元札幌拉麵 (悅來坊)

营业中

休息中

來到熊貓酒店，想找店鋪醫下肚遇到了店內的大大個多啦A夢，吸引左我地入去來到拉麵店，實在一定要叫碗拉麵品嚐一下，仲有特色小食，有相看完食指大動先來了的豚軟骨拉麵，味增湯底，認真夠濃郁，拉麵軟硬適中，容易入口但夠煙刃，用湯底配合，十分開胃豬軟骨好入味，入口林而軟，肉和軟骨也入曬醤油的味道，大讚加左個自家製手包餃子，餃子好juicy多汁，皮又薄，饀又豐富，不錯另外，扎幌螃蟹拉麵加义燒，蟹棒肉質又嫰又軟，保留蟹味，义燒好入味，肉質又林又軟，配合味增湯及拉麵，好味串燒雞翼燒得外皮香口，雞肉仍然鮮嫩，肉汁仍保留到牛舌串燒真的好香，入口好香，口感滑嫩，燒完另有風味

今日放工後約了兩位好友係荃灣搵野食，因為朋友想吃拉麵，所以便想到悅來呢間元札幌拉麵拉麵麵店門面很和風，有很多日式燈籠，外面有數張檯，而室內都有數張檯座位數目都不少。由於今晚我們六點幾已到，所以不用等位安排入座後看看餐牌，有多款不同的拉麵和小食我們一人點了一碗拉麵再加添一些小食share來吃連茶杯都幾靚，有餐廳名字跟日系枝豆看似都是普通的小食。但枝豆其實都可以好特別好好味。枝豆的外皮灑上鹽，當要咬時會嚐到鹹鹹的，十分惹味。中間的豆大大粒、卜卜脆很滋味炸雞juicy外皮香脆。加入了檸檬汁變得更為滋味，酸酸的，十分開胃，一件又一件的放到口中如果有多幾件就更好了我們跟拉麵加添了一份餃子，餃子多汁，中間餡料又多滋味無比重點拉麵時間到了每碗拉麵份量都不少。有大量配料跟麵底這款是雜錦拉麵，內有多款不同食材，有至正至流心的溏心蛋，有肉厚多肉的叉燒、有蟹棒，有豚軟骨、粟米、好多食材。這款拉麵什麼都有，不用煩惱要選那一種我點選了蟹棒拉麵湯底香濃。最喜歡湯底濃而不膩，就算吃完麵都不會太口渴。證明沒有味精蟹棒鮮甜一啖又一啖的麵放到口中爽口彈牙另一位朋友點的。又是鋪上了滿滿的食物，大量配料，每啖麵都沾上了湯汁環

今日同表妹到悦來坊購物、一段時間冇來、原來多左好多食店、其中喺地庫哩間店裝修幾吸引.東灜味濃!有我鐘意嘅叮當公仔做裝飾、又係晚飯時間入去試下!多欵拉麵.... 除左拉麵都有好多選擇、串燒、炸物、飯, 飲料.......等。我地叫左,☆豬軟骨拉麵 $72两大件豚較骨非常軟滑、甘香!木耳爽口、温泉蛋絲柔較滑、麵質煙韌湯底鲜味濃 !☆海鮮拉麵 $ 82份量大 !蝦肉、尤鱼同青口都爽口夠新鲜 !湯底清甜! ☆燒鲭鱼 $ 58肉質一般嘅厚肉濕潤清淡沾上醬汁非常鲜甜!好滋味 !新鲜 !☆北海道南伈炸薯餅 $ 18一客切開两件、以為會油膩喇 ! 點知食落又唔係喎 !入口香甜、脆加軟滑 !好香口 !唔錯 !食完感覺好滿足! 味道好 !服務也不錯 !

又係荃灣搵食啦，平時經過呢間拉麵好多人食，一於試下佢！$72午餐，包小食拉麵同汽水，價錢真係好抵！叫左個豬軟骨拉麵配餃子，麵底就好似細個食日本拉麵嘅感覺，即係味千感覺呀！粗身，有陣味嘅拉麵，連湯底配菜都似！餃子就一般啦，厚皮，豬肉有d實。不過，$72有咁多野食，算係咁啦！

最近好多好戲上映，差唔多每日放工都約左朋友食食飯睇戲，淨係諗食咩都已經諗到頭大，今晚朋友帶我去左依間位於荃灣小型廣場入面既拉麵店食晚餐店面裝修都以木色為主，高高掛住一個個紅燈籠，木架上有一個個小多啦A夢擺設，表情多多好得意，唔洗十分鐘，全站食物送哂上枱地獄拉麵 拉麵中有叉燒、竹荀、海苔同溏心蛋湯底濃度適中，但比想像中無咁辣，如果湯頭再辣少少相信更惹味而麵質較粗身，食落軟硬適中，竹荀入味又爽口，溏心蛋甜甜地半流心，另再加左竹荀，估唔到份量都幾多雜錦拉麵 依碗揀左醬油湯底，麵中有蟹柳、叉燒、豬軟骨、海苔同溏心蛋，湯底飲落唔太濃，可能我喜愛食辣既關係，我再加左少少七味辣椒粉同麻油，令味道更加分自家製手包餃子如果叫碗拉麵，可以平少少加錢要多客餃子，餃子係自家製，皮薄餡料多，煎熟後再點餃子醬汁食，唔錯章魚燒不得不讚佢依度既章魚燒，勁多木魚鋪係章魚燒頂，連沙律醬同照燒汁一口食，外皮帶微脆，內軟又唔會粉，有八爪魚肉係入面，好味！

和荃灣區友人約了行悅來坊，估唔到無行一輪,多了好多食肆,見到有間日式食店放了很多叮噹,我是叮噹粉絲,就被叮噹吸引了,入了餐廳坐底。餐廳地方雖然不太大,但地方都乾淨,舒服。一坐底,店員就放了個是日精選牌到我們面前,真係唔駛驚睇唔到。枱面放了唔同調味料，餐廳都好窩心,有張海報說明怎樣用這些調味料。我地揀咗農田揚炸雞。另外再望下餐牌,我和友人分別叫了個牛肋條飯和豚軟骨拉麵。再加多了一條鹽燒海馬友。 農田揚炸雞有5件, 個樣好新鮮,金黃,咬落去唔會好乾,還有些汁在內,好嫩滑。吱了幾滴檸檬汁,提昇咗雞的香味，不用沾茄汁已好味.豚骨拉麵一嚟到,個温泉蛋已好吸引，蛋黃好鮮紅，湯底好香豬骨味,每件豚骨都大件又好淋入味,拉麵夠彈牙，女孩子吃完一碗都飽鹽燒海馬友雖然不是太大條,但勝在無咩幼骨,食落啖啖肉,唔腥。雖然是燒但唔會吃到乾爭爭的感覺牛肋骨飯真是好抵食,70幾元,有湯,有沙律,和日式蒸蛋。牛肋骨飯,除了有數件牛肋骨,仲有個半生熟蛋,蘿蔔和其他配菜。牛肋骨加了芝麻，食到除咗有牛肉味,仲有芝麻香味,牛肋條如果炆得唔淋就會較難食,但依間餐廳煮得唔錯.炆得夠淋,又入味。半生熟蛋,煮得好靚,蛋白包住靚靚蛋黃,

熊貓酒店大裝修之後越黎越多餐廳進駐，雖然住向附近但都好少落去食野。今晚放工未諗到食咩就過去熊貓行下先。原來有間日式拉麵店，不過今晚好肚餓唔想食拉麵，睇睇menu 原來有定食丼飯供應，咁就一於入去試下啦！餐廳裝修好有日式feel, 全木枱椅，而且老闆應該好鍾意叮噹，因為四周圍都有唔同嘅叮噹公仔menu選擇都算多，而且仲有黑板上的特別推介。先order 2款小食再加2份丼飯定食農田揚炸雞外層脆漿色澤金黃，只是不夠酥脆，雞肉嫩滑多汁，不過不失。章魚燒章魚大大粒，入裹餡料creamy ，味道不錯。溫泉蛋牛肉飯牛肉軟滑，加上蛋汁拌勻，跟飯一起吃下，好味美，而且配埋野菜沙律，日式蒸蛋，真係好抵食溫泉蛋牛肋條飯牛肋條入口有咬口，牛味濃郁，如果可以配上燒汁應該會更好，丼飯一樣配有加上柚子醬汁嘅野菜沙律，仲有嫩滑日式蒸蛋，味噌湯，份量大好飽肚估唔到丼飯都咁出色，如果唔想食拉麵，丼飯是一個非常好嘅選擇

這晚同囡囡嚟荃灣逛逛，行經商場時被一個大叮噹所吸引，原來係佢至愛的拉麵店，決定一試！小店裝修充滿日本風情，環境舒適。嗜辣的我當然要試試"地獄拉麵" $68 ~ 湯底香辣惹味, 麵質爽口微彈, 配上嫩滑溫泉蛋及香稔日式叉燒，口感豐富！囡囡的"豚軟骨拉麵" $72也令人蠢蠢欲動， 豬軟骨肉腍入味，油脂均勻 日式章魚丸 $38 ~ 熱騰騰的章魚丸質感輕盈軟綿，章魚肉彈牙煙但略為細小。八爪魚刺身 $58 ~ 八爪魚爽彈鮮美，伴以酸酸甜甜沙律菜，口感清新！這是一間價錢合理兼有水準的拉麵小店， 值得支持！

今個星期二，朋友話帶我呢個荃灣之友去荃灣食嘢，原來就係帶我去悅來坊，咁我就真係好少去，原來呢度都有咁多嘢食嘅。原來就係帶我嚟食拉麵嘅，不過我依稀記得我好似嚟過食嘢。我比出面個最新推介吸引，所以就叫左呢個北海道芝士忌廉吉列炸蝦飯，呢個係餐嚟嘅有味噌湯，沙律同埋蒸蛋，都好豐富㗎。芝士忌廉汁好惹味，又唔太稀，又唔太濃蒸蛋好滑我哋仲叫咗個日式咖喱飯，味道係日式嘅，所以咖喱味道甜甜地，唔會係辣嘅我哋仲叫咗個安格斯肉眼串，燒得好香，仲好juicy呢個係南瓜炸薯餅，入面有好多南瓜蓉，又香又甜。我哋仲叫咗串燒雞翼，即係手羽先，呢度有兩隻雞翼，味道有少少鹹鹹地，加埋啲檸檬汁就好惹味

拉麵癮再次發作。呢間拉麵店外掛住紅色日本燈籠，好吸睛喔！除左門外小小哆啦A夢一致排開外，一進內仲有大隻版駐場，無論室外內都充滿日式既佈置，頗有心思。海鮮大板燒一早切開4等份，鋪左勁多木魚碎嚮上面，大大粒章魚夠足料拉麵由$55-$82不等，同朋友分別食左地獄拉麵及雜錦拉麵。屬粗身、稔度適中既麵質，叉燒偏瘦一大片。最欣賞個溏心蛋，蛋黃晶瑩剔透前者湯底不算很辣，後者故名思義，配料叉燒、蟹棒、豬軟骨、溏心蛋咩都有，每碗份量足，價錢經濟實惠。雞軟骨最遲上檯，證明係即叫即燒既，軟骨脆脆地好有咬感。

拉麵店開到周圍都有，有拉麵店賣成$200幾一碗而呢間拉麵店就走平民路線每碗拉麵價錢都唔會過$80 ，抵食之選店員服務態度超好，主動加茶超過三次，讚👍而且店員見到食客帶小孩子會主動送上小玩具叫左雜錦拉麵同地獄拉麵雜錦拉麵湯底係濃厚既豬骨湯😍😍我最愛雜錦拉麵有豬軟骨，蟹肉同义燒豬軟骨入口即溶😍美味しい地獄拉麵既湯底係辣湯，一飲個味蕾好刺激啊值得一提既係叫左2款小食黃金手羽先同自製餃子🥟手羽先醃得非常入味，個味好特別，唔係其他餐廳食到既，推薦大家追加手羽先啊自製餃子🥟一咬係爆汁架，估唔到拉麵店既餃子如此高質價錢平民又好味既餐廳

很久沒有到熊貓酒店（悅來酒店）。原來已改變了很多，有很多食肆，商舗。真的不愁沒有野食。今天突然好想食拉麵，便入了一間拉麵店，裝修不錯，還有一個很大的叮噹公仔陪伴用膳。我們點了二份午餐 $72/set. 選擇也不算少，有6，7 款可選。我們點了店長推介既豚軟骨拉麵，札幌螃蟹拉麵，拉麵煮得不錯，軟彈煙韌。再配以小食（有10款可供選擇).我們選擇了燒多春魚（燒得很脆口）和蟹籽沙律，還有一杯餐飲 （汔水）。這個價錢算是合理。

今日選來了荃灣區 「元札幌拉麵」內部環境精致，有各式丁當作擺設，還原用了傳統日式木紋木枱燈，增加了日本餐廳氣氛👍🏻！豚軟骨拉麵 $72麵質軟滑，豚軟骨豐膄不膩，豚軟骨水份及肉汁，充分顯示出來，加上秘製日式味噌湯底，味道份外特別，更能帶出豚肉中多層次味道。北海道芝士忌廉吉列炸蝦飯（定食） $75充滿濃郁清香芝士配上忌廉醬汁，十分惹味，而且大大隻甘脆吉列炸蝦🍤，爽口彈牙，這是完美配合。新鮮沙律菜，配搭沙律醋，酸酸甜甜，十分醒胃。木桶蒸蛋，香滑好味，有雞蛋香味！當然唔少得一碗熱騰騰麵豉湯，天寒地凍，真的暖透心喎！串燒雞翼（手羽先）$15燒雞翼～我自細鍾意食！每次在餐牌上看到，必定要食的菜式（燒雞翼），這難以抵擋的美味和吸引😘， 它一串串起來，外甘香內嫩滑，吃多多也不夠！ 😋😋自家製手包餃子 $28香煎餃子🥟，不油不膩，點上醋和辣粉，更顯開胃！非常滿足一晩！

今天晚餐只有我和妹妹兩個人，所以便隨便到家裏附近的商場走走。商場附近也有很多餐廳，但是直覺告訴我，去人多的地方，食物應該會比較好食。所以我們就選擇了吃這間拉麵，等了大約5分鐘就有位。看了看餐牌，既然這裏叫做元札幌拉麵，所以我們也選擇了吃拉麵。我選擇了雜錦拉麵，既然叫得雜錦拉麵，那就是很多配料的，例如蟹棒，叉燒，豬肉...想不到這裏的拉麵份量也挺多的，足足有一大碗，另外我還加了糖心蛋呢！而且叉燒也挺大的，差不多有一隻手掌那麼大，而且肉質很柔軟。這裏還可以選擇麵質地及湯底，麵煙煙韌韌很彈牙呢！妹妹叫的是牛油拉麵，分量也是很大碗的。這個牛油味比較濃郁，比較香。

新年開工無咩野做, 同同事行左黎呢邊lunch,坐得舒服D就入左呢間拉麵店.午餐有飯有麵, 黎得當然食拉麵, 揀左雜錦拉麵.雜錦既餸每款有一舊, 义燒, 豬軟骨, 蟹柳之類, 肉都炆得夠腍, 而且入味, 唔乾無起渣.至於拉麵, 軟硬度屬適中, 咬口幾爽且彈牙, 唔會太易浸腍.而個湯底唔會太咸, 食完無口乾.之後仲加左煎餃子, 一客4隻, 2人share剛好.煎得幾香口, 脆脆地金黃色, 唔算太油.餃子皮夠薄, 咬落軟腍啖啖肉餡.另服務十足, 無叫飲品但店員勤於加茶水, 感覺良好.