八寶清湯腩

营业中

休息中

公司搬到炮台山，中午搵食不再局限於連鎖快餐店，附近有很多有水準小店，同事推薦八寶，一試，果然好味，尤其是個湯底，有點藥材味，好香，很少吃腩麵會喝湯，現在差唔多每星期吃一次豐儉由人，最普通一碗清湯蘿蔔牛腩麵＄55，刁鑚吃坑腩貴多＄30

難得今日過海返工一心想食個快lunch第一時間搵下附近食店原來間間都藍到_ _特登用多幾分鐘行返去搵黃店支持黃色經濟圈！食嗰陣已經係下午茶時間可能係假日，人流特別多好彩排第一個好快有得入快手叫左個清湯牛腩麵加凍檸茶湯底好味，唔係食完狂飲水嗰啲味精湯牛腩軟熟 正！今日唯一美中不足係上得較慢，因為趕住返返去工作同姐姐講左句「趕住走」好彩佢好快拎俾我仲好好禮貌下次一定會再幫襯 ！淨係好食同服務態度好都夠哂啦！

唔知大家有冇發覺🤔，香港某啲地區會特別集中某一類型嘅餐廳，簡單例子就好似黃埔多日本人🧑🏻👨🏻住，蘇豪多鬼佬👱🏻👱🏻‍♂️住，附近就自然多日本餐廳或者酒吧。但有無人解釋點解太子就多餃子店🥟；而天后又多清湯牛腩🐮店呢？.除咗華姐、大利，得到一位時裝店嘅型男👨🏻老板介紹，今次嚟咗天后食呢間以藥膳做湯底嘅牛腩麵店。聽時裝店老板講，呢間小店源於紅磡，經過搬遷再搬遷後就嚟到天后。你入到店內，就會聞到👃濃濃嘅當歸味，只因湯底會用上當歸及其他7種天然材料，每日用上十幾鐘頭餚製而成。😮.星期六下晝2點幾嚟到，原本一心諗住食崩沙腩麵($85)，結果咩腩都賣晒😞，只好叫普通牛腩麵($55)。湯底講到咁好，當然先嚟飲啖湯先，的而且確味道清甜帶點當歸味😋，不過未算好強烈，相信怕藥材味嘅人都應該可接受。另一主角牛腩大件肉厚，牛味濃，不過肉質尚未夠嫩，相信崩沙腩會更好。😜

番工既中午黎到八寶清湯腩，呢度有牛腩、爽腩、崩沙腩、坑腩，餐牌有介紹到佢既分別，我心大心細，好似都係試牛腩最安全，所以最後都揀左碗清湯蘿蔔牛腩米。牛腩米好大碗好足料，星期一至五仲有指定丸類送，我今次係魚蛋同魚片頭。蘿蔔有三至四舊，幾甜冇渣，索左啲湯汁好入味。牛腩好淋，有肥有瘦，仲有好多舊，多到食唔晒，超級飽。湯底有少少藥材味，都幾香，食完碗野個身好暖。同事叫左撈麵，望落既分量好多，一個碗放麵，一個碗放湯同蘿蔔牛腩，個個都食到讚不絕口。下次再黎！

今日黎到天后區，經過呢間聞名嘅清湯腩，決定入黎試下，睇下係咪好似個名咁出色！清湯蘿蔔坑腩配粗麵 $85就咁望個價錢好似偏貴，但其實食落就知佢物超所值！最出色就梗係湯底❗️❗️❗️❗️好清甜❗️❗️重藥材味，好似係因為用當歸落去煲❗️❗️淨係碗湯都值回票價😍😍😍坑腩是牛肋骨之間的肉，肉味較香濃，連着牛骨軟膏，好好味❗️❗️❗️塊數又唔算少，十分出色❗️❗️❗️麵底又唔算少，軟硬適中整體黎講又係好出色，十分推薦❗️❗️❗️

認真，係我食過最好食既牛腩麵！喺咁凍冰冰既天氣下，食碗咁美味又熱辣辣既牛腩麵你都咪話唔正💛！平時我食呢啲乜9粉麵必定加大量醋，因為好多時個湯底都唔係話特別好味，有啲直情無味添🌚。 但呢間真係無得彈，好食到我想拜師🙂師傅介唔介意收我為徒，最多幫你食多幾碗麵啦🥺......清甜蘿蔔爽腩麵($85)個湯底係藥材湯，清甜到我幾乎全碗飲哂，而且完全唔油零罪惡感😳仲有個爽腩好鬆化又啖啖肉，爽腩帶少少筋位，好似同時享受緊牛腩同牛根既感覺！仲有平時我一定唔食嗰啲白蘿蔔，但呢碗入面有3大舊我全部食哂！-建議大家第一次嚟唔好食撈麵/飯住先，一定要試下個湯麵，個湯底真係世界級👍🏻。見到好多客都嗌坑腩，下次再嚟try try佢，包保好過一出黨鐵嗰間華_清湯腩(利申之前食過，啲腩得肥膏同細撚過我手指尾🖕🏻)-黃色事跡💛: 8.5罷、遊行派水、表態支持運動同後生仔

天后出名的清湯腩店很多人熟悉的一間必定是x姐，但長期大排長龍，打工仔中午飯食飯時間不多，實在是看得見，排不到。 於是決定和同事發挖新餐廳，點知搵到一間列入必食，比x姐好吃幾倍令人覺得超驚喜既清湯腩麵舖。清湯牛腩米入舖傳來濃濃藥膳味，店員解釋因為他們選用了當歸熬住湯汁。如果是喜歡肉骨茶或台灣的排骨湯的人，真的大推呢碗麵，湯底十分好飲，雖然有別於一般清湯腩湯底，但出奇地和牛腩好配，牛腩超軟入味，令人一口接一口。整碗麵非量非常大，牛腩份量超級多，連蘿白都兩大塊，平日午餐再送兩粒魚蛋，可能有人覺得價錢略貴，但本人覺得如比份量亦算合理，最重要是好美道，已經值了。

第一次食叫左碗蘿蔔清湯牛腩麵 (55蚊都唔算平), 但係佢一送上黎我就覺得肯定值呢個價仲有賺添。佢碗牛腩麵有幾個特點: 第一，蘿蔔好入味好濃郁、本身冇渣又夠林所以好好食；第二，蘿蔔好味係因為佢個湯底好好飲，注意有啲偏藥膳湯風格，不喜慎入（但我好鍾意），湯唔油👍🏻 第三，麵夠彈夠咬勁；最後就係牛既部分要特別稱讚： 牛整體肉質好夠煮都夠腍夠新鮮好肉味（肉雖然腍但係唔散，肉既紋理分明），廚師好細心咁將牛腩切成幾部分，由零脂肪到半肥瘦，重點係佢仲有一塊淨肥膏嫁！！🤯🤯🤯🤯🤯🤯所以一碗滿足哂所有願望，份量好多好足料，睇得出係用心之作黎！👍🏻👍🏻題外話，野飲冇咩特別可以是但叫（凍好立克正正常常，skip~）😹😹😹絕對推薦！

無意中知道有一間食牛腩嘅餐廳由紅磡搬左去天后，都知道八寶既湯底有別於其他餐廳，係用中湯材烹煮。兩個share 一碗清湯蘿蔔牛寶幼麵，可以一次過試晒坑腩，爽腩同崩沙腩湯底有濃郁嘅藥材味，小小甘口，同平時牛腩湯底好唔同，但係又好夾啲牛腩當一碗有齊3種牛腩時，真係唔係好識分到邊種打邊種牛腩😂3種牛腩既分量符合到過百元既價錢。透明部分既骨膠好有咬口，白色既脂肪連肉好有牛味，又唔太淋又唔會太硬🐯認為最出色既唔係主角牛腩，而係第二主角幼麵。仲叫多左一碗淨幼麵，🐯話啲麵好爽口食落係脆架，師傅煮麵手勢好好，煮到唔會有鹼水味👍🏻夏天唔係蘿蔔當造季節，但係依到既蘿蔔係清甜無無渣，又爽口👍🏻

地膽朋友介紹說不妨吃清湯牛腩麵。.專登選擇午餐時間之後到埗，店面企理、樓底又高係幾舒服.反正平日好少到這區，點了個有齊三種牛腩的，就一口氣試晒佢。.碗麵上檯，份量幾足。.事不宜遲，飲一啖湯頭，一飲，藥材？嗯嗯嗯，那就是「藥材牛湯牛腩」，不同外面那種「白滷水湯牛腩」，外面好多清湯腩其實落左唔少滷水料而且偏咸（成本這回事你懂的）。這間用藥材煮牛湯心思放了在減低膩感，要讚一下。.今時今日，香港牛骨成本太貴，好難做到清湯腩，做得到要維皮貴到嚇人。所以基本上，沒有幾多會用大量牛骨牛肉去做湯頭的麵食如清湯腩和越南牛河。食過越南當地牛河就明白。要好多牛骨跟肉先可以煮出那種甜味。.這個加了藥材同香料的湯頭確實令碗麵和牛腩沒有太膩感覺，唯一要注意，湯一旦唔夠熱了，藥材既苦味會突顯出來。都係果句好嘢趁熱食。.佐料的蘿蔔夠䭃身、無起渣、也有甜味。.三種牛腩分別都煮得唔錯，少少肥香口夠軟身無起渣也入味配埋湯頭唔錯。質素唔錯，要吹毛求疵的話我自己偏好寧願件數少尐同無咁一口一件也希望牛腩件也要大件一點就可以更食得出唔同既牛腩位置既特色同師傅手藝。.朋友呢個介紹唔錯，無中伏。

初次寫食評😂純粹分享......已經有頗長時間 會每隔一段日子掛住天后嘅華x清湯腩 要去幫襯😅 不過實在越來越感覺麻麻 最重要嘅湯底变得淡已無味 當然還比旁邊嘅x利清湯腩好些.....喺失望失落之餘 發現天后還有其他選擇😊 此間算是新開清湯腩店 (翻查資料此店原先係紅磡很長時間 現搬到天后) 就盡管試一試。 進入店內就聞到一陣當歸味.....頗有驚喜 應該湯底唔差😁 店內乾淨 靚仔過以上兩間舊店 始終新開😅 座位舒服👍 睇過menu....主打當然係清湯腩 有飯有麵 價錢貴少少 不過最緊要好味。選擇了蘿蔔清湯腩牛筋米 碗粉size較大 (因為食華x1碗係唔夠飽😅) 一見湯底顏色 就知不負所託 味道濃郁有少許當歸味 Like👍 蘿白牛腩都不錯 不過原來牛筋先係亮点 好味😄😄 而且係可以食得飽😂 雖然貴D 但👍👍 **因為唔慣相機食先 所以食完先諗起想寫評語😅 請見諒

八寶清湯腩以前舖頭就喺紅磡，之後搬左去天后，但仍然無阻我地過去搵食，因為佢地嘅獨特湯底真係好少見！平時我地都係叫清湯蘿蔔牛腩麵，所以一於叫一碗！首先當然要講下湯底，有別於其他一般嘅清湯腩店，用牛肉去煲，佢地仲加入左藥材，所以飲落鮮甜而帶有藥材嘅香味，非常獨特，食麵時同時養生呢。材料方面，牛腩非常嫩，用筷子都夾得散，亦好重牛味。蘿蔔就鮮甜多汁。麵方面彈牙又唔會太淋，整體配搭完美。另外我地想試下牛腩撈麵，牛腩撈麵份量上比較多，而味道上其實同清湯牛腩麵分別唔大，可以跟個人喜好選擇，同埋我地仲叫左碟通菜。通菜新鮮爽脆，可見舖頭所用嘅食材好新鮮。重點推介湯底，必試！

2月4號星期一年三十晚，公司放早。近幾年都鍾意揀年三十的下午黃昏時段去維園行花市、買年花，雖然在維園買年花價錢貴一點，但可順道襯熱鬧，而下午人流又未到達高峰時段，實在理想不過；尤其對於年紀尚小的女兒來說，年宵攤檔所販賣的公仔、汽球、風車、以及年花，確實相當吸引。入維園前先去天后嘆下午茶，隨意就撞了入去「八寶清湯腩」。小店本來在紅磡，結業後過海搬到來天后，大概也只有一年左右。雖然並非老店，也並非人所皆知的長龍清湯腩名店，但門口張貼了不少雜誌專訪，甚至登上了日本旅遊雜誌，似乎有一定的實力；餐牌最後幾頁甚至是老闆兼廚師與一眾名星的合照 ⋯⋯ 莫非小店的清湯腩真的有過人之處？以港式粉麵店來說，枱櫈佈置出乎意料地寛敞；裝修也有別於一般傳統粥粉麵店，但並非走高級路線，而且太過簡陋、又缺少粥粉麵店的特色，整體感覺有點怪怪的。餐廳門口左右兩邊分別是「坑腩」及「用心做好每碗麵」的照片。問了老闆，表明採用本地新鮮牛坑腩，所以價錢偏貴，最平的牛腩麵也要 $55，如果指明要坑腩、爽腩或者崩沙腩，甚至要 $85，直逼本地清湯牛腩名店！由於餐牌封面用了大大個心形麵餅，除了表達「用心」兩個字，亦以為麵條特別優質，甚

我常在天后吃清湯腩，必定去屹立多年的大利和華姐！最近朋友介紹下，為食的我再忙也抽空去試試八寶清湯腩！一入店看看菜牌，四至五款牛腩可選，即向男店員(可能是老板）請教，我選了蘿蔔牛爽腩清湯米粉多蔥！看看菜牌上的價格是在高檔水平，所以更期待！等了一會兒，一碗份量十足的牛爽腩米終於出場！蘿蔔是又林又甜的，牛爽腩大大件卻十分林香，好味！牛腩還付著煙靱的筋膜，正！湯好像是當歸底有少許甘味，像喝肉骨茶，米粉也十分爽脆，全碗分量十足！正！雖然價格稍高，但物有所值，必定會再來！

清湯腩食得多， 用藥單做清湯就真係未試過。來一碗出名的爽腩河，well.., 不是 waow一聲那種，但都有d咬囗， 成碗河得四件，$78. 哎。。ok，再試買牛筋麵， 中規中距。我在什麼配味都冇落的情況下， 將成碗湯飲清。 藥膳味很重，有特色。舖頭什麼空調也不開， 食完碗麵成身出汗， 尤如去完汗蒸幕，非常養生。