八月花 (朗豪坊)

营业中

休息中

店舖改裝了，款式依舊那樣多元化。蛋撻: 不夠熱。味道的話很難比得上茶餐廳新鮮出爐又有蛋味的蛋撻。燕窩水晶飽: 皮算薄，真的吃到了燕窩，夠熱又足料。狀元奶皇: 這次試的特大版，size有拳頭那麼大。可惜只有賣相，味道不太新鮮，還是原始版比較好吧。馬拉糕: 又熱又鬆化，是最佳甜點。蘿蔔糕: 超級大盤，要人多才好點這個，否則一定吃不下!檸味叉燒餐包: 只有賣相okay, 卻又是不夠熱，不過吃下去有檸香味也挻特別。荷葉飯: 這個夠熱! 個人認為全場最抵食! 2人份量只盛惠40多元，見到其他枱的顧客也有點!! 這裏的裝潢頗不錯，食物賣相也不錯，只是部份要是出爐後第一時間端給顧客會更佳!

來到朗豪坊這家新開的八月軒吃晚飯.二人叫如下食品:西蘭花帶子 - 帶子還可算鮮甜, 西蘭花炒得不會太熟, 剛剛好! 生炒蜆肉(伴層餅) – 外賣是食物用雀仔籠, 好特別, 食落蜆肉還有些蜆貝殼碎, 伴餅太乾”痴”個碟底, 未包起已破裂, 不過味道還算好味! 清燉杞子土雞湯 – 用砂茶壺裝湯料, 再比隻杯倒湯, 湯味夠濃, 也足料!生煲大魚頭 – 魚頭肉很滑, 正! 這幾日Honey捱更抵夜話頭痛, 食左順便可以補腦…哈哈!

晚餐我地試咗脆脆bb 豬, 每人一件仔. 好脆!另外試了其他小菜, 呢期做緊土樓懷舊美食, 試咗"梅菜扣肉", d 梅菜好正, 撈飯一流 土樓雞, 都 ok, 不太特別. 仲有其他小菜, 無咩特別, 不提.小菜份量偏細 (變相價格高), 枱與枱之間太迫, 直頭是椅背互相緊貼的.個湯用茶壺及茶杯上, 侍應幫我地酙湯時, 個杯突然烈開一半跌落枱面, 湯亦倒瀉到客人面前 , 嚇親, 攪到我都唔敢拎起個杯飲湯好在沒有傷及任何人. 侍應君真地補番3杯湯比我地, 事後亦有專人解釋及道歉呢間酒樓最吸引反而係甜品, 份量夠晒大, 一份可4-5人 share, 價錢亦很合理, 又有很多款式, 味道亦唔錯! 我地試咗 1) 祖母曲奇+雪糕 : 用一個大鐵 pan, 焗咗一塊巨型朱古力曲奇, 類似 brownie (不過係硬的), 再加上 5 球 vanilla ice cream, 幾好味(2) 糖絲蛋散 : 蛋散 + 彩色糖絲, 賣相靚, 味道好(2) 甜薄撐 : 好好味見到好多人叫 101 拿破崙, 好巨型, 好似好好味, 每次侍應拎住都好多人望 下次要試下.

因為信用卡半價優惠, 是日與老友Book了枱吃晚飯, 但想不到閒日也分兩場, 我選了8:30pm, 二人點了 :BB 豬 - 名不虛傳, 是夜最好吃的一味餸, 燒得香脆嫩滑, 無需點醬也夠味狀元蝦餃皇 - 大而無當, 因為大隻, 皮太厚, 蝦仔沒有甚麼味道鮑魚炆鴨掌 - 只點了一份, 我沒有吃拔絲咕嚕肉 - 與一般咕嚕肉無異九菜炒蜆肉跟餅 - 餅很硬, 一夾上碗便裂開, 只吃了一塊便放棄, 九菜沒有香味, 蜆肉很老豉油王煎中蝦 - 味道幾好, 蝦幾爽中熅雞 - 熱騰騰的煲仔餸, 不過全煲只有雞, 蔥, 羌蒜泥芥蘭 - 芥蘭脆嫩埋單五百個大洋, 餸菜袖珍, 味道普通, 價錢太貴, 而環境也太迫。

開始有點名氣的八月軒,午膳時候開始要等位,起初都無須等太久,但現在最快都要等三十分鐘,最怕就係無椅坐,企足三十分鐘,希望八月軒有點改善,無法啦如果唔好食我又點會三日內去兩次............六月四日就試了點心:乳豬,迷你桶仔飯,担担麵........................:乳豬:我想是全場最歡迎,差不多每檯都叫,我當然都要試試,第一吃落真是皮脆肉嫩,須然五十八元得四件,但都不算太貴,因為每件都有番燒排骨咁 上下大,而且重有少少伴菜吃落重開胃..............:迷你桶仔飯和担担麵都是好就珍,一個人食就剛剛好,但味道都幾好味,迷你桶仔飯好似炒飯咁,但食落又沒有炒飯的感覺..........:担担麵當然沒有上川麵館出色,但都不太差,湯底好足料,花生好香,麵條好爽,可惜細細碗唔夠吃.............:跟注重試了狀元蝦餃皇,二十元一隻,睇落都幾大隻,食落就普通,可能太大隻的關係,吃起來有點散,最終皮有皮食,蝦有蝦食........

與朋友吃晚餐點了一些小菜，味道不差不過還不及它的甜品吸引但是上菜速度非常緩慢事實上，我發現它要等齊兩個order先出餸四碟餸，差不多一小時才上齊這點令我們非常無奈所以我建議大家可以在訂枱時，預訂餸菜便不用久等另外，甜品更要早早便order正如我前先所說，這裏的甜品在其他地方未必吃得到所以還是早些下單好一點

朗豪坊又一新食店開幕, 原來係"八月花"和"八月居"嗰friend~八月軒~, 屬於同一飲食集團.今次專程帶皇太后來飲茶, 早兩年和她去過"八月花", 裝修高雅, 食物款式多選擇, 但价錢偏貴, 在同集團中是比較貴价既酒樓. 知道朗豪坊開間"八月軒", 就帶她來試試水準是否一樣.我無預先訂位, 11點鐘walk-in都重有位, 我地人少(3位), 被安排坐近窗既細枱, 望向對面"新之城", 可能位置偏入, 無乜侍應招呼, 揮極手都無人應, 好在帶位姐姐出手相助先有壺茶飲.這裡裝修簡潔, 以燈及啡的配搭, 比人感覺modern & colorful, 走年輕人路線.食物款式與其姊妹店差唔多, 但這裡有一個全日供應既"雀籠點心"(我地無試), 唔知其餘兩店有冇呢?Table Setting我地人少, 只點了4款點心及1款飯 :-1. 鮑魚燒賣 - 一籠四粒, 蝦夠爽口而肥肉少, 還有一粒仔鮑魚作點綴. 2. 九唔搭八春卷 - 實為蝦春卷, 一客三條每條5寸長, 放係長玻璃杯上枱, 春卷皮包裹全蝦膠, 炸得香脆可口, 熱騰騰上枱, 滋味無窮.3. XO醬炒腸粉 - 無料(只見幾條干貝絲),

看到之前的食評，笑臉滿載，一個哭臉也沒有，相信水準一定不差！決定今天來試試看！午市時段，沒有太多人，直接入座，被分排在窗口位置。旺角內街景，不看也罷。侍應招呼周到，熱茶快快端上。沒有柯打貴價的茶茗。因為之前也在某酒樓試過，感覺不外如是，還是把資金用作點心費吧！午市點心選擇頗多，由小點($19)起。想要吃新潮的點心？對不起，這裡沒有你想像中的多，可是有水準的點心卻一定可以滿足有要求的人。真正的名字忘了‥‥只記得是中點點心，上檯時，熱熱的，餃裡有蛋白、海蔘、豆等等。味道清淡且爽口，十分適合喜愛清淡口味的我。一點也不油膩，多吃也不會有罪惡感！哈！上檯時是一小個木桶，樣子可愛精緻，可是，當吃下去時，材料欠奉，像吃豉油炒飯一樣，雖然飯是一粒粒的，沒有沾在一起，可是，料，實在不夠，有點被騙的感覺。下次不會再點這味點心。全餐最滿意的點心一碟四隻的小叉燒餐包，包面灑上檸檬皮。樣子可愛，味道更是令人驚喜萬分！第一次吃到有檸檬味的叉燒餐包，一向吃的，不是抹上蜜糖，就是用菠蘿酥皮，真的吃得有點膩了‥‥今次的檸檬味，實在是令人難以忘懷！一口吃下去，薄薄的麵包皮散發著香香的檸檬味！雖然內裡叉燒份量也夠！美味之作

天氣陰晴不定的五月份, 在種種巧合的驅使下, 罕有地於短短兩星期內到訪了"八月軒"三次. 第一次午餐記事已經在早前寫了食評 (可參考"得閒飲茶 : 五月天嚐八月軒"), 之後分別來了兩次晚飯, 兩餐之飯後感也載然不同, 記錄如下...五月中旬的週末晚上, 六點多到了酒樓, 不用等位, 但被提示需要在90分鐘內還檯, 對我們來說, 難度不大.參考過餐牌, 先點了三十多元一位的涷頂烏龍, 再點了幾款招牌菜試吃, 之後便專心等食.茶香濃郁, 感覺不錯, 但是否值得用三倍價錢享用(一般茶錢約$11/位), 則見仁見智.先上是脆脆BB豬, 份量祇有四件, 但每件都頗為厚身, 賣相十分吸引; 心裡正在滴沽為何旁邊沒有醬料, 吃過一口便立即解開疑團, 原來廚師已經把調味醬均衡地塗在BB豬上, 正如食家 Lawrence Lau 所言一樣, "皮脆肉嫩" 正正是這道菜的最佳形容詞, 其他的不用多說了, 必點推介!緊隨其後是太雕玻璃蝦球, 初看外表時, 蝦球比想像中細小, 但回心一想, 賣$38的價錢, 也不能有太大期望; 口感彈牙加上能吃到屬於蝦的鮮味, 再配合帶酒香的蒸蛋白, 滿意的菜式.有極度喜愛

見到呢間野既食評唔錯, 所以今日係屋企行左15分鐘去試下. 大約10點40分到, 唔駛等位, 叫左幾籠點心. 覺得最好既係脆皮BB豬, 菠蘿鮑魚雞粒酥同菠蘿狀元蝦餃皇 (見圖). 脆皮BB豬真係肉質皮脆嫩滑, 菠蘿鮑魚雞粒酥幾特別, 狀元蝦餃皇真係大隻到爆. 叫呢2樣點心果陣, 隔離枱既人都係度望下望下同討論下.至於其他點心, 就叫左蛋橽, 牛肉同蝦腸, 呢D就較為普通, 叫做不過不失啦!!侍應服務都幾好, 由其是RECEIPTION, 好有禮貌.

繼「八月居」、「八月花」與「八月芳」後，又一間「八月」系列新派酒樓在旺角朗豪坊開業，名為「八月軒」。這系列以「八月」為名的酒樓，作為美心集團的新嘗試，確是甚為成功，成功地繼「江春」系列之後，打進不少愛吃中菜食家的心水名單中。朗豪坊這間前身為「粵江春」，現在改轅易轍變身成為「八月軒」的新派酒樓，在 Openrice 中所得的盡是好評，加上離家不遠，又怎能不吸引自己前往光顧呢？！幸運地這天來到，雖是周日，需要輪候號碼等位，但不需多時，便已可被安排入座，而且還是位於酒樓最盡頭角落處的二人檯，這桌子正好位於玻璃窗旁，可一覽無遺地望向窗外亞皆老街一帶的街景。這天正是紅雨的日子，天上陰霾密佈，路上行人紛紛打著雨傘在街上經過，但坐於酒樓內的我倆，卻可悠然自得地觀看窗外的風景，並可品嚐美味的點心，可真使自己感到特別有一種滿足、幸福的感覺，覺得上天對自己實在甚為不薄，值得感恩。這裡既是美心集團「八月系列」的最新一員，所用的都是這系列所用的餐具，餐具造型簡潔而有時代感，但又帶點典雅的味道。酒樓大廳雖然因為客人多而且桌子擺得較密而稍感嘈吵，但我身處的地方因正好位於酒樓最盡頭角落處，環境特別寧靜，更令自己感覺

一向對美心中菜的印象不差，縱然已經吃過八月居和八月花，對新開業的八月軒(或叫做剛轉名吧!)仍有興趣。假期反正要跟朋友飲茶，與其花盡腦汁想去什麼地方，不如就來一試。星期日的十二點去到，竟然無須等位，可以直行直入，真係估佢唔到。我先到，坐低瞄一瞄餐牌，朋友也緊隨到來，大家都很準時呢！點一壺碧羅春，店方用別緻的玻璃茶壺奉上，底下還有火熱著，保持溫度。茶葉質素似乎也不錯，很清香，沖了四、五次水仍然很有味道。食物方面，大家商議過後，決定還是叫一個點心拼盤，再揀幾味小菜，以及一個飯，甜的當然少不了。雀籠點心，有六款，離不開蝦餃燒賣春卷等傳統點心，另也有菠蘿雞粒酥等新派點心，迎合不同人士口味。先吃上層的：燒賣，幾豐滿，有蝦肉又有豬肉，味道對勁，面頭的小半粒鮑魚，點綴作用大於味道；蝦餃是傳統做法，皮薄不黏牙，蝦肉多，也不會乾巴巴，都唔錯。底層的春卷，餡料並沒有蝦，取而代之是雞肉，當然也混入了菇粒等材料，配上脆口的外層，不比蝦春卷遜色；菠蘿鮑魚雞粒酥，是鮑魚雞粒撻上蓋著菠蘿皮。撻皮總算脆口，鮑魚粒相信是罐頭貨色，不過口感都幾好，再配以雞粒，可以啦。蓋在面頭的菠蘿皮，則有點硬，我想鬆一點會更好吃；水晶奶皇

要數美心集團的"八月系列", 自己去得最多一定是又一城的"八月花", 但不知為何從來沒有寫過食評; 最近到訪了朗豪坊的"八月軒"之後, 卻蠻有動力打一篇飯後感, 可能是坐靠窗位置, 有大量自然光陪著午膳的關係吧.平日中午十二點多, 和朋友相約在旺角午膳, 地點由我選, 很自然利用O.R.的搜尋功能, 很快便鎖定了這間開張不久的新店. 大約五個月前還在相同位置的"粵江春"吃過飯, 眨眼間已搖身一變成為"八月軒", 相同集團也要來過大變身, 感嘆現今在香港很難和餐廳吃出感情來了, 愈來愈珍惜一些能夠在相同地點經營超過三十年的餐廳, 實在是非常難得.友人和我都是抱著"小吃多滋味"信念, 兩個人沒有點太多點心; 茶葉選了壽眉, 茶味很香, 一向很少喝壽眉, 但這裡的蠻不錯.最先上是翡翠苗, 營養師說過, 假如一頓飯能先吃蔬菜, 對腸胃會更有益處, 我們樂意聽從. 翡翠苗口感清爽, 不醮醬油吃更對口味.三參兩耳餃, 原來是上面放了蟹籽和蛋白的素餃, 味道不錯, 能吃到屬於素菜的鮮味, 但稍嫌餃皮有點黏著了蒸籠上的底紙, 差點把餡料弄掉...排骨水晶粉份量不少, 排骨很鮮甜, 有點像吃到農村水準;

星期五難得早走,行一行MK再去睇場戲THX!! OPENRICE既戲飛.諗住去開平時久唔久都會同朋友TEA既粵江春.咦,裝修過變咗叫八月軒,又幾新WOO.就呢間啦.坐低睇一睇點心紙一個人食唔到多野叫咗四樣鯪魚球3分:蒸得唔腥I LIKE IT!鮑汁荷葉飯4分:份量夠.一個人啱啱好三參兩耳餃3.5分:唔知係咩.但咬落去幾爽口,我估係雲耳.雞扎3分:水準之作環境幾好.比以前好坐好多.OK.夠鐘入場.

呢度既菜式標明不落味精有部份係同八月花一模一樣,但售價有部份就貴$10太雕玻璃蝦球,蛋白質感滑溜同菠蘿鮑魚雞粒酥都好好味!脆皮BB豬水準不錯，皮脆而肉嫩，也沒有太多肥膏，伴菜沙律亦新鮮。銀雪魚鍋巴，這個鍋巴做得很脆，配上糖醋汁，也很好吃，而且銀雪魚應該是剛炸出來，肉質嫩滑香脆。其實以上菜式大至都好味!吃了太多菜色，已經無空位吃甜品!