元朗新記 (吳松街)

营业中

休息中

元朗人相信應該好熟新記，最出名雞粥，依家開分店開到出嚟九龍一於試試佢，睇吓係咪一樣keep到水準！⭐️海蜇手撕雞海蜇爽口，手㯕雞非常入味，肉質嫩滑，醬汁少少酸勁開胃⭐️蜆介鯪魚球一碟有6粒，而且粒粒都好大，外面炸得金黃，內裡鯪魚肉彈牙，零碎骨，配埋蜆介，加添咸香味，十分惹味!⭐️脆皮乳鴿皮脆肉嫩，juicy，細細隻但係其實啖啖肉，有埋椒鹽更加惹味⭐️海鮮粥即叫即滾，入口超夠熱度，粥底香滑又夠綿，而且海鮮都估佢唔到咁多，有蝦蟹帶子等等，海鮮味令粥更加提升。

經外賣app嗌左個艇仔粥，蝦米腸艇仔粥冇餸既，好似粥水，水魷搵成碗得2條，仲要幼過牙簽，又淡冇味重點係！ ！ ！ d豬皮有毛㗎！ 咩玩法食到成肚火，好反胃蝦米腸點解會酸既？ 有冇人話我知點樣做到外面熟左，入面仲半生半熟好似米糊咁Black list!!!真心好嬲呀 唔明點解咁多好評，本身仲有d期待大家睇我d相就知未食過酸既腸粉我要打夠200字俾埋差評，，如果大家都食到哩間野好難食既都一齊打差評等佢仲買好評買咁多好評

今日同屋企人出左去行街，去到佐敦，就順便係附近搵埋野食。屋企有老人家，婆婆就話好想食粥，所有我地就搵左間有粥食既餐廳。🍲田雞粥(+黃鱔) - $60 ($48+12)粥夠曬綿，一D都吾稀，調味夠。熱立立的粥，食落真係好暖胃，田雞同黃鱔鮮甜。🥢XO醬炒蘿蔔糕 - $49好惹味的蘿蔔糕，一口一小件。個XO醬又吾會太辣，偏少少甜，用黎送粥都不錯。🥚韭黃蝦仁炒蛋 - $68厚蛋，夠滑。🐟清蒸盲鰽 - $54依個價錢食條魚真係好抵!

去左佐郭做野，今晚屋企又冇飯食，食自已。所有就簡簡單單搵左間餐廳食，同埋同事一齊叫左幾個菜。有咸魚雞粒炒飯，椒絲腐乳通菜，脆皮燒乳鴿，每人一杯豆漿。有菜有肉有炒飯，都係幾滿足既一餐晚飯。餐廳都幾大幾舒適，侍應有禮貌。咸魚雞粒炒飯炒飯粒粒都係程金黃色，每啖飯都食到雞粒，咸魚係用馬友，真係有心思既炒飯。椒絲腐乳炒通菜腐乳味濃，送飯食會好啲。脆皮燒乳鴿真係好脆，又吾會好咸，肉吾韌，好香口。豆漿口味偏甜，豆味都幾濃。

住開新界嘅人都知道新記喺元朗幾出名元朗嗰間都幾有懷舊風味，見到佢新開張喺佐敦諗住去幫襯下，水準應該唔差啦！水準一如以往都係幾好，但係夥計態度唔係咁好中午時段約莫12點左右，一入到去仲有三至四張四人枱都係吉既，我地兩個人唔想坐到咁迫想坐得舒服啲，不過個夥計好似喝狗咁坐嗰邊啦！有種俾人凶嘅感覺。咁我哋得兩個人唯有坐嗰邊啦，唔知以為真係好旺。到我食完嘅時候原本想坐嗰張枱仍然都係吉既如果你好旺，完全明白了解嘅！都唔想阻人搵食，但係你仲有三四張枱吉，有冇必要人哋坐到咁迫呢？我諗食埋呢次應該唔會有下一次雖然嘢食幾好味，但係佐敦咁多餐廳，大把選擇啦！況且價錢又唔係特別平，一落單嘅時候叫咗要走飯凍檸茶要走甜，結果嚟到飯有冇走，凍檸茶有冇走甜

新記雞粥係元朗老字號之前周不時都會入元朗食，早前係九龍區開左分店，方便好多。今晚抽個時間約埋好友試下分店水準。佐敦分店生意唔錯，平日晚市都接近坐滿人。而且店舖環境企理，卡位坐得舒服。價錢亦都好貼地，屬比較親民路線。貴妃雞豬潤粥咸香雞件啖啖肉，嫩滑又鮮甜，夠哂入味，豬膶好新鮮，粥底夠綿滑～落足料，一人都分到兩碗。海鮮粥海鮮粥同樣出色，配料有帶子、蝦、蟹、魚肉，材料好豐富，海鮮充滿鮮味，粥底更為鮮甜！蜆介鯪魚球超大粒鯪魚球金黃香脆，炸至漲卜卜，賣相勁吸引！口感彈牙，帶魚鮮味，啖啖鯪魚肉，好滿足！配以蜆介汁，鮮味更為突出。脆皮乳鴿大大隻乳鴿皮脆肉香勁juicy！肉質夠嫩滑，點准鹽提升味道層次！蔥花蝦米腸粉腸粉質地彈滑，口感軟腍，每一口都混有鹹香蝦米及蔥花，配以蔥花的腸粉就更為清新～

繁華佐敦吳松街最近開了一間粥店， 看看門口的菜單 ,形容是一間中菜廳更適合呢！雖然已經是下午兩點，但座無虛席 .這時段選擇也頗多的，午餐下午茶或散叫小菜都有供應，馳名粥店 我和朋友也決定叫了一個馳名海鮮粥試試，另外也點了一個午餐 豬手飯， 當然還要試試乳鴿 和炒蘿蔔糕馳名海鮮粥 用上成本較高的 蟹和大蝦，還有數片厚厚帶子呢！ 粥底綿滑， 清清地配上海鮮， 完美南乳豬手飯切件另上，十分淋，豬皮部份入口即溶，醬味濃郁脆皮燒乳鴿嘩！ 燈一聲，沒想過小小食店竟可炮製出那麼出色的乳鴿，皮脆肉嫩、色澤红亮、鲜香味美。乳鴿的體積還較平常吃的大呢！xo醬炒蘿蔔糕xo醬配上青椒和紅椒還有一些洋蔥絲來炒蘿蔔糕，外脆內軟，非常值得試一味小食

同同事中午出街食飯，經過呢間餐廳，見到佢同普通茶餐廳唔一樣，唔單止有小菜，仲有粥食，而且環境有企理，就入左去食午餐。呢度既選擇好多，而且價錢又唔貴，肚餓既我地就盡情點菜啦！黎到呢度當然要點佢馳名既貴妃雞粥啦，呢碗粥煲到好綿滑，而且貴妃雞煮到好嫩滑，正啊！我地仲點左個小菜-涼瓜炒蛋，呢個係我食過最好味既涼瓜炒蛋啊，佢既炒蛋超嫩滑，而且涼瓜亦都唔苦！我地仲點左幾樣招牌小菜，包括香脆炸大腸、蜆介鯪魚球同埋涼拌皮蛋。我就最愛呢個炸大腸，佢口感彈牙而且味道香脆，好惹味！

今晚老婆約左d fd 食飯，我又唔想食自己，咁就約左個係附近佐敦番工既老死一齊食個飯吹下水，又再去我好中意食既新記雞粥食，不過呢間係叫元朗新記，呢附近好多酒店，所以都好多遊客黎食。我地叫左個好出名又大隻又多肉既燒乳鴿，好小有咁大隻，同埋個皮即炸真係好脆黎到緊係一定要食粥，叫左個蠔仔雞粥，d蠔都幾大隻，雞就好入味好滑，所以又係必點再食埋個海蜇燻腣同埋個豉油皇炒麵，真心唔貴可以成日食，最好就係多d人啦因為好多野都想試😂

呢間粥店係新開既關係非常乾淨衛生的感覺而且位置都好近地鐵站非常方便 及弟粥首先就要叫一碗什麼都有的及弟粥我覺得呢度好既地方係可以自行再加材料岩哂我呢D心大心細既食客我就加左瑤柱成個粥即刻勁香又入味!!食材完全係可以用豐富來形容!! 脆皮乳鴿同友人SHARE左黎食原來都幾大份, 一隻既乳鴿可以分上下庄一共四份超香口建議大家一到就好食因為凍左個味道同口感都會變差架!! 豬潤牛肉烏冬呢個烏冬係咸食黎, 用來餸粥吃一流!!豬潤夠爽口, 而牛肉就一點也不硬, 很嫩滑!!

這間裝修簡潔的元朗新記雞粥，除了有出名的貴妃雞粥外，亦有很多招牌小食，粥粉麵飯可選擇。當然即叫即煮的貴妃雞粥是必點之一，這裡的貴妃雞用了三十多款藥材浸成的，所以食落除了肉嫩之外，還有一陣藥材香，粥底稠身錦滑，還滲著米香及雞油香，上枱熱辣辣的，份量足夠兩個人，還可以加錢加配料，配料由$6 到$15 不等，我就加$9要了鯪魚球。有粥當然要有腸粉，點了叉燒腸，是即叫即拉，新鮮熱辣，叉燒粒餡料很足，腸粉做得透薄。另外點了紅燒乳鴨，侍應介紹他們的乳鴨會先浸滷水，後浸冰水，再風乾再炸，所以皮脆肉嫩，食落啖啖肉，再配上少許淮鹽，更正。蒜泥汁脆皮豆腐，賣相普通，但炸得脆卜卜。蒜蓉炒菜心，炒得脆綠爽口。

乳鴿癮又起，去左較順路嘅呢間分店。入到去裝修燈光同旺角店大致一樣，而食物質素一樣係好唔錯！🔆即叫紅燒元朗脆皮乳鴿$59，新鮮燒嘅乳鴿係唔同d，間間分店都一樣咁香口惹味😋，皮香肉嫩，唔食乳鴿真係米話自己黎過！🔆第一次食呢度嘅酥炸魷魚鬚🦑，$49價錢我對佢期望係幾高，而事實上我發現佢嘅香口惹味程度同乳鴿係過之而無不及，沾d喼汁令人食唔停口～🔆搬左出黎住之後，好少有得飲滋補湯水♥️，杞子枸杞豬膶湯$49，唔貴，2人多嘅份量，豬膶粉嫩爽口，一d膻味都無，湯頭仲好好味，抵食！🔆雖然咸魚雞粒炒飯$50嘅咸魚唔夠香，但做到飯粒分明，均勻好味都好考功夫。🔆街坊價錢位置就腳，食個椒絲腐乳炒通菜都係$42，飲杯豆漿冷熱都係$9，無加一，今時今日都算良心價。✔️

After I have finished my soccer game at Kowloon Park, I decided to have my dinner. I decided to have porridge at 元朗新記, couple of minutes walk from Jordan MTR.Even though they specialized in porridge, they offered noodles, rice and drinks etc. For their porridge, they have several items to add into, such as chicken, pork, beef and fish etc. 7-up with longan drink - It was gassy and refreshing. Longan was huge in size, juicy and chewy. Fried chicken wings - It was fried till the skin was crispy, a

好耐冇寫食評, 因為忙得滯。而且我發覺寫食評嘅意義其實已經唔係好大, 眼見好多餐廳都係畀錢人寫食評, 但本身嘅食物都係好差。作為一個有良心嘅平民食家, 間唔中寫一兩天有良心嘅食評。呢間嘢好似喺佐敦開咗幾個月, 佢一價錢幾公道, 早就想試下。週末下午一條冷, 食個老廢青下午茶餐。難得佢仲有豬膶麵食( 好多地方都暫停咗), 叫咗個下午茶餐: 薑絲豬膶公仔麵、炒蛋、多士、熱奶茶。廢話唔多講, 簡短地介紹: 薑絲豬膶公仔麵好味, 如果再多少少薑絲就好啦。炒蛋夠滑夠香; 多士係上檯自己搽牛油, 好味! 奶茶都唔錯。$39👍 嚟講, 性價比好高。服務唔錯。

在九龍公園做完運動，沿路經佐敦吳松街123號地舖，被門前的食物圖片吸引，價錢合理。見餐廳坐滿九成食客，心想應該不錯。原來餐廳新開張，裝修優雅又明亮，座位舒適，我們點左蠔仔雞粥$63，頗多料，雞肉嫩滑，粥底棉滑，很好味超正。紅燒脆皮乳鴿$59，皮脆肉香夠入味，鴿肉質嫩滑有肉汁，沾些准鹽就更惹味，極不錯👍。豬潤腸粉$23，鮮豬潤很滑，布拉腸粉好有質感。淨鮮蝦雲吞$38，大大粒皮薄餡多，很好。鰻魚雞粥$63，也很香滑鮮甜。這店服務員貼心有禮，我們吃飽遞上杯水。這餐我們都很滿意，會回頭再吃其他食物。