兄井宅日本料理 (已結業)

午市套餐(包汽水或特飲一杯）白兄豬骨濃湯拉麵($45)特盛辛辣火藥拉麵($60) 兄井吉列豚王飯（$50)另外我哋再加左小食，章魚燒同埋餃子($20)見佢哋平時lunch都好多人，就決定去試吓。不過店舖位置需要行上斜路，夏天就比較熱同埋座位較少。先講佢個招牌白兄豬骨濃湯，嗰陣時人少叫佢轉做烏冬俾我。烏冬口感正常，佢哋個豬骨湯都唔錯，未係好出色但價錢來講算好抵食。嗰兩碗麵分別都有兩塊手掌咁大嘅叉燒😍,味道還可以但係份量好足，我個人就食唔晒。仲有少少配菜：椰菜同木耳。辛辣麵唔係話太辣，識開辣嘅朋友未必滿足到你。拉麵口感正常。吉列豚王飯方面係有咖喱嘅，咖喱都係BB辣，個咖喱汁係唔錯。肉方面就冇乜味，個吉列皮炸得夠脆。小食方面唔錯，個章魚燒明顯有粒章魚喺裏面😆嗰日飲嘅特飲係蘋果紅茶，個人唔係好鍾意太過甜嘅飲品，覺得佢哋糖漿落多咗，建議大家叫嘢飲嘅時候可以少甜😬整體來嚟講算係平價日本菜👍🏻 $50樓下就食到個lunch。

同朋友嚟食，佢哋就食完個阿姨就趕佢哋走，要我自己一個食不知所謂，服務態度簡直衰到阿媽都唔認得，超級掃興，估唔到真係咁無禮貌，以後唔會再度幫襯，超級不愉快的經歷可恥。

玉子燒豚王飯 $50本身呢個飯$50 ，但我係半價時段嚟食，所以只需$25。好抵。白飯上面有炒蛋，又有燒過嘅豚肉，再加啲汁，其實成個Combination雖然唔會話好好食，但都唔錯。

This is perhaps the worst restaurant I have been to in years; this review is to warn others to not make the same mistake we made. Having settled on Japanese cuisine, we walked into this nearby restaurant having done no prior research. We ordered an eel rice, ramen, seared salmon sushi and a lychee drink, all of which did not meet our expectations. The eel rice contained only half the usual portion of eel, the other half replaced by a sunny-side egg. Even then, the eel/egg to rice ratio is comple

三文魚壽司啲飯真係白飯黎！三文魚冇味！拉麵衰過出前一丁！鰻魚飯得一舊仔鰻魚！豉油係生抽味，wasabi係沙泥質地，十年黎食過最難食既野🤮千祈唔好去，第一次寫食評，為咗唔好有人再受害🤢Super super bad restaurant, sushi rice is plain rice with no vinegar, salmon has no taste. The ramen is worse than instant noodles. The soy sauce tastes like Chinese kind of soy sauce and the wasabi (homemade) tastes bitter and weird. please DO NOT go to this restaurant. 🙏🏾

嚟到第三街，發現想食嗰間店冇開，所以就過咗嚟食呢間日式小店。佢門口都好細，入面枱唔算多。餐廳個名玩食字，日本輕井澤就梗係主打成日本料理，佢有壽司刺身，亦都有拉麵丼飯，價錢都好相宜，50蚊內就有交易，平時應該多學生嚟食晚市嚟到，佢有晚餐供應，有飯麵再配一款小食，不過唔算好餓，所以都係單點就算，嗌咗個牛肉丼飯同滑蛋豚王飯。牛肉丼飯先上，賣相幾好，份量好足。一上菜聞落好香，點知食落去啲飯太濕，變咗一pat野咁，啲牛仲要好羶。都幾失望。。之後滑蛋吉列豚王飯都係好失望，滑蛋原來只係一塊煎蛋鋪面，吉列豬感覺返炸，炸皮仲要好厚，一咬就皮肉分離，飯一樣太濕，飯好多汁又唔夠雖然價錢真係唔貴，但如果咁既質素，可以有更好選擇，希望餐廳可以再改善吓

第二次來光顧了，今天試了牛肉窩，十分喜歡。材料豐富，除了主菜的牛肉外，配菜還有金菇、冬菇、紅蘿蔔、菜、粟米和茄子，份量十足。這個價錢絕對超值。點了兩客壽司，也大大件，帶子厚厚的，老公很喜歡。西區日式小店不多，以我無飯煮婦兼街坊，這家是不俗的選擇。

係網度見到有哩間野 又見到啲人話好飛學生黎 因為附近好多學校 嘩 一去到 全部都係學生哥放晏稔住試下啦 好好彩 唔洗等位 叫左野食 啲餸又黎得幾快喎！但平民價食到日本拉麵都唔好期望得去邊 $45 有個日本午餐送埋野飲 宜家出邊都好少有！

平時係西營盤番工 成日周圍走 尋覓下有咩好野食 今次搵到哩間 好似話有好多學生食 所以一於早啲放晏去食上菜速度係幾快既 味道就平民味道啦 但以咁既價錢食到日本拉麵又有野飲 算係咁啦

心血來潮想吃日式咖哩飯，搜尋周邊只有這間餐廳有供應，便走過來試試。 大約中午十二時到達餐廳，裡面只有2位客人。 用餐至尾聲，忽然有許多中學生前來，而且是全男班，餐廳一下子充滿陽氣，原來餐廳附近有兩所學校，而且這裡提供學生優惠午餐，所以吸引了一班初中生前來。這裡可能會成為他們的成長回憶，而帶給我的卻是不快回憶。環境：位置有點偏僻，店舖細小，傳統日系裝修。食物：午餐叉燒拉麵：味精湯底配半流心雞蛋，叉燒是厚切豬腩肉，肥膏佔半。吉烈咖哩豬扒飯：炸粉比豬扒更厚，咖哩加入紅蘿蔔，味道與即食咖哩一樣，白飯份量多，但實在「哽唔落」。和風牛肉飯：味道一般，牛肉有點韌。追加小食：（每款$10/2件）八爪魚丸、煎餃子、炸雞、炸蝦品質似是便利店的加工食品，即叫即加熱。總結：全是味精，吃了一半已投降。收費：約$180

做完運動後 大家都見肚餓一行四人就搵左間價錢溫和的日本小店食dinner赤兄赤兄係蕃茄濃湯拉面湯底係拉面的靈魂 所以每次食拉面 都是先試試湯底果然係童叟無欺 蕃茄味濃郁 酸酸甜甜 好開胃不愧為店主推介拉面面質較軟厚切豚肉略硬 油脂部分可算是入口即溶配上蕃茄湯有中和的感覺 食完唔會覺得好膩* 除左赤兄 仲有白兄同黑兄玉子燒豚王飯嫩滑玉子包住粒粒豚肉以香蔥芝麻作點綴份量大份 一人之力是吃不完的飯是珍珍米來的 相信水的份量多了點失去左原有的口感鹽燒鯖魚鯖魚燒得岩岩好 唔會太乾 淋上檸檬汁 一個字正 宅男炒飯其實係雜錦炒飯黎飯雖然略濕 但很有鑊氣 整體黎講呢度食野都幾抵食 五十幾蚊可以食到好飽同埋又唔收加一服務費服務態度都幾好

其實我同老公成日都幫襯呢間日本小店。終於的起心肝幫佢寫一篇食評。話說放工非常肚餓啦。老公揸車去到水街特登嚟食呢間小店。果然係冇失望。叫咗個二人餐＄200有找，仲要飽到喊！好好味。有圖有真相啦。跟餐嘅沙律份量都幾夠大，而且好新鮮。第一味係魚生。三文魚腩入口即溶。鮮蝦好新鮮。份量都幾夠多嘅每樣有四件。跟住就上壽司呀。每款有兩件一共四款，最深刻印象係北寄貝。我不嬲都麻麻哋北寄貝，但係呢個呢真係彈牙。跟住就係我最愛嘅帶子，好新鮮！餃子都係即刻煎嘅，熱辣辣好好味。而且裏便嘅餡料係好多汁。最後，上埋呢個咖喱飯。二人餐來講，真係好多嘢食！仲有個面史湯我都冇影到相。呢個咖喱飯真係有不得了喎。個吉列豬扒呢，又係即刻炸！非常新鮮脆博博。日本飯又有咬口好煙韌。日式咖喱非常濃郁啊。今日星期五晚，可能啲人出晒街，比較清靜。食客各自為政。有種好舒服嘅空間感。店員有禮貌服務殷勤。依種舒舒服服食夜晚飯嘅感覺，真係好難喺香港搵到。一定會繼續來幫襯！其實有時，星期日都想落嚟食吓。不過佢好似又唔開喎。所以今日特登撞正個平日落嚟食。咁好服務仲要冇加一服務收費真係抵啦。

去到西環水街嗰頭 發現有一大堆餐廳唔知點揀好 但係作為一個日式料理嘅愛好者我決定咗同朋友一齊入去呢間 日本餐廳位置方面 位置唔算好方便水街距離香港大學地鐵站有15分鐘嘅 距離 而且佢係一條斜路上面 相信嚇員都係附近嘅街坊學生座位方面 正正常常冇咩特別好彩我哋比分派去一張比較偏僻嘅枱如果唔係應該會比較逼尤其是係喺繁忙嘅食飯時間食物方面 呢間餐廳唔算係正宗嘅日本餐廳算係比較港式街坊式嘅價錢唔貴味道方面都好好我就點咗一個咖哩豬扒飯 四十幾蚊加多十蚊有個小食包埋嘢飲我覺得非常之合理 未到冇期望太多 唔會期望係超高水準 最後出到嚟味道唔錯符合期望好開心好滿足總括而言都係一間有心嘅小店如果大家住西環或者水街 就多啲去幫襯啦

出街想食碗拉麵，閒閒地都要80蚊。但呢道唔洗，當然質素無出面咁高，但絕對好食。一開始尼左杯特飲先!蘋果綠茶，唔好飲，但又唔係難飲唔會好甜，但飲落同蘋果好似無咩關係，只係得顏色同甜味。我叫左碗蕃茄濃湯拉麵，我覺得好好食。佢個湯底好好飲，幾濃，蕃茄豬骨湯尼。去成碗飲曬小小酸酸地再加上幾濃既豬骨湯，正。拉麵好彈牙，叉燒係半肥瘦，瘦肉硬左小小，肥肉個邊基本上放入口就溶化。拉麵中仲放左啲菜，幾甜幾爽口。蛋就一般啦，無咩特別味，因為有啲蛋係甜甜地，不過半熟蛋點都好食既。

以前一放lunch就食畢左業都一年 今日再黎食水準同以前一樣咁好食d拉麵 呢個價錢 食到呢個味質 都算係咁今日食赤兄 d番茄味好濃超正 仲有個完整ge番茄咬吾係平時食果d味精湯 又吾會好油