八木橋日式燒肉

营业中

休息中

今日媽咪生日話要食烤肉大餐，梗係要帶佢嚟呢間試下！佢哋有四種唔同嘅菜單可以揀，有雪、雲、霞、雨。唔同嘅菜單有唔同嘅菜品可以揀~ 我哋兩個人就揀咗【霞餐】試下。多種小食、肉類、海鮮都可以任攞任食，真係抵！頭盤係和牛拼盤，多種部位都包括喺套餐入面。和牛嫩肩肉、和牛外腿肉等等。肉質全部都好鮮嫩，充滿牛肉香味，烤到3-5分熟係最正嘅，7分熟就微微焦脆但係肉汁都係好飽滿！一口落去仿佛置身天堂，勁滿足！🥰🥰食完肉仲可以食海鮮，我哋嗌嘅套餐入面嘅海鮮都可以任食！清酒煮蜆💜 清酒嘅香氣滲透到蜆肉入面，蜆肉甜香同酒香互相融合喺一齊，成個味道清甜又鮮美~牛油香草藍青口💜 藍青口本身具有濃厚嘅海鮮味，同埋牛油同香草一齊調味，非常有層次感嘅味道~

突然好想食燒肉，行入TOP見到八木橋燒肉，好高級既感覺，甘就試下佢啦😍醬汁有四款，特別鐘意個酸汁，可以解膩😍一坐低就俾左份頭盤我地，即刻有得燒，唔使等😻🌟 韓風瓷壼醬油牛肋肉🌟 鮑魚🌟 味淋魚干🌟 比目魚西京燒 唔驚唔識燒，因為側邊貼左張紙教你每樣要燒幾耐，又幾貼心喎🥰推介牛肋肉，口感好嫩，帶有豐富油脂，唔會韌😍🌟 A5岩手和牛西冷油脂分佈平均，口感有咬勁，肉質嫩而多汁，每一啖都充滿濃郁既牛味😍 淨係食呢塊都覺得值回票價喇😍🌟 四品和牛燒肉盛食完A5和牛就輪到A4喇😍 一樣無得輸阿😍🌟生蠔店家好貼心，俾左兩款醬料。一個係for生食既，一個係for燒生蠔既蒜蓉辣椒🌶️ 照顧到唔食兩種人😍 我就揀左燒生蠔，超級惹味🤤另外仲有海鮮，炸物，天婦羅任君選擇。值得一讚，員工好細心，會成日幫我地換塊板，好好服務阿🤩

週末帶埋屋企人出旺角行街，諗住搵間放題食，咁啱喺我哋行街嘅地方附近有好多人推介嘅【八 木橋日式燒肉】，睇吓餐牌覺得幾唔錯，有和牛任食，睇吓啲相又覺得幾過癮。同屋企人傾吓，決定一家大細去試吓啦!!呢度價錢都算公道，我哋一家點嘅係【霞餐】，平均一個人 $438，覺得都幾抵食!【韓風瓷壺醬油牛肋肉】嘅肉質鮮嫩，口感豐富，醬油配埋燒烤味道好香，經過醬油嘅提鮮後，牛 肋肉更加香濃。跟住仲有【和牛三角腩】同【和牛外腿肉】，唔同部位都有唔同口感，跟住和牛獨特 嘅油香真係好濃郁，同一般牛肉簡直冇得比。【多春魚】同【香草墨魚仔】攞嚟燒烤都係別有一番風味，【多春魚】有佢獨特嘅魚味，燒烤後將佢鮮 味明顯咁帶咗出嚟。【香草墨魚仔】有濃郁嘅香草味，跟住估唔到香草同墨魚嘅味道可以咁夾，真係好好食!呢度仲要特別提一嘴我最鍾意嘅【和牛外腿肉】，肉質口感彈牙，仲帶有牛肉嘅鮮味，我好鍾意 食。啲細路成日話要食雪糕，其實佢哋都有提供免費任食㗎!!真係好好呀!!!

為咗慶祝媽媽嘅生日，爸爸決定帶我哋一家人去食日式燒肉。嗰間位於旺角T.O.P 4樓嘅日式燒肉餐廳——八木橋。上網睇到超多人俾好評，而且親戚都話好食，今日全家人一齊嚟試吓。我哋揀咗雨餐配套，好多食物都可以任食，仲包埋Haagen Dazs雪糕，啱晒超鍾意Haagen Dazs嘅我A5和牛西冷呢個牛肉睇落已經係頂級嘅肉類,紋理非常清晰，燒嘅時候香味十足。食落去嘅時候更加係口感一亮，非常柔軟而且容易咀嚼，真係好好食。A4黑毛和牛肉有好多款A4黑毛和牛肉，不同嘅牛肉有唔同嘅特色。例如A4黑毛和牛薄切，呢款就係最薄嘅牛肉，容易燒烤，唔使等好耐就可以熟，而且入口即化。A4黑毛和牛和尚頭呢就表面潤圓光滑，口感非常軟嫩。A4黑毛和牛後腰肉，適度嘅油花同瘦肉並存，有非常濃郁嘅肉味同嚼勁。A4黑毛和牛三角腩，充足嘅油脂，每咬一啖都可以感受到瘦肉強烈嘅肉味我哋仲叫咗小食天婦羅，喺日式餐廳梗係要叫日本小食，外皮清脆，蝦肉新鮮，口感非常均衡，感覺一碟都唔夠我哋食。快樂嘅時間過得特別快，我哋食得非常滿足，下次我生日都要喺呢度慶祝。😋

我係一個牛肉愛好者！週末約咗朋友去旺角行街，就上網搵定嘢食，喺網上刷到呢間餐廳嘅介紹，佢哋就喺旺角彌敦道 700 號 T.O.P 4 樓，一直都冇去試過，睇介紹話佢哋有和牛日式燒烤放題！點可以放過咁吸引嘅餐廳，所以就安排咗呢個週末去食佢哋嘅午餐，仲特登唔食早餐就去食！哈哈！！我叫咗佢哋嘅【霞餐】，一共係 $438，自己覺得唔貴，因為有好多食材菜式任你食，而且仲有好多高檔食材。嗰度嘅食材真係好新鮮，色澤都好靚，成個牛肉拼盤睇落已經好吸引。【和牛三角腩】非常正，油脂滑嫩，肉質爽脆，味道濃郁，牛肉嘅層次非常豐富。【和牛外腿肉】都係極品，睇住聞住食住都非常香。我仲另外叫咗幾樣海鮮嚟配住肉食，有【虎蝦】、【扇貝】、【鮑魚】，都非常之新鮮，完全冇腥味，而且配住燒肉食仲增添咗少少鮮味！食完之後我真係覺得好滿足，好值得食！

今日嚟到喺旺角呢一個商場嘅3樓，佢係接駁地鐵站嘅B出口都非常方便，由地鐵站行上去大概都係3分鐘嘅路程，今日同朋友慶祝佢生日，所以我哋都預約咗呢一間餐廳，上網見到佢哋嘅評價都唔錯，所以我哋都非常期待，見到佢哋啲肉類都非常多種類，而且熟悉同埋甜品亦都有水準，有無限任食嘅Hagen dazs! 淨係呢一個位都非常抵食！霞餐既推廣優惠分別買一送一而且佢既雨餐推廣半價優惠。 我地決定選擇雨餐，有多近100多種嘢食揀！😎熟成A5和牛西冷，一見到佢嘅油花分布都已經覺得非常吸引，佢嘅肉質非常香濃，睇得出食材係非常高質，食落去嘅時候都覺得非常正，做到入口即溶嘅口感！,😎新鮮鮑魚，鮑魚嘅口感非常好，食得出本身係非常新鮮而且冇諗過燒鮑魚嘅味道係咁香，鮑魚非常有咬口，而且非常回本！😎日本直送和牛拼盤，一次過有晒咁多種唔同嘅高質和牛，重點係唔使諗餐廳一次過幫你揀好晒，每一隻都非常好食！特別推介佢嘅A4和牛博燒, 油脂分布真係非常靚仔，而且入口非常特別，每一邊只係燒幾秒就可以食到，食得出食材本身嘅質素非常高！A4和尚肉亦都好, 佢係位於內腿肉下側中心部位，呢一種肉係油脂較少既瘦肉，口感軟嫩，肉質都肌理細緻，牛肉味

好記得第一次食日式燒肉係喺日本🇯🇵呢排只有返工冇得去旅行，唯有搵住日式燒肉止下癮先。今次嚟到呢間 旺角人氣好高嘅八木橋日式燒肉放題燒肉😃首先係八木橋和牛⬅️要大推A4黑毛和牛和尚頭🐮和牛燒出嚟超滑，火候恰到好處，入口裡化開，完全無膩口。和牛和尚頭雖然簡單但係完全吸引👍🏻然後試A4黑毛和牛牛肩⬅️正正日本風味，肥瘦均勻，感覺到和牛肉香滿口溢出，美味程度絕對超標🤤再黎A5和牛西冷⬅️特級和牛，燒得剛剛好，脂肪與肉質比例均匀！！和牛特有嘅脂肪口感欲停不能，口感豐富而溜口，咬落爽口又有味😌 配合特製醬汁，好味🤤八木橋牛油粟米⬅️這個超滿足，甜味完美結合，吃起來口感特別好，配有牛油的粟米，健康得來又夠香😋最後食甜品雪糕⬅️呢間八木橋真係無得頂，好味之餘賣相都唔錯，大力推介❤️❤️

好耐都冇食燒肉啦，今日難得放假，好想搵一間好食嘅餐廳去食嘢，於是就揀咗好耐，見到上網有一位精哥 介紹呢一間餐廳，覺得好得意，於是就走咗過嚟試吓!!《八木橋日式燒肉》放題午餐， 超級無敵多選擇，非常之滿足!首先，好想讚一讚呢一度嘅店員，基本上點嘢食同埋上菜嘅速度都係冇得彈，完全係可以將啲時間擺晒喺嘢食上面真係好開心!!1️⃣ 基本上成個和牛 拼盤擺得好靚，而且入邊嘅牛肉非常之高質，首先想推介一下呢一個A4黑毛和牛和尚頭， 真心唔知道呢一個係邊一個部位，但係覺得好好食，佢嘅肉質特別嫩滑👍 而且入口嘅時候牛肉嘅味道都非常之豐富,唔錯唔錯！2️⃣再來係A4黑毛和牛後腰肉， 當然，亦都係唔知道係邊一個地方啦，但係唔緊要啦，最緊要都係好食!! 呢一個後腰肉嘅地方肉質比較緊致，如果鍾意食重口味嘅牛肉嘅話，呢一個部位都算係值得一試，可以無限翻點😋3️⃣就係A4黑毛和牛牛肩，呢一個我知道係邊個位啦，膊頭呀嘛!! 係好食嘅，而且呢一度切得啱啱好，薄薄地，輕輕咁燒一燒就食得，唔可以煮得太熟，如果唔係嘅話就嘥晒咁靚嘅牛肉啦!!4️⃣佢哋嘅A5和牛西冷， 呢個先係要重點推介，我超鍾意食西冷，肥瘦適中，油花分布均勻，基本上係高級

晚上落雨就想食燒烤，行到旺角就發現咗呢間【八木橋日式烤肉】店。店入面特別多人，就決定入去試嚇✌🏼店入面裝修特別日式，空間寬敞明亮，特別舒適，畀人一種好溫馨嘅感覺👍我點咗【A5和牛西冷】，牛肉味濃郁鮮美，咬起嚟特別爽口多汁，再配上一啲醬料，口感直接豐富咗起嚟😍仲有【A4黑毛和牛和尚頭】，味道真係絕咗！肉汁喺口中爆開，鮮甜可口，烤後濃濃嘅香味撲鼻而來，一啖咬落仲帶有酥脆感👍 必點！！呢份【Mozzarella 芝士雞髀肉】，芝士🧀竟然可以拉絲，濃郁嘅香味搭配雞髀肉嘅鮮甜，每一啖都特別幸福☺️【味淋魚乾】，甜甜嘅味淋配上鹹味嘅魚乾，甜鹹適中，而且仲特別有嚼勁，咬起嚟仲好有彈性，難怪係日本人鍾意嘅配菜😍總體體驗都特別棒，食材好新鮮，而且仲任食任飲，特別爽快✌🏼食咗呢餐晚飯，胃入面都暖笠笠嘅，下次仲要再嚟食飽飽😆

喺旺角呢度嘅 T.O.P 有間體驗好唔同嘅日式燒烤放題，入面嘅食材可以話有幾高檔就有多高檔， 上流之中嘅上流。【八木橋日式燒肉】畀我一種有錢佬，去到高級日式料理餐廳，想食乜就點乜， 完全唔使顧慮價錢嘅享受體驗。由裝潢已經可以睇得出呢度環境，同平民日本料理店係完全唔同嘅檔次。 自己去食個午餐放題，只需要 $438，一個鐘半任食! 非常推介佢哋嘅【和牛嫩肩肉】，滑嫩彈牙，油脂味香濃，分佈喺肉嘅每一處，喺燒烤嘅時候已經聞 到非常香嘅牛肉香味。 【和牛外腿肉】都唔會輸俾嫩肩肉，比起嫩肩肉嘅細膩，外腿肉更加飽滿同埋富有韌性，咬落去非 常香嫩。 呢度仲有【黑松露牛油雜菌】，有各式各樣嘅菌菇類，作為配菜，可以襯托牛肉嘅清香，而且微微 帶甜，可以將牛肉嘅膩完全解咗。呢度嘅放題我食得非常開心，大家一定要嚟試吓!

真心估唔到，原來喺香港有一間咁高質素嘅日式燒肉放題!! 本身以為基本上放題就係啲比較參差嘅食材，今次去到呢一間餐廳之後，真係要自打嘴巴!! 完全係高質嘅任食!! 所以今日就特登要介紹一下呢一度嘅正宗和牛燒肉 🤗🌟霞餐$438 🌟這款價格 算係中規中矩，不過如果對比返入邊套餐包括咗任食嘅菜式，絕對係覺得超值，超級多款唔同部位嘅和牛可以任食，仲有唔同款式嘅肉類，汽水，雪糕，天婦羅，全部都係任食，一次過滿足晒我所有願望，呢一個價錢絕對係冇得輸!!🌟 和牛崩沙腩 🌟和牛崩沙腩柔嫩而口感豐富， 好鍾意呢個肉汁，真係超級豐富，食入口嘅時候，啲肉汁喺個口入邊爆曬出嚟!! 爽!🐄😋🌟 清酒煮蜆 🌟清酒蜆煮到味道濃郁，清香帶着淡淡的酒香，令人回味無窮💯🌟香草墨魚仔🌟墨魚仔以香草調製，口感鮮美、Q彈，再配上燒烤的香味，好有層次感💯🌟 鯖魚🌟鯖魚用鐵板燒出來，味道獨特，魚肉滑腍，配上醬汁，好食得停不了口💯平心而論，一間餐廳可以做到有咁多款式，而且仲要係咁高質嘅牛肉可以任食，絕對係香港數一數二嘅性價比日式燒肉放題嘅選擇!!就佢哋嘅食物質素黎講，真的係物超所值！下次定會再黎！

朋友嚟香港旅行，佢嘅旅行清單入面，有一件事係我哋必須完成嘅，就係去旺角八木橋食烤肉。佢喺網上睇到好多人推薦必食八木橋，就拉我一齊嚟試。作為一個本地人嘅我都未試過，今日就同外地朋友一齊嚟食。唔多講，入正題。呢間鋪有四個套餐，分別係雪、雲、霞、雨，每種套餐唔同價錢同肉類。難得我朋友請客，當然係食最貴嘅雨餐啦🤣最重要係任食！唔使等好耐，店員就將我哋嘅食物送上嚟。首先係A5和牛西冷，足足比我兩隻手掌仲大，真係超大。佢嘅紋理十分細緻同靚，烤到差唔多後，再剪開嚟，肉汁特別順滑，入口即化，牛肉味依然好濃，一個字，正！其次係A4黑毛和牛肉拼盤，擁有多種A4黑毛和牛肉，包括有A4黑毛和牛和尚頭、A4黑毛和牛後腰肉、A4黑毛和牛牛肩等等。所有和牛肉都好柔軟，充滿牛肉味，食落去油香四溢。其中最鍾意係後腰肉，肥瘦適中，一口接一口，非常滿足。淨係食牛肉已經食到我哋津津有味，仲有其他食物任君挑選。仲想推薦呢度嘅天婦羅，尤其係天婦羅炸蝦，嗰隻蝦夠大隻夠新鮮，脆脆嘅口感，鮮甜嘅蝦肉，食物嘅素質都好高。

同朋友慶祝生日就嚟咗top食這間燒肉放題雨餐做緊推廣，有半價優惠所以就揀雨餐先嚟一個頭盤韓風瓷壺醬油牛肋骨,鮑魚,味淋魚乾 比目魚西京燒醬油牛肋骨,可以剪開慢慢燒四品和牛燒肉盛+ 薄切和牛我自己覺得黑毛和牛後腰肉最好食A5岩手和牛西冷大大塊燒燒完切開，大滿足味淋魚乾, 冇諗過係燒完好似烤魷魚一樣咁香比目魚魚香滑嫩鮑魚唔落調味都好好食枱邊有張燒烤小貼士飲品選擇都算多仲有汽水,可樂等喺另一個櫃等食期間又叫咗啲熟食炸物都幾好有芝士波, 香芋丸，章魚小丸子，忌廉薯餅， 試過好食每樣都再encore除咗前頭盤之外，仲可以再不斷落單叫牛肉可以落單叫扇貝，清酒煮蜆同埋沙嗲生蠔覺得佢有個兜一份份幾好，唔會燒到啲海鮮太乾睇到我哋個爐就知道係食到唔停口甜品除咗雪糕仲可以order其他整體覺得餐廳肉類質素好高，款式選擇多另外有個位係值得稱讚 ，餐廳通風做得好好 咁多爐一齊係咁燒 ，唔會有太油煙餐廳完全冇漏單，一落好快就嚟到， 食完的碟又好快收走

晚餐唔知要食咩，就打算帶老婆食一餐頂級嘅，可以享受一下二人世界晚餐。啱啱喺旺角逛街見到呢間非常高檔嘅【八木橋日式燒肉】，畀人感覺真係好頂級好高檔。就好好畀老婆享受一餐。呢度嘅環境好乾淨，帶長輩或者朋友嚟用餐絕對唔會失禮人，有畀足人面嘅格調。我哋兩個人都點咗最貴最豪華嘅【雨餐】，可以任食嘅食材真係好多，而且全部都係高級食材！呢度嘅主角係【A5和牛西冷】，牛油嘅雪花真係好多，本來以為烤出嚟應該會好油膩難以下口，但係自己親口食咗之後，感覺一啲都唔油，而且仲散發出和牛嘅甜味同香氣，牛油散發出嚟嘅香氣甚至唔需要蘸料都好提味。仲要提一提【A4黑毛和牛】嘅組合，牛嘅部位同肉嘅種類好多，各有千秋。【A4黑毛和牛薄切】肉質好細膩，好嫩。【A4黑毛和牛和尚頭】肉質好滑，油脂適中。【A4黑毛和牛牛肩】肉質有韌性，好彈牙可口。【A4黑毛和牛三角腩】肉質滑嫩，肥肉瘦肉嘅分佈好均勻。食咗牛肉想換個口味，仲可以攞【扇貝】，肉質一樣鮮嫩，烤出嚟味道非常鮮美，微微帶點鹹同甜。佢哋嘅【章魚小丸子】都係好好食，味道好正宗，就係喺日本食嘅味道一模一樣。呢度嘅晚餐放題真係好抵佢哋嘅價位，好有滿足感，跟老婆都有一個非常難忘嘅回憶

近排心情麻麻哋，每次一遇到唔係咁開心嘅時候，就會好想去食返餐好嘅，於是就揀咗八木橋日 式燒肉啦!!! 🔥如果想心情變好嘅話，梗係要爆食一餐任食嘅燒肉啦! 而且呢一間餐廳嘅裝潢、擺 設、餐具都是簡約舒適風格，離地鐵站不遠，位置距非常方便 ，整體感覺非常好 。😝和牛嫩肩肉♦和牛嫩肩肉肉質鮮嫩，滿口醇香， 燒完之後，依然可以保持到佢嘅嫩滑!! 真係非常之難得!! 果然， 和牛 就係和牛!! 真係點樣燒都好食!和牛崩沙腩♣ 這種和牛崩沙腩真是口感極嫩，充滿和牛的香味，絕對可以滿足你的味蕾。和牛外腿肉♥ 午餐和牛外腿肉，霞餐提供多種味道的鮮美和牛肉，無論是哪一種，都讓人讚不絕口，大滿足。豐富海鮮拼盤♥豐富的海鮮， 呢度嘅海鮮選擇種類都好多， 我哋叫完套餐之後，店員就即刻送咗一盤好精緻嘅海 鮮拼盤上嚟，非常之貼心!! 而且呢間餐廳真係一啲都唔會吝嗇，海鮮嘅種類好多，而且非常新鮮， 我自己好鍾意食燒烤嘅海鮮，因為平時喺屋企都唔捨得食，如果要買海鮮燒嘅話好貴!! 但係可以 任食就另計啦，哈哈哈!! 我好鍾意食呢一度嘅蝦，蝦肉燒完之後更加香，加少少鹽去提鮮， 真係 一絕!我想講呢一間日式燒肉店嘅食物質素