八〇

营业中

休息中

朋友真係識揀，平時就經常刷到呢家店有做明星應援嘅活動，呢次嚟都有布置咗😍（雖然我唔知道系邊個🤣不過都好花心思，連餐紙都系）點咗曲奇黑糖麻薯窩夫巨靚，里面超多黑糖麻薯🤩麻糬控狂喜😍🥣經典全日早餐想吃既都有晒係裡面，只雞翼係明太子雞翼，冇骨啖啖肉🤤窩夫亦都係黑糖麻糬窩夫，巨開心😍封門柳酸忌廉手工闊面牛肉好嫩口，搭配一起超正👍🏻點餐有推薦新品開心果奶蓋咖啡，巨好睇，上面撒有開心果碎碎更系增添咗口感😋

尋晚溫書溫到好夜，所以今日訓晏左，同男朋友近近地食brunch, 之前我同同事有黎食過，但男朋友就第一次食。我地order左個明太子手羽all day breakfast 同牛油果醬薯條share食。all day breakfast有明太子雞翼、蛋、蘑菇、茄汁豆、salad等等仲有waffle, 個waffle入面仲有麻糬😋好食到大家鬥搶🤣薯條好脆同好大兜，牛油果醬so creamy同好多！面頭仲有d煙肉脆脆，極好食！另外我叫左薑黃檸檬薑茶養下身，捱完夜要飲下養身野😆

是日lunch去左旺角，想搵下cafe坐下，之前旺角試唔少伏cafe...但八O呢間絕對唔伏，又睇得又食得打卡又好得！😆今次同朋友些牙食嘅，有慢煮雞胸白松露意大利飯（$88）同煙三文魚班尼迪（ $82 ) 啲主食價錢都好親民，而家出面好少可唔洗過百食到呢個質素嘅lunch架喇意大利飯嘅雞胸一啲都唔鞋，醃香左嘅雞胸配白松露汁味道超級正！飯粒軟硬適中，真係無野要彈煙三文魚班尼迪完美做到超流心，除左打卡好靚仲要好好食🥹自家製荷蘭醬又好好食！一人一舊實在太唔夠喉😹杯提拉米蘇咖啡沙冰勁靚，好鍾意呢個牌子嘅餅，杯野其實唔會太甜，要推介！

星期日食左間性價比好高喺女人街嘅cafe裝修得好文青 價錢貼地呢日都多人幫襯我地排左半個鐘左右松葉蟹柳喇沙意大利麵用喇沙汁黎拼意粉係幾港式西式fusion野好惹味夠鑊氣配料仲有埋蝦同草菇煙三文魚牛油果酸種包個擺盤幾有心思細心睇係有畫埋餐廳Logo㗎酸種包幾香口而且又健康🥳面頭仲有好多沙律菜甜品：甘栗天使牛角窩夫配雪糕香甜甘栗蓉包裹住牛角窩夫口感豐富嘅甜品西柚咖啡湯力第一次飲呢個配搭兩層色睇落勁勁勁靚飲落酸中帶甜又有咖啡嘅甘醇 超級推介😍

同閏蜜Shopping 完諗唔到食咩，是但入左間多多地人嘅cafe, 餐牌都冇睇就入左黎，好彩價錢一啲都唔貴🤭🤭🤭香烤美國封門柳配薯菜封門柳幾大份，好似有成十舊！已經切好晒食得好方便，每舊顏色都好平均好靚，食落有濃濃牛味，真係整得幾好！西班牙紅花海鮮意大利飯有蝦有青口，兩樣肉質都唔會霉，份量認真唔細，risotto入口creamy~甜品我地2個女仔都勁鍾意食，真係有第二個胃😂係甘栗天使牛角窩夫配雪糕，入面真係有牛角窩夫，好脆好好食，連埋雪糕一齊咬個口感好好～

尋日一返工就打丈咁，一到lunchtime就捉埋同事陪我走出office鬆一鬆充充電🫠好彩早左少少出黎如果唔係就無位la, 呢間八O成日勁多人㗎。 極速揀好野食，上菜都好快！抵讚！ 西班牙黑毛豬五花腩配薯菜：一啲都唔乾身嘅黑毛豬，好juicy好腍面前嘅醃料勁香。松葉蟹柳喇沙意大利麵意大利麵好掛汁超creamy, 入口好順滑～三文魚牛油果油醋汁沙律個沙律幾有驚喜因為真係夠晒大碗，沙律菜好嫩綠新鮮，又有特製嘅牛油果油，好fresh好正！牛油果乳酪沙冰 夏天勁岩飲，幾濃郁味我真係好鍾意牛油果㗎😍

週末與好友一齊尋找文青CAFÉ坐一個下午， 一齊放髮慢活一下。今次到訪八O After Eightys, 環境非常符合文青條件，水泥裝修好有質感好靚!雖然多食客，但環境都不太嘈吵， 真心舒服! 香烤美國封門柳配薯菜（8oz) $238封門柳一份大概有9-10塊， 大概6-7成熟， 顏色粉嫩， 脂肪分佈平均，牛味濃郁，入口軟腍又能鎖住肉汁。份量兩人食剛剛好! 牛油果醬薯條$68份量比預期中要多!超抵!粗身薯條現場炸起夠熱又夠脆，點埋牛油果醬一齊食非常夾味，一口接一口停唔到呢~~ 總括係抵食文青必訪之CAFÉ店, 期望下週末再黎食野放鬆!!

1. 明太子雞翼全日早餐 $148呢份all day Breakfast份量都幾多，有火腿沙律菜、炒蛋、炒草菇、茄汁豆、明太子雞翼、焦糖香蕉、薯粒、窩夫。窩夫外脆內軟，配埋糖漿都幾好食！明太子雞翼好足料，雞翼炸到外皮香脆，不過就太乾身，連雞肉嘅水份都炸走埋🙈2. 菠菜煙三文魚意大利飯 $88菠菜risotto就不過不失啦，以菠菜汁煮意大利飯，賣相一般，但味道都還好既，煙三文魚都有三塊，意大利飯嘅份量算多。（以上價錢未包加一服務費)利申：並冇任何試食活動/優惠！全部正價！(按餐廳MENU上價格付款)

八O呢間cafe裝修得好文青，覺得好靚呀！！尤其係佢有幅室內窿窿石屎磚牆作裝飾，別具品味！野食嗌左個明太子雞翼全日早餐，再另加埋個tiramisu😛餐廳呢排做緊個優惠，食lunch set嘅話可以加$9.9就有個每日精選cake,抵到爆, 下次我想再黎試埋個拿破崙架！！個全日早餐啲雞翼隻隻都脹卜卜，入面嘅明太子塞左大量，味道唔會死咸，反而係勁香噴噴外面又脆脆的😍 窩夫一定要試下，因為入面會有麻糬架！超好食又口感豐富！野飲嗌左杯焦糖脆脆奶蓋咖啡，玻璃杯睇到佢嘅奶、咖啡、奶泡一層層，打卡勁靚！而且飲落又唔會好甜喎，咖啡味好香濃，超推介！

朋友推介左我黎左間超正cafe!食完真心要比5星🤩🤩🤩首先呢間餐廳位於女人街中心地帶地舖，勁方便，另外野食野飲全部賣相都好鬼靚同好食～～我order左個紅酒牛肉面扁意粉 ($88咋好抵) ，鍾意佢個闊身扁意粉，食落好有咬口！啲牛肉炆得好腍又入味，數量仲要好多tim㗎！由於口痕好想食甜品，所以諗左陣又嗌多左個tiramisu。真心好彩有嗌到個tiramisu咋, 因為原來超級好食，入口幼滑，面頭朱古力粉又係我最鍾意嘅夠甘苦！不得了呀下次要黎encore先得！咖啡嘅選擇基本上樣樣都足，我就嗌左杯latte~香濃好飲！另外留意到原來而家餐廳做緊午餐+$9.9 就有個蛋糕嘅優惠。好荀我下次要再黎享用先得！

Happy Friday 小編去左旺角，見到餐廳門口幾特別，有好多K POP海報，餐廳環境裝修得幾靚，食物質素幾好。我地叫左一份2人精選晚餐。⭐是日餐湯係磨菇濃湯，暖暖的夠滿足，好開胃。⭐凱撒沙律沙律菜好新鮮搭配濃郁的凱撒醬，有一點點甜味的醬汁，幾特別。⭐意大利雲吞雲吞既外觀精致，每粒雲吞都包裹著薯仔，有種入口即化的口感。⭐烤大蝦龍蝦汁蟹肉意大利飯意大利飯好濃郁，散發出清新海鮮香氣。而且濃而不膩，口感清爽。⭐威靈頓挪威三文魚配薯菜第一次食威靈頓三文魚，魚肉滑嫩，鮮嫩多汁令人意想不到好味。

Weekend係旺角搵lunch食，路經呢間cafe時見到lunch menu都幾抵食，又唔使排球，咁就入去試吓。Cafe入面都幾大，坐得都幾舒服😌牛油果煙三文魚油醋汁沙律 $62以呢個價錢嚟講，煙三文魚份量都唔少，食落唔會勁鹹，唔錯。牛油果好軟腍，配埋水果凍乾同甜甜哋的燕麥粒都幾有口感，我仲食到一粒勁甜的士多啤梨乾😆沙律菜正常發揮，個sauce酸酸甜甜，還可以啦。法式紅酒牛面肉扁意粉 $88意粉上枱時仲出緊煙🤩牛面肉份量都多，有少少牛筋跟住，食落非常軟腍，味道夠哂濃郁，好好食。磨菇煮得好香，仲好juicy。意粉都好彈牙，條條都有蘸到醬汁，都真係食到淡淡的紅酒味。呢款意粉真係好正，勁有驚喜😍不過想講佢午餐份量唔算大份，肚餓的我一個人都隊到兩份午餐😆八〇 (旺角)旺角豉油街27號地舖*上述文章只供參考及以當時價格為準

🍗明太子雞翼全日早餐 $148推介! 豐富既All Day Breakfast有齊鹹甜點，一啲都唔馬虎，樣樣都好食👍，有全隻既明太子雞翼連雞翼尖，外面微脆微辣惹味出色😋，黑糖麻糬窩夫🧇，口感軟糯鬆化稔身，炸薯寶香口脆卜卜🥔、滑炒蛋🍳﹑炒白菌🍄加左黑椒好夠味，仲有焦糖香蕉🍌﹑茄汁焗豆🥫同埋凱撒沙律🥗，沙律加左辣肉腸更加香😝🥘香煎挪威三文魚明太子意大利飯 $98三文魚厚肉，好好食，鍾意加左黑椒煎😝，微辣，意大利飯沾滿忌廉cheese醬汁，飯粒飽滿濕潤，份量多🍰TiramisuI蛋糕 +$32奶油味香濃，淡淡咖啡味☕️，夾雜軟綿蛋糕🍰，個人略嫌咖啡味唔夠重.✨小清新田園風設計，擺放小盆栽🪴，環境舒適好岩假期chill下，加上唔少應援banner、poster裝飾，仲會不定期更新，岩哂追星族

餐廳環境尚算舒適，又無用餐時間上限，好適合傾偈聚會可惜服務一般，店員明顯經驗不足，明顯地我哋要分享食物，店員都唔識主動俾碟同額外餐具，食完嘅嘢都唔太主動收，通常都係下一道菜嚟，無位擺，我哋遞俾佢先識收。黑松露薯條，薯條炸過龍，又油又硬，成個薯條同黑松露冇任何關係，旁邊兜醬亦都冇黑松露味，只係普通沙律醬唔明點解咁簡單嘅食物，都可以差沙律算正常，但牛油果未夠熟，冇牛油果味封門柳乾柴，無咩肉味，上面條芥蘭都格格不入不，唔知做乜事煙三文魚明太子意粉，呢個係好食最滿意係呢個，不過份量真係好少成餐最離譜係呢個西班牙海鮮意大利飯，完全違反商品說明條例餐廳嘅圖片顯示應該係紅紅哋色嘅飯，平時食開嘅都應該係咁嘅顏色。但實質嚟到嘅意大利飯完全唔係嗰隻色，亦都唔係嗰種味，而且個飯本身都冇乜味，又乾，係我食過最難食嘅意大利飯旁邊啲海鮮亦都係全部無味，雪藏都唔緊要，起碼都俾啲調味，唔好咁Hea黑糖麻糬窩夫（全份），呢個好食嘅$98金粟天使牛角窩夫$82叫嘅時候無得揀半份定全份，冇特別問到究竟有幾多件，點知原來只有¼件，呢個價錢真係貴得離譜，如果知道得咁少，寧願叫多一份全份窩夫，呢個真係勁唔抵食唔推薦旺角地舖嚟講，

喺茫茫人海嘅豉油街之中，發現咗呢間門面設計簡約又低調嘅Cafe，餐廳內則以水泥磚設計裝飾牆，又有綠油油嘅植物同埋木系嘅傢俬做點綴，感覺休閑又舒適～封門柳酸忌廉手工闊蛋面💰HK$178封門柳牛味濃郁，容易咬開唔會韌！唔好以為闊身嘅麵一定係唔掛汁，呢到嘅手工闊蛋面軟硬適中得來掛湯能力又高，食落口啖啖都好creamy，略嫌份量較少～黑松露薯條💰HK$58薯條偏幼身，但每條都炸到好香脆！點埋旁邊嘅茄汁同黑松露醬，真係令人忍唔住食完一啖又一啖，停唔到口啊～荔枝梳打💰HK$38賣相好靚，係一杯可以用來打卡嘅野飲，底層係藍色好特別！味道唔會太甜，清新解渴～跟餐連餐湯，是日餐湯係羅宋湯～