柳粒有ｄ硬，不過熱騰騰甘，ｄ飯蕉好香口）值得一去再去的日本平價食店。

和老公二人路過見唔駛等位就入去試下啦，燈光比較暗，坐位比較擠迫。我們叫了：1.忌廉芝士焗拉麵$55：味道唔錯口感亦很好。2.牛油芝士帶子$58：帶子大粒又軟熟。3.鵝肝迷你壽司飯$28：老公話唔錯喎。4.軟殼蟹$4x(唔記得幾錢)：覺得佢唔夠熱。5.半磅三文魚$25：老公話因為$25所以都無咩期望，不過不失啦。剛剛先看到大家之前的食評，可能我地吃熟食多，所以呢餐都算不錯啦。埋單$250有找，算ok啦。

行過、貪方便，中左招。三文魚刺身 - 無味、不新鮮；旺角有好幾家都會賣相同價錢的三文魚刺身（通常每名顧客都要消費$50方能用優惠價享用），質素當然會差一點（例如有根、比較小塊、不太新鮮）但就未試過是完全沒有味道，味如嚼蠟一般的。乳龍卷 - 同一團包了紫菜的炸飯糰無分別，裡頭沒有餡料，有一個蝦頭作「裝飾」但是好像沒有蝦在裡面，只吃到一埋炸粉。蟹籽沙津 - 無蟹籽，得一平茶匙這麼多，厚一大塊生菜墊底，青瓜絲（大量）和蟹柳絲（少量）加在一起都是略少……仲有一個東京板燒，聲稱招牌菜但是無驚喜。薄底硬身，多醬少配料。服務差，叫左幾次加水，一個推一個，反而埋單很快。