鋒哥廚房 (已結業)

放工後一個人來到元朗馬田附近用餐，來到這間裝修得繽紛鮮豔的新餐廳。門口有部大紅色英式電影亭，璀璨紅綠燈做裝飾，走懷舊風格。點了魚香茄子肉碎煲$58，送、白飯、熱飲。先來老火靚湯，入面有一舊豬骨好多料，沒有味精味。魚香茄子肉碎煲:茄子有過油，靚色仲係好靚紫色，但又不會炸得太軟淋。肉碎加上洋蔥香口惹味，配白飯一流。再點一隻生炸bb鴿$38:乳鴿細細隻，皮炸得香脆可口，咬落多汁肉嫰。味道夠鹹，不用點醬都夠味。侍應招呼周到，態度好有禮貌，服務加分，主動送埋糖水木瓜雪耳糖水，為這一餐錦上添花。