影片
港铁屯门站 B 出口
继续阅读
开饭介绍
旨在不断延续日本正宗寿司文化，元気寿司对食材选料尤其讲究，务求将日本美食特色原汁原味带给客人客，尽享最新寿司体验。
继续阅读
营业时间
星期一至日
11:30 - 23:00
以上资料只供参考，请与餐厅确认详情
招牌菜
又一段时间无黎元气，见佢成日咁多人，梗有佢过人之处，今日放假就黎排下食lunch，自助机取飞，入埋自己个电话，原来会喺前十分钟自动打黎提，咁几好㖞，可以去附近行下街先。坐喺回转位，滑板熊间中就碌过黎，为我地加添生气。三文鱼汤，略咸，带面豉味，有唔少三文鱼同萝卜。软壳蟹手卷，令人失望，软壳蟹好淋，紫菜都系，完全不值得叫。枝豆煮完无加盐，但食到天然豆香，唔错。帆立贝裙边, 一贯水准, 芝麻八爪鱼, 亦难以分高下。唯独松叶蟹牛油果军舰, 松叶蟹有D干,同牛油果亦都唔太夹, 加上紫菜太淋咬唔开, 真系麻麻。北寄贝沙律军舰, 个沙律味道系OK既。新菜式中其中几样无货, 只叫到炙烧芝士菠菜三文鱼, 炙烧过既三文鱼入口即溶, 单系佢都无得输, 配埋芝士菠菜都唔错。炸虾卷, 个虾好淋唔脆, 失败!元气卷, 比炸虾稍好, 有青瓜、炸鱼同三文鱼, 都几夹。海盐赤海虾, 抵食, 质素KEEP到。最好味仲系蒲烧鳗鱼芝士卷, 软软既芝士味道好浓, 鳗鱼汁系包装上, 自己控制加几多, 鳗鱼都对味, 必叫!叫有紫菜既食品, 系会差少少, 同埋炸物都系唔得, 全部都淋, 口感太差, 只剩油腻, 唔好食又唔健康呢度最唔抵, 叫鳗鱼, 虾, 三文鱼, 或小食都算稳阵。
继续阅读
依家先 520，几时先到 549 呀？到访几次都排长龙食唔到，到底有几好食呢？心有不甘唔愤气，无论如何都要食到一次，但结果真系无鬼谓啰，浪费我宝贵青春及银两。等位食客又多、门口通道又窄，迫迫夹夹，真的等都等得唔舒服。多年无帮衬元气了，同旧时一样要坐 order 台，呆呆罚企半个钟终于可以入座。跟著带位侍应走著走著，才发现内笼不大，台椅密度非常高，行人通道十分狭小。被带到最后的超迷你二人台，见到已经滴汗，还要搭台。我食量都不少，那么细张台如何有足够空间放食物呀？而且私稳度极低，台与台之间只免强够一个紷瘦的人走过。隔隣台两件口水佬加个大妈鬼杀咁嘈，高谈宽论，粗声粗气，非常骚扰﹗比餐安乐茶饭我好麻，安静地食野不可以的吗？女友最爱酥炸鱿鱼须，竟然被取消左，情绪即时跌落谷底。另外，珍宝帆立贝无左，只卖奀滋滋帆立贝仔。温泉玉子无左、他他牛无左、和牛都无左，那么奇怪？只得牛肋肉一款？谁知连牛肋肉都卖晒，只有辣牛肋肉，但最终都漏单，我唔要喇。赤海虾刺生，颜色偏白，貌似天使虾、似板长虾。虽然甜味虾味都有点逊色，起码够新够爽弹，还可以。牡丹虾，还是觉得您最好，不能取缔的地位。油甘鱼刺生，稳阵之选都变得危机重重，色泽暗哑而且太瘦，肥美不足，幸好肉质结实，滑中带爽，还有一丝的鱼脂甜味。吞拿鱼刺身，难得赤肉可口不太淡，没冰水味也没雪藏味，泛著微微鱼味天然味道，过关入得口。炙烧牛油赤海虾寿司，烧过的虾肉特别香口，虾味更浓，食得到焦香吸牛油香，最大问题熟虾干硬，食欲大减。炙烧酱油左口鱼裙边寿司，左口鱼出名油脂澎湃，烧一烧更迫使大量鱼油凶涌地喷出，入口溶化滑嘟嘟，双唇油润立立令，鱼甜味淡，质感一流。真的选择太少，连此类火炙作品都要食，印象中从来没有试过。海盐赤海虾寿司，真的感受不到有什么特别，沾上芥辣豉油已将盐味完全盖过，都系一般的赤海虾寿司，虾爽而虾味淡。炸虾卷，女友至爱，但我真的麻麻地。一早炸定的虾卷又油又冻，幸好依然脆口，整体感觉干争争非常讨厌，由细到大都不喜欢。帆立贝寿司，细就真的细了一点，不过棉滑带黏的质感衬托霸道出众的带子甜味，心头都涌上幸福的味道。好想要珍宝帆立宝塞满口腔的震撼感呢﹗炙烧黑椒蚝寿司，师傅推介创意作品？让我支持一下吧。腍劈劈的不知那里蚝，好采不腥不嗅，没怎么鲜蚝味，只有微弱黑椒芝士味，试一次便够。玉子寿司，我对您唔住喇 ﹗我本想划厚烧玉子比您，但眼大睇过龙，错手划错格添。我只爱食热蛋的，而且不爱甜，更不熟蛋，玉子不是我杯茶，so sorry。厚烧玉子寿司，划错普通玉子要补货啦，只不过只两片玉子变一旧，基本上一无一样，意见不变。赤贝寿司，食惯活赤贝刺生，那有可能返到转头呢？已多年无食普通赤贝咯，薄衣衣不过爽到索索声，少少海水味但无螺甜味，正常入到口，唔难食。芥辣八爪鱼军舰，女友必食之选，汁液辛辣带黏带糊，八爪鱼肉粒弹而咽韧，味鱼而渗出咸香，不错的决定。海胆军舰，没有海胆甜味，胜在够鲜够香够清爽，凉浸浸的肉捞上暖笠笠的饭，还有脆卜卜的紫菜，满足。海胆手卷，真的无咩野食、无咩高价食材，唯有执多剂海胆啦 ﹗细细件容易食？手卷又会细成这样，一口海胆手卷两秒消失始尽。劲干爽紫菜脆到裂裂声，胆肉鲜而不腥，只是甜味欠奉，都好食既。炸八爪鱼，什么来头？什么名菜啊？原来是著上重装甲的八爪鱼，而反晒光㖞，系劲既。油淋淋的外壳，完全唔敢放入口呀﹗唯一方法甩掉硬壳先食，竟然发现部份脆浆未熟架，依然是白色黏口糊状的。其实不用炸浆更好食啦，爽爽弹弹，八爪鱼味又鲜又浓啰。结胀 $473 又真系平既，但质素未如理想，食物种类又少，地方又细，环境嘈吵，坐得不舒服，服务又一般，无下次的了，多谢。
继续阅读
谂著食下饭，又唔想去茶餐厅，所以去食寿司落完单扚wasabi，D颜色好奇怪系军绿色，望埋隔离𠮶几樽，都系咁……食落系芥辣味，但系唔公鼻！个蒸蛋到咗，但匙羹有污渍，以为系尘所以用纸巾抹，但抹唔走只好叫咗个侍应换𠮶只俾我！个带子裙边正常。北寄贝、花之恋D饭系生米嘅仲要个花之恋D三文鱼出晒水试谂谂生米加出水三文鱼好彩！个三文鱼皮手卷都ok，但都系有小小生米都嚟过食好多次，今次系最差！唔知系咪近排附近有寿司店结咗业，所以佢旺到做唔切。
继续阅读
难得平日放早，当然相约知己好友去叹个下午茶。寿司普普通通，但北寄贝有沙的，一间连锁食店连主打的寿司都可以有闪失，令人失望。不过，汤乌冬值得一赞，软硬适中，一小碗最适合下午茶。小食是螺肉前菜，啖啖肉配上腌酱，很好吃。
继续阅读
每当储左咁上下信用咭dollar,都会黎元气今次黎又咁岩还著出新款寿司极上鱼生卷望落好吸引, 鱼生用麻油捞过, 下面的原来不是白饭, 而系一件太卷食完望下只碟原来多左个熊仔新款式仲有鳗鱼卷物, 烧蚝同烧油甘鱼寿司, 全部都OK10蚊一件的有辣味吞拿鱼, 螺片同左口鱼左口鱼好好食, 咬落好鲜甜唔干身每次光顾必点2客的芥辣八爪鱼军舰, 暂时食过最好食既系元气, 芥辣味够攻鼻,八爪鱼好爽口海胆军舰都好食软壳蟹又系必点的, 炸得香脆, 不过今次只蟹唔够肥美仲有炸蚝寿司, 底下有埋紫菜,不过唔识点包埋粒蚝一齐食, 所以都系分开食炸蚝好松脆,不过冇乜蚝味元气D寿司会经常转款, 同埋质素有保证, 价钱合理, 所以都会keep 住黎
继续阅读