元気寿司 (已結業)

是日星期四 但屯門元氣都不乏人潮 可能第2日係公眾假期有關吧 就算用咗app排隊都等咗40分鐘🙁入到去 坐咗order 枱 點完菜 15分鐘一樣野都上唔到菜 一問之下 至發現電腦系統壞咗 我地張單根本入唔到 但都唔緊要 但佢地淨係諗住點整返好個電視 而冇諗過宜家有咩解決方法😑喺一追再追之下 佢地至手寫入單 終於有野食 雖然食物似係回轉帶度執岀黎俾我 但總叫有野食啦 青瓜卷 同蟹柳卷都好乾 好似放咗好耐咁炸蝦天婦羅係成餐最好食嘅 熱辣辣又脆魚頭湯同燉蛋都不過不失啦😀 不過上菜要三催四請 再好食都冇心情啦

一個人的晚餐，今晚要吃自己，突然又想食壽司，就排下元氣啦。 先來我每次都會叫的軟殼蟹手卷，好新鮮，好脆，紫菜亦都好脆，咬落口十分香脆，中間還夾著少許沙律醬，更曾潻味。炙燒三文魚，魚身有點林，入口還可以，帶有黑椒同沙律醬。元氣既燉蛋係我覺得最好味的，好香滑，內面配料足，口感食落豐富，再加潻一些Wasabi同豉油更加好味。 最後更要叫了一碗三文魚頭湯，不過今次有點咸，不是太夠熱，三文魚有點放得太耐感覺。 無影到的芥辣八爪魚，每次都會叫，入口有芥辣刺激感，不過我覺得今次比較咸了，可以改善。

元氣壽司一直係我地既食堂 相對其他高價壽司店 元氣又真係幾抵食既今晚又去食堂食晚飯 用元氣app拎左位先所以等左5分鐘左右都入左去坐 例牌嗌左兩碗三文魚頭湯 同一人一條炸蝦手卷三文魚頭湯 依舊做出水準 夠魚味又多魚炸蝦手卷係即叫即炸的 如果發現唔係 記住同佢地講 味道差很遠架成隻炸蝦加上脆脆既紫菜 真係好夾👍🏼燉蛋都唔錯 夠滑 又夠味 一直都係我必叫item 呢間元氣位於屯門市廣場入面人流多 所以店面十分繁忙今晚多左個小插曲 system壞左 入唔到單 我地坐order枱 坐左20分鐘都冇野食原來佢地手寫緊d order 入廚房最後我地多番催促先出到野食之前食過咁多次都保持水準架 又唔貴野食又唔錯 想食壽司都諗唔到食邊間屯門元氣都係好選擇😁👍🏼👍🏼

元氣下午茶真係好抵食，6件壽司，一碗烏冬仲有一個小食螺肉，炸蝦卷香口鮮味，加州小卷很新鮮，好好味。清湯烏冬烏冬煙靭彈牙，味道清。螺肉小食，螺肉都算大粒，鮮味，加上微辣嘅醬汁好開胃。

今日放假特登出去搵女朋友Lunch，見好耐無食壽司，就去左屯市間元氣，可能就快暑假，見到好多家長同小朋友一齊等位，好彩我早到，女朋友放Lunch我已經有位有4個SetSet A $82沙律：不過不失刺身：新鮮肥美燉蛋：蒸得好滑魚生飯：好多魚生，加埋豉油wasabi好好食炸雞翼：炸得香口，肉質juicy，辣辣地好開胃Set D $68壽司：保持到水準天婦羅：香口，唔太油豚肉煮：個湯好油，不過料好食烏冬：爽滑彈牙今餐好豐富好抵食

今日拎左半日假，咁岩撞正元氣下午茶時間，即刻去醫肚Set A 三文魚刺身、赤蝦壽司、魷魚壽司、北寄貝壽司三文魚刺身好新鮮，而且厚切，好肥美！赤蝦、魷魚同北寄貝都好爽甜，食得出材料好新鮮！另外配左烏冬同沙律，不過唔記得影相，食物水準仍然保持到軟殼蟹手卷下午茶Set可以優惠價加配手卷，我當然點左元氣的招牌—軟殼蟹軟殼蟹炸得好香脆，咬開仲食到啖啖蟹膏，yummy非常滿意呢個下午茶，會再幫襯！

生蝦壽司好抵食，蝦肉好厚好新鮮，咬落彈牙，連蝦頭一齊上，仲可以食埋啲糕。蟹肉牛油果軍艦同加洲手卷新鮮，牛油果加紫菜味道很香。但係小柱軍艦同三文魚壽司就十分唔新鮮，小柱乾到不得了，食落一啲鮮味都無。三文魚仲衰食落膠膠地咁，好似變左，返到屋企個肚仲有少少唔舒服。

一個人的晚餐，日本餐係小妹嘅大愛，動不動一星期都食幾轉壽司，當中最常幫襯嘅就係元氣。每次去都必叫兩大獨家卷物- 元氣卷同波士頓卷。今次食嘅元氣卷裡面三文魚乾有d淰左不夠脆，而外面三文魚唔夠肥。至於波士頓紫菜都有d淰，唔夠脆。唯一正嘅都係入面嘅忌廉芝士。另外仲叫左三文魚腩壽司，肥度適中，大件抵食。炙燒左口魚係不得之了咁好食。炙燒黑椒三文魚當中黑椒味重，三文魚味被蓋過。返食指數3粒星(最高5粒)。

元祿、元氣，是本地迥轉壽司的元祖。還記得第一次光顧是時代廣場的店，跟友人把彩色碟子疊得高高的，紅的、紫的、黃的、綠的......這些年來，隨着更多迥轉壽司店的出現，加上元氣質素的倒退，光顧的次數也愈來愈少了。 假期後的上班日，為了清掉積存的工作，很晚才下班回家。是夜很想吃壽司，心想與其買外賣壽司，倒不如坐在店內舒舒服服地吃吧!選了元氣壽司，是因為它是最就近便利的一家，而且不用等位便可入座了。坐在迥轉帶前，看看款式和新鮮程度都不大吸引，還是打開餐牌點選吧! 一人前的晚餐，就是每客一件的「大滿足」最為合適了，這次光顧多了「極上之選」，也是一客一件，不過比大滿足貴一點。  喝的依舊是綠茶粉泡的茶，水溫不熱茶粉未能完全化掉。芥末的顏色十分人工，雖有辛辣攻鼻之感，但味道已跟以往有點不一樣。帆立貝群邊($18)一直是我喜歡的元氣小食之一，帆立貝群邊不少，混有一點海蜇，甜甜的帶點鮮味，不失為可口小吃。炙燒芝士皇帝蟹柳($18)說是皇帝蟹柳，還以為是峰壽司那種粗身蟹柳條，怎料來是平凡的幼身蟹柳條。在中央切一刀，再抹上芝士醬，企圖在視覺上令蟹柳粗身一點，當然是不奏效的吧! 口感一般不在話下，入口冷冰冰的

收到會員通訊得知元氣轉左新Menu，今日咁岩就到時間同男朋友食Lunch，決定去元氣 除左set B，新餐牌同以前都好大分別我地叫左set B同set D成枱食物，感覺好滿足！什錦壽司，總共有7件，每款都好新鮮 前菜係車厘茄青瓜沙律，我較喜歡以前的柚子沙律汁，而家轉左普通沙律醬，我唔鍾意炸蝦天婦羅好好味，蝦好大隻，粉漿唔會太厚，天婦羅冬菇入口好juicy ，天婦羅質素非常好 烏冬、炸蝦卷同大根豚肉湯烏冬好味道，好彈牙！炸蝦卷好食，但要襯熱唔係就變淋同較油膩大根豚肉湯好怪，係紅蘿蔔加埋好肥的豚肉一齊煲湯，唔好食 set D的什錦壽司，每款都岩我心水，正！下次再試其他set

元氣對好多人都唔陌生，對我黎講仲有一份親切感，總係耐不耐就要食下，三文魚湯香濃，奶白色既魚湯很鮮味。炸蠔酥脆，有蠔味，很creamy。三文魚生，帶子同生蝦壽司非常新鮮肥美。龍蝦沙拉壽司龍蝦味鮮沙律味香甜帶少少酸味很開胃。我尤其鍾意加州手卷，牛油果加埋蟹柳、青瓜清清爽爽，脆中帶軟。

好耐冇食過genki,今次一食有驚喜，好味左好多！特別推介：炙燒左囗魚：勁油份，系我一直以來的最愛，比拖羅更深得我心吉列蠔：非常多汁秋刀魚：有兩個食法，都好味，趁這個季節，食多幾次其他食物都相當不錯！食得好開心！

今日突然好想食日本野 平時都係食開板長人地話元氣吾錯我就去左試下 我四個人食但係叫左好多 啲壽司既飯細舊過板長好多 最深刻最好味既壽司都係個芥辣八爪魚睇落有啲核突一patpat但食落去個口感好有趣xd仲有左口魚裙邊魚壽司我真係從味食過呢隻魚佢有少少牛油味但係又好鮮甜。。我嗌左唯一一個熟食 唐場蝦 佢係一啲好細隻既蝦 炸到碎卜卜 之後仲要吾洗mok殼 好正好正呢個吾可以吾試如果我屋企附近有元氣我一定拋棄板長😂😂😂

心血來潮想吃壽司之際，讓我看到元氣的最新推廣，被那可愛度爆燈的燈籠深深吸引，當然想立即擁有它吧!  老公比我早到達，店方採電子取票制度，十分方便。元氣店面積在屯市來說算大，位子不少，既有卡位亦有吧座。不過即使是平日入座率也有七成，相信跟燈籠推廣活動有關。    迴轉壽司，港人再熟悉不過，不用再多作介紹。依舊喜歡店方的濃香綠茶粉和無色素酸薑，百吃不厭。一向對元氣迥轉輸帶上的壽司有點偏見，寧可翻開餐牌點選還好。  日式蒸蛋($18)每次必點，卻是每況愈下了。蒸蛋較為稀身，木魚湯汁味道淡薄，蟹柳、日式魚片、冬菇淡而無味，最致命是蛋蒸得過老了。    三文魚腩($10)平心而論，數年前起，元氣水準已大不如前，大滿足以單件計其實不算抵食，但質素又確是好一點點。像這三文魚腩挺鮮美的，而且也較一般肥美，對得起這價格。  三文魚腩10)即三文魚子，連着卵膜，顆顆魚子不會散開，咬開要費點勁。以醬油漬過，不太咸。不算頂級新鮮的一種，較淋身，勝在口感過癮。  吉列北海道豚卷($18)賣相別致，厚身豚卷有點像吉列豬柳，夾一片生菜，雖不算太脆身，肉身軟軟的，這配搭不俗。  皇帝蟹柳($16)味道不算突出，跟普通

復活節第一天, 同媽媽去了食壽司, 我們去了元氣, 1:00左右, 見門口竟然冇人等位, 以為咁好彩, 原來他們已轉了電腦攞飛, 咁樣方便好多, 我們只要等4張枱, 都好快.入去坐BAR枱, 春季都出左好多新款壽司, 我們食左鰻魚壽司, 軟殼蟹手卷, 鰻魚手卷, 三文魚炸蝦卷, 三文魚頭湯, 淨烏冬, 火炙三文魚子壽司, 三文魚刺身, 蟹子沙律.食物的質素都同之前冇咩分別, 都保持住水準, 都好味的, 但係份量已經細左好多, 少左好多, 壽司SIZE明顯細左, 飯的份量好似少左一半, 手卷都細件左, 以前食完件手卷會好飽的, 但依家食完都好似唔係好滿足咁. 入面的軟殼蟹都好少, 好多醬, 三文魚壽司上面的三文魚都薄左呀. 三文魚刺身有4件, 都新鮮肥美的. 三文魚頭湯都好甜, 入面有兩件三文魚頭, 都好多肉的, 蘿白片都好甜, 不過好似好重味精咁. 那碟蟹子沙律勁細碟, 味道好味的, 有青瓜片, 蟹子, 蟹柳絲. 火炙三文魚子係季節限定的. 入口即溶, 好好味, 好香及油份好重.