兩三碗車仔麵 (已搬遷) 新店位置

今日上慈雲山搵朋友，順便就同佢食過晚飯～附近見到有小弟喜愛的車仔面，所以就入去幫襯下佢😁落單紙係香港經典車仔麵做法～攞張紙攞枝筆點野食，想食咩就可以點咩，十分自由😚呢間車仔麵店，食物種類麵都好多選擇，相信實有幾款岩你胃口！😋小弟叫左鮮蝦雲吞，日式串燒，豬軟骨，米粉配辣汁首先，要講佢個辣汁先，辣度十足，食到係咁流鼻水😂汁入邊加左d蒜，將個味道顯得個有層次感👍愛辣人士必點！！！鮮蝦雲吞-皮薄料靚，蝦肉好充足，味道鮮甜~日式串燒-店主比左兩串，串燒汁適量，唔會太咸～肉質都好美味🤪沙嗲三寶$40牛柏葉-非常彈牙，建議配多d沙嗲汁一起食,好鬼美味😍蘿蔔-小弟認為佢地個蘿蔔係必點菜式之一，十分淋身，仲好有甜味👍👍👍金菇菜-份量比得好多，都係配醬汁食一流👍麻辣雲耳雞腎$36呢個麻辣味道好香濃，食完個口會有d麻既感覺～雲耳好爽口，雞腎就十分厚身，口感十足😗總如：份量好足，味道都好有傳統車仔麵味道，價錢麵十分合理，呢間小店絕對稱得上經濟實惠的平民食店👏

今次又為大家介平民美食-車仔麵啦😁呢間車仔麵又係女友支持多年而又美味的小店啊～典型車仔麵落單方式，攞紙攞筆選自己想食的東西。呢個車仔麵底同餸都好多選擇～（鍾意食辣既朋友高度推薦試下佢個辣汁，又辣又開胃😍）小弟推介：胡椒豬扒大大塊，煎得香脆，店員仲會幫你煎開佢，方便客人食。柱侯牛腩牛腩份量多，腩汁香濃如果客人想食多d餸，仲可以試下佢個三寶，有金菇，蘿蔔等多款餸大大碗咁另上，好過癮ge~

講到香港地道既美食又點少得車仔麵呀😍位於慈雲山既兩三碗車仔麵一直都係我朋友萬二分既推介車仔麵食店，💓一入到餐廳果然好多街坊啵好受歡迎💪呢間食店因爲做街坊生意既，所以價格上都十分親民🤩嗌左個油麵底，麵既口感好彈同唔知好淋，係唔錯既，加埋好濃味既牛腩汁😛真係萬分美味😊一間車仔麵檔除左麵當然要睇重點佢既餸啦，因為真係太多選擇喇，搞到我樣樣都想嗌😝🎈瑞士汁雞翼入哂味，加埋雞肉離骨既，食得好舒服😛🎈魚蛋超級彈牙同魚味好香，蠔油冬菇肉身超厚，食落去啖啖都係菇，好yummy☺️🎈貢丸大大粒，肉味濃唔係一般食店用急凍丸。豬紅口感夠獨特，加埋蘿白夠甜無渣😚🎈胡椒豬扒大大塊好香好入味，即叫即炸熱辣辣😋🎈另外梗係要叫埋健康既菜心，同香口指數爆哂登既椒鹽魷魚鬚，成個lunch就夠哂豐富喇❤️最後嗌多杯茶餐廳凍檸茶，茶底好夠味😘

同老豆晚餐時間去慈雲山搵食，見到呢間車仔麵排曬隊咁就試下，食完就知點解會坐爆了👍👍呢到係用落單紙自己點菜，我地點左碟腐乳生菜，堆到座山咁好多，腐乳醬又多，好好味。第二樣小食炸墨魚春捲，本身以為係細細條，點知係6件大大件既炸墨魚餅咁濟，好驚喜勁抵食，都只係36蚊，餡料彈牙煙韌，沾佢個酸汁調味正。車仔麵先係最最大力推薦！！超級足料一麵三餸都係36蚊，平時最驚牛筋大件唔夠稔，佢地就大件兼夾超級稔同埋腩汁入曬味，豬大腸又係滷水夠重大大粒，午餐肉仲要勁厚切，我同老豆飽到上心口，住附近既我地必定會再黎食！👍👍

餐廳：兩三碗車仔麵 (慈雲山)地址：慈雲山毓華里55號地下5號舖最近去左慈雲山一間好舒服嘅車仔麵店🥰，點解咁講？因為呢間「兩三碗車仔麵」嘅職員非常有禮，服務態度好好👍🏼，佢地嘅點菜單上仲有可以比人比意見或者投訴嘅WhatsApp電話，夠哂開放😎，畢竟接納唔同善意嘅意見餐廳先可以慢慢愈做愈好係呢間街坊車仔麵店食野除左食到人情味外仲食得出餐廳嘅用心❤️，叫左碟菜心嘅份量竟然係我出面食嘅2-3倍🤩，而除左車仔麵外仲有飯可以食車仔麵2餸$30，3餸$36，淨係麵類選擇都有14款可以揀😋，我就揀左比較少食嘅台灣麵🍜，餸方面就揀左招牌豬頸肉、豬軟骨同枝竹，仲有得因應自己嘅喜愛程度揀唔同嘅汁添燒豬頸肉切開一條條，燒得夠香夠惹味；豬軟骨成件上😍，軟骨唔多筋而且好易咬開；枝竹份量仲要唔少，三十幾蚊黎講真係抵食又好食

講到香港地道美食，首推一定係車仔麵!!車仔麵簡直係香港十大美食之首，因為佢可以完美地將香港所有街頭小食融入當中，就算你嗌咩餸都絕對唔會有問題~今次黎左慈雲山呢間開左無耐既車仔麵檔試下豬頸肉芝士粟米餃米粉加腩汁老實講，噂豬頸肉厚切到好似豬扒XD啖啖都係肉既感覺真係好正~芝士粟米餃就比較一般，芝士味唔夠濃郁，但係都算OK啦!魷魚鬚魚蛋米線本身打算叫咖哩底但唔記得圈湯底，結果變左清湯魷魚鬚加魚蛋~XD魷魚鬚好腍但不失咬口，最緊要係無果種鹼水味~而魚蛋略遜一籌，夠晒大粒但係裡面有啲鬆散……麻辣雲耳雞腎雙拼最有驚喜係小食!無辣不歡既朋友叫左呢碟，本身以為好辣，但佢係麻而不辣，令本身唔食辣既我都爭住食~雞腎切得厚薄適中，雲耳亦好爽口，加埋啲麻辣汁真係食唔停口!!白灼菜心 蠔油另上最後食左咁多肉，梗係要叫返碟菜平衡下啦~不過呢碟菜都算幾有誠意，爽甜又無渣，質素幾高

呢間車仔麵好受街坊歡迎，住慈雲山附近嘅朋友應該都會食過，佢前一排收到誠哥嘅應急錢仲全數捐出免費餐比學生，咁有心嘅餐廳大家一定要多多幫襯💛三餸麵($36)好大碗，扣咗底都食唔晒，粉麵選擇好多，連台灣麵、銀汁粉、飯都有，餸都有超過40款，秘製豬頸肉(+$2)肉質爽而唔韌，焦香味重，瑞士雞翼嫩滑夠入味，自家製辣汁好惹味😆沙嗲三寶($40)魷魚鬚口感彈牙冇腥味，魚蛋爽滑有彈性，蘿蔔清甜無渣，沙嗲汁辛香開胃😝秘製炸豬腸($45)外皮脆口，內裡軟綿，而且味道濃郁無異味，一啲都唔油膩，點埋甜酸汁食仲香口😋

小妹上次同我食過一次「兩三碗車仔麵」， 就戀上左佢自家製嘅『墨魚春卷』， 所以而家佢過親黎搵我， 都會話上慈雲山食車仔麵。😂😂 我地兩點黎到， 過左lunch時間都仲係好滿座， 真係好多街坊幫襯！ 今次我地無叫墨魚春卷做小食， 諗住試下其他未食過嘅小食—麻辣雞腎、麻辣雲耳雙拼（$35） 嘩，好大份呀，份量好多， 自家調配嘅麻辣汁，加上芫茜、蒜蓉等， 微辣惹味！🌟推薦❗️ 上次麵底食左粉絲，份量多，又吸湯， 所以我地今次都係一齊食粉絲☺️， 配上自家製嘅辣汁蒜香十足，微辣惹味。 上次嚟嘅時候見到好多其他食客都點呢到嘅餃子， 所以今次我地都唔執輸，點左兩款餃子。😏 小編我就鐘意韮菜餃多啲， 餃子皮厚薄適中，咬落去仲有幾分彈性， 唔會係好粉嘅質地， 白菜豬肉餃係用綠色嘅水餃皮， （唔通連餃子皮都係自家製？） 豬肉同菜嘅份量各半，不錯吃！ 🌟推薦❗️墨魚頭 平時係坊間點一個墨魚頭嘅餸， 都係零舍貴，要十幾蚊， 不過呢到叫咩餸都係$9，抵啦！ 墨魚頭鮮味十足，口感爽脆。 豬紅口感好嫩滑，但本身嘅味道唔係好突出。 食過返尋味嘅招牌

其實呢一間車仔麵我已經食咗好多好多年佢哋嘅人流每一次都係好多好受年輕人嘅歡迎首先我好鍾意佢哋有好多野都係自家整例如我今次買呢一碗米線入邊係有韭菜餃同牛筋韭菜餃係佢哋自家製嘅產品入面嘅餡了非常多而且仲有佢哋著名嘅辣汁同腩汁添咁大碗都係講緊30幾蚊而且我哋仲有嗌佢哋嘅著名小食炸大腸$45仲有超大碟兩個人都係$100多啲落樓真係好抵

身為慈雲山既居民，真係唔可以未食過兩三碗，對於我黎講，佢真係算好抵食，好多餸都係同價唔洗加錢，佢d 餸仲要好特別，而麵底仲可以揀台灣麵同銀針粉呢d 系出正比較難見到，味道又好食喎

呢間車仔麵位於慈雲山，好多街坊都會黎食，常常都見佢滿座，坐到出外面。皆因呢間車仔麵既質素夠好，好多餸菜你選擇！而且份量夠喇足料，價錢合理！仲要夠哂有良心既企業，前排收到筆基金津貼，仲免費送左好多碗車仔麵俾啲學生，回饋社會。真是太好了吧！講返啲食物，呢間除左食車仔麵，仲有車仔飯食添！岩哂大家食。叫左四餸車仔麵，湯底有咖喱汁，辣汁，腩汁揀。腩汁夠哂濃郁。好多餸夠哂豐富。識食一定要叫招牌豬頸肉，口感夠哂爽，唔會覺得鞋，好入味👍甜酸齋，出面好少有得選擇，見到即刻點😻酸酸甜甜夠哂開胃，又夠哂大舊！瑞士汁雞翼😻雞翼好大隻肥美，瑞士汁夠哂入味，雞肉嫩滑，又幾好味！朋友就叫左車仔飯食，佢叫左三款餸都唔錯！墨魚頭🦑，又係比較少見！墨魚好爽口彈牙。連埋啲咖喱汁好惹味香辣。白菜豬肉餃 夠足料，皮唔會好厚。都幾好味！另外再叫左碟油菜 🥬加左腩汁既生菜，夠哂味道呀！😋

星期六晚懶洋洋，想煮飯梗係落街食。 唔想去得太遠落街當然食返 附近的小店。 兩三碗就係喺屋企樓下賣車仔麵的小店， 街坊格局， 價錢大眾化， 而且選擇除咗有車仔麵外，亦都有飯， 與及各種小食。 唔怪之之得喺我入嚟呢半個鐘， 無論外賣定堂食都人流不斷。 車仔麵以30蚊兩餸起錶， 36蚊有三餸， 每家一樣餸就加九蚊。 呢度食車仔麵再過人嘅地方係有好多意想不到的自家餸， 絕不假手於人 。 例如自己包嘅鮮白菜豬肉餃，芝士粟米餃，韭菜豬肉餃以及鮮蝦雲吞， 而且仲有即叫即炸嘅招牌豬頸肉， 花多眼亂真係唔知叫咩好。 第一碗我哋先叫咗四餸麵 45 招牌豬頸肉 食得出 有淡淡嘅檸檬香而且仲炸得香脆， 肉質鬆軟。魚片頭比得多件，最正係柱候牛腩， 食多幾件都唔怕肥，配埋 鮮甜的 蘿蔔就最一流。 第二碗 亦都叫了豬頸肉， 芝士豬肉餃，墨魚春捲與及滷得入味的瑞士雞中翼。  芝士豬肉餃比想像中包得更大粒， 有芝士有粟米口感與味道皆一流。 墨魚春捲即叫即炸熱辣辣，爽口又香脆。 最不得不提的是瑞士汁雞中翼以68度製作， 保留肉汁之餘瑞士汁更滲曬入整隻雞翼相當入味。 另外仲叫咗南乳豬手， 食落一啲都唔覺得肥，

出色沙嗲同咖喱味車仔車仔麵係低消費，又多選擇，又係香港味道，所以同男朋友都喜歡食，糧尾好選擇。前排糧尾去咗食兩三碗車仔麵，算過咗食飯時間，所以都唔駛等就有位坐入去食。我哋每人揀咗個主食同埋一個小食。男朋友揀了三餸幼麵咖喱汁，餸係雲吞，豬頸肉同牛筋。雲吞有兩大粒，係自家製嘅，入邊包左鮮蝦，幾好食。牛筋煮得好淋同埋入味，最好食係個厚豬頸肉，係煎過先至放落湯，所以好香，好厚肉。我揀咗三餸正面咖喱汁，餸係雞翼，豬手同埋豬扒。雞肉同豬手都幾好食，雞肉入味吾鞋，豬手都煮得好，冇死南乳咸味。豬扒就不得了，好有心機咁樣煎過，再切先至放落湯碗，仲係完塊添。沙嗲三寶，揀咗車仔必選，蘿蔔，豬皮同大腸。個沙嗲汁好惹味，偏向辣，好鬼死開胃，蘿蔔沒有渣，大腸入味，個汁好連三個配料一齊食，正。白灼鮮滑牛碗辣椒豉油，鮮牛肉都夠多，下面仲有生菜，仲有大量嘅蔥，咁都係$40，好抵。

車仔麵專家又出馬了今晚同阿媽黎左慈雲山試呢間兩三碗佢地用誠哥派既錢幫助學生 良心小店！胡椒豬扒、瑞士汁雞翼、白菜豬肉水餃配油麵 塊豬扒大到離曬譜 胡椒味好香 又唔會太炸 瑞士雞翼大大隻好juicy 水餃自家製皮薄餡靚黎係close up另一碗係鹵水豬腸、豬頸肉、韮菜餃米線 辣汁豬腸係我食過咁多間車仔面 最有質素 豬腸好瘦入面洗好曬冇異味 加埋鹵水味既加持 好正！豬頸肉厚身爽口！仲叫左個腐乳生菜同埋墨丸春卷有成6條春卷！！！飽到暈🤣新鮮即叫即炸，熱辣辣，入面墨魚滑彈牙，好食！

小妹weekend黎左我屋企， 所以就帶佢去屋企附近搵食， 好少見會有咁多人排隊食車仔麵， 好奇心驅使下， 我同小妹就入左去「兩三碗車仔麵」， 試下有咩咁巴閉，大家排隊都要食。😏 餐廳環境都算乾淨企理， 裏面或户外都有座位。 兩餸麵$30，三餸麵$36，之後加咩餸都係$9款，價錢都算合理。 🌟推薦❗️瑞士雞中翼 唔知係咪浸左湯嘅關係， 所以瑞士汁唔係好濃厚咁包住雞翼， 但都算入味嘅， 不過如果瑞士雞中翼會有小食版就好啦！ 咁就可以同湯分開！😏 🌟推薦❗️五香牛筋 炆得軟腍入味，又不失膠原嘅質感。😋 滷水豬腸 洗得乾淨，都炆得算入味， 不過係無specific要咩肥或瘦肥嘅情況之下， 全部都係瘦腸，有d肥膏仲留係腸裏面， 所以口感有點遜色， 不過味道是不錯的👍🏻。 麵底要左米線加自家製辣汁， 辣汁應該係加左好多蒜蓉係裏面， 味道幾香幾惹味，不過辣勁比較大眾化，唔會話太辣， 所以嗜辣嘅foodie可以加多辣汁呢～ 小妹食粉絲加腩汁， 粉絲份量都夠多，絕對夠飽！😏 不過小妹話腩汁唔係好有味。 🌟推薦❗️招牌豬頸