公車泰國餐廳

营业中

休息中

元朗一向多好野食，今次去左呢間泰國餐廳食飯，平日夜晚有個抵食套餐，$198揀2個餸，跟2碗白飯同2杯熱飲。套餐有12款野食可以揀，相當多選擇。我地叫左泰式豬手同黃咖哩牛肉，份量都幾大碟。泰式豬手味道吾會好咸，豬手肉煮得夠嫩，夾起都易散。旁邊有啲梅菜底下有芥蘭墊底。黃咖哩牛肉黃咖哩吾辣，有炒椰絲同椰漿，所以幾香。牛肉用左牛肉片，類似沙爹牛肉個種牛肉。古法烤焗槽魚 $168呢條魚系店員推介，佢地話系招牌菜。焗槽魚製作需時，大約30-35分鐘左右，但幾值得等，魚肉夠滑，散開左淡淡既香料味。泰式豬頸肉 $88豬勁肉燒得幾惹味，雖然望落去較為深色，但一啲都吾咸，吾系燒燶左。睇睇下餐牌見到中午都幾抵食，下次可以再encore！

好耐冇吃過泰菜啦，今次來到這間「公車泰國餐廳」，位置好方便，在元朗千色後面就到達，餐廳有得坐室外或者室內位置。座位好寬敞，坐得舒服。我哋叫了泰式燒豬頸肉，泰式炒粉絲，泰式肉碎生菜包。飲品叫了咸檸梳打和熱咖啡 。店員好主動給兩碗湯給我地係冬瓜胡椒湯，胡椒香好突出，冬瓜亦煲得很入味泰式燒豬頸肉，燒得很入味很香，肥瘦適中，配上酸酸甜甜的醬汁，味道一流，份量好足夠泰式炒粉絲，炒得惹味乾身，粉絲都吸滿了醬汁，胡椒味很突出，好夠鑊氣，好味道泰式肉碎生菜包，酸酸辣辣好開胃，配上新鮮生菜，很清新的感覺，份量好足食完咁多美食，當然要飲杯咸檸梳打，用嘅係泰國梳打水咸檸好夠味熱咖啡，味道好香濃好幼滑，不用另外加糖已經好夠味

這天晚上我約了朋友在元朗吃晚飯，經過家人的介紹，我們便決定來到這間泰國菜餐廳試一試，店內環境寛敞和清潔衛生，店內的客人很多，證明食物質素應該不錯，餐廳十分細心，每張枱都有擺放一盒紙巾供客人使用炸蝦餅($88)用新鮮蝦肉炸成的蝦餅十分脆口，份量十分多，配上甜酸醬，味道酸酸甜甜，令人十分開冑泰式菠蘿炒飯($128)將原個菠蘿挖空，非常考功夫，蛋軟綿綿，蠔豉彈牙，肉鬆黏口，菠蘿清甜，栗米粒鮮甜，青豆嚼勁，红蘿蔔粒煮得夠淋，魷魚軟彈煙韌，番茄十分新鮮，味道酸中帶點甜，蝦清鮮甜美，炒飯夠獲氣，十分豐富，非常抵食泰式明爐烏頭魚($148)湯底酸中帶一點清甜，非常好飲，另外有一碗湯可以自己加，酸菜，蔥，豬肉碎十分新鮮，茹軟彈煙韌，酸梅，烏頭魚非常嫩滑細密和清鮮甜美，份量十分多菠蘿冰($28)十分足料，有廷多的菠蘿粒，十分清甜，夠凍咸檸梳打($32)餐廳是用泰國運來的梳打水，咸檸味道咸中帶一點酸，非常解渴整體來說，食物的質素非常高，食物的選擇非常多，食物的份量非常多，食物的用料非常新鮮，食物的賣相非常吸引，食物的定價相對合理，而店員亦有良好的服務態度，所以我認為這間餐廳是值得再去惠顧,,.

📍 公車泰國餐廳元朗西菁街2號興旺樓地下2-3號舖重點推介🤤👍🏻 泰式炸蝦餅拼炸魚餅 炸蝦餅一直都係我哋食泰國菜必點嘅菜式 蝦餅外皮薄脆 蝦肉滿滿 口感好彈牙 間中仲會食到蝦肉粒🦐而魚餅同出面食到嘅好唔同 呢度嘅調味微微酸辣 入面仲有豆角 值得一試🥰👍🏻 泰式豬頸肉湯河（加10蚊轉冬陰功湯底）豬頸肉好有驚喜 入面嘅油脂令人愉悅 調味屬於微甜 都幾惹味！🐖強烈建議大家轉冬陰功湯底 冬陰功湯酸辣爽口 同河粉搭配一絕🥢👍🏻 泰式咖哩炒豬肉份量大到上去嗰陣個個都望住 自己好鍾意泰式咖喱嘅原因係感覺佢嘅味道比較親民 醬汁甜中帶小辣 豬肉片都好多 入面仲有大量洋蔥、芹菜、青椒等 送薄餅、白飯或者蒜蓉包都好正👐🏻👍🏻 薄餅 薄餅牛油味道超級出🧈咬落去酥脆唔油膩 咖喱最好嘅伴侶😺👍🏻 馬拉盞炒通菜通菜嫩身 食落爽口 馬拉盞味道甜甜辣辣 味道極惹味👍🏻👍🏻 泰式椰青食咗咁多濃味嘢 當然要叫返個椰青😋椰青水清甜 非常refreshing 椰肉好厚 輕輕一刮已經可以享用🥰👍🏻 泰式龍眼冰龍眼肉好甜且份量多 呢杯凍飲真係必點注意事項⚠️- 餐廳名其實係取材自泰文「Kong Che」即係蝦咁解🦐好得意- 餐廳以墨

一向都鍾情於泰菜，但喺香港食泰國嘢一般都偏貴。最近試咗元朗嘅公車泰國餐廳，價錢相宜而且質素唔錯，味道亦都好正宗👍🏼🔸泰式海蜇 - 呢個前菜相當冇驚喜，海蜇頭大大舊非常有咬口，而且爽滑，配埋泰式醬汁，酸酸甜甜好開胃🤤🔸泰式燒豬頸肉 - 燒得好香，個醬汁好特別，少少辣，非常開胃！🔸炸蝦餅拼魚餅 - 兩款都香脆，蝦餅食落啖啖蝦肉，唔會好多粉。魚餅微微辣好惹味！🔸黃咖喱豬配薄餅 - 咖喱味好香，豬嘅份量都算多。薄餅好鬆脆，而且好大碟。🔸芒果糯米飯 - 熱辣辣好抵讚👍🏼唔太甜，芒果好清香。

當天和朋友叫了燒豬頸肉，蝦餅，酸辣鳳爪，泰式肉碎生菜包，紅咖哩雞肉，薄餅，馬拉盞炒通菜，從外表完全想像不到味道會是這樣差。燒豬頸肉：最正常的一道菜蝦餅：蝦餅是粉的，感受不到蝦的味道酸辣鳳爪：正常泰式肉碎生菜包：肉碎是乾的，加了大量的胡椒粉，從來未吃過這樣的肉碎生菜包紅咖哩雞肉：第一次係有芒果布甸味的紅咖哩，像急凍雞肉，完全沒有味道薄餅：Roti，理應是印度薄餅（軟的那種），出來是一個炸到乾，脆卜卜的餅馬拉盞炒通菜：最common的菜，但想不到可以這樣差，像不知名的醬，是甜的，涼了之後更甜，又是未吃過的味道除了味道，餐具，桌面都是油油的，這個價錢，這個質素，不能接受，希望餐廳認真正視問題

今晚去了我家樓下於元朗教育路附近的西菁街一家泰菜餐廳「公車泰國餐廳」吃晚飯。我素來很喜歡幫襯街坊小店，有人情味次餘，食物質素都有水準。餐廳燈火通明，空間超大，餐廳內也設有舒適卡座，客人不算多，所以都不會太侷促。餐牌設有二人餐，有2個主食，飯和飲品，非常抵食。泰式燒豬頸肉 豬頸肉長長一大片，跟平日吃的燒豬頸肉不太相同，有用自己的香料炮製，豬頸肉燒得香脆可口，肉質粉嫩，配上泰式醬汁更加醒胃，調味亦做得不錯，少少辣，配搭相宜。泰式肉碎煎蛋雖然叫泰式肉碎煎蛋，但並不是平時食開的泰式肉碎煎蛋飯。它是一個蛋餅，超大份，有點似芙蓉蛋，蛋味香濃，餸飯一流。泰式椰汁雞湯泰式的雞湯都是酸酸辣辣的，椰汁味不會很濃，特別開胃，非常足料，雞肉很多亦都很滑。凍檸茶「公車泰國餐廳」食物有別其他公式化的泰國餐廳，有著自己個人特色的調味，而且都很夾。價錢公道，值得一食再食。

~ 泰式生蝦($168)🦐黎到出晒煙咁大家要把握時間打卡🤪，生蝦幾彈牙新鮮。配埋醬汁，生蒜🧄同辣椒🌶️一齊食味道同口感都夠晒豐富👍🏻。~ 泰式燒豬頸肉($88)🐷本身就咁食都已經有香茅調味🤓，加埋酸酸甜甜辣辣嘅醬汁更加惹味🔥。最重要係開胃啲冇咁滯口，因為全部都係肉而且2個人食份量都幾多🤪。 ~ 泰式菠蘿炒飯($128)🍍唔知點解我對泰式炒飯真係有種執着😂，雖然永遠都驚個菠蘿係重用但都會照叫😅。甜甜地嘅肉鬆同菠蘿配搭海鮮炒飯，鍾意食甜嘢嘅人真係抗拒唔到🥹。依間雖然冇腰果嗰啲，但係佢有臘肉，蝦🦐，魷魚🦑，青口，仲有小朋友最唔鍾意嘅三色豆😂。~ 芒果糯米飯($68)🥭個人覺得一個芒果糯米飯好食，一定要做到芒果凍糯米飯熱嘅效果🤓。幾欣賞呢間食嗰陣直程係會有煙出嘅效果🤣，而且糯米飯都煮得啱啱好椰汁夠多，唔會乾同硬👍🏻。~ 泰式椰青($42)🥥椰青水清甜而且裏面嘅肉夠軟滑😙，可以輕鬆咁整出嚟食😋。~ 泰式奶茶($18)🧋上次飲完唔錯今次又叫翻呢個😂。

以前食泰國嘢就多數去九龍城最近有人話原來元朗都有間唔錯嘅同埋見到佢有個Early Bird 6:00前有discount 冬陰功大頭蝦湯食泰國菜又點可以無冬陰功湯呢酸辣度適中，聞落好香香茅嘅味道，而且重超級濃郁，重有隻大大既大頭蝦很吸晴泰式明爐烏頭用上酸式食法，酸酸辣辣很是開胃配埋肉碎一起吃肉質幾結實，肉質吾梅口無泥味馬拉盞炒通菜味道十分惹味濃郁，通菜入口不會苦澀泰式蝦餅炸蝦餅係我平時去泰國餐廳必點自選蝦肉入口彈牙有嚼口，外脆內軟泰式炒金邊粉炒得好乾身又唔會太酸，香面不油，而且份量十足我最喜歡旁邊有花生碎🥜將花生碎拌在裏面一起吃，很惹味，感覺很地道

呢間係元朗公車泰國餐廳以公車為主題 墨綠色為主色調💚二人套餐超抵食ᕱ◍•ᴗ•◍ᕱ而且Follow 同 Like ig仲免費送蝦片同椰汁西米糕✨☾˚‧º· ☾˚‧º· ☾˚‧º· ☾˚‧º·*.❁ 二人套餐 $198二人套餐有12項可以任揀2項～有海南雞飯 冬陰功 咖哩 泰式豬手等等可以揀 我同朋友揀咗燒豬頸肉 同埋 泰式紅咖喱雞(´ސު｀) 而且包埋兩碗白飯性價比真係好高！燒豬頸肉燒得非常之香 肥瘦適中而且好入味 我同朋友都覺得好好味😋 咖喱雞分量超多 紅咖喱好重椰香味送飯一流:3*.❁ 椰青 +$25 / 龍眼冰 +$8套餐包兩杯熱飲 亦都可以加錢轉特飲椰青大大個而且係雪凍咗嘅非常之解渴同埋清甜！🥥龍眼冰好多龍眼 甜度適中💓好味*.❁ 燒雞串 $18鍾意食串燒嘅我哋 另外叫咗一串燒雞串雞肉嫩滑而且佢個咖喱好惹味！*.❁ 芒果糯米飯 $68食泰國嘢必叫嘅甜品😆佢放喺個藤籃上面賣相好靚～而且好多椰汁 糯米飯好香🤍佢免費送嘅蝦片同埋椰汁西米露份量都幾大份而且幾好食㗎😛如果大家去記住like同follow佢IG就可以免費有得食⁽(◍˃̵͈̑ᴗ˂̵͈̑)⁽

天氣又開始熱番, 想食下啲開胃的辣野，在元朗，一定是想起有正宗泰國菜的公車，餐廳門外佈置好有泰國特色，裏面座位寬闊，坐得舒服。 前菜先來個燒豬及雞串，叫左個兩人份量既冬蔭海鮮湯，泰式青咖喱牛肉同馬拉盞炒通菜。當然要試下d特式泰飲，我叫左杯椰汁冰，朋友叫左杯菠蘿冰。 等左陣，燒肉串上桌，一陣陣燒肉的香氣，無論係豬肉還是雞肉串，都沾上香濃既沙嗲醬，肉串燒得剛剛好，鎖住肉汁，唔會太乾，配埋沙嗲醬食一流。 好快開胃湯冬蔭海鮮湯送到，依舊非常足料，有青口、大蝦、魷魚等食材。第一口會飲到鮮甜味帶點微辣，後面越飲會越辣，越辣就越想飲。好彩叫左杯椰汁冰可以解辣，椰汁冰的甜味剛好可中和海鮮湯既辣味。朋友的菠蘿冰飲落去，會飲到碎菠蘿肉，酸酸甜甜。我個人建議食泰國菜,叫杯特飲係必須的。 泰式青咖喱牛肉和馬拉盞炒通菜同時上菜，有咖喱緊係要叫碗白飯來撈下。青咖喱有好濃郁既椰奶甜味，牛肉好淋，撈白飯來食，食指大動。湯或前面叫的餸係正宗泰式辣度，而呢碟馬拉盞炒通菜係我叫既菜式中算係無咩辣味，反而食到馬拉盞的咸味。 最後飲埋特飲

公車泰國餐廳係我好鍾意嘅一間餐廳因為坐得舒服 嘢食又好食 價錢合理 性價比高 👍🏼餐廳以墨綠色為主 我哋叫咗三個小菜💚蝦醬炒通菜$68一拎到上嚟😻好大碟呀!!一試個味道勁正呀蝦醬好惹味好好食完全唔會太鹹或者太甜而且仲有幾粒蒜頭雖然好大碟 但係因為太好味所以我哋都好快食晒😋💚青咖喱海鮮$98之前已經試過青咖喱雞覺得好好食今次就叫咗青咖喱海鮮椰奶味好香 勁好食海鮮有2隻青口 4粒蝦仁🍤魷魚圈仲有啲西蘭花同豆角每一件都沾上滿滿嘅青咖喱 實在太滿足啦🥹而且蝦仁有用鹽醃過👍🏼👍🏼食得出誠意滿滿💚椒鹽海蝦$168椒鹽海蝦整得好惹味乾蒜 指天椒粒 蔥粒 椒鹽海蝦都幾大隻蝦肉軟嫩鮮美💚青檸梳打$28💚椰青$42差唔多次次去泰國餐廳食飯都會叫個椰青特別最近天氣又熱返 飲啖椰青水真係透心涼好大個 清甜解渴 飲完仲可以食埋啲椰子肉👍🏼餐桌上有提供抽取式紙巾👍🏼餐廳送咗泰式蝦片我地食😋

早兩天趁着雙十一，所以相約好友去元朗千色店，看看有沒有什麼特價產品。走到肚餓疲倦的時候，當然要去食餐飯。元朗大棠路附近到處都是食肆，有拉麵有壽司各式各樣都有，最後我們去了公車泰國餐廳，品嚐一番泰國小食菜。因為我們去到的時候已經兩點幾，所以有特惠選擇，就是下午茶優惠。哈哈。我們先來叫了小食餐，串燒雞加豬，價錢如果冇記錯的話是$35。名副其實一串是豬，一串是雞。醬汁豐滿，惹味可口，肉質不老，尤其雞串，肉質嫩中帶有口感。醬汁不辣適中。另外還叫了泰式炸蝦餅拼炸春卷，價錢$88。炸春卷一碟有三件，炸蝦餅就比較大件，一共有四件。炸蝦餅外脆，內裏肉質豐滿 ，滿滿有口感的蝦肉餅。再沾上一些甜酸醬，味道更加昇華。至於炸春卷就脆卜卜，如果喜歡食香口食物的朋友，應該都喜歡。除此之外，因為朋友喜歡食脆卜卜，所以另外還叫了兩碟泰式炸蝦片，因為價錢$18一碟，所以他說要叫兩碟，哈哈。我想說的是，其實一碟炸蝦片都已經份量幾大碟，裏面有好多片炸蝦片。食炸蝦片的感覺就好像食薯片一樣 ，但就有豐富的蝦感味。我見到餐牌還有甜品，寫着泰式鮮奶燕窩，真想品嚐一下，所以就叫了一盅$88的泰式鮮奶燕窩。食完覺得餐廳應該沒有加糖，哈

家人說想吃泰國菜🇹🇭，經過這間見到環境寬敞，於是試一試。座位很舒適～🐟 冬蔭海鮮湯 $108 (2人)上桌還在持續加熱👍🏻 海鮮有魷魚圈、蝦、青口，彈牙爽口，我尤其喜歡魷魚圈和蝦；配菜有秀珍菇、香茅等，湯底香辣惹味🌶️🐖 燒豬頸肉 $88大大碟足料，味道甜甜的，略帶焦香味，點上醬汁更提味～🥭 芒果糯米飯 $68每次吃泰國菜都必點的甜品🫶🏻 白糯米飯煙韌黏稠，點了汁後更香口；芒果非常香甜軟腍，大力推薦🙌🏻🍢 串燒 豬+雞 $35下午茶時段叫這個輕盈套餐比較便宜，而且還可以差不多半價加購椰青👍🏻 肉質嫩滑好咬，配沙嗲醬很惹味😋🥥 泰式椰青 +$25椰子水清甜解辣，椰子肉份量十足～🐓 泰式香茅雞全翼 $22雞全翼啖啖肉很滋味，同樣配上沙嗲醬。職員態度不錯，上菜速度很快，有下次💯

公車泰國餐廳地址：元朗西菁街2號興旺樓地下2-3號舖泰式海南雞配油飯海南雞雞味未算濃，不過值得讚的地方是即使是雞胸都一樣嫩滑。醃菜能夠入味之餘並保持到爽脆的口感。酸辣汁雖然是餐廳自製可是酸度和辣度可以稍微加強。油飯有很明顯的椰子香味，不過飯有點太黏身，如果能夠乾爽一點口感會更佳。泰式生菜包肉碎的酸味和辣味不足不過胡椒味有點喧賓奪主，而且肉碎炒得不夠平均，吃到稍微焦味。馬拉盞炒通菜整體上味道和口感正常，可惜醬料稍微落得太多，令菜式稍微鹹了一點。菠蘿冰喜出望外的地方是嘗到新鮮菠蘿的味道，而且清新又不太甜。