鋒哥廚房 (已結業)

住元朗既都知道元朗出名多野食,見到呢間新開既餐廳,覺得幾新奇,所以就去試下啦,佢係一間中式餐廳,叫小菜食既,好適合同朋友聚會既時候或者一家大細一齊嚟食晚餐🤗而今日我就係同屋企人一齊嚟食,因為有小朋友所以我先點左一個菠蘿咕嚕肉,佢有小朋友鐘意食既菠蘿,而且味道酸酸甜甜最適合小朋友配飯,佢仲有我地鐘意食既乳鴿,味道可口😍此外佢既飲品好大杯,叫一杯都夠晒又便宜.而且老闆親切,又有例湯送,真材實料。下次都會再幫襯👍🏽

到元朗劇院看表演前，肚餓，要食飯。看見這門口裝修十分特別的鋒哥廚房，便走入去一試。有工業特色，橙色貨櫃，灰色工厦牆身，別樹一格。晚市選擇有很多，花多眼亂。可以鋸扒，但有點趕，所以問一問店員有什麼推介，再配合自己的味道，享用豐富的一餐。每叫一個小菜，都附送例湯，好有家的感覺。西蘭花炒鮮魷，魷魚好鮮，唔會韌，西蘭花夠淋，又入味，火侯十足。海南雞，雖然無話要雞髀，都有雞髀，又無骨，夠淋，又入味，加個醬，撈飯食一流。BB鴿，極力推介，即烤乳鴿，很久沒吃了，熱辣辣，好香口，點上淮鹽，好野味，慢慢細味。整體而言，服務員態度親切，食物有水準，推介。

鮮少入嚟元朗嘅蕃薯妹，去開元朗搵朋友，佢叫我嚟試下呢間鋒哥廚房，佢係一間中式餐廳，正合我口味，叫中式小菜好有住家飯嘅味道，令人有一種返到屋企、懷愐嘅感覺。佢既裝飾罷擺設簡單而美觀，台面簡單清潔，但當中有少許花飾添加生氣，十分不錯。我試咗佢地嘅炸餃子，皮脆內軟，鎖住肉汁，味道可口令人回味。另外仲叫左一個馬拉盞炒通菜，通菜夠鮮甜唔甘，汁料夠惹味，係試過咁多中式餐廳入面可算數一數二，配飯食一流。身為元朗人既你地一定要去試下，就算住得遠少少入嚟食都會覺係係賺左啊！

去開馬田呢邊，咁啱放飯時候，見到呢間餐廳都坐滿晒人，亦都好多學生食。望一望個餐牌，果然好經濟，性價比好高唔怪之得咁多人啦。佢有啲午市嘅套餐，我就叫咗一個粟米班腩飯，送老火湯同飲品。食碟頭飯嘅精髓係，最緊要多汁好送飯，佢都好多粟米蓉，所以成碟飯都比我扒晒。啲斑腩又唔會有雪藏嘅魚腥味，都幾好食。飲品就叫咗杯凍檸茶小冰少甜，老火湯係中式湯，飲落都唔似有味精。另外仲叫多咗個湯烏冬配吉列豬扒，吉列豬扒唔會揸得好厚粉都幾脆！烏冬唔會酸，可以揀豬骨湯或者辣湯！豬扒大過我嘅手掌呀！ 茶餐廳間要飲凍奶茶啦！食午餐嘅好地方

今日突然好想食住家飯行吓行吓就行到去馬田新開嘅餐廳佢晚市係以小菜為主嘅 叫咗兩個小菜套餐，跟餐仲有中湯送添蜜桃紅椒青椒洋蔥一齊煮，魚柳有炸過，食落酸酸甜甜咁蝦仁爽身，咸度恰到好處，而且仲有好多粒，西蘭花就用蒜蓉炒最後仲忍唔住加多個小食添，豬扒炸得好乾身，所以唔會好油跟餐仲有飲品送試業期間仲有湯水送，今日係芋頭西米露好遺憾無食到佢自家製既西餅，跟餐只無係需要加20蚊咋今日都有四款選擇，可惜太飽無機會食

老公話唔煮飯反正樓下新開了一間餐廳就試下啦。試過一次后覺得一般，價錢同份量有一點不成比例。味精係好似無咩既，若果份量略多一點點會比較好啦⋯⋯不過還在「試業中」可能會有新改善，期待下一次會有少許改變！但有兩點值得加分：1）可以帶愛犬一同共進早/午/晚餐，岩哂成日同狗仔出街既朋友啦2）由於之前的日式放題火煱店結束了。似乎「鋒哥」留番原先既裝修，再加少少改變，變成了另一間鋪。非常欣賞，因為夠環保，不會浪費太多材料，值得一讚！

平時在元朗搵食都好少去到馬田，最近呢度新開左間裝修奪目的新餐廳，外面有一座紅色的英式電話亭，入面嘅座椅色彩繽紛，幾乎睇唔出佢係一間食小菜嘅茶餐廳。門口仲有一個雪櫃放咗唔少自家製蛋糕。 -呢度一般嘅小菜都有，價錢貼地，最特別嘅係個價已經包左一碗湯一碗飯同埋一杯嘢飲，加埋個餸份量唔少，都幾抵。-最先嚟嘅係湯，呢日嘅湯係合掌瓜湯，完全冇味精味，連鹽都唔係落好多，但係好濃郁，完全係有屋企湯嘅感覺，勁有驚喜，呢碗湯已經值回票價。-食物方面以BB鴿最出色最，乳鴿皮脆肉嫩，$38黎講真心超越期望！個人認為係呢度嘅必點，推介！-麻婆豆腐（$55）豆腐大大粒，唔會好易散，少少辣，送飯一流。-而椒鹽鮮魷（$75）我覺得就唔係呢度廚房嘅強項，炸漿有點厚但脆卜卜，鮮魷比較薄同硬。-餐後點了兩杯凍奶茶。-睇隔離枱覺得呢度嘅蒸野同埋炒野都應該唔錯，整體覺得呢間茶餐廳，無論係環境、質素、同埋價錢都係above average，下次再嚟會再試！-PS. 而家仲係試業期間，見佢嘅枱全部都有內嵌嘅電磁爐，一問之下，原來遲啲會做埋打邊爐，唔怪得飲品雪櫃會擺咗喺出面啦仲有放自助野嘅位，期待！

對於好少入元朗的我，在外出工作期間找到這間鋒哥廚房吃午餐，我真係好幸運。約1pm,人不多，叫咗個咖哩牛肉飯午餐。個咖哩真係超好味，唔太辣，又唔太肥膩，牛肉多過薯仔，超like.午餐仲有個中湯跟，真係好滿足。

住元朗的朋友推介，元朗馬田路80號御庭居地下5號舖，新開張鋒哥廚房，餐廳裝修色彩繽紛，擺左個電話亭、紅綠燈，有懷舊風味，打卡呃like 至岩。我們點左星洲海南雞飯，有雞味，雞肉很嫩滑，配蓮藕湯，好味抵食。吉列豬扒烏冬，豬扒炸得香脆可口，烏冬很滑，真不錯👍。汁燒牛肉烏冬，牛肉香味濃，很入味又夠腍。配餐飲凍咖啡，咖啡也不錯很香咖啡味。荔枝梳打，很香荔枝味不太甜，飲晒杯野才發現，杯上半身是透明白色，但杯下半身淡紫色襯得美觀。

通常入親元朗都係去又新街、教育路搵食，其實馬田呢邊都好多選擇見到呢間茶記仲係試業期間，28號先正式開張，已經有唔少學生哥幫襯，就決定跟下風試下。價值中規中矩，$50左右包老火湯同紙包飲品。夏末飲返碗消暑青紅蘿蔔湯正係時候。飲得出個湯有花時間煲，唔係味精湯每碗都有幾舊佛手瓜同蘿蔔，而且舖頭仲加左薑片，令味道帶少少辛辣，即使寒底飲都唔會太涼。碟頭飯夠足料，有成7-8片肉片，梅菜浸夠時間，一啲都唔鹹，好香甜好好送飯扣肉炆到好軟稔，無論肥瘦部分都入口即化滑蛋豬扒飯同樣唔錯，豬扒炸得香口鬆脆，肉質嫩口無筋唔韌，如果淋上照燒汁相信會更惹味。

今日同朋友去咗「鋒哥廚房」食晚飯， 餐廳地方寬闊， 仲有室内位置提供添！ 餐廳位於元朗馬田路80號御庭居地下5號舖！ 餐廳有多種食物提供， 有小菜、 粉麵& 扒類等等。我哋叫咗《涼瓜炆倉魚》& 《 乾蔥醬油雞》開心share 吓！叫小菜包例湯、飲料&白飯， 抵食呀！ 《涼瓜炆倉魚 $88》， 有魚有瓜， 一味兩食， 正！ 倉魚煎香， 皮脆肉滑， 爆香豆豉同涼瓜一齊炆，好入味呀， 好食！ 叫多隻《生炸BB鴿 $38》先！ 乳鴿非常嫩滑多汁， 炸得剛好，炸到皮脆肉嫩，味道當然好正啦，，點上醬料， 超惹味。我鐘意食雞， 今次叫咗《乾蔥醬油雞 $60》， 例牌份量都不少， 雞肉嫰滑，有雞味，仲加咗大量薑蔥， 超香超好食！

又去到馬田食lunch, 見到開左新餐廳，一於試下。首先飲左碗老火湯先，真材實料而且冇味精🤭🤭好難得出街食飯仲有冇味精既湯水👍🏻滑蛋吉列豬扒飯$52吉列豬扒熱辣辣仲好脆，應該係即叫即炸，唔係炸定。滑蛋有炒過，唔係蛋汁。幾岩個人口味而且份量算多。燒汁牛肉烏冬$52牛肉係預先入味左既肥牛，有啲粟米粒同海帶。烏冬冇煮過龍，彈牙🙂🙂到最後，原來仲有自家製甜品，睇得出小店幾有心思，每款得幾個。仲有自家老火湯👍🏻👍🏻

放工後一個人來到元朗馬田附近用餐，來到這間裝修得繽紛鮮豔的新餐廳。門口有部大紅色英式電影亭，璀璨紅綠燈做裝飾，走懷舊風格。點了魚香茄子肉碎煲$58，送、白飯、熱飲。先來老火靚湯，入面有一舊豬骨好多料，沒有味精味。魚香茄子肉碎煲:茄子有過油，靚色仲係好靚紫色，但又不會炸得太軟淋。肉碎加上洋蔥香口惹味，配白飯一流。再點一隻生炸bb鴿$38:乳鴿細細隻，皮炸得香脆可口，咬落多汁肉嫰。味道夠鹹，不用點醬都夠味。侍應招呼周到，態度好有禮貌，服務加分，主動送埋糖水木瓜雪耳糖水，為這一餐錦上添花。

收工同朋友去元朗食飯，朋友介紹呢間新開嘅鋒哥廚房，話好抵食。裝修得很繽紛，有鮮豔奪目的牆身，有電話亭、紅綠燈做裝飾，加點懷舊玩味，影相打卡都不錯。點了小菜西蘭花炒牛肉$60,送老火湯、白飯、熱飲。朋友點鐵板餐，板燒豬扒配司華力腸$98,可以配白飯、意粉或薯菜，又有紅酒燒汁、黑椒汁、蒜蓉汁選擇，同樣送餐湯和熱飲。由於很肚餓的關係，我們再點一隻bb鴿$38,可以當開胃小吃。生炸bb鴿，是很細隻的乳鴿，所以當餐前小食，香港情懷，出街食就是喜歡吃乳鴿。味道鹹鹹的，炸得皮很脆，很香口，不消一會就給我們消化掉。朋友的鐵板餐，超值！有兩大塊豬扒，豬扒是大半個鐵板般大塊，肉質爽口，很新鮮，食肉獸一定喜歡。配意粉，灑上紅酒燒汁，加添一點香氣。意粉爽口彈牙，軟硬度適中。喜歡它的配菜，有爽口的豆角在鐵板上煎過，香甜多汁。司華力腸很好吃，是脆皮的，肉質爽口，用鐵板燒過更惹味。鐵板餐的南瓜湯非常好喝，南瓜打成蓉，煮成濃稠的湯，喝下去口感豐盈，而且滿口都是南瓜的香甜味，吃肉類配這個香甜的湯，絕配！非常推介！是日例湯花生雞腳蓮藕湯，非常好味，入口一陣蓮藕香，又濃又香甜，是有媽媽味道的老火湯呢！我喜歡清淡的菜色西蘭花

今日簡簡單單喺元朗食個lunch，感覺呢度係做街坊生意嘅茶餐廳，價錢相宜而且份量足，新開業都有唔少街坊幫襯!!午市都有幾多選擇，有湯又有嘢飲，好似仲有啲學生優惠，唔怪得佢lunch time嘅時候咁多學生哥幫襯!!咖喱吉列豬扒飯($53)，豬扒大大塊，炸粉唔太厚，咬落肉質鬆軟啖啖肉，咖喱汁小辣加埋薯仔用黎送飯一流!! 柱候蘿蔔牛腩飯($55)，蘿蔔同牛腩都炆煮到淋曬，好入味，下次再嚟會想試吓佢嘅海南雞飯!! 餐湯同飲品都符合茶餐廳standard，水準不錯!!餐廳裏面以大枱居多，但亦都有比較舒服嘅卡位選擇!!