八〇

营业中

休息中

每次放假都會探索下本地啲文青cafe，支持返本地餐廳，偶然同朋友搵到呢間係旺角文青小店，睇得出佢地好用心經營，無論環境服務食物都真係睇得出果種誠意🫰最重要係價錢貼地，好岩年青人黎！香烤美國封門柳配薯菜8安士嘅牛都係$238, 質素超晒班，粉嫩多汁，做到入口溶化。性價比極高。三文魚牛油果油醋汁沙律用上健康牛油果酒，用料上幾有心思，三文魚同菜亦好新鮮。牛油果醬薯條牛油果味幾出到，覺得個醬做得好出色。薯條好香唔會油淋淋。呢間cafe幾推介🫶🏻

專一係一種習慣，係一種改唔到既性格，噴開果隻香水，就會沉迷同一隻香味，著開果件衫，就好唔捨得棄舊迎新，用開果部電話，唔係咁易追第二款型號，所以我去開旺角，都一定去返呢間餐廳「After Eightys」，絕對不二之選。👇🏻📌Signature Set - $568/Two ▪ Appetizer - ▫「開心果慢煮雞胸凱撒沙律」雞胸經慢煮食落相當嫩滑，完全唔乾身，最關鍵個part就係加左大量開心果碎，好有咬口，生菜新鮮爽脆，再加埋開心果醬成件事口感更加豐富。▫「牛肝菌意大利雲吞」ravioli外皮煙韌彈牙，加左牛肝菌增強唔少濃郁香味， 仲有巴馬臣芝士、白松露做到提鮮效果，最後既巴馬火腿突出整個鹹香，好食。▪ Soup - ▫「南瓜湯」入口南瓜香味濃郁，面頭有d香草，口感細膩。▪ Main - ▫「香煎封門柳」chef煎到5成熟岩岩好，牛味相當濃郁，油脂位比較少，食落啖啖肉，極緻爽彈；旁邊既原條澳洲茄子落左巴馬臣芝士、牛油果蓉、自家製麵包糠一齊焗，入口即化咁制，夠哂腍滑，超好食；仲有d炸過既薯波、翠玉瓜、baby carrot、baby broccolini，底汁仲有紫薯蓉同埋法國芥辣，

帶屋企人嚟食午餐，估唔到呢間年輕路線嘅cafe又幾岩佢食喎，證明啲野食真係好掂！！！cafe都幾多座位而且幾寬落，坐得舒服好重要架👍👍啲野食就全部我揀嘅：火炙春雞半隻配薯菜 、明太子手羽全日早餐、甘粟天使牛角窩夫配雪糕。火炙春雞好滑嫩，睇落以為細隻但其實啲肉係厚架，個皮微脆，唔錯👍明太子手羽全日早餐我地都比好高評價，因為個雞翼太出色啦，入面嘅明太子好足料，咸香味好出眾！當中嘅窩夫🧇內裏麻薯，口感好好，好加分！甜品都有好幾款揀，我地個甘栗天使牛角窩夫配雪糕好好食，一絲絲嘅栗子蓉好香濃食完之後呀爸提左唔只兩次要同媽媽兩個人黎食😂

八O小店位於旺角豉油街，啡色門牌幾易認，餐廳以八O年代做主題，有啲元素真係裝修得幾有韻味，例如係張梳化，一格格石屎水泥磚。野食方面，個法式紅酒牛面肉手工闊蛋麵都幾出色，手工麵有咬口，真係有蛋香味的！紅酒牛肉炆得夠淋，味道好得！西班牙紅花海鮮意大利飯嘅海鮮果然夠鮮,有大蝦同青口數隻，risotto個汁味道都好岩我！三文魚牛油果油醋汁沙律，面頭有舊卷到花形嘅牛油果。影下相幾靚，最正係份量好多，生菜好嫩！薑黃檸檬薑茶，都幾多特色野飲，呢杯薑茶係健康不二之選！

Came here on a Sunday for lunch. The weekday and weekend lunch menu is the same, except no free drink during weekend. We ordered the following:Chicken Breast Caesar Salad 🥗$58. This dish was good value for money lots of chicken breast and fresh romaine lettuce. It was delicious and up there with any Caesar Salad from any fine dining establishment in HK. Smoked Salmon Mentaiko Pasta $78. Rich, creamy and filling. They used dried shrimps for the mentaiko flavour. Red Wine Beef Linguine $88.

搵到間正嘢！呢排見社交平台有個fd試左呢間餐廳，野食睇落都好吸引，於是放假我都入左黎食。個位置好易搵，旺角豉油街果頭。入面嘅佈置幾有特色，由其佢個吧枱位同部份嘅牆，有啲水泥磚，成功吸引到我打個靚卡火炙春雞半隻配薯菜，話就話半隻但我覺得好大隻🤣🤣雞皮香脆裏面嫩滑好多肉汁～可以點埋個茄汁食～呢碟$158好抵播煙三文魚班尼迪，$82有兩件，勁流心嘅半生熟蛋，非常滿意呀！煙三文魚又唔會好薄，足料夠誠意！牛油果醬薯條又係勁抵，呢個份量明明係好多但都係$68咋！牛油果醬好幼滑同食得出係用左靚牛油果黎整呢間cafe真係好chill好正，值得再食👍👍👍

今日陪完男朋友去信和，跟住就去咗一間喺女人街嘅Cafe, Cafe名叫八O,入邊嘅裝修，估計都係襯返個店名，例如有個位係有啲似舊式公屋嘅水泥灰沙洞磚，好岩打卡㗎😍揀咗兩款意大利飯：慢煮雞胸白松露意大利飯$88其實係好嫩㗎，黑松露汁好creamy開胃，男朋友話好好食！西班牙紅花海鮮意大利飯$158海鮮有蝦同有青口，食材都新鮮，飯量好多，分咗1/4比男朋友我都好夠飽🤓野飲：西柚咖啡湯力 $48 薑黃檸檬薑茶 $45啲嘢飲好靚又有啲幾創新，好有驚喜！

放假一於同老婆拍下拖，去cafe hopping👫去左間叫八O嘅cafe，都係最近幾多朋友提及過嘅，終於有得試試🙆🏻‍♂️西班牙紅花海鮮意大利飯🙆🏻‍♂️老婆試Risotto, 飯量好啱佢，我食左隻青口覺得幾鮮同大隻，飯都有食左啖覺得個汁非常非常creamy喎！🙆🏻‍♀️明太子手羽全日早餐🙆🏻‍♀️見到材料咁豐富嘅all day, 未食都覺得開心，特別要推介個waffle同手羽，waffle入面原來有麻糬㗎，仲要唔會痴牙，係口感煙靭！明太子手羽飽滿多汁，好香噴噴。個蛋又非常滑嘟嘟。🙆🏻‍♂️🙆🏻‍♀️牛油果醬薯條份量認真唔細，薯條好脆，牛油果醬唔會太稀身，味道好出。🙆🏻‍♀️西柚咖啡湯力🙆🏻‍♀️呢杯coffee係形容唔到嘅好味！原來西柚+咖啡係咁fresh咁夾😍

夏天熱辣辣，係出面行街行咗一陣，都已經有啲攰，想坐低唞一唞，食個lunch先。原來個lunch menu 有A-K選擇，好多嘢揀，選擇困難症真係好難下決定，加上胃口麻麻地，最後揀咗幾樣味道辣辣地，酸酸地既菜式，開開胃呀嘛。1份三文魚牛油果油醋汁沙律：食沙律無咁heavy，健康d，而且牛油果同三文魚呢個配搭，配埋沙律一齊食，唔會咁寡，無得輸！1份松葉蟹柳喇沙意大利麵：呢一份海鮮意大利粉，fusion咗喇沙一齊煮，入面夾雜咗蟹柳絲、蜆肉、蝦肉等等既材料，好惹味，辣度適中，容易接受。飲品就試試餐廳既特色咖啡先～西柚咖啡湯力：咖啡香醇，湯力水帶綿密氣泡，兩者混合一齊，味蕾有種說不出嘅衝擊。

Cafe文青風格，裝修幾特別，貼滿好多韓星海報，仲有結他。小食：牛油果醬薯條先點咗個小食，薯條新鮮炸起，金黄脆口：平時通常點茄汁，今次第一次試牛油果醬，又估唔到味道咁夾~午餐：慢煮雞胸白松露意大利飯 雞胸切好一片片，薄薄地又嫩滑唔鞋口，方便客人食。黑松露就食得多，白松露就真係好少。味道無黑松露咁突出，反而更加清香，富獨特土木氣味及蒜香。甜品：甘粟天使牛角窩夫配雪糕甜品帶淡淡嘅栗子味，窩夫細細份，唔會太滯，啱啱好。

呢間旺角鬧市中既地舖餐廳，走工業風格。嘢食賣相好有心思，必定要打打卡先。聽講麻糬窩夫係其中一樣必點，所以都點咗個試試先。－西班牙紅花海鮮意大利飯意大利飯通常煮到有少少生，先好食。－明太子手羽全日早餐$148 呢個all day breakfast係內有乾坤架。首先，雞翼好脹卜卜，入面原來有餡，係滿滿嘅明太子呢，一開始仲諗緊係唔係比漏咗明太子添。而窩夫中間位置亦都係有麻糬，成個口感更加煙韌，好有趙頭。其他配料仲有茄汁豆、沙律、滑蛋、蘑菇同埋炸薯粒，份量都幾多。－提拉米蘇咖啡沙冰 $55提拉米蘇冰沙散發陣陣微醺咖啡酒氣，好似食緊tiramisu咁。

星期日晚同屋企人唻食晚飯，夜晚唔算多人，靜靜地幾好坐 而且無限時好岩坐低慢慢傾計Main course 揀左明太子雞翼all day breakfast 同埋冬陰功意粉, 兩樣都好好食最中意係佢個all day breakfast 有焦糖香蕉同埋兩件黑糖麻糬waffle, 份量亦都好多食左呢個就無再點waffle甜品😂另外仲叫左封門柳白汁闊條麵Tiramisu $72栗子甜品$82 本身以為入邊係蛋糕，點知原來栗子蓉包住嘅係雪糕同埋牛角包窩夫中意栗子既話都可以一試

整間餐廳都擺滿植物，水泥通窿牆壁設計，感覺好chill。我哋兩個就點咗一份沙律、一碟意粉同埋咖啡，一齊開心"些牙"啦。1. 三文魚牛油果油醋汁沙律$622. 香辣蒜片意大利麵$683. 西柚咖啡湯力 $48 一上枱，我哋不約而同都嘩咗聲，鋪排得好靚嘅牛油果花。一份好健康嘅沙律，清新又輕盈，份量都大份。意大利粉辣辣地，用蒜片炒，簡簡單單，幾開胃架~份量夠大，都幾抵食！ 咖啡加咗湯力氣泡水，飲落好特別，好有層次感。

真係超耐無寫過食評琴晚成個經歷太差真係要分享下😇首先 我係因為應援而去既坐低睇完一轉餐牌問清楚埋侍應先落單雖然知道香港食cafe價錢真係好進取我其實只要野食好味就收貨但琴晚食完之後完全覺得自己係水魚😇最大問題係侍應E家請人難所以多新手我係理解既唔太過分都可以接受但E間餐廳既侍應真係不得了可唔可以唔好check清楚d嘢之前亂咁答嘢😇首先 之前已經提過我地有問清楚侍應個應援既玩法所以我地嗌咗3個應援餐侍應係我地開始食嘢走黎問我地係咪未比嘢我地之後再拿咗兩份過黎仲要秒講一份應援餐一份禮物架咋😊我同朋友們完全R曬頭因為我地係嗌咗3個餐😇之後我地再重申多次佢都係話 係啊 一個餐一份架咋一度令我地以為唔可以重複嗌同一個set咁神奇😇之後佢話去check一check先補返我地之後因為自助落單無得揀甜品叫起所以我地落完之後即刻同佢講甜品叫起但嘢飲可以照上但我地食緊嘢仲有大半個陣佢突然同我上曬兩個甜品😇講緊甜品係有雪糕佢仲要無幫我地收碟夾硬放落黎😇之後我地係要速食 自己執埋一堆叫佢收碟同比新既餐具我地😇之後聽到隔離台都有小插曲佢哋好似嗌咗斧頭排之後變咗雞(因為見到有雞翼)見到個兩位客人秒嗌返同一位侍應問

好啦，咁我同一班friend去食飯 諗住開開心心聚餐啦 跟住一入到門口 有個女仔staff企咗喺度 問我哋有冇訂位我哋話冇 跟住佢就冇理我哋行開咗 我想問發生咩事呀？你唔識帶位㗎？ 咁我哋咪是但坐一張四人枱囉。 然後根本冇人serve我哋。餐牌又冇水又冇 真係唔知咩服務態度 嘢食都OK幾好食嘅 不過咁嘅態度真係食到一吐氣 其實唔單止嗰位女仔Staff有問題 你哋啲Staff全部都唔理人 叫你哋斟水斟咗10世都未飲到一滴水 埋單，要嗌幾次先理人