八寶清湯腩

营业中

休息中

全港第一清湯腩🐮自創藥材牛湯底🚀比少少背景大家先😌由於新鮮牛腩供應十分罕有，所以全港供應新鮮牛腩嘅店係不多於十家😌 今日呢家呀，大埔群記（下個post寫），九記（幾個月前食過🙄好難食），澳門咖喱王新鮮腩（搵日去） 等等 但係有好既食材都要識煮先得😂 又唔淋又唔入味就食得💩 ，今日果間自創咗個藥材牛骨湯底，大受歡迎，仲有人買返去打邊爐😂而且佢本身都係老字號，做咗好多年，近年先由紅磡搬去天后💪-🍜 #清湯蘿蔔牛寶麵 🍜 （$108）有齊崩沙腩，爽腩同坑腩🥰一上嚟已經好大陣藥膳味😌最好食係崩沙腩，肥瘦平均，浸得夠身😌食落完全冇渣，而且超重牛味，果然係新鮮牛腩😌香軟爽滑🥰食完番唔到轉頭💪蘿蔔就又淋又爽口，完全冇渣🤟🏻好耐冇食到咁正既蘿蔔🥕個湯好似肉骨茶😂不過更重牛味，而且越飲越上癮而且完全唔會口渴，真材實料💪總結來說 香港第一牛腩 又有良心 gogogo🚀-🎈 天后電氣道124號榮華大廈地鋪平均傷害：$85好味值：7.75/10...

呢個藥膳清湯腩嘅出品幾好，湯同牛腩唔會俾藥材味蓋過，肉質軟腍唔肥膩。如果點撈麵，麵底接近2個，分量非常多，當然肉湯嘅料都足秤啦。不過lunch時間嚟到多人排外賣，堂食等咗半個鐘先上，真係好慢囉……

平時呢間舖頭一定大排長龍，今日冇人排，第一次入嚟食，真係超級美味！ 牛坑腩入口即溶，非常入味，個藥膳清湯腩底湯底 一流， 從來未食過咁好味嘅清湯腩湯底， 碗牛坑腩非常大 ， 足夠兩個人食。 連杯凍檸茶都好好飲😍

嘩! 呢間野，近期新寵，無論我定打機既朋友仔都一致認為呢間野好好味!由於我第一次食既就係牛肚，而我又真係好鍾意食，又“林”又入味! 好食到我轉唔到，完全唔太想試第二樣XD 男人有叫過貴腩同平腩，但sorry, 我都係覺得牛肚一絕!我想講既係，我好唔鍾意藥材味，所以我唔好肉骨茶，但佢呢個湯底真係好正! 我每次都清到見底咁XD我以前自己一個落去睇醫生成日食個間已經冇再去食lu, 因為呢間雖然貴，但貴得值! 佢俾番足料你!而其實自第一次食完之後，我同男人都間唔中專登去食，我無次次影，因為我太專一了XD提一提，撈麵最好食，幼呢就爽口彈牙，粗就索哂尐汁，兩樣都好好食，所以我同男人如1一齊食就會各叫一款，咁就兩隻都食到XD

天后一向出名清湯腩，呢間八寶清湯腩好似比另外兩間無咁出名，但試過之後，發現佢比另外兩間更好食。一入到門口，就有一陣微微嘅中藥味，原來呢度嘅牛腩湯底係用咗淮山、當歸、杞子等中藥，加埋牛骨而成。湯底入口雖然有少少藥材味，有少少肉骨茶嘅味道，但係味道帶甜，區落去牛腩麵度估唔到味道會咁啱。呢度牛腩有好多款，有坑腩、崩沙腩、爽腩，喜歡食唔同口感嘅人就最啱喇。我今日食左坑腩，入口半爽半淋，味道唔錯。不過我覺得佢個麵反而有d失色，唔夠爽口。另外，我雖然好鍾意食辣，但我唔建議加辣椒油落去個牛腩麵到，因為完全破壞左個湯底嘅味道。同埋呢度價錢都唔算平，不過偶爾支持下有水準嘅黃店都冇所謂嘅！

前幾天見到有人分享，囉囉攣左幾日，今日去叫咗個牛三寶，有齊坑腩，爽腩同埋崩沙腩，可以一次過試晒佢三種招牌嘢。一送到黎，已經俾佢香味吸引左，即刻試咗一啖湯，簡直係不得之了👍🏾久違了的藥膳味道，（藥膳跟藥材味是不一樣的😂）佢啲牛腩真係各有特色，三樣都好好，夠淋又夠牛味，真係揀邊一樣都唔會錯。順帶一提嘅係佢個蘿蔔都好好食😋食完啲牛腩之後我將餘下嘅所有湯一飲而盡，正。呢間舖頭嘅店員大部份都好親切同埋有禮貌，抵讚👍🏾同同區其他清湯腩嘅立刻比下去。ps 飲完湯到而家幾個鐘頭後嘅我都唔覺得口渴👍🏾呢排因為戒緊澱粉質，下次一定要試吓佢啲麵同埋炸魚皮。。💎回頭指數：🌟🌟🌟🌟🌟（清湯腩之首選）💰性價比： 💸💸💸💸（比普通嘅價錢略高，不過絕對值）（5粒 🌟💸👎🏾 為最高）

幾年前八寶仍在紅磡，已經愛上這店的招牌湯底，清香撲鼻，加上微微藥材味，真會令人上癮。疫情中生意不減，才八點鐘，牛寶已經只剩一份。好彩！牛寶是餐牌上最貴的一味，有齊各種特色牛腩，包括爽腩，崩沙腩，坑腩。蘿蔔冇渣，湯底保持水準，令人心頭一暖。加一包炸魚皮，太多食唔哂。下次再食想念的牛丸，牛孖筋，金錢肚。

我本人很喜歡吃咖喱牛腩，很少會吃清湯腩。因朋友推介底下第一次來到。其實對牛腩要求沒有什麼亦不太清楚，所以今次來試試牛坑腩，然後下次可以是崩沙腩。由於疫情緣故兼且是星期一晚，所以不用排隊。平時週六及週日都會出現人龍。湯底不是太油膩而且味濃。蘿蔔好甜，個湯底稍有少少當歸味。不是我個人喜好但是仍可接受。牛坑腩帶少少肥食落好滑口。幼麵及牛腩嘅份量都可以算是恰當。另加一份菜芯全走。無加一少費。地方乾淨整潔。感覺舒服。一定會再來。最緊要是服務有禮。餐廳基本上是很寧靜，但廚師間唔時會爆唱一句歌出來，令到餐廳也有些生氣。

依加因為肺炎，都要盡量避開出街食，唯有叫下外賣啦😂😂外賣佢好有心機咁分開左麵同湯，好貼心，確保d麵唔會冧曬，而呢間清湯腩最正係佢可以選擇唔同位置既腩，今次我就選擇左崩沙腩，崩沙腩是牛的橫隔膜， 入口最煙韌彈牙，我個人最推薦食🥰🥰而呢間八寶清湯腩，最正係佢湯底有好重既藥材咩，食得出落左好多心機同料走煮，完全係誠意之作，以呢個價錢就食到就真係好超值❗️❗️天后區有好多間清湯腩，講真我覺得八寶係當中最好食既，未試過就一定要黎啦❗️❗️

這間位於天后既專賣不同牛腩部位既麵店，聽說在遊行活動當日曾免費讓遊行人士免費進餐，朋友一直是它的忠實粉絲，味道雖好但感到價格有點昂貴。她帶我來到這間麵店支持一下。我點了崩沙腩河（如果無記錯）而她點了爽腩河所以我們可以交換不同部位試試，這樣比雙拼價格還要划算！湯底相當鮮甜，易入口不會感到口渴。河粉配有蘿蔔和魚蛋配料，份量十足既一碗麵！雖然平日對牛腩麵沒有太大興趣，但這碗麵的確製作用心，值得一試！👍🏻

好一段時間冇食過好味嘅清湯腩, 今日放工開完OT, 同男朋友過嚟搵食, 居然發現天后有呢間睇落好出名嘅腩店~ 😆時間係夜晚8:30, 男朋友一坐低就話要食咖喱牛腩飯, 我見呢間啲腩咁多品種, 樣樣都好想試唔知揀邊樣好🤔.. 就揀咗個三寶飯 (坑腩, 爽腩, 崩沙腩), 諗住一次過試晒睇吓邊樣最好食, 點知5分鐘後侍應過嚟同我講, 崩沙腩冇晒😅 2分鐘後連爽腩都冇埋🙈 原來weekday 可以旺場成咁... 得來不易嘅坑腩, 飲一啖個湯, 濃濃嘅牛湯, 有藥材味, 飲得出真材實料, 冇味精!! 聽講係有當歸做材料, 飲到停唔到口坑腩足料大大件, 正!! 男朋友坐喺對面食咖喱牛腩飯, 夠晒香口濃味, 佢餓到添飯... 題外話呢間鋪頭人情味幾濃, 見有熟客嚟幫襯, 嚟到發現乜都賣晒得返普通牛腩, 都笑笑口咁話好生意喎, 下次唯有早啲嚟啦! 😌 店員同老闆娘都態度友善, 服務非常好!

米芝蓮三星餐廳的其中一個定義是「值得專門造訪」，若只把這標準放諸清湯腩專門店，全香港大概只有兩間店子值得我這樣做。一間是大埔的群記，而今天中午我則去了另外一間、位於天后的「八寶清湯腩」。此店昔日在紅磡一個甚難找的位置開鋪時我已幫襯，搬到港島後我還是首度前來。上次下午茶時段偶然經過並發現它重開時，居然賣晒牛腩（要待至晚市才重售）。今天便在十一時多午市主要時段前來到。要了最基本的清湯蘿蔔牛腩麵，湯頭還是那麼完美而清甜。我把它全喝完而沒有口乾之感，保持我印象中的高水平。值得一提是這裏的湯頭下了當歸，而且藥材味頗重，頂唔順中藥味道的人可能會唔like。唔知喺咪好耐冇幫襯，感覺現時湯頭的藥味較昔日更為重手，但我個人十分愛飲藥材湯，所以完全啱口味。牛腩方面除了有一小塊部位較差的口感略柴外，餘下的三、四件有肉有筋，而且都十分軟熟。蘿蔔沒有渣，十分清甜，較同一條街的「華姐」、「大利」的出品高出幾皮。幼麵則是普通來貨，無甚特別。雖然此碗東西要$55，套餐配熱飲加七元，仍覺物有所值也！值得一提的你亦可選崩沙腩、爽腩同坑腩等特別部位配搭的麵，那便要$85。以中式麵來說好象有點貴，但當日式拉麵也可賣過百元，又

清湯爽腩飯真心正，爽脆肥瘦適中，塊筋膜麵到索索聲，個清湯絕對唔係味精湯，飲得出濃濃牛味同當歸草本味，真材實料到不得了，蘿蔔仲要舊舊清甜。最難得係呢間真係良心小店，老闆同老闆娘都好好人！This is no doubt my favourite beef brisket with soup restaurant. The beef brisket is super tender and the soup is very flavourful. No need to line up for those "famous" restaurants again!

黎揀開食黃店就食咗朋友推介我哋嘅八寶清湯腩成間鋪頭好正 幾fancy我自己要左一碗崩沙腩河粉首先一碗入邊有成六七舊崩沙腩肉質鮮甜 崩沙層又有d 咬口咁食落去好特別唔係一般既牛腩檔做到咁高分個湯底超鮮甜冇任何嘅味精味道又唔算特別咸加埋蘿蔔真係好正

呢間野被男友Bookmark左響必食list，今次趁廿九早少少收工就黎試一場黎到，當然要試最出名既牛腩面，佢有分好多唔同既腩，Menu本書仔有介紹到，咁我就點左似乎冇咁肥既爽腩面蘿蔔軟淋淋清甜，夠大舊；爽腩唔太肥，但同時有牛腩既油脂香，食落口唔痴牙（重點，因為了牙好煩），而個湯底同呀媽煲既老火湯個味好似，應該冇乜味精，飲完唔會好口乾。呢個牛骨湯好似同個湯底差唔多味，但原來點撈面牛腩+湯係同個撈面分開上！即係唔洗加錢都有湯飲西洋菜蜜，覺得偏甜，叫少甜應該會好d食到飽到嘔咁先207蚊埋單