八哥主題餐廳 (已結業)

之前喺尖沙咀行街就有見到the one附近新開左一間八哥主題嘅cafe鐘意八哥的我就當然心心眼一定要黎試下😻😻 不過嗰陣因為繁忙時間，已經Full House，所以就搵左另外一日book定位再過嚟試入到去真係嘩嘩聲😋裝修得好靚！有好多八哥嘅擺設同裝飾！！好多瘋狂影相位！先點野食～ menu 都好靚睇食評見到有八哥造型嘅飲品，本來想點綠茶latte，以為每款熱飲都會有😝 好彩有問一問店員～ 店員好細心咁介紹！表示有兩款飲品會有八哥logo，分別係 mocha 同 cappuccino，佢仲解釋因為如果綠茶latte上沈左綠茶粉的話會變得有啲傑口，所以我就點左 mocha吶。呢杯mocha 真係色香味俱全非常香滑朋友就點左士多啤梨冰沙，雖然無八哥 feat.，不過都一樣好味，透心涼左邊係頭盤的墨魚咀，$38 咋！非常抵食。揀左榛子楓葉糖醬，甜甜的不錯這個是香煎韓式一口和牛配自家製泡菜，賣相好精緻細細份可以一啖食落去~ 和牛配上泡菜估唔到又幾夾~ 另一種食法可以分開食嗰個和牛同埋泡菜，一樣好味😋 非常推薦呢個頭盤！鐘意香口野的我嗌左個黑松露薯條唔係好肚餓，所以就嗌咗個三文治一齊share。呢

Hungry pug是一間可愛小狗餐廳，係尖沙咀都幾多人嚟。朋友幾鐘意狗，特意嚟到充滿"狗環境"既地方食飯呢。煙三文魚凱薩沙律係一舊既形象，首先菜好似花，每個都有芝士同沙律醬，好足味。麵包粒幾脆，而煙肉少肥肉！煙三文魚好煙味，食落林身，易咬而不是不新鮮。全部野加埋好野味。鐵板美國安格斯牛柳配薯菜係勁野味香口既。薯菜炸得好新鮮，係有汁既先林，其他就金黃少少脆口既。以為好熱氣？都唔係，有半個蕃茄juicy又無乜酸味，又有豆同野菌幾好！安格斯牛柳係軟身易咬，我地叫5成熟，出到嚟岩岩好而無血水。細件個牛味重，完全無根位要訓練牙力，正既口感。加左餐要餐湯 餐包 飲品。餐湯加左20蚊要洋蔥湯，洋蔥味好香洋蔥味，飲落都幾濃同甜，好多洋蔥嫁。餐包軟林既麥包芝士，芝士好熱辣辣好味。我地再加多10蚊要左特飲。叫左青檸梳打，有泰國風情既感覺。青檸無檸檬個隻酸味，比較中和酸味多啲，如果真係怕酸，可以加糖水飲既，但好冰涼岩哂夏天飲。卡邦尼意粉配溫泉蛋，多cream sauce喔。配料多菇菌同煙肉。特別係意粉唔係平時長圓形，而係扁圓形，好似吸左更多cream sauce咁，軟硬岩岩好。好多八哥環境物包圍好得意 櫃

如果你問我鍾意狗多啲定係貓多啲，而家嚟講我可以回答你係貓。以前仲係好想養狗，但係糊里糊塗咁樣屋企養左隻貓，貓無甘痴身其實都幾好，除左多毛左d，哈。以前最中意嘅就係八哥呢種狗，因為夠蠢夠可愛，個樣愈可憐就愈多人中意。所以今次見到個樣甘可愛，都要朝一朝聖。今朝早餐就好想食返一個有蛋嘅早餐，但係偏偏今日就趕唔切食，所以夜晚都要食番一個All day breakfast 補返數先。呢度嘅蛋定唔係炒蛋而係做咗溫泉蛋，比較特別。而且仲用煙肉包住蛋，好似花甘非常之吸引，另外仲有茄汁豆，腸仔同埋薯塊，好豐富。另外就叫咗個一口和牛泡菜，出嚟個樣十分之精緻。估唔到牛配埋泡菜呢一個組合都幾特別，令到個人會特別開胃。雙層芝士安格斯牛肉漢堡包，聽個名就知道好勁啦。有雙層芝士，整個芝士都包住塊漢堡扒，而漢堡扒做咗五成熟，軟硬剛剛好，入面仲有肉汁。漢堡扒除咗可以單叫之外，仲可以配埋個餐。餐可以揀餐湯又或者沙律，另外仲會有芝士多士，個芝士多士嘅芝士未食就已經聞到好濃郁嘅味道。連Menu上面都冇嘅綠茶沙冰，今日店員就推介左我哋飲。本身如果套餐仲要加沙冰飲嘅話就要需要原價，但係因為綠茶沙冰係新產品，所以免費加飲。而味道都

每次去到尖沙咀食嘢可能因為係遊客區嘅關係每間餐廳都差唔多開天殺價唔單止食得貴而且仲更加食唔飽人不過今日好好彩比我發現左呢間樓上餐廳發現佢哋嘅Menu都唔會太貴所以放工之後就即刻去試一試見到呢度一個main course時都係百幾蚊所以今日就叫咗英式燒烤豬肋骨而且只要加＄25就可以變成餐套餐方面我揀咗餐湯今日嘅是日餐湯係羅宋湯雖然羅宋湯唔係好濃郁嗰款不過入面就非常之多料有好多雜菜煮成的羅宋湯充滿新鮮清甜的雜菜味道而且香濃的蕃茄令到呢個湯非常之增加胃口之後到咗主菜叫咗半份嘅燒烤豬肋骨估唔到半份都已經非常之咁大份而且仲係用上了非常之厚肉嘅豬肋骨部份所以食落去唔會剩係得皮包骨而係有啖啖肉的而且燒烤醬嘅味道唔會過分濃烈所以食落口唔會覺得那喉而且豬肋骨的味道完全滲晒喺下面的薯蓉薯蓉吸收了應有的豬油香不禁令人食指大動之後叫多咗一款卡邦尼意粉濃郁的芝士香味一放上枱已經聞到而且上面仲有非常之誘人嘅半熟流心蛋一放低喺枱就梗係相機食先啦影完相之後就係去到呢個意粉最引人入勝的一刻就係整穿蛋黃濃郁的蛋黃在拌上了芝士立即令到成個意粉的味道昇華而且意粉煮得剛剛好唔會煮得過熟令到林啤啤最後再叫左一款特色甜品就是抹茶雪

尖沙咀加連威老道呢邊開咗間樓上餐廳,呢日就嚟試吓.一上到去就見到大大個燈箱,上面嘅八哥圖案好顯眼.入面嘅陳設同壁畫都用八哥做主題,似乎店主係一位愛狗之人嚟.窗邊嘅黑板都係八哥,好可愛.呢邊可以睇到樓下嘅街景,都唔錯呀!餐牌封面用綠色做主色.雖然呢度係西餐嚟,但佢哋都有唔少比較fusion嘅菜式.主菜嘅選擇都幾多,但頭盤嘅款式對我嚟講仲吸引,某啲係坊間唔常見嘅,咁就跳過主菜,主力試頭盤同甜品啦!祖傳什錦番茄水牛芝士沙律,第一次食用青醬調味嘅沙律,估唔到青醬嘅羅勒同蒜香加晌彩色車厘茄等蔬菜度都幾夾,松子仁又有咬口,水牛芝士就軟滑,整體清新又討好.榛子楓葉糖醬烤焗雞鎚,佢哋將雞鎚肉反起整到好似lollipop咁,食落更加方便,雞鎚烤焗得外層香脆,內層肉質仍滑,表面有啲楓葉糖醬,再加埋榛子果仁碎,味道唔錯.香煎韓式一口和牛配自家製泡菜,一口和牛軟嫩,上面用咗芝麻等等點綴,下面就墊咗佢哋自家製嘅泡菜,都幾清甜惹味.東星斑配法式海龍皇湯,原條東星斑咁拎出嚟,中間就開邊放咗啲切粒椰菜,甘筍同車厘茄等等,西餐廳嚟講可謂少見,幾特別.法式海龍皇湯就另外用小壺裝住,侍應仲拎埋個蠟燭台用嚟保溫,食之前先將湯

今日行經tsim sha tsui見到呢間餐廳係以pug做主題, 俾佢吸引左😻上到餐廳，環境好靚👍🏻有塊blackboard 係畫左pug由於我係三點幾去既所以我同朋友就中左個afternoon tea set係用三層架的，成個set都好靚中間仲用左d糖粉印左pug個樣🐶層架有咸點，有鬆餅 ，布丁，馬卡龍etc我覺得樣樣都不錯，本身最唔期待既鬆餅竟然令我忍唔住食多一個🙈餐廳配埋果醬🍯同個鬆餅出奇地夾，好好味順帶一提店員態度都好有禮貌，好主動😊

今晚兩條嚟咗呢間新開餐廳撐枱腳踏入餐廳便有店員來招呼頭上盞燈又得意播，鐵做的地球今日先生請客，唔客氣了先叫個海龍王湯，食個蕃茄水牛芝士沙律個湯是先生order的，味道濃郁，有蝦肉如此好味給我喝光了...hea hea...個沙律有驚喜，唔係只用街市車厘茄入面有4款小茄，鮮紅、深紅、橙色、黃色 粒粒新鮮而且有甜茄味水牛芝士大大塊，絕不孤寒先生想食牛，主菜叫來低溫慢煮加拿大AAA牛助骨個名好長，條骨都好長，主菜上枱後覺得二人枱太細張，再無位置放食物店員知道我喜歡相機食先所以先把骨送來給我拍照之後再拿回廚房把肉切好一件件，真細心！！吃得很飽，但個心還是想點一客甜品好彩有叫甜品，好好味呀，唔食會覺得自已走寶這是麥提莎芭菲，外面芭菲包住麥提莎伴碟的有紅莓、藍莓、桑子等 酸酸甜甜餐廳唔係行浪漫路線嫁，這裡充滿熱鬧氣氛鄰枱都是三五知己為主，比人輕鬆感覺店內十分整潔，加上用狗仔主題為設計，更有溫馨感

路過餐廳樓下，有人遞上傳單，新店開張有9折，吸引我的並不是折扣，而是餐廳名字Hungry Pug，想一想即係"飢餓的八哥"便笑了。帶着好奇心走進餐廳，店員有禮地招呼及安排坐到窗邊位置，店內有很多八哥擺設，每一個位置，每一個角落都看到八哥臉，莫名其妙有點開心又興奮。再看看牆上的塗鴉，枱上的餐牌，你都會感受到店主有顆用心經營的心友善的店員遞上水，為我下單。我點了一個主菜，主菜可加$25跟一客餐湯、多士及餐茶，能有這樣的安排實在太好了。雜菜湯，足料雜菜，絕無偷工減料非一般多士，有料嫁而且香脆，物有所值主角低溫慢煮加拿大A A A牛肋骨隻牛一上枱，大份到呢...咀也O了！仲 "嘩 "咗一聲，大鄉里出城唔係講笑，隻牛堅好食，內質粉紅，及帶一點點油脂，絕對份量十足，再配上香滑薯蓉及沙律菜伴碟確實肚滿腸肥。餐茶升級加$10，凍 抺茶拿鐵隻牛咁大隻又邊會食得曬，細心店員問我要唔要打包，問得非常好，內心非常渴望打包。唔該打包啦，謝謝店員香港人果然愛試新野，餐廳大概八時半左右，已經九成座滿。這裡適合三五知己來聚餐，開開心心聊天，分享美食。八哥 I will be back 。

thumbs up for their reasonably-priced lunch set! food quality is beyond my expectations! tried this grilled cheese sandwich on top of the lunch set, trust me, it's very savorywhat's better, is that there is free wifi available. perfect for ppl who want to spend productive days at a cafe/ restaurant. interior design looks very decent and comfy! all in all, a MUST-COME FOR PUG AND FOOD LOVERS

最近尖沙咀新開了一間八哥主題餐廳, 就襯星期日約埋一班愛狗之人試試菜。從樓梯行上二樓餐廳, 沿途已有不少特色的海報設計。一入餐廳就被可愛的八哥裝飾吸引, 由餐牌設計到牆上的Graffiti畫都見到八哥狗仔嘅蹤影, 非常有心思🐶看看Menu，發現很多特色Fusion菜，好似"東星斑 x 法式海龍皇湯"、"韓式一口和牛 x 泡菜"，仲發現呢度有加拿大Funnel Cake😱！喺香港真係第一次見，一定要叫嚟試試😋 先來一杯Mango Smoothie, 冰凍的芒果冰沙加上新鮮果肉，鮮甜可口，好味👍🏻前菜叫了"Dry Puffer Fish with Japanese Mayo", 雞泡魚乾非常香口，加上蛋黃醬和蔬菜，入口清新惹味 充滿濃郁洋蔥味道，啖啖都有香甜洋蔥絲的濃湯，加上一塊香脆芝士多士，有趣的配搭本人非常推介呢個原條東星斑配海龍皇湯! 軟綿綿嘅魚肉，連埋鮮濃嘅龍蝦湯一起吃，簡直好味到一個點😋😋😋但以湯的份量嚟講，每人只可吃幾口，略嫌不足，唔夠分...因為實在太好味啦😅牛有牛味，泡菜有泡菜味，但加埋一齊食原來咁夾咁好味，好有層次感，有驚喜，讚👍🏻份量十足的牛肋骨, 有成隻前臂咁長😲!

在嘉連威老道逛街，不知不覺又到晚餐時間，抬頭一看，有很多樓上鋪噃，隨意找一間餐廳醫醫肚囉正係Hungry 嘅時候，就入呢間Hungry Pug 吧餐廳風格不錯呢煙三文魚沙律，賣相十分精緻煎得香香嘅煙肉做成碗一樣，盛著煙三文魚和新鮮的沙律菜煙三文魚的Size 不少哦色澤鮮明，咸咸香香，醒胃，沙律菜鋪滿芝士碎，滋味海鮮拼盤配海龍王湯，新菜色哦！先上一碟海鮮:大蝦，藍青口，斑塊。。。。再把熱湯慢慢加落去睇到都口水直流新餐廳真有卓頭呢，湯都特別過人海龍王湯蝦味特濃，相信熬了不少時間呢安格斯西冷扖，五成熟，外面煎得香，能鎖著肉汁切開肉還是嫩嫩紅紅的, 西冷牛扒為牛胸脊肉部分，肉質纖維較牛柳厚，因此頗具咬感，而肉味也更濃郁，最啱我不喜愛吃太肥嘅人喇食埋甜品才可以Sweet Ending 呢Malteser Parfait 似 Ice cream 但又不是Ice cream 好香好滑，混著朱古力碎也不會太甜，廚師做得很恰當，伴碟是酸酸甜甜的桑梅，既能裝飾，味道跟芭菲也很夾侍應服務態度很好，我們說有點熱，他立刻跟我們調高一點冷氣坐下坐下，餐廳已經滿座，大部分都是年輕人呢

昨天是端午節，與家人一起找個地方食晚飯，經過接到傳單，原來新開張，所以便上去看看，環境真係好正。有很多八哥的裝飾.... 而且枱不會放到密麻麻的... 食物方面，我叫左一份凱薩沙拉做頭盤。原來凱薩沙拉可以有這種賣相.... 有驚喜，之後雞棒棒配楓葉糖醬榛子醬..... 雞棒棒原來是雞槌，不過廚師把雞肉反出來，所以賣相十分吸引。之後便是法式海龍皇湯配原條東星....係原條......D鮮味係不斷的湧出來......而且賣相可以用震冚來形容..... 不過美中不足是可能冷氣凍，所以令到個菜式很快降溫，希望他們之後可以有所改善。之後便是加拿大AAA 原條牛肋骨.... 係原條... 而且是用我最喜歡的慢煮方法烹調... 驚喜。 最後我想講的是甜品... 加拿大漏斗蛋榚配雪榚。原來係我當年留學Toronto 的一款街頭美食..... 驚喜再來.... 總結，價錢絕對合理，食物很好，環境一流，絕對是一個gathering 或拍拖的好去處

我一向都喜歡狗，故被此間餐廳吸引，一於去試😊地點在尖沙咀加連威老道，方便shopping完上去hee一hee,座位寬敞舒適，店員又有禮貌的招待，價錢相宜，食物又有水準！曲奇忌廉冰沙，好飲，必試！扒大蝦凱撒沙律，d蝦好新鮮！燒春雞肉凱撒沙律黑松露野菌意粉，這個酱汁超好味呀，意粉又彈牙，正😋這個低溫慢煮加拿大AAA牛肋骨超好味呀，有牛味之餘肉質又夠軟稔，再配有新鮮沙律菜同薯蓉，冇得輸呀👍這個美式燒肋骨都好好食，好有肉汁👍有好多間餐廳會燒到柴皮加酱汁後上碟比客人品嚐，too bad 😂野菌忌廉湯，口感香濃👍脆炸鷄腿，送啤酒一流😋雪糕窩夫最好味是豆腐雪糕！今次實在食得太豐富了，已經沒有位置放多杯咖啡落肚（有Hungry Pug logo拉花的），約定下次再來😉

端午節晚上和家人試過這間新餐廳，很不錯，值得在此支持。慢煮加拿大牛助骨好似自己手臂咁長，啖啖肉，切出來內粉紅色好林好juicy, $328，超值。 真心講，這個價錢去Ruby Tuesdxy, Outbxxk 等連鎖店只夠食普通的pork ribs。温泉蛋Carbonara，黑松露Risotto也很好吃，好似$88，好扺。7個大人2個小孩食到好飽。坦白說這個價錢在尖沙咀食好西真係好扺，值得再去。Remarks: 最後仲試左個特色funnel cake，似用平時食的馬仔做餅底，但waffle造型，面上放滿雪糕，邪惡但很好吃。聽侍應講大廚在加拿大做過酒店和餐廳，所以甜品和菜色有加國風味。正！

位於尖沙咀，西式多國菜路線，偏加拿大風，燈光偏暗的環境令人很舒服，非常適合三五知己來邊喝邊說邊吃，而食物整體上味道很不錯😋😋。原條蒸石斑配上龍蝦湯 - 中西合璧的一道菜，賣相與味覺均一流，龍蝦湯底味道非常濃郁。slow cook加拿大AAA牛肋骨- 外層居然是香口的，細問下原來廚師在slow cook完後還會焗一焗，所以才會外層香口但內裏卻保持了slow cook的肉質柔軟感。加拿大漏斗蛋糕配雪糕 - 漏斗蛋糕並没有蛋糕感，反而有點像中國的牛脷酥，雪糕分別是麥提沙，豆腐和鳥結糖味，個人最喜歡豆腐味。總括來說是食物上有用心的餐廳👍👍