元朗燒賣皇后妙舒

营业中

休息中

做得香港人都係鍾意食啲街頭小食，咩燒賣魚旦腸粉，而我最鍾意就係食燒賣啦，無論燒定炸還是蒸都好好食！個日係元朗做完yoga，經過又新街發覺日日都係咁多人，我想減肥架，都忍唔住入去行左個圈食左串燒賣皇后既冬菇豬肉燒賣，已經唔係食純魚肉啦，如果唔係做多多運動都無用。一串10蚊有5粒，價錢就唔係好平，不過醒在佢夠鮮甜同咬口，好香既冬菇味同鮮肉味。佢仲有得買一袋生既等你返屋企點煮都得，有時屋企燒野食可以買一袋返去食飽飽！

於元朗行街, 小食係不可或缺的, 元朗好多美佞街, 只見有一間美食特別多人, 排哂長龍, 心想呢間應該唔錯, 大家都似乎好捧埸, 最後決定一試小食到底有幾大魅力。掛左好耐, 終於輪到, 覺得好幸福! 10 蚊10粒, 感覺上好抵一望其實原來真係唔太抵, 實在太細粒, 每粒只有7仔魚旦的3分之1, 10粒好少。個人覺得7仔無論邊樣都比佢優秀。味道好辣, 一D 都唔香, 只有辣, 食完嘴唇好痛, 真係唔太好味, 我唔太喜歡呢間的魚旦, 唔明白點解咁多人排隊買, 有D失望。

星期日嘅中午 , 入左黎元朗搵食！當然要黎小食最集中嘅又新街啦！好多朋友同我講呢間 手作燒賣真係要試，甘就排隊買番串喇！ 星期日嘅下午三點幾左右， 現場所見好多人都買佢哋嘅咖哩出品, 排咗大概十分鐘左右終於輪到我哋啦！自家製 冬菇豬肉燒賣$10 有5粒燒賣比平時 的大粒， 食落 會有點肥肉同有汁，係幾好味，但又未去到 需要排隊的地步！

自從西鐵通車後，元朗區越嚟越多人，禮拜嘅大馬路同阜財街一帶直頭旺過旺角。人流亦都帶起咗唔少出名嘅餐廳，例如佳記甜品嘅B 仔涼粉同埋嘉樂冰廳嘅巨大火腿炒蛋。今日見到阜財街有間自稱『燒賣皇后』嘅店舖，啲燒賣話係自家製，仲賣到兩蚊一粒！叫咗一碗10粒燒賣，個樣比起一般魚肉燒賣大粒同深色。一入口，濃郁嘅冬菇味喺口腔爆發，比酒樓嘅燒賣更加惹味。餡料以豬肉同魚肉為主，感覺豬肉成份較多而且無咁肥，咬落去係有肉嘅纖維。加上秘製嘅豉油，食到唔停口呀！

今日放假冇咩做，就去到元朗周圍行吓，突然見到呢間鋪頭，見到好多人排隊，醒起呢間鋪頭買嘅燒賣好好食，好多報道都有推介，於是就即管試一試用$20買了10粒返嚟，見到係好熱辣辣，原來啲燒賣係冬菇豬肉燒賣，同平時食開嘅魚肉燒賣好唔同，咬落去好有肉味，食落仲食到啲冬菇粒添，食得出係自家製造唯一希望改善嘅就係啲燒賣黐埋一齊好難分開，一用力分開啲皮就爛，比較難一粒粒原整食。希望可以有多啲分店，唔使下下都入到黎元朗先食到

去到元朗食完晚飯，牙痕未夠飽就緊係掃下街！作為一個燒賣愛好者當然要幫襯下燒賣皇后啦！今次嗌左串冬菇豬肉燒賣食，大大粒好有誠意。由於本人好鍾意食冬菇，而佢又同啲豬肉餡十分夾，真係食過番尋味

叫得燒賣皇后就當然要食佢既招牌燒賣！佢既燒賣係全部自製，用豬肉冬菇做材料，粒粒都大大粒，仲好足料！冬菇夠香豬肉夠口感，遠勝過出面好多既魚肉燒賣~~由於仲諗住掃街食其他野，所以今次食住一串五粒先，其實唔係好夠喉架，但咁先令人回味見到除左燒賣之外，仲有其他串燒賣，但招牌當然都係燒賣！由於隔離開左幸福堂珍奶，條街多左好多人流，但還好都唔洗等好耐~下次要食一碗10粒既豬肉冬菇燒賣先夠開心，哈哈！冬天食應該好暖笠笠

朋友話呢間燒賣好好食, 係元朗名物, 起初以為都係小食店啫? 🤷🏻‍♀️ 點知一試之下, 簡直令人驚豔! 😍 $10/5粒大大粒, 好難得佢啲燒賣係用瘦肉而唔係肥豬肉, 仲有香噴噴嘅冬菇粒, 加上甜豉油, 真係一試難忘! 😋 食過返番尋味, 馬上返轉頭諗住試埋佢啲串燒, 可惜牛舌已宣告沽清, 於是就食串燒燒賣, 串燒燒賣其實冇蒸燒賣咁好食, 但勝在個沙嗲汁香濃又惹味, 而且燒賣皮燒到脆卜卜, 真係未食過咁好食嘅燒賣!!! 😭😭😭另外, 上網見到唔少人話佢啲阿姐黑面, 講真做到冇停手喎, 黑面都好正常啦! 而且街頭小食, $10/5粒仲想要求有咩service呢😅😅😅🙆Follow my ig: 👉@ck_mouse👈for more🙆

收夜收工肚餓黎串燒賣🤤🤤🤤又新街轉角位，招版黎遠都見到👍🏻👍🏻👍🏻日日都排長龍買串邊行邊食👍👍👍好野味！每粒燒賣大大粒，內有粒粒冬菇粒燒賣配料的豬肉和魚肉由自家預備單看外表已經覺得比一般街頭燒賣大粒好多！咬落口好香豬肉味，魚肉味道則不太能試得出來，但黏稠感覺和魚肉頗為相似！加上香口冬菇粒！豬肉魚肉冬菇樣樣齊嘅燒賣！ 勁香又紮實，正正🤤🤤🤤 燒賣上的辣油夠香，味道香辣惹味。👍🏻👍🏻👍🏻

朋友帶我試元朗小食，呢間小店位於元朗西鐵站附近，而且對面就係依家好hit既東喜茶，好方便。# 冬菇豬肉燒賣 # ******** 黎呢度唔洗講一定食燒賣! 10蚊1串5粒 我地2個人share 20蚊一碗 10粒燒賣，大大粒，係大大粒! 燒賣既豬肉有咬口而嫩滑，唔似大部份酒樓既豬肉燒賣會硬bang bang好實果隻。入面釀左冬菇，有啖啖既冬菇香味。點埋佢啲甜鼓油同少少辣椒油，好味到極點!食完我忍唔住同我朋友講要食多一碗。。。。Yeah 滿足，就係咁簡單。一碗有誠意既自家製燒賣。😋😋😋😋😋😋😋😋😋😋

皇后冬菇豬肉燒賣左：燒燒賣。右：蒸燒賣燒燒賣比較香口，落咗沙爹汁， 個皮就冇想像中咁脆口， 不過都ok。蒸燒賣就味道濃郁啲，食落都幾實我個人喜歡食蒸燒賣多啲😂🤣🤣

不直都知元朗有間人氣超勁的燒賣皇逅，不過每次做Facial經過都無無食的衝動⋯⋯直至有次係附近等朋友，望住燒賣皇后先醒起仲未試過。10蚊5粒一串、20蚊10粒一碗皇后冬菇豬肉燒賣⋯⋯比平時食的魚肉燒賣貴只係少少，不過呢到就用了豬肉及冬菇整燒賣。大家可以跟據自己的口味，揀返唔辣、小辣或新辣。食落豬肉餡料食落幾彈牙，香菇味都幾香，難怪咁多人話好食啦！

呢間所謂名店真係令我忍唔住第一次寫食評!阿姐收完2串燒賣嘅錢，我同男友就企埋一邊等燒。5分鐘左右，阿姐就叫我埋去拎，仲問埋要唔要辣。聽聞辣汁好香好惹味，就梗係要辣啦！點知拎到手一睇，得一串嘅？即時問阿姐：係咪俾錯？我啱啱係俾廿蚊買2串喎。阿姐就即刻開火，態度勁差鬧：小姐，我係叫1串呀，你2串未得呀唔係叫你。頓時反應唔切，冇出聲俾返個袋1串燒賣佢。心諗我做錯咩事？又唔係乞又唔係R你優惠，使唔使咁嘅態度？自問由落單果下已經唔該前唔該後，俾錢又爽手😤仲有係你望實我叫我埋去仲問要唔要辣架喎，等下等下,成10分鐘先又聽到佢叫：2串燒賣!望左幾眼確定真係我先敢行去拎。一由袋拎出黎睇，嘩!黑到我以為2串燒賣跌左落爐再入袋呀！都算，好食就得，硬住頭皮試下啦!食落口，熱辣辣，外皮硬到扔死狗呀! 傳說中好香辣嘅辣汁只得個辣字，又唔香又唔麻，就好似夾硬塞隻辣椒入口咁! 連鐘意辣嘅男友都頂唔順，一人食左一粒就扔左! 廿蚊當跌左!永無下次!!!奉勸大家未食過想特登入元朗食嘅，慳返車錢，唔好去，貼錢買難受

元朗燒賣皇后妙舒燒賣系香港可以話到處都有🐾但好吃的燒賣真的可以講屈指一數👐呢間燒賣系用豬肉 魚肉和香菇放咪一齊做成的😽咬下去會覺得佢地組合到好格😋而且放入香菇比平時只系魚肉ge燒賣更加香口💋加上價钱都系10蚊5粒 好抵食啊啊啊啊啊啊啊啊啊啊🙋有機會入元朗值得一试👍Siu Mai can be seen everywhere in Hong Kong since it is a typical and a local icon of Hong Kong street food.Even Siu Mais are common here, it is difficult to find a restaurant or store that sells the best Siu Mai.Among all the other shops, this one mixes port, fish meat and mushroom to make a Siu Mai.When you have a bite , you immediately feel the rich ingredients a

下午茶的時間，便經過了這間燒賣皇后，聽聞元朗的街坊都讚賞！所以便嘗試一下！這間店舖除了燒賣外，還有其他串燒，魚蛋等！最出色當然是皇后燒賣，燒賣分兩類，一種是燒，一種是蒸！蒸的味道十分突出燒賣是自家製，與別不同，配上甜豉油和辣椒油更為燒賣配上完美的句號！皮簿餡靚，燒賣來的材料絕不輕手！燒的燒賣味道便沒有特別出色，但是大辣的沙嗲醬，已經深深吸引着不同食客。沙嗲醬不會用水來弄到淡味！所以食燒燒賣的朋友一定要嘗試這個沙嗲醬！