全記海鮮菜館

营业中

休息中

📍香港📍西貢📍全記海鮮菜館📍西貢萬年街87-89號地下📍星期一至日 07:00~23:00🌸 開心四人共聚 每位$278🌸 奉送郊外油菜一碟及家鄉糖水🦄 特濃芝士焗龍蝦 （伊麵底）🦄 評分: 7.5/10龍蝦伊麵好有驚喜，竟然有咁多肉食仲要唔系細細件！芝士較稀好水狀唔會話超濃郁但因為伊麵份量唔算多，所以啖啖都有芝士味。🦄 古法椒鹽鮑魚🦄 評分: 7.5/10鮑魚大隻又幾彈牙喎，椒鹽惹味唔錯。🦄 星級椒鹽豆腐🦄 評分: 8/10最鐘意呢個椒鹽豆腐。真系外脆內軟豆腐好滑好好食。🦄 蒜蓉粉絲蒸元貝🦄 評分: 7/10勁鐘意多蒜蓉！元貝幾大粒蒸嘅時間啱啱好，唔會過老，粉絲索晒啲豉油正呀！🦄 豉椒炒蜆🦄 評分: 4/10蜆肉唔新鮮，偏細隻。太多汁搞到好咸。#foodieschu西貢～～～～～～～～～～～～～～～～#香港美食 #香港海鮮 #seafood #西貢 #西貢海鮮 #豉椒炒蜆 #海鮮 #蒜蓉粉絲蒸元貝 #椒鹽豆腐 #椒鹽鮑魚 #芝士焗龍蝦 #伊麵 #龍蝦伊麵 #元貝 #dinner #全記

西貢三大米芝蓮酒家，全記其中之一，上次寫過勝記，今次講吓全記。全記有自家海鮮檔，海鮮選擇多，餐廳位置就腳，有代客泊車，有室內位又有室外位，因為餐廳有兩邊，我個人比較喜歡正舖，牌坊嗰邊比較少去。全記無論係食套餐定海鮮加工，價錢定位相宜。早市仲有點心一盅兩件。我每次入西貢，就一定係去西貢街市或者碼頭艇仔買海鮮再到酒樓加工，今次揀咗條紅瓜子、賴尿蝦、花竹蝦、南非鮑魚、台山蠔同蟶子，全晚最驚喜一定係清蒸賴尿蝦，有人話賴尿蝦梗係椒鹽，我個人建議大家可以清蒸，鮮味一流。最後總結，全記係海鮮加工最平易近人而且有水準嘅西貢三大車呔人酒家。(套餐未食過，各位自行判斷)

二人餐 每位$258，另加$10茶位🦞椒鹽瀨尿蝦連殼上，入面啖啖蝦肉，炒得好香口入味，加左七味粉更滋味👍🏻，唔洗再另外加醬料，本身夠味唔會太咸古法椒鹽鮑魚大隻有咬口，夠鮮😆，椒鹽味重，不過略嫌太多椒鹽，有小小咸🦑香蒜椒鹽墨魚少失望，太多炸粉，墨魚味唔出反而粉漿味重啲，少左蒜香味，但墨魚有咬口🙈🐚 蒜蓉粉絲蒸元貝推介！滿滿蒜香味，多粉絲而且元貝好鮮仲要大大粒又彈牙😝最後仲有油菜🥬同紅豆沙糖水🫘✨新鮮海鮮多款式，二人餐任揀4款海鮮，一次過可以試唔同海鮮，份量系二人，但始終覺得多人食大大碟抵啲

今日天氣好好，行山入西貢，順便黎食個4人海鮮餐，成條西貢街都係食海鮮，見到哩間米之連都推介，就入左黎啦😝 食物質素都OK，但人均消費唔算平，大約$350白灼海生蝦第一碟上嘅餸，都幾大隻，有啲蝦膏，鮮甜好味嘅。蒜蓉粉絲蒸海元貝每人1隻，都幾厚肉，正常味道啦。豉椒炒蜆炒得幾有鑊氣，有大排檔味道，但蜆肉唔多同比較細粒。特濃芝士焗龍蝦（伊麵底）最鐵意哩味，大大舊多肉食，而且芝士味濃得黎又唔會蓋過龍蝦肉嘅鮮甜，配埋伊麵底真係好正😋。清蒸海上鮮蒸嘅時間剛好，魚肉香滑嫩口唔腥，但細條左啲🙈郊外油菜食咁多肉一定要食返啲菜🙈正常清炒菜一碟，不過不失啦。驚喜有玻璃樽可口可樂，我地每人飲左2枝🤪

放假入西貢行山，行完當然要搵野醫下肚入得西貢點可以唔食海鮮🤤成條街都係食海鮮，最後揀左呢間係因為覺得呢間環境相對乾淨衛生四人餐每位$278，有5款海鮮加一碟菜-芝士龍蝦伊麵估唔到都幾大份，5個人食都夠分，龍蝦肉鮮甜爽口伊麵都好食，掛滿香濃既芝士同龍蝦汁既鮮甜-椒鹽墨魚好香炸蒜味，墨魚鮮嫩爽口-薑蔥炒蟹隻蟹冇乜膏但肉都算厚，咸香味濃-豉油王炒蝦重口味之最，送白飯一流-辣酒煮花螺螺肉鮮甜，唔重酒味，微辣惹味

難得入到黎西貢，梗係食埋海鮮先走啦(｡•̀ᴗ-)✧ 老公帶左我黎呢間海邊的全記海鮮，有狗狗的緣故要坐戶外，涼涼地都幾舒服好有大排檔風味！/🌟清蒸瀨尿蝦 時價 加工費$75老公出左去秤左兩隻大瀨尿蝦，大約1斤四両。學祖堯話齋「識食一定係清蒸」，食出海鮮原味道，而且啖啖肉又甜又多汁，好食到兩個都唔出聲🤭/二人海鮮套餐 $256@🌟蒜蓉粉絲蒸元貝元貝大大粒，肉質爽彈，有甜味但唔算好甜果種，去哂裙邊同內臟好乾淨，淋上熟油豉油好香好好味😋粉絲都好軟滑/⭐️清蒸龍躉 +$98原本清蒸海上鮮係黃立䱽，好似加錢轉龍躉開心少少，啖啖肉又滑唔怕腥，仲有好多蔥絲，正常酒樓質素/🌟白灼蝦白灼蝦每人5-6隻，感覺應該會好過薑蔥炒蟹，殼多肉少🤔蝦肉正常爽甜，補充低脂蛋白質lol/⭐️芝士龍蝦伊面龍蝦殼多，肉唔算多，不過勝在伊面好食，好夠芝士好香濃/⭐️油菜冇特別揀就比左西生菜，菜葉比較黃，不過勝在冇咩油冇咁肥膩，我可以喎/⭐️橙甜品仲有紅豆沙，不過我唔中意紅豆寧願食個甜橙，健康又甜又多纖維🙌🏻/整體質素正常，唔算特別新鮮，個人覺得自己荃灣楊屋道都買倒🙈不過勝在有人幫忙處理海鮮，合共消費$1246都可以接受。待應親切有善，如

閒日兩人來食午餐，坐滿人，有點心食。我特登來食海鮮的，叫了芝士焗龍蝦、炒花甲，蒸聖子。等了好耐未上菜，一吹就3碟一齊來，食得A來，B凍哂。碟龍蝦好似食剩咁，應該還原唔到一隻龍蝦，2個人的伊麵超少，賣相極肉酸。（好後悔冇影相。）聖子和花甲都好韌。從來唔寫食評的我，也忍不住要出手。食咗大約一千元，最想知係隻龍蝦幾多錢，但單上邊只有一個「海鮮牌」的價錢，是3款海鮮的總價。反之，煮法的收費就列得好清楚：加伊麵底、加粉絲等。我好掛念跑馬地的竹園海鮮酒家。

今日同朋友入西貢行山行到身水身汗梗係食返啲好嘢啦！我一直都想試下全記嗰個海鮮套餐㗎喇,我哋八個人好多嘢食嗌咗蝦嗰度都有畀咗超過一斤樣樣嘢都好大碟,仲要係樣樣嘢都新鮮嘅

只影了一張相。但份量真係好少。5點幾開始食晚餐，食至尾聲已feel到職員不停想我哋快點走。野食味道okay既，但份量真係少、計埋茶芥白飯每人三百幾。可以俾多少少

昨晚上綱查詢今天日出時間係6:26分，於是今天一早起床，帶著快樂的心情去睇日出，行到飛鵝山腳，漆黑一片，於是前行往西貢，本人決定了要做的事不會半途而廢，行了半小時，終於有小巴，上了小巴很快到達西貢碼頭，今天雲層遮蓋了日出，睇唔到日出，於是嚮全記海鮮坐下飲個早茶，平時還在夢鄉，一生人都未試過咁早起床，(除了旅行外)，點了一個鮑汁雞腳，一個罐湯餃，職員轉述七點才有師傅，烹飪需時25分鐘，我見到蒸籠有熱點心，於是我同職員取消這兩款點心，去拿取三籠點心，一籠豆苗餃吃了一口，味道麻麻，剩下兩隻，這時職員拿來一籠我之前取消的點心，我稱我已取消，請佢哋拿回，職員稱已落了單，不可退回，於是要我夾硬付單，一共143元，收取我多一籠點心費用，笠亂收費。縱話我為了幾十元令到大家唔開心，明屈，我吃幾多付幾多錢，點解要我比多幾十元，我心中不憤，以後都唔會再幫衬全記海鮮，奉勸大家小心為上。氣難平。

今日同同事lunch，入西貢米芝蓮必食推介 🍍芝士龍蝦伊麵龍蝦非常新鮮，芝士味都好夠重肉質爽口彈牙椒鹽賴尿蝦 足料，蝦夠大隻蒜香椒鹽墨魚炸粉唔會太多好好食 花雕酒蛋白蒸蟹 超香酒味 蟹大大隻椒鹽鮑魚椒鹽味好重，鮑魚爽口彈牙下次一定會再幫襯

一個字: 貴。份量少，5新鮮，偷工減料(蟹竟然無蟹膏？)即話我知 一個人可以無腦？根本垃圾，團餐完全5抵食！5值得試，除非你錢多，又海納百川😏叫我情何以堪？我2人埋單6xx元，比你哋參考🥴

趁着天氣涼涼地，我哋一家大細去咗西貢一日遊，嚟到西貢點可以唔食海鮮呢！今次就揀咗擁有連續13年米芝蓮嘅全記海鮮菜館食海鮮食晚餐！我哋六個人每人$278一位另外再加一，六人套餐裏面可以揀六個海鮮，送個鹽水雞腳同油菜，再加紅豆沙糖水！真係非常之抵食！西貢屹立多年嘅全記海鮮菜館一直都係咁受歡迎！唔知係咪因為疫情關係，我覺得嚟西貢食海鮮好似比以往平咗好多，明碼實價，唔識揀海鮮嘅朋友仔又驚俾人呃可以揀食套餐，一家人來食就最啱啦！秘製鹽水雞腳雞腳都幾滑，點埋個秘製醬汁，都幾惹味唔錯（單點）半隻燒鵝王店家好貼心起隻燒鵝嘅下面開着個火一路燒住隻燒鵝，令到燒鵝既油唔會乾左，亦都可以保持鵝嘅肉汁，呢隻燒鵝王真係好肥美好正！不過如果老人家嚟食就可能覺得會有少少肥膩，但係係可以接受嘅，因為始終唔係成日食到燒鵝，隻鵝好新鮮，我鵝醬唔使點就已經覺得好好食！豉椒炒蜆蜆肉略少，但係個豉汁炒到好香濃好惹味！有少少辣椒味，好開胃好好食😋椒鹽賴尿蝦賴尿蝦好新鮮好大隻，原本以為得隻殼，點知食落去個蝦肉都好大粒，椒鹽炒到蝦肉好香口，食落去好濃味，豉油都唔使點好好食！極級推介大家一定要嚟食呢個椒鹽賴尿蝦！滿分滿分！豉汁蒸元貝元貝

週末入西貢玩左成日，傍晚經過碼頭邊見到有好幾間中菜館，都係用優惠海鮮套餐做賣點，就被佢地吸引住🤭🤭比較過價錢後發覺有上落，二人套餐為例可相差$100-$200🤔🤔原本因為無做功課，打算試最平個間算，但友人話聞到全記海鮮菜館嘅餸菜，係最香最吸引😤😤加上佢大大個招牌寫住連續13年獲得米芝蓮推薦，而我地都著重食物質素多過價錢，所以就決定試最貴嘅全記😆😆今次點了個二人套餐，包有四款海鮮菜式+油菜+果盆/糖水，每位$278免收加一，但另收茶芥每位$20。🔸 特濃芝士焗龍蝦配伊麵底🧀🦞｜原隻龍蝦開邊+$40/位必食之選😋😋課金原隻龍蝦🦞開邊上，咁一人就有半隻，而一隻龍蝦應該約一斤重（兩邊加埋）。澳洲龍蝦好多肉，肉質爽彈有鮮味，唔會因為芝士味濃而食唔到龍蝦味，而芝士汁🧀係濃到掛係麵上，好食！係本人今餐最喜歡的菜式😍😍🔸 蒜茸粉絲蒸元貝元貝好新鮮好大隻，蒜蓉粉絲亦夠味而無過鹹，係友人今餐最喜歡的菜式🤣🤣🔸 清蒸海上鮮🐟｜+$98轉沙巴龍躉蒸的時間掌握唔錯，沙巴龍躉肉離骨而嫩滑。課金都無投訴😌😌🔸 豉椒炒蜆好大碟，份量唔少，豉椒汁夠惹味🙂🙂套餐重有郊外油菜🥬及果盤/糖水。最後兩個人埋單$774，整體菜式

去海鮮街除左食海鮮都可以飲茶，而且質素都唔錯添。今日2點幾先去到，坐係戶外對住個海飲茶零舍歎。2個人叫左6款點心：叉燒腸粉、鮮蝦菜苗餃、牛栢葉、魚翅灌湯餃、燒腩仔同鮮蝦腐皮卷。每款點心都合格以上，燒腩仔個皮好脆，肉有幾層有肥有瘦，味道咸淡適中。魚翅灌湯餃好多翅（雖然係假）個湯餃好大好足料，不過湯就少左啲。牛栢葉佢加左芹菜紅蘿蔔落去蒸，有種特別嘅香味。鮮蝦菜苗餃餡料夠多，菜嫩蝦爽。除左點心唔錯之外，坐室外嘅環境有啲鮮風，又有好多人帶狗仔去，舒舒服服悠悠閒閒咁飲下茶，真係不錯