八幡平石燒牛扒專門店 (東匯坊)

营业中

休息中

今日同家人嚟到東匯坊，食呢間八幡平石燒牛扒🥩，呢度有好多唔同嘅牛扒款式同份量俾你選擇，睇啱就俾錢，價錢已經包了湯、飯同沙律，可以自助方式出去攞。今次我叫了佢哋嘅招牌牛扒270g加罐雀檸。先攞湯，湯嘅味道非常好，飲完有衝動想添，沙律都唔錯，跟住到牛扒，好耐冇食過咁厚切嘅牛扒，比較起上次喺呢度食西冷扒，今次個扒就比較韌，但入口味道都ok，但建議食肉眼或西冷，食完已經飽晒，未試過而又喜歡食扒嘅朋友不妨一試！

第一次去就遇到好好服務嘅員工🥹CP值極高☀️食物質素十分良好order完之後食物都好快上到枱 效率👍🏻本身最concern 食燒肉舖頭會好污糟 但呢間環境同衛生方面真係做得好好👍🏻

每次經過鰂魚涌或者太古唔知食咩既時候就會諗起附近有間八幡石燒牛扒😍真係食過好多次😆😝性價比仲要好高😝餐廳有自助沙律吧 湯同埋白飯都係可以無限咁供應😝每次都會飲兩三碗湯😆- 八幡平招牌牛扒 275g $125牛肉方面每次必食😝冇筋而且一啲都唔鞋👍🏻如果舊石唔夠熱嘅話仲可以請佢加熱添😝服務方面都做得唔錯記得曾經試過有一次叫360g 嘅牛扒😆店員佢都有擔心我會食唔晒😂😂😂問我係咪真係要咁多😂😂😂

餐廳坐位雖然唔多，環境算乾淨，餐牌選擇繁多，我跟人要咗份招牌牛加碼叫 270g。石板燒牛體驗值得一讚，店內烽煙四氣「氣氛」唔錯，怕油煙嘅就絕對唔啱啦。好多餐廳會用「36盎司大牛排」作招徠，用來計算牛排重量所使用的單位──盎司屬於「常衡盎司」，整體縮寫oz.av，1盎司 ( ounce ) 等於 28.35 公克 ( gram )，一般餐廳為了方便計算會換算成 30g；16 盎司就是 1 磅 ( pound )，大概是 453.59237g，睇住隻牛由生變熟唔怕血淋淋，不過總係覺得朋友嗰份燒得靚，牛肉送湯、白飯任添，成份食完超現實，呢餐唔簡單，要行好多級樓梯至夠 

一想起吃牛扒必定來這裡，我們分別試了招牌及牛柳，價格相宜，整件牛排生生地放在熱鐵板上，份量厚厚的大塊牛扒，自己烹調生熟程度，配上無限添加的沙律，湯及飯，還有不同調味料，很是滿足！

呢間餐廳雖然好細間入面其實得10至20個座位左右，但就令我覺得好似去咗日本小店甘，好有風味 🤭一入門口就有自助機，先點餐付錢才入座。餐廳入面有位置俾你掛大褸飯、湯、沙律任加石板燒，燒到塊肉咋咋聲 😆好香好吸引仲好好味，不過就好多油，真係要小心d ，唔好比油彈親呀 🤪肉類都有不少選擇，我就揀咗招牌牛扒125g，都只係HKD125CP值好高！ 有得玩有得食，仲可以無限添加飯，沙律同湯！ 係一間絕對唔可以錯過嘅餐廳👍🏻

因為中午好趕要去上重訓堂，就附近食左石燒牛，今日食左八幡平牛排180g佢地有自助bar, salad 飯同湯是任添的😆另多點左zero (+10hkd )台上有即棄圍裙同調味料另外有餐具同杯牛排🥩（hkd 85)燒到2成熟放係熱石板上比客人自行決定熟到我仲加左二匙蒜蓉去炒，非常之香牛排無乜筋，而且都幾juicy ,如果鐘意熟點可以先分割到一粒粒會快熟點，我自己偏向食medium raw 所以由佢燒陣先切沙律菜有生菜椰菜絲同蕃茄湯就係牛肉清湯性價比很高的一餐也很合乎健身人類既午餐🤡

八幡平石燒牛扒專門店 (鰂魚涌)CP值超高飯、湯同沙律飲食！重點係牛嘅質素都好高 好好食石燒牛熱啦啦～ 正到爆❣️店員態度都好友善 會主動幫我地落單————————————————————————📍鰂魚涌英皇道1010-1056號東匯坊地庫77號舖————————————————————————Overall 💗💗💗💗

最近經常出街食飯，今次又去咗鰂魚涌呢間幡平食石燒牛扒，之前是同同事一齊食，食過幾好食，所以今次突登帶我老公黎試下，佢都話幾好唔錯，無介紹錯，唯一差一點係太大煙，食完之後好似成身燒烤味😅呢間幡平石燒牛扒專門店係鰂魚涌東匯坊地庫，可能因為係地庫所以人流不會太多仲奶。呢間嘅特色彷似去咗日本，因為要係門口有部自動反賣機，自己揀左食吔然後用八達通比錢，就埋位等。如想比現金都會有人為你服務的。呢度係半自助形式，自己出去攞飯、沙律同湯，任食任裝，佢啲沙律好簡單好一般所以任食都唔會食多碟，因為主食是牛扒。塊扒黎到係放在一舊好熱的石頭上，當時塊扒只有3成熟，只要自己切開佢好似煎嘢咁放在石面就自己會熟，想熟啲就放耐啲，自己加蒜頭及豉油一齊燒會更好味，最好係一路食一路燒，唔駛擔心耐左石頭唔夠熱，唔會的一定包你煮得熟塊扒。切定曬一舊舊燒會比較乾身，食一啖切一舊燒會香啲有多啲肉汁更好味。我今次都係選擇最細的份量都夠我食，如大食的就要點大塊啲了。

太肚餓，冇影到相😝😝呢間開喺街坊地點嘅日式石燒牛扒店性價比果然真係高，比同類石燒牛肉店質素更好（之前試過好一兩間都麻麻哋），網友冇介紹錯呀！兩人叫咗兩個餐，一份牛柳一份招牌牛扒，百幾蚊一份，沙律菜+日本飯+日式牛肉湯無限refill，仲要個牛肉湯真係好好飲，一大堆牛肉做湯底，而且石燒牛既質素都真係好好，根本冇嘢可以彈☺️☺️☺️店員服務都好好，又周到，作為鰂魚涌街坊嘅我，一定會再次幫襯而家又開始肚餓了🙃

呢排好想食牛，又見石燒好吸引，所以就試一試佢第一次食緊係食招牌牛柳$85一去到，店員會教你點樣自助落單，之後會俾個牌仔你，但可能換為人流唔多，店員會幫你拎埋一去到就去自助吧拎野有飯，牛肉湯，沙律菜同檸檬水白飯略嫌少少濕，但座位上有飯素任加好加分呢！另外沙律菜好新鮮，有芝麻醬同柚子醋揀，忍唔住食左2碗呢！唔好以為牛肉湯hea你，佢入面有牛肉，蘿蔔同洋蔥架，好清甜，蘿蔔都好好味架，所以都飲左幾碗🤣🤣🤣到主角牛啦個石燒都好夠熱,基本上燒一陣已經會好熟，所以我切到一片片燒一陣就放返落隻碗先，當食到個陣再落去燒幾下超級juicy 同埋超重牛味，如果唔係食肉獸既話，180g就完全夠食啦基本上落少少海鹽同黑淑已經好夠味醬汁方面都好多款，就會重口味多啲燒汁加蒜蓉撈飯真係無得輸仲有芥末醬都甜甜地，食落去都夾，但我就鐘意落黑淑同鹽多啲建議大家去試一試

很少幫襯地下商場裡的食肆，沒想到，鲗魚涌東匯坊地下的‘幡平’，讓我一週兩次來食牛扒！之前網上有人推薦，週日一家三口來試，先學習一下：我們3人叫了2份@85蚊180g的招牌牛扒和1份@150蚊200g的肉眼扒👇🏿👇🏿👇🏿招牌牛扒👍👍👍👇🏿👇🏿👇🏿肉眼牛扒👍👍👍可以免費添加的牛肉蘿蔔湯👇🏿👇🏿👇🏿👍👍👍仲有：蔬菜沙律和檸檬水也是免費任取，我自己冇食，所以冇影像，但呢啲都係+分項😆最後買單：3人330蚊，食牛扒喔，好抵👍

店舖開張已經三年，前後去過三次，每次都滿意。價錢方面，合理，收咁嘅錢，提供番咁嘅質素，value for money 。一句講晒，牛扒唔會令你失望。白飯有誠意，應該係珍珠米，米飯分明，唔係一嚿嚿，試吓去淘大某店比較，你就會明白什麼叫一嚿嚿嘅飯。八幡呢間店舖，由於是自助形式，沒有收加一，但千祈唔好以為呢啲自助服務，唔收加一係必然，因為淘大花園神石燒，都係提供類似嘅石燒，都係自助形式，但係會收一。對比之下，八幡真係抵幫襯，加上全日都係同一價錢，唔會話午餐平啲，晚餐貴啲，雖然都係食類似嘅嘢。牛扒上枱嘅時候，為免油脂肉汁溢出四濺，八幡用一張餐紙覆蓋，唔好睇小呢個動作，同類型嘅其他店舖，係用一張廚紙覆蓋！環境方面，八幡乾淨衛生，碗碗碟碟，餐枱餐椅絕對冇油淋淋嘅感覺，即管試吓比較銅鑼灣怡和街某店，你就會明晒餐具器皿地方衛生乾淨嘅重要性。呢間店舖，老闆管理得好，員工每當見到客人離開的時候，火速補位清潔一番。連裝蒜蓉嘅樽，黑椒樽，岩鹽嘅樽都會抹，用膳過多小時，我留意到服務員，總會有嘢抹緊。員工收碟快，不用三催四請。店舖提供嘅沙律菜新鮮，你望個樣就知道，就會夠膽食。湯，味道一般，而且頗油，不過可能係一個

行完山趕時間食lunch又好肚餓入咗呢間石燒牛扒，自助式點餐，揀返想要嘅牛扒部位、份量同飲品就可以直接喺vending machine俾錢。店內嘅單排座位同音樂都好有日本feel，細細間店乾淨企理。等牛扒上嘅時候可以去自助bar拎野食，沙律、湯同白飯任拎。個人好鍾意呢種撈芝麻醬嘅日式沙律，至於個湯就唔係typical嘅麵豉湯，望落好似中湯咁，好多洋蔥，仲有大大塊肉但一啲都唔鞋，又唔錯喎~熱辣辣嘅牛柳，由於有白飯(珍珠米係好食嘅)，200g嘅牛已經足夠，雖然佢個樣有啲乾，其實食落去好juicy，肉味係爭啲，但呢個價錢黎講真係算唔錯，加埋店內提供嘅海鹽、黑椒同醬汁會好味啲，推介柚子醬😋性價比高，又多一個office附近食lunch嘅選擇

同事極力推介呢度嘅石燒牛扒、話新鮮沙律菜、珍珠米白飯同大根牛肉湯可以無限refill 好抵食 😹終於的起心肝同其他同事黎試吓、我哋12點左右到咗仲有位、俾錢方式啟用八達通自助！價錢以牛肉等級去計！為免中伏我揀咗招牌牛扒試試水溫😜👻落單後店員就安排座位、然後就可以自助去拎嘢食！沙律菜望上去非常新鮮、裏面仲有車厘茄同粟米粒！醬汁有胡麻醬、仲有好開胃嘅柚子醋汁！搞到我忍唔住食咗兩碗 😹本身以為個湯係冇湯渣 😹 點知落去有唔少大根、一大嚿好似牛腩嘅牛肉 😬 湯飲落去好清甜好有牛肉味、牛肉咬落去一啲都唔韌好林！如果唔鍾意飲湯嘅話仲有自助檸檬水 珍珠米白飯、仲可以自己添加紫菜飯素 🤪主角終於出場啦！招牌牛扒份量都好大件！大食嘅男同事都話夠食！職員細心有教點樣控制牛扒生熟程度！牛肉味好香、好重！容易切開唔會咬到牙骹軟！如果嫌唔夠鹹味嘅話仲可以自己加岩鹽、即磨黑椒！仲有日式芥末！同事們話下次要叫牛柳試吓 😜