元朗新記 (吳松街)

营业中

休息中

在抗疫下的香港變得寂靜無聲。理應盡量留在家中,但無奈工作在身下亦要外出奮鬥。是日午餐嚐試走到平時人流滿滿的吳松街,試下元朗馳名的新記雞粥。新記最出名是其貴妃雞粥。選用年輕母雞,即叫即滾。新記所有粥品都會用上小鍋送上,又名''鍋仔粥''粥身錦密,沒有用上味精只有淡淡的雞香。而貴妃雞則以鹽焗製作,剛好補及無味精的粥底。雞身皮薄嫩滑,連胸位亦完全不嚡口蜆蚧鯪魚球-價錢雖然和正餐粥品相同,但只能說物超所值!每客蜆蚧鯪魚球亦有六粒大大粒,每粒鯪魚球炸至金黃色。鯪魚肉多汁彈牙,再點埋個蜆蚧醬增加其鹹鮮味,好正!!蛋白杏仁茶-潤肺美顏夠稀身,但回想只需$19亦有原隻蛋白。抗炎唔單止戴口罩或者唔出街。比身體吸收足夠營養都好重要!!加油香港人!!

Lunch同朋友去咗新記粥店食，一個lunch set大約五十幾蚊，夠飽肚，經濟實惠。好耐冇食粥想食下粥，我叫咗蠔仔粥配炸兩，飲龍眼冰。朋友就叫咗貴妃雞，加九蚊要雞髀，飲凍阿華田。另外再叫咗餐廳馳名嘅燒乳鴿同海蜇手撕雞。蠔仔粥好足料，有好多蠔仔，而且粥底夠綿，美味。試咗朋友嘅貴妃雞，雞髀肉質好嫩滑，果然係招牌菜。海蜇手撕雞的海蜇嘅比例多得滯，如果可以多番少少手撕雞，會更加好食。乳鴿真係唔錯，朋友食到舐舐脷，話皮脆肉滑，燒得好香。

環境分面：整潔落單員工：落緊單，同其他員工傾計，要等一陣先再繼續落單，落單既慢，講完又唔記得，又問，不過好彩都算有禮貌，唔算差！飲品質素：凍檸茶，相對其他餐廳，係有水準，幾好，如果100分滿分，有90分或以上！食物質素：蠔仔粥，蠔仔數量非常少，極少，薑絲就多到嚇人，粥底棉唔棉就一般，但肯定係很淡！蝦腸，好攻喉，但肉質很爽，可能係為咗爽，唔知落咗啲乜嘢落去，攻喉攻到食唔到，腸粉質地又過厚，還有地方未清理好！四寶飯，叉燒味道唔似叉燒味道！揚州炒飯，明明係午餐，份量似下午茶份量！總括：人生食過最不知所謂嘅餐廳⋯頭五位，奉勸一句，唔好浪費食物！

元朗馳名嘅新記雞粥，係佐敦都開左分店喇。今日黎同朋友食個晚餐。呢度服務好有質素，態度友善，而且侍應用電子儀器落單都幾先進架。雖然係茶記裝修，但環境亦夠乾淨整潔。貴妃雞粥 $52黎到點可以唔點呢個鎮店之寶。雞粥果然好絲滑，雞量亦唔少，有雞髀亦有雞翼。唔會好油膩。份量大概四五碗。海蜇薰蹄 $52薰蹄就唔多，海蜇就有好多，好爽口，配啲酸酸甜甜嘅醬食超正。郊外油菜 $31係菜心，我地揀左豉油配，夠曬清。豉汁蒸倉魚 $59呢個需要等20分鐘，食住等就啱啱好啦。條魚好大條，肉質都好嫩啊。豆漿 $9朋友呢杯豆漿，唔會好甜。熱檸水 $16我呢杯熱檸水，補充下維他命C。呢度都幾受外籍人士歡迎架，連續有兩枱金髮美男坐我地隔離啊。

佐敦多野食就係人都知，今晚誤打誤撞入左間餐廳，原來之前係旺角食過間分店架！新記雞粥，今次試一試佢嘅蟹粥先，蟹粥隻肉蟹有d膏架，如果煲耐少少，等海鮮味溶入粥就更鮮！食粥唔可以唔配炸兩，新記炸兩無蔥實在太好，包住油炸鬼嘅腸粉好滑，正。今次再encore炸大腸，而家街外一串大腸閒閒地都十零廿蚊，49蚊一碟香脆炸大腸大大碟，肥瘦夾雜，我鐘意食瘦嘅，男友鐘意肥嘅，一碟大滿足好滿意呀！再叫左條豉汁蔡䱽魚同椒絲腐乳通菜，䱽魚大大條啖啖肉，怕有骨嘅我都食得好滋味，通菜就夠晒腐乳味，送飯就一流！兩個人二百零蚊，非常住家飯！

新記雞粥 (佐敦)行開見到又一元朗明物走出新界，係時候要試試。餐牌內的食物品種好多雞粥嚟都新記就梗係要試下佢最出名嘅雞粥啦！雞粥嘅份量都係一人份，個粥上枱嘅時候就已經聞到香味，雞粥亦都煮得非常之綿！ 最後梗係試埋入面啲雞啦~，估唔到啲雞竟然保持到新鮮嘅感覺， 一啲都唔鞋仲要係彈牙，一定係走地雞雞粥果然係冇得彈，雞夠嫩滑，粥底又綿又惹味，有雞嘅鮮美，忍唔住大啖大啖咁樣食。炸兩炸兩都做得幾好個皮都做得好薄油炸鬼都叫脆口。炸兩裡面個油炸鬼都係脆身因為係即叫即炸，值得一讚行開一定要再食！！無錯

新記好波昨天與友行街，行到，想吃粥做午餐！我們選了佐敦新記雞粥！我叫了贵妃煲仔雞粥，粥底綿綿夠火路，雞咸咸地好味，份量也不少，此是主角果然好啊，美味！友要田雞黃鳝粥，黄鳝大大件食材新鲜，此與粥混在一起！友讚，不到一陣他已匆匆把一煲粥清了！鲜蝦腸粉，晶盈粉薄，蝦大大隻，蝦又爽脆，我們同說好腸粉，那，當然笑著(搶)腸粉来吃，老友鬼鬼，食得開心便是，也叫了海哲生腸，小食两爽味是啱好，加上芝麻，不錯呀！七喜話梅柑桔冰，是甘甘咸咸甜甜，此凍飲入口好舒服，也潤喉，我非常欣赏！！！！店员招呼也好，細心介紹，在此吃了一個開心午餐，我們都說好啊！

出名雞粥， 最啱叫貴妃雞。雞粥 51hkd鹽焗雞雞煲粥，完全沒有任何其他調味料，只有雞塊，由鹽焗製，唔會太咸，雞塊煲成既雞煮得軟綿綿，夠熱，好食。杞子枸杞豬潤湯 49hkd豬膶大大片，厚切，分量多，配搭豬潤湯健康常見配搭之枸杞葉，滲入湯之中增加咗口感，湯亦無加入太多調味料， 非常健康，3人份量都夠分。xo醬叉燒炒蛋飯56 HKd將蛋和叉燒炒埋一碟大廚非常高手可以將蛋煎得金香， 內裡保持蛋漿，自問家居火氣做唔到呢個效果。推介推介。海蜇手撕雞 49 hkd新潮配搭，食開都係手撕雞配青瓜既冷盤， 分量ok多。七喜話梅柑桔冰22hkd一大粒話梅鹹鹹地連七喜飲， 夠冰鎮。泰式青檸冰22hkd好飲，推介給愛食泰式飲品嘅朋友， 獨特嘅味道， 好得意。

佐敦街頭見到「元朗新記」茶餐廳，上前望左下餐牌，原來招牌系雞粥，中午時間，午餐選擇好多，所以都系炒小菜食炒飯。豉汁蒸倉魚，大大條魚勁抵食，豆豉醬系蒸魚之寶味道超好，魚肉質嫩滑結實，豉汁蒸好入味。例牌叉燒，要求瘦叉，又真係比到全瘦，肉質鬆軟，蜜汁入味。涼瓜炒蛋，份量滿足，蛋味好香，涼瓜清新爽口唔苦澀，送飯一流。揚州炒飯，夠鑊氣，米粒爽口，不油膩，蝦仁好大粒，抵食。綠色果杯系七喜龍眼冰，右邊系凍檸茶，解渴爽口。

咁岩係附近行完街想搵間有粥食但又冇咁單調既餐廳，就見到呢間，店舖外裝修得幾靚，好在唔洗排隊都食到，因為都幾肚餓下🤣黎呢度梗係要食下佢既招牌菜貴妃雞粥啦～嘩，估唔到又幾大碗，對於女仔黎講兩個人都夠食呀🥰仲好抵食添，入面既雞量十足，一件件咁煮，唔係用雞絲😋😋😋見到有雲吞麵又叫左碗～有5粒鮮蝦雲吞😍😍皮薄又滑，麵身都幾爽口，湯底有大地魚味，唔錯🥰之後就係我最鐘意食既脆皮乳鴿😍好大隻呀，肉質唔乾，皮又好脆，味道岩岩好～仲有炸大腸，份量都好多，炸到外皮香脆，入面又爽口👍🏻呢間餐廳單點每件食品都好抵食，真係岩晒精打細算既你～

冬天來了 想吃一點暖的東西吃一碗粥就最好不過了和朋友來到這間出名吃雞粥的店舖價錢亦都很相宜就叫了以下東西一起吃 小吃海蜇燻蹄 $49海蜇爽口加入了特色醬汁 有小小辣 打開了味蕾海鮮粥 $69 另外加了皮蛋和貴妃雞海鮮粥材料豐富有蟹蝦帶子等等 粥底綿滑好吃貴妃雞很有鮮味 值得一試！韭黃蝦仁炒蛋配飯 $79小菜也很大碟 蝦仁落得夠多 非常好送飯！叫小菜同時可以加$5要特色飲品就叫了一杯五花茶 大大杯清涼好喝這兒非常適合兩人來個簡餐 ，性價比甚高！

呢間粥店聽個名以為係食粥為主，但原來店舖內仲有好多唔同款食物雖然最出名都應該係雞粥聞名但我見佢個menu 都好厚，仲好多小食，簡直就係粥粉麵飯樣樣齊🧐你麵咪話唔晒利！首先當然係要試下佢地既雞粥，招牌貴妃雞粥🥰好多雞肉，舊舊都咁大件，粥底淆到好棉，食落有好香既雞肉味😋重點係好大碗，又唔貴！之後叫左佢地既脆皮乳鴿😍一隻4件，啖啖肉，皮真係好脆，最鐘意食腿果部份，因為肉最嫩～😛😛呢個秘製雞中翼望落都幾吸引所以都叫左黎試下，一碟5隻都係28$，真係幾抵食！外皮係炸到脆卜卜，幾好食。海蜇手撕雞，呢個配搭都幾特別，第一次咁食，但估唔到又幾好食😋 辣辣地又甜甜地，好似有麻醬，海蜇幾脆口，唔錯。呢間店舖地理位置都算方便，係佐敦行完街可以順便食下～想食得清淡又得，想食小菜類都得～

元朗新記雞粥出哂名，而家九龍區都開左分店，可以食到啦貴妃雞粥 $51來到當然食返個馳名雞粥先啦! 貴妃雞肉夠嫩滑，雞味突出而入味，而粥底好滑好綿，粥底吸曬雞的油香味，好正👍🏻生菜鯪魚球粥 $32生滾粥熱辣辣，鯪魚球大大粒有咬口🤤難怪新記嘅粥咁出名啦牛肉腸粉 $23食粥點少得腸粉呢，腸粉和牛肉都很滑，而且牛肉份量多，不錯海蜤燻蹄 $49質素可媲美酒樓，海蜤爽彈，加左麻油和少少香醋，味道更醒胃。燻蹄厚切，很有口感。加上蒜泥醋，十分惹味的小食! 椒絲腐乳炒通菜 $42菜嫩口而不老，火候適中，充滿腐乳味，味道唔錯七喜話梅柑桔冰 $22十分解渴!充滿話梅和柑桔，酸酸甜甜，味道清新菊花蜜 $14唔太甜，夠哂滋潤

This is actually my second time coming to the restaurant, the first one being their Mongkok shop. Luckily, the recently opened a new one near Tsim Sha Tsui too! We didn’t have their pigeon last time so decided the give it a try this time. We ordered a few signature dishes that we didn’t order last time too. first being their signature fish balls, big pieces and also big portion. This has to dip into the sauce they provided. Delicious and filling. second dish, we ordered a snack which was chicken

Congee is my winter comfort food and I tried this seafood congee and their famous princess chicken here. The congee is very soft and silky and the chicken was full of flavour and tender. These two were my favourite! I always had the stir fry vegetables and Thai chicken feet and they were good too!!! Great location - just few minutes walk from Jordan station.