公車泰國餐廳

营业中

休息中

高質抵食泰國菜店名「公車」喺泰文即係「蝦」，見改名都咁有心思，加上食物價錢普遍都抵，於是約埋屋企人來食正宗的泰國菜。沙爹串燒（$18 一串）雞肉燒得好嫩，一點都唔乾，沙爹醬汁好濃好香，非常惹味。燒豬頸肉（$88）看上去好似燒得過久，但食落發覺充足豬頸肉的爽口質感。大推附上的醬汁，帶點微辣非常惹味，用來撈金邊粉食都好啱。薄餅（$42）煎得又脆又香，食得出廚師慢火用心地煎。 海南雞飯（$58）雞肉好嫩，雞油飯好香。泰式炒金邊粉（$58）炒得好夠鑊氣，甜甜酸酸好開胃。香葉辣肉碎飯（$58）肉碎好香口，伴飯食令人食唔停。

元朗近年很旺，開了各式食肆，各國風味，豐儉由人。我喜愛泰菜，喜歡它的香和辣。元朗的“公車泰國餐廳”是我最喜歡的泰國餐廳之一，經常約齊三五知己，大吃一餐。餐廳光猛開揚，座位整潔寬敞，不會有局促的感覺。午市及下午茶時段，都有特惠套餐供應，附送熱飲，不要看輕下午茶的份量，其實也相當大份的。小菜「泰式青咖喱牛」，牛肉嫩滑而又有質感，青咖喱香而不辣，口感清新。午市套餐「海南雞飯」，雞肉嫩滑無比，雞油飯特別可口入味，加上微辣泰式醬汁，好味到不能停口。午市套餐「泰式香葉辣椒肉碎噲飯」，肉碎惹味，加上香葉的陣陣幽香和爽口的豆角，少少辣，非常醒胃下午茶套餐「泰式香茅雞扒湯河」，一大碗河粉，湯底都很入味，香茅雞扒分開上，外皮煎得香噴噴，雞肉保持嫩滑多汁，上乘之作。泰式小食「串燒（豬+雞）」，串燒配上沙嗲醬，也很滋味。+$8特飲「紅豆冰」，椰奶紅豆冰，椰香濃濃。這裏的泰菜，無論是質和量都一樣出色，價錢又相宜，非常受顧客歡迎。

星期日，我和女兒來到位於元朗的公車泰國餐廳，期待品嘗正宗泰北菜。一進門，我們立刻被餐廳的裝潢吸引，大片木質元素和泰國風格的裝飾讓整個空間散發出泰式的氛圍。我們點了幾道菜，炸蝦餅$88是其中一道，酥脆的外皮包裹著彈牙的蝦肉，香脆可口。椰青$25是我們必點的飲品，椰子肉的清甜和椰汁的清爽！飲完舒爽，也很適合食泰國菜時飲。接著上桌的是泰式椰汁雞湯飯$55，這道菜色香味俱佳，米飯入口香糯，搭配上鮮嫩多汁的雞肉和椰汁的香氣，是一道讓人回味無窮的佳餚。味道就像是把椰奶加入冬陰功，但冬陰功味沒有搶去椰奶的椰香。最後，我們品嚐了香茅牛肉撈檬$42，牛肉的嫩度和搭配的香茅和檸檬的味道非常搭配，清涼的撈檬，配上酸汁，開胃清新。最後，我們還點了椰汁糕，這道甜點口感柔軟，椰汁的味道清新，是完美的結尾。總的來說，公車泰國餐廳的菜式非常精緻，每道菜都讓我們感受到泰國美食的獨特魅力。餐廳：公車泰國餐廳 (元朗)地址：元朗西菁街2號興旺樓地下2-3號舖

又再次介紹朋友嚟食呢間元朗嘅泰國菜，之前食過，覺得有質素又抵食，性價比高，非常值得推介。點咗個二人套餐，可以喺12款菜式中揀兩款，包埋飯同嘢飲，又可以用優惠價加配小食，都OK抵食。泰式海南雞半隻個海南雞都幾滑，但更有驚喜嘅係個油飯（加$5轉油飯），除咗油香，仲有泰式嘅香料味，味道豐富。泰式咖喱海鮮呢個咖喱，睇個樣好似好辣好刺激，點知食落係甜甜地嘅口味，唔太辣，好好送飯。裏面有魷魚圈，魷魚鬚，蝦同青口，全部都大大件。生菜包呢個係套餐追加嘅小食，以為份量會比較少，點知超級有份量（應該同單點嘅小食一樣多）。肉碎有滿滿嘅泰式香料味，食落都辣辣地，幾刺激。泰式鹹魚炒雜菜呢個係二人套餐以外另點嘅菜式。如果好似我哋咁兩個人食，都建議點炒雜菜，有芥蘭，椰菜，西蘭花，甘筍等等，可以每款試少少。餐飲點左香茅冰同熱檸水。

雖然依家天氣都仲係凍🥶但係好耐都冇食過泰國嘢，所以決定試吓呢一間餐廳. 佢餐廳都幾近車站 又康樂路行過嚟大約5分鐘到 離遠就見到佢個光猛嘅招牌 門口，仲有兩個人仔🧍‍♀️🧍‍♀️喺度歡迎你!!一坐低，正愁緊食咩的時候發現佢有二人套餐👩‍👦所以就叫咗個二人套餐去試一試因為係晚市嘅關係，所以就價錢有少少唔同我就叫咗10號嘅冬陰功大頭蝦湯🦐同6號嘅青咖喱牛肉🥘個冬陰功大頭蝦湯味道非常濃厚 而且帶有少少甜味 啱晒鍾意重口味同好怕食辣嘅朋友🥵至於青咖喱牛肉方面 牛肉都比較淋 適合老人家或者小朋友食👵🏼👦🏽 而且佢醬汁都比較多 非常適合送飯😋 佢椰汁味🥥比較重 香味一流咁佢基本套餐，就包以上餐牌任何兩款餸 同一碗白飯同埋嘢飲 如果唔夠飽可以再加配魚餅海蜇等等不過我哋都係鍾意食菜多啲 所以叫咗個馬拉盞炒通菜通菜嘅醬汁非常足夠 而且上碟嘅時候夠晒熱而且通菜炒得啱啱好 唔會煮得過老😌講到最欣賞嘅都係嗰個泰式鳳爪沙律🐤佢一上碟嘅時候，我哋即刻食 雪得夠凍之餘 鳳爪又入味 即使食到厚肉的部份都feel到佢個酸辣味🍋🌶️而且佢芹菜洋蔥🧅嗰啲配菜非常多 啱晒鍾意辛香料嘅朋友！！🥘🥘🥘🥘🥘🥘🥘🥘🥘地理 7.5/10環境

早兩日趁着假期，相約朋友到元朗公車泰國餐廳，品嚐一番泰國小菜。1️⃣蒜蓉包呢個一份有六件，每一件都有很多蒜蓉及牛油。蒜蓉包口感很脆，十分惹味。🤩2️⃣燒豬頸肉豬頸肉感覺一般，口感同味道都好似豬肉乾，唔係我鍾意食嘅味道，餐廳雖然有提供秘制醬，但都只係挽救左少少🥲3️⃣雞/牛串燒串燒份量十足，有驚喜，係我暫時食過咁多間泰國餐廳最大份嘅，味道都好惹味，唔錯👍4️⃣明爐燒烏頭一直都好鍾意食泰國菜呢味酸酸地嘅魚，但係呢碟略嫌酸味唔足，反而配菜有酸味，魚湯又無咩酸味。可取之處係條魚無泥味，同埋都幾大條，岩一班人食。驚喜之處：同行有細路仔，餐廳職員好好，見到有細路居然主動提供蝦片比細路仔，同埋都幾有禮貌👍

公車泰國餐廳西菁街有好多餐廳，之前都留意到依間泰國餐廳，名稱好特別，裝修都好泰國風，今日就去試下。室內位置好大，唔會好迫，坐得好舒適海南雞飯第一樣試左配菜中的醃羅白絲， 酸酸甜甜，十分開胃。主角雞肉好嫩滑，又有少少油脂，滑得黎又唔會油。配上自家酸辣醬，十分美咪。油飯有淡淡香料的味道，好特別。泰式炒金邊粉個粉唔會太笠，入面配料嘅雞肉都好多塊，而且肉質唔錯，整體黎講食完唔會覺得好漏串燒猪肉＆雞肉燒得好好，外脆內軟醬汁聞到好香，食落有甜味，同d串燒肉好夾椰青全個上， 好有椰青味，十分清爽重要刮到椰子肉食，正！

好耐無去元朗，今次第一時間當然就係搵食啦。行咗一陣，元朗真係一個美食集中地，途經有日本嘢、茶記、酒樓、特式小食店等…原本諗住求其搵間茶餐廳，不過最後揀咗呢間泰國餐廳，環境無咩特別但算衞生，坐低後點咗香茅豬扒撈檬、海南雞飯，仲有炸蝦餅拼炸魚餅，原本佢哋話係Q版下午茶，諗住應該唔會太大碟，點之食物嚟到一啲都唔Q版，份量都唔少嘢，個香茅豬扒味道唔錯，但海南雞唔夠滑，炸蝦餅同炸魚餅都有水準，價錢方面亦公道，如果入元朗又唔知食咩好，可以試試。

因為小曼谷全店休息，在元朗找另一家就近的泰國菜，看到有二百多like, 於是打算一試，點了生蝦刺身有大陣雪味，醬汁味道怪怪的，點了汁都蓋掩不了那陣雪味，生蝦上面的蒜片太細小，$168/5隻。性價低，辣椒醬炒椰菜苗。汁醬太多勁咸，有點似韓國醃泡菜，最後真的太咸退回不要了，冬陰功送到枱上，沒有給碗。冬蔭公稍為好啲，幾好飲但入面菇得一，兩隻，整體來說不推薦。店內清潔情度一般。

見食係評唔差 諗住食下平日午市個場一啲都唔full 一人可以坐4人枱13:00叫左個炒金邊粉13:34先到 好有禮貌叫佢幫我跟下一句唔好意思都無性價比都唔高 $58得幾條肉絲 食到忟。

今日晚上，由於年三十晚關係元朗很多食肆都提早關門，我見到有間叫公車泰國餐館，就食泰國菜作團年。由於時間尚早大約是晚上六時入邊人流不算太多，好快就點餐我點了蒜蓉包，泰式黃咖哩豬肉，明爐烏頭，蒜蓉炒椰菜苗，還有泰式珍多冰。好快蒜蓉包上枱，蒜蓉包整得比較燶所以吃不到蒜蓉味只有一點點的苦味。之後上菜速度就非常之慢，等了25分鐘才上明爐烏頭，明爐烏頭肉質上可味道不錯，泰式黃咖哩味道幾好，咖哩味香濃也不辣豬肉片感覺像是火鍋片的一樣薄薄的，但可惜上菜時間太耐，到了枱上只感到微微的暖，蒜蓉炒椰菜苗味道不錯奇怪的事蒜頭是連皮炒的感覺奇怪。至於泰式珍多冰不知是否太忙的關係忘記加了糖水淡而無味，最後埋單要注意，因為要夠500元才能可以用信用卡簽賬，回頭率0。

團年飯冇着落，成八點先約個朋友周圍搵食，好多餐廳、餐館幾乎冇開，遠處見到呢間餐廳仲營業，於是入嚟一試，估唔到所叫佢每道菜都好惹味味美！呢晚我哋叫咗明爐烏頭魚、大頭蝦冬陰功湯、泰式肉碎炒飯、泰式咖喱炒豬肉，同埋兩杯泰式奶茶！本身冇諗住嗌明爐烏頭魚，但見到隔離對住個爐仔係咁烚吓烚吓，感覺非常滿足，於是叫左一份！最初驚個魚太青，但估唔到條魚咁有魚味，配合上泰式辣將、同埋加少少冬陰功佢撈嚟食，果真惹味！而個泰式肉碎炒飯更加係冇得輸！泰式肉碎十分入味，辣味恰到好處，加埋嗰隻煎蛋撈飯，食到停唔到口。而兩杯泰式奶茶亦十分正宗，另外呢個年三十晚，感覺十分有食神， 十分滿足！

公車泰國餐廳以公車為主題，裝修以墨綠色為主調，入到黎就似登上舊式火車車卡開始美食之旅 🚂 我同老公都好愛吃泰菜，一個唔小心嗌到成枱食物😂 一黎到試個小食拼盤先，無諗過咁大碟‼️有沙嗲串燒(雞、豬、牛)，肉質香嫩、蝦餅、蝦片、春卷，豐富多樣又惹味。青咖哩雜菜調味香濃，加上爽脆雜菜，非常開胃。老公食完白飯未夠喉，叫多份薄餅點咖哩汁吃，一滴都無浪費🤣我最中意係佢地嘅冬蔭功大頭蝦湯，原鍋開火滾住吃，熱辣辣😋湯底酸辣唔會好鹹，大頭蝦有肉地，冬天飲完個身暖曬。仲有泰菜必食嘅肉碎生菜包🥬 半肥瘦豬肉又滑又唔柴，食唔停口。兩個人食咁多嘢，真係有啲誇張🤪 最後歎返杯青檸梳打同星霞🍺 清清味蕾，為儲肥自己過冬邁進一步✨

今日放工去左元朗覓食，揀左位於元朗老店B仔記附近既公車泰國餐廳。貪佢價錢公道，且店內環境光猛，坐位間隔闊落，令人覺得舒服。兩個人點左二個湯河同一碟咖喱，店員見天氣凍先送個東瓜胡椒肉碎湯作個開胃菜，肉碎非常足料，好開胃。泰式扎肉湯河外($68)有4大餅扎肉系個碗面上面，而且都有一定厚度，河湯頭飲落夠爽甜，湯粉量都唔少煮到淋曬。嫩滑可口。泰式豬頸肉肉湯河($78)4大塊成8吋長既豬頸肉，及一大舊白蘿蔔。旁邊有芽菜及蔥花，用上大量香葉配菜。材料豐富，料頭惹味。泰式咖哩炒雞($98)咖哩香味十分濃郁，一D都唔辣，裏面有豆角，洋蔥，青椒沾滿了咖哩汁，至於咖哩雞香滑有雞味，咖哩汁滲透雞肉，十分香口。總之叫埋薄餅跟餐，食埋D咖喱汁！菠蘿冰($28)+青檸梳打($28)總結:滿意呢間餐廳質素，有時間都會再黎！

臨近過年同屋企人去元朗辦年貨，下午茶時間餓餓去試咗西菁街呢間公車泰國餐廳碳燒豬頸肉，表面燒到焦香，裡面咬落有肉汁，上面撒上少少黑椒，配埋泰式酸辣汁夠哂惹味串燒（豬肉+ 雞肉）非常惹味，燒得岩岩好，沙嗲汁濃厚花生味見到人人都叫一碟就試下呢個香葉辣椒肉碎炒河，估唔到炒河份量咁多，而且非常有鑊氣，辣椒肉碎比得好重手，跟餐仲有湯送，CP值好高泰式炒金邊粉，呢款金邊河酸甜味為主，岩哂唔食得辣既朋友馬拉盞炒通菜，馬拉盞係經典泰國調味料，搭配爽脆通菜呢到做到鹹香惹味！