八月花 (Home Square) (已結業)

近日如果想食中菜的話都會即刻記起美心集團的其中一間食肆～～八月因為一來抵食，二來坐得舒服唔太多人，味道同服務都唔錯，好似變左fans咁🤣🤣今晚食得較清，蔬菜類夠多叫左個齋用一個木盤盛著，賣相加分！而且好足料，有冬菇，豆腐卜，雲耳，粉絲，菜等.....上湯浸木瓜雲耳魚肚竹笙！味道清清地，估唔到木瓜都可以做餸，非常清甜洋蔥焗排骨～好入味，排骨唔老，抵讚!!晚後當然要食甜品啦～～今次試左兩樣煎甜薄罉～～好足料但較甜薑汁撞雙皮奶～～好滑但薑味再濃d會更好總之再有機會光顧的機會

由於表姐預備搬新屋，所以今日下午約埋我們一齊去沙田嘅Home Square行吓睇吓有啲咩特色傢俬同擺設，之後喺夜晚嗰陣我們去咗「八月」食晚飯！一開始店員放低咗兩本餐牌畀我們，之後同我們講話一本用美國運通白金信用卡有75折優惠，另一本係用滙豐信用卡有85折優惠，而我們就當然係揀75折嗰個啦，除咗折扣比較吸引之外，餐牌上嘅菜色亦比較啱我們嘅口味！我們叫咗清、爽、正「冷鮑魚·海蜇頭·刀拍醬青瓜」嘅冷鮑魚質感好爽滑彈牙，味道好鮮味清香，海蜇頭相當爽脆滑身，味道比較清淡，刀拍醬青瓜非常爽甜清新，再加埋泰式辣醬一齊食，令到味道更加惹味！炭燒半熟A3和牛沙律係用炭燒將A3和牛燒到半熟嘅程度，味道相當芳香撲鼻，牛肉味非常鮮味濃郁，肉質極之鬆軟嫩滑，有入口即溶嘅感覺，而且份量超多，再加埋舖底清甜爽脆嘅沙律菜一齊食，令到口感相當豐富同唔會有好油膩嘅感覺！魚、糕係大廚師傅將條生魚拆骨同起肉做成嘅魚糕，蒸熟咗之後再將啲生嘅魚片放上面，表面睇落以為係好普通嘅魚片蒸水蛋，但原來係咁要咁花時間同心機，而且蛋下面係鮮味嘅魚肉精華，真係相當有心思同創意十足呀！鍋巴醬爆銀鱈魚嘅銀鱈魚外層嘅炸粉唔會好厚身，入面嘅肉質亦好嫩

又一天意外假期，留在家中一整日要出去揾吓食😬脆皮BB豬$78 - 每次必點😋 但不知是否因為颱風關係，今次有點失準。皮不夠脆還有點淋因而令這味菜有點失色。金沙翡翠豆腐$48 - 上枱熱辣辣，面層鹹蛋味好香，裏面豆腐幾滑。魚、糕$98 - 魚肉起雙飛，大大塊幾厚身口感唔錯。下面是鯪魚肉，幾特別的一味菜。海參花菇陳皮鴨$168 - 兩隻小鴨肶，加上冬菇，海蔘及津菜，幾對味。茉莉花脆糖布甸$48 - 面層脆，布甸不會太甜。 完美的總結。

尋晚星期六一家3口於晚上未夠7點開始等位，等咗約30~40分鐘，入到去想落單，叫極d職員都扮聽唔倒，睇你唔倒咁，叫到第3次先有人幫我地落單，大約7:40落單叫野食，叫咗2個前菜，一個小菜，一碟炒菜，一個砂鍋飯同湯，野食等咗一段時間，食住小食同小菜等個砂鍋飯，點知再睇睇佢張單，原來佢冇落到我個飯，問職員，佢地話落漏咗單而家幫我叫廚房即整，果時已經8點15倒，咁好啦再等咗差唔多半個鐘個飯都未黎，問職員又話仲要多10分鐘，問我地仲要唔要，因小朋友冇咩岩食所以我都話要啦，盡快比我，飯黎到都成9點，9點15倒，未埋單已有人黎比張單叫我地埋咗先，咁都冇所謂反正我地都差唔多食完，照埋單，埋完單，老公擺低d袋比我睇住，佢帶個女去廁所，去完再返黎拎野走。點知有個男supervisor 見我一個大肚婆坐向度，走埋黎同我講我過咗用餐時間，要我走，我話我要等埋老公返黎拎袋先走倒，佢話:出面仲有人等緊枱，我話我知咁我都要等佢地返黎先...之後個男supervisor就一路睇住我張枱，一見我老公同個女返黎就企定定向隔離驚死我地唔走咁。果下我忍唔住同我老公講:明明我地個飯等咗成個鐘，佢地仲話我地過咗用餐時間，要我地

沙田酒樓飲茶雖然有很多，但要有水準又容易找位置的就不是有幾多間。由其事在假日時候，所以我選擇“八月”，可能遠離城市廣場小小，不會太多人。点心中規中矩，但平日早茶有部分点心會做特價至11:30，所以都幾ok㗎。

今日本來想同媽咪食好少少既早茶、點左煎三寶、燒賣、棉花雞同牛肉腸粉、誰不知道每樣外乾內熱、蒸完再叮、同部長講完、佢就話只系蒸冇叮、不過我地成日同圍飲茶、點會唔知道蒸同叮既的分別啊。提意見只不過想遲d會有所改善、誰不知部長只系不斷講唔系唔系、所以我只好放棄溝通。其實本身呢個地都好方便、同媽咪食過幾次晚餐、質素都唔錯、只系早茶就真系太差、食物都好多油、要系咁飲茶先覺好d。希望晚餐水準可以保持，如果唔系又少個地方食野。

餐牌點心好別緻(有龍蝦餃，鲍魚燒賣……）有2人餐選擇今次選擇散叫點心生煎胡椒包好重胡椒味(有鑊仔熱住上枱)包煎得不夠香(但包好鬆軟，新鲜造)沙律蝦角炸得香脆，內裡蝦膠彈牙魚肚點心(好軟身，吸收湯汁，好入味)蝦滑(好鮮，好彈牙)春卷炸得香脆(不算太熱)流心奶黄包好流心(奶黄好香濃，不太甜)粟米魚肚粥有一片片魚.肚(粥唔算糊質)因有粟米味道清甜腸粉皮薄，料好多(但不算熱熱上枱)整體，環境走高尚路線(價錢有高價，中價選擇)點心比傳統茶樓別緻，食物新鮮

我地曾經去過八月（屯門）飲過早茶，雖然價錢比一般酒樓略貴，但點心款式特別及環境高雅，所以間唔中都會去呢間酒樓食飯由於沙田一田因裝修做Promotion，所以諗住飲完茶直接去一田購物，見好耐都無去過八月飲茶，加上今日係結婚週年紀念日，所以就算透過Openrice明知八月距離一田有一大段路程，但都無減我地去幫襯既意欲沙田八月裝修擺設與屯門分店差唔多，位與位之間都有一段距離，環境依舊舒適高雅京城灼餃子: 味道一般，無特別瑤柱蟲草花灌湯餃: 湯底偏咸唔香，灌湯餃內餡D肉感覺好粉，難食臘味糯米飯: 無咩臘味香味柚子蒸鴨掌: 柚子鴨掌個醬汁只食到豉油味，鴨掌又唔稔，難食銀湖百花釀魚肚: 咬落去魚肚芯係冰凍，我地兩公婆即時吐出黎，換左另一碟後味道一般酥皮龍蝦湯併海皇卷: 海皇卷外皮脆漿又厚又硬，個餡味道還可以，個酥皮龍蝦湯塊酥皮成塊黏實個碗，根本唔可以拗開放入湯內慢慢品嚐，個湯味道一般及質感好稀，湯內又無龍蝦肉（之前屯門八月食過係有龍蝦肉及味道香濃D）感覺似飲洋蔥湯多過龍蝦湯，麻麻地沙律炸蝦角: 味道普通粟米瑤柱魚肚粥: 味道如白粥，粥內亦無咩粟米及魚肚，差整體黎講以一間大型連鎖食肆仲要走比較高檔既

Whatsapp 、Facebook 等的社交平台的確提供了一個便捷的溝通和分享渠道、在某程度上拉近了人與人之間的關係，但是好朋友真的需要要見面的！姊妹們一起走過人生的各個階段，讀書、拍拖、工作、結婚和生小孩，現在各有各忙，聚會次數少了，讓彼此更珍惜每次的相聚。從前我們會隨意選擇一些樓上咖啡室或西餐廳，漸漸地，聚會變得越來越熱鬧，姊妹們另一半也一起來，到現在很多小朋友也會一起到來，選擇餐館上需要下一點心思。是次的選址為中央廣場的八月，是一位媽媽提議。首先，八月提供小孩用的高椅子，還有八月外有一大片空間，萬一小朋友覺得悶，可以出去走一走，既安全又方便，真是考慮周全。八月分兩輪制，六時至八時和八時後，我們選擇了早一點的時段。燒味三拼乳豬化皮酥脆，雞肉硬和有點鞋口，叉燒偏瘦豉汁帶子蒸豆腐豆腐像是百福的豆腐 滑溜不留口 唯豉汁太濃 影響了原本清鮮的菜式粟米斑塊炸漿厚薄適中 香脆可口春卷咬春有着迎接新春的意思，所以我們點了春卷來取其意頭。皮有點靱，配的醬是Wasabi沙律醬，挺特別。圍蝦炒鮮奶有別於鮮蝦炒蛋，炒蛋白加鮮奶味道較清、較滑溜，蝦處理得爽口，唯敗筆是蝦腸沒有清理洋蔥頭焗骨下一次聚會是四

以家飲茶已經唔係老一輩人既專利啦，好多年輕人放假都會飲下茶食個包😌住沙田咁耐，我都係第一次去八月飲茶，等位就預左嫁啦，好彩可以用App預先攞飛，慳返唔少時間👍🏻飲茶黎黎去去都唔少得蝦餃燒賣，但係我都係第一次食龍蝦餃😮雙餃有我個拳頭咁大嫁，仲要成個龍蝦殼做陪碟，見到都嘩一聲🤣因為個龍蝦餃太吸引啦，我掛住影佢，無視左其他食物😂整體黎講都唔錯，不過係價錢貴左少少，但都值得既，淨係黎食個龍蝦餃都值回票價啦☺️

今天是全家Family Gathering，所以決定在這裡食晚飯，因為我們食八點的關係，所以有很多小菜落單後又說賣哂，首先，先不講食物質素，一般都過得去，有很多小菜想試試，但是落單後又說這個沒有，那個沒有，如果不是訂位時巳說明留小菜的話，可能連這些小菜都沒有呢。其次就是服務態度，上幾次來的時候，就巳經說不論門口公關和部長，客人在門口等位置，但是門口那兩個公關撞到客人，也不會說聲對不起的，撞到客人又不懂說對不起，好像不覺得有問題的樣子，裡面部長和侍應就個個口黑面黑，好以全世界都得罪佢哋咁樣，仍然是那句話，如果她們做得不高興的話，我代她們向張生反映一下，好冇

八月，原來係美心嘅食店之一⋯⋯真係唔講唔知，知就唔去😞😞confirm booking 打完又打，第一次已聽咗電話，不到10分鐘，又打嚟，做緊嘢無聽，轉頭再用手提號碼打嚟....oh no....乜事先，係咁call真心覺得好靚👍🏻👍🏻蒸魚👎🏻👎🏻👎🏻👎🏻👎🏻呢條一斤多嘅魚，睇落去好似幾得，但一食呢，d肉「霉」，好低質，唔新鮮，都唔知ham咗幾耐.....脆皮雞👎🏻👎🏻👎🏻👎🏻隻雞偏細隻，唔知呢度係咪一隻。本身已經有少少咸味，味道係ok，但雞肉好唔得，同魚肉一樣，「霉霉地」，而且多肥膏😑😑魚肚 蝦肉 羹👍🏻👍🏻海鮮湯羹嘅味道，不錯。開初想問侍應拎醋，後尾發覺唔使加醋都夠味。淮山 杞子 菜苗👍🏻👍🏻呢碟清清地，無乜油份，幾好。菜苗用上湯浸，夠味。好少自己咁樣煮淮山，雖然無乜味，但淮山係有益嘢，咁樣一齊煮效果唔錯，可以食多d😛。蟹子 帶子炒飯👍🏻👍🏻👍🏻炒飯炒得爽身👍🏻👍🏻加上無過份嘅調味，但帶點咸香，食埋都夠飽。蛋白杏仁茶👍🏻👍🏻👍🏻👍🏻全晚覺得最好味，唔太甜，好香杏仁味，飲完暖笠笠，又滋潤😆

本來去利苑，但想行下傢私店所以改左八月。等左成個鐘，中間去行下，終於有位。太太點左好多熱氣嘢食，其實太多，不過好好食，高過預期。其他點心就正常水準，地方坐得舒服，下次一定再嚟。

懷舊灌湯餃，不是用湯浸着，是類似灌湯小籠包做法，皮內有湯。但這家做的並不是湯，而是很濃的醬，所以覺得並非其店所講的懷舊做法。另外荷葉飯，不是用新鮮荷葉，缺少了鮮荷葉的香味，就好似變了吃糯米鷄一樣。

之前對屯門八月的評價，真的很一般，也有一般時間沒去。由於有舊同事將往海外WORKING HOLIDAY，約了她喝茶道別，同事要求去屯門的八月。及後因為我有事，要求改往沙田分店，同事答應了。但想不到，整件事體驗比我預期中差很多。由於被屯門分店的人潮嚇怕，心想沙田分店情形差不了多少，十時左右已到達沙田分店，沒有人等候之餘，知客提示限個半小時交檯。入座後詢問侍應，侍應表示如果朋友遲來也不可以延長用餐時間，建議我通知朋友到達後拿檯。當然我要先埋單，不設將單轉檯的安排.........好，隨便叫少許東西，也比拖著我家寶貝四處亂跑好。看了看點心紙，選擇和屯門店一樣，選擇不算太多。叫了籠蝦餃，叉燒包和百花釀魚肚，連茶錢加一，約一百三十元埋單。侍應都是跟著SOP工作，沒有實質的熱誠，部份傳菜員的態度甚至可以用惡劣來形容。過了一會，食物陸續上桌。蝦餃：不過不失，但蝦的醃味如前人所言，很重胡椒味叉燒包：包皮略硬欠鬆軟，內饀少也不夠香甜百花魚肚：比較正常的一道，但蝦膠的份量偏少接近十一時，朋友到達拿了位，我亦埋單轉往朋友的桌子。由於朋友也不算食力太強，再加上我們之前吃了一些東西，所以我們便針對今期的推廣「老