元朗燒賣皇后妙舒

营业中

休息中

不是第一次吃燒賣皇后的燒賣，有時總會心思思掛住，去元朗就唔洗多講，去又新街啦！宜家出邊都好少街頭小食既燒賣唔係用面粉做，好多次買$10/10粒、$10/8粒都係食鼓油多過食果粒燒賣。而呢間又唔同，佢粒燒賣係食到有豬肉既，同埋佢地既辣椒油一齊食真係好唔錯。本人其實唔係好食得辣既，不過佢既辣椒油係香多過辣。所以，我都好建議少食辣既朋友仔一試，最多到時去隔離買杯飲品解解辣。價錢呢，新年前仲係$10/5粒，宜家又加左價，變成$12/5粒，都值得一試既，我每次都買10粒架。仲有，睇你好唔好彩啦，好彩都唔洗排隊，因為好多次去佢都好多人排隊買，佢條隊係成條街最長架！

好日都唔會去元朗，今日有事要辦，特登入元朗，經過又見到佢。太太隨即食指大動，話點都要食依間。嚟到已經見到一條人龍，好在都唔係好長。長長嘅人龍，好在依啲外賣店一般流轉都相當快，唔洗一陣就到我哋啦。我哋點咗太太最鍾意食嘅燒賣同魚蛋。雖然見個個都係一串串咁食，都問下佢有無得碗上，原來又有啵。買完就即刻行返去車度坐低走人。見到佢哋將兩串嘢放晒喺個碗度，有豉油。我喺度諗其實係咪有甜醬？不過我哋走得太急，可能 Miss 咗啲醬汁。個燒賣好好味，啲冬菇好夠味好香。不過太太對個魚蛋就有微言：“佢其實唔係魚蛋，係鯪魚球或者鯪魚粒。”你話佢對魚蛋幾執著。

元朗人氣自製燒賣😋🤩.元朗半天遊🚘一定係要食食食好西🙃燒賣皇后當然要食返碗燒賣！呢道係自製架，材料有魚肉、豬肉同冬菇，食落質感好實淨，唔只係一舊麵粉咁簡單！啖啖都有口感，冬菇同豬肉都食到粒粒的😋值得去試，值得支持！💪🏻🤓

妙舒元朗燒賣皇后 (English name: The Queen of Siu Mai) is like any other Hong Kong street food stand. Selling curry fish balls and deep fried items. But the odd thing is ... everyone only orders their siu mai. Their other food lays untouched.We found it while we were walking along. A long queue that stretched around the corner. And everyone only ordering a stick of siu mai.Curiosity got the  better of us and so boyfriend and I lined up as well. The menu is in English and Chinese. 5 siu mai costs only $10

黎到元朗，經過呢條街，其實都有好多小食店同埋台式茶飲店，見到呢一間個樣有啲舊式而比較普通嘅小食店，門口外有條長長嘅隊，心諗應該呢間應該係一啲好出名嘅小店上網一search,就知道原來係出名食手包燒賣手包燒賣十蚊五粒，廿蚊有十粒。我哋叫咗一串嚟試，燒賣熱辣辣，非常新鮮，而且好大粒除咗豬肉之外，仲有啲冬菇，其實佢唔係魚肉燒賣，係比較似酒樓嗰啲燒賣，但係係手包嘅而且豬肉咬落去新鮮爽口，夾少少冬菇味，都幾夾，而家香港都好難搵到啲手包燒賣，所以要支持呢d小店

食完正餐，當然要食d小食啦，朋友介紹呢間燒賣皇后好正，就試一試係咪咁好味先。燒賣有分bbq同蒸，當然兩種都要試下啦，10蚊有5粒，同出面賣既價錢差唔多，燒賣size唔算大粒，但好足料，一咬入口，一d粉味都無，成粒都係豬肉同魚肉，有粒粒冬菇，同出面小食店賣既粉味燒賣真係完全唔同，而bbq就係燒燒賣，之後塗上沙嗲醬，外皮脆，內裏淋，但夾埋沙嗲醬好似唔係太夾，我比較鍾情蒸燒賣加豉油，真係好正，下次再黎元朗一定要再黎。

黎到元朗，可以掃街既地方我必黎又新街，又新街都好多野食，夜晚食小食，最多人企佢門口就係呢間，出名食燒賣既！粒燒賣入面有冬菇，魚肉，豬肉拎串燒賣既時候，出面果d都無咁有重量，呢度呢隻好唔同，感覺到佢每一粒燒賣都好足料。你食落去時會食得出有冬菇粒，同埋豬肉既味道，每次佢問要唔要辣，我第一次試過辣，佢都幾辣，但就食唔到燒賣佢本身既味道，所以以後去我都會唔食辣既，辣會遮蓋左佢本身既香味，所以建議如果買，唔好揀辣味。同埋佢既豉油都幾好食。佢既價錢$10/5，$20/10$2/粒 都唔貴呀可一可再👍🏻👍🏻👍🏻

係元朗行完山超肚餓，又見時間尚早未係食飯時間，就係市中心掃下街食野。咁岩行到呢度見到個招牌好搶眼，又見好多人排隊，就黎睇下有咩好食佢有好多小食賣，最出名當然係燒賣，$10蚊5粒一串，比起普通燒賣係貴d，但睇番介紹每粒燒賣都有豬肉、魚肉、冬菇，聽落咁足料，就買左一碗（$20 十粒）同朋友share就咁睇都見到冬菇同豬肉，食落果然無令人失望，粒粒口感都好豐富，吾同一般燒賣用味精同麵粉整，係食到有豬肉同冬菇味！吾怪得咁多人排隊啦，係真心幾好食呀😆

元朗又新街好出名既小食店永遠都會有一條人龍🐉🐉🐉🐉🐉🐉主打係自家製既燒賣一粒入面有晒豬肉、魚肉、冬菇🍄🍄🍄今次貪心一點 叫左燒賣、陳皮魚蛋雙併！再加多一碗碗仔翅！燒賣好香好大粒，冬菇味好出！咬落彈口！陳皮魚蛋彈牙，好香陳皮味！碗仔翅就一般，正正常常！雖然人龍好長，但店員好快手，基本上等幾分鐘就買到！值得一試！👍🏻👍🏻👍🏻👍🏻

又新街老鋪—燒賣皇后，呢個係我好喜歡食的一個燒賣，除咗辣汁夠辣外，亦貪佢唔係全部溝粉，真係有冬姑同豬肉，但裝修後，就無乜豬肉咬口，多咗粉溝，只留下味道，所以扣咗分，但加埋佢個辣汁，一樣好好味！而且此鋪亦是串燒店鋪的其中一間始祖，有一定歷史，種類繁多，燒肉類、燒雞皮、燒蔬菜一應俱全，假日亦常見不乏人流，有一定水準，而且夠透明度，比你睇到晒點整。當然不會小了燒賣魚旦呢D常則小食，燒賣分魚肉及豬肉，魚旦係陳皮魚旦，亦有生菜魚肉同咖哩捞麵買。因為主力午市同夜晚，所以12：00後先好去，太早未必食到，大多數＄20先會有碗裝～

我媽咪成日都話呢間燒賣喺元朗最好食嘅燒賣，所以就決定帶我去試吓，然後我就試咗佢個冬菇燒賣。發現佢原來真係比其他燒賣好食。因為唔知普通喺百佳買嗰啲燒賣，而係真材實料咁樣整嘅燒賣。覺得好有口感，好味道！

禮拜日下晝通常都唔想出元朗市😑 因為好多慕名黎搵食🥢既朋友，又有拖喼自由行🙄 大馬路，又新街呢啲都迫到水洩不通😫😫 但今週日有事要辦，焗住都硬闖元朗食街🔥🔥之前熱排店幸福堂已不見人流，隔離妙舒反而大有長龍😮😮天氣轉涼，黎一串熱辣辣既蒸燒賣係一個good idea💖跟住人龍排咗陣，買咗一兜十粒燒賣🔥🔥黎食，第一件重要事，食唔到辣🌶️真係連小辣都唔好叫😁😁 櫃枱一邊係串燒野, 其實亦有燒燒賣🔥🔥接過熱到出晒蒸氣既燒賣後，坐左係舖頭前面一堆凳🥢明明叫小辣，兜燒賣面都係一大pat辣椒醬🙄 吉起一粒豬肉燒賣（係，講咗咁多廢話，先講佢係豬🐖，唔係魚🐟）辣油既香味隨蒸氣已經先過燒賣走入我口腔😁咬落去實淨唔會散，然後入面既豬肉肥油溶化左係燒賣皮入面💓 豬油加豬肉同埋辣椒油香一齊刺激味蕾，每一粒既燒賣同茶樓size差唔多，你會選擇一啖一粒？定一粒細細咀嚼？今次呢個人氣元朗美食其實真心抵，搵日時間充裕啲再食埋燒燒賣🧡🧡

同朋友突登入元朗整陶瓷，頭兩次都係去完工作室就走，第三次終於肯係附近搵下好野食，咁岩就比我搵到呢間本身己經幾出名既燒賣皇后😍去到個到見到成條小食街咁，頭間店就係佢，一黎見到咁多人就知佢一定唔會差得去邊！人雖然多，但係姐姐做野好快手，唔洗幾分鐘就己經到我地！中意辣又中意燒賣既我見到佢啲辣椒油就知一定好好食！果然食落去好有肉質，香菇味好鮮甜，再配埋辣真係翻唔到轉頭，本身同朋友諗住一碗share，但引唔住再買多一碗！本來打算整完陶瓷課程就唔再山長水遠黎元朗，但係佢既燒賣令人太難忘！一定會再番黎食！

唔記得已經第幾次食佢總之次次去元朗都會食反一兩串好過你食龍x的唔知咩粉燒賣讚豬肉香茹燒賣$10有5粒-係最出名可以話必食！-粒粒都食到豬肉絲同埋冬菇粒！-真材實料，其實都算賣得唔貴！改-成日都得兩個店員，一個係燒烤個邊，冇人唔會過去幫手賣燒賣出貨太慢，成日排好耐隊😭😭😭😭 -有辣唔辣豉油 ，叫辣成串燒賣會浸入辣椒豉油，食嘅時候有啲狼狽，一路食嘅時候啲豉油系咁滴....著白色衫就自己小心....推介有（10胃滿分）：7個胃

今日冇得BBQ, 但就因緣際會得以入元朗掃街😁。落車第一檔美食要試嘅就係呢檔燒賣皇后，我記得以前媽咪嚟探舅父時買過俾我食， 嗰時佢係買生嘅返屋企自己蒸嘅。今次我地係堂食， 應該更加原汁原味😁，更地道囉。燒賣嘅大細跟一般嘅差唔多， 但食落就好homemade feel😏。除左佢係主要用豬肉自制所以比較有質感之外，天特別嘅就係佢用左冬菇做配搭，所以燒賣特別香，而且仲咬到粒粒冬菇蓉添，非常真材實料😍👍。