元朗新記 (吳松街)

营业中

休息中

今晚行經呢間新記粥店好似好吸引咁，就同朋友入去試試!一到當然食返個雞粥先啦，貴妃雞粥可以加配好多唔同材料但我做揀咗最傳統既雞粥。雞味好突出而且入味，加上有雞油所以令到碗粥都好夠味，唔使其他調味料都入哂味。雞肉都係大大舊而冇咩骨，果然真係招牌菜! 另外朋友叫咗碎牛皮蛋粥，碎牛基本上成碗都係再加埋搞碎咗既皮蛋，味都夠濃同埋好綿，皮蛋仲有少少糖心添!另一合朋友就食飯，叫咗粟米魚塊。真係拍得住大排檔既鑊氣，粟米汁杰得黎又好濃味而且粟米粒係脆既! 魚塊炸完再加埋個汁食真係一流，我地都忍唔住夾咗幾舊食! 跟餐仲有五花茶，自己煲既夠哂火喉又清熱!我地再叫咗蔥花炸兩腸，油炸鬼仲係脆卜卜既，我地都食得勁快同滿意，因為都好少食到炸兩個油炸鬼仲係熱同脆!另外仲有脆皮炸大腸，呢個真係冇得輸。大膠夠肥而且炸到表皮脆卜卜，腸入面又乾淨而味道勁突出，配合埋店舖自家制既甜酸醬真係超滿足!

今日經過佐敦又見到🐔🐔雞粥🤩招牌係元朗新記...諗都冇諗入左去😋😋😋餐廳都多座位，唔洗等好耐就有位...環境舒適仲有梳化卡位添！新記雞粥係必食！為食嘅我食一窩雞粥係唔夠㗎！兩個人仲叫咗：新記田雞粥：田雞唔係周圍有得食，仲要新鮮又大隻，滾完個粥啲肉仲好嫩滑😋韭黃蝦仁炒蛋：炒蛋生熟度恰到好處，蝦仁一啲都唔細隻㗎⋯⋯份量十足！杞子枸杞豬潤湯：用原粒大杞子，加厚切豬潤，姜片滾一滾，滋補下好正啊❤️

好凍呢，特別想食返碗熱騰騰的生滾粥。泥鯭豬潤粥 $54一大鍋，兩人分享都好夠。滾熱辣，上枱已經聞到好香泥鯭味。尋寶先，都好多豬膶，大片厚切。咬一口感覺香軟滑，關鍵是豬膶要夠新鮮，而且需要緊緊熟。呢個就係食生滾粥最正的地方，火候控制很好唔好，很視乎師傅的經驗。泥鯭是大條的，可惜得半條，少少失望。不過條魚真的幾鮮味，用來煮粥真係好甜好香，連魚汁都食埋，原汁原味。粥底好滑好綿，重加左少少果皮吊吓味。而且鍋夠熱，可以長時間 keep 住温度，欣賞佢。豉油皇乳鴿 $59豉油皇甜甜地，乳鴿好入味。暖暖地的乳鴿，冬天食又特別滋味，用來配粥真心不錯。椒絲腐乳炒通菜 $42都算大碟，菜嫩口。唯獨炒得略為濕左少少，個人偏好香囗濃味野。蒜泥汁脆皮豆腐 $32炸到熱辣辣，外表脆卜卜，內裡又軟綿綿。有臭豆腐的質感，不過是唔臭的，仲幾香豆味。附上特製豆醬，甜甜咸咸幾滋味。不過其實唔點醬都已經好好味架。熱奶茶夠香濃的港式奶茶，有水準

孝順女系列天氣凍 我爸爸最鍾意食粥 佢話又暖 胃又舒服今日兩父女嚟到佐敦 行過啲間光猛粥鋪元朗新記 應該係元朗傳入黎？！就入去試一試餐廳內好明顯係新裝修 整齊乾淨枱與枱之間位置足夠 打開menu望一望原來好多平時粥舖無既食物 感覺好多元化雞粥個人覺得啲個必叫 生滾粥 先唔講佢粥底綿 因為我覺得對於粥鋪黎講 粥綿是必須的 至於雞肉滑 而且雞味濃 讚 大約兩碗粥 份量好夠豉油王炒麵面質唔會過分淋 著色均勻 味道適中 不會過鹹 適合配粥之餘 亦適合爸爸胃口五花茶兩杯 下下火 味道正常椒絲腐乳炒通菜分量足夠二人食 充滿腐乳味道 新鮮抄起 熱辣辣乳鴿 由於太耐冇食 即管叫一隻試一試 上枱時已經一開四 外層脆 內層肉質嫩滑 咬開每淡肉 都係juicy 真的雖然只係平啖一餐 但對於忙碌日子裹 可以話係好難得了各位上班族 有無同感呢？

琴日行開某大公司周年減價之後，想係佐敦搵啲野食。天氣凍凍地，又想食粥。上openrice就搵到呢間元朗新記，招牌有貴妃雞粥，就一於去試下！行到門口，招牌好光猛，乾乾淨淨，就入去左去。睇左個餐牌，見佢都好多選擇，小菜，前菜，粥，炒野都有。我地兩個都有啲餓，就揀左手撕雞海蜇同乳鴿兩個前菜，一個雞粥同一個xo醬叉燒炒蛋飯，再加凍豆漿同凍五花茶。個海蜇同炒蛋飯先上枱，個海蜇都好大份，雞都唔少，撈左麻油好香。而個飯飯落都好多，炒蛋都有啲流心，叉燒個量都好多下。加埋xo醬一齊食，無得輸！之後個粥同乳鴿都熱辣辣上枱，個雞粥啲雞好正好滑，份量算好大份下，雞又多件，食完暖晒。乳鴿上枱之後呀姐都好溫馨提示要襯熱食，一碟有四件，都唔少野，又大份，好好食。兩杯飲品都好飲，夠凍又唔會太甜。兩個人食咁多野都唔駛百二蚊個，行開可以嚟試下架！

呢排食得雞煲邊爐多，肚滿腸肥，都要食返餐清清地嘅消下滯，所以選擇左去粥舖幫襯下。去開佐敦食好野多，所以都知呢頭又粥舖，又過返黎試下質素。我叫左呢度出名嘅貴妃雞粥，再加蠔仔，即係貴妃雞蠔仔粥。貴妃雞好滑好入味，加左蠔仔令粥更鮮味，粥底煮到無乜米粒，因為加左配料浸左陣，粥同餸分開食都好夠味。 - $63我仲叫左個XO醬炒蘿蔔糕，可能我個粥已經好夠味，一食蘿蔔糕就覺得有啲鹹，但再點粥又中和返，另外佢啲燈籠椒只係輕微兜一兜，配返蘿蔔糕食其實清新唔膩口，唔錯。 - $49朋友就叫左個乾炒牛河，河粉係薄身果種，味道足，但較油身，加左生芽菜輕微中和左油膩感。 - $53另外佢叫左煎腸粉，蝦米十足，腸粉粉皮較厚身，好飽肚，點辣醬最好味。 - $33七喜龍眼冰 - $22七喜話梅柑桔冰 - $22

近排天氣凍，想食啲溫笠笠既野暖下胃。係佐敦search 下有咩粥舖出名，新記好似都有幾多comment，好似係元朗出名食雞粥喎，而家開到黎佐敦tim 😂黎到呢到一定要試下招牌貴妃雞粥，靚雞粥最緊要係雞既質素，雞肉嫩滑鮮味，唔似雪藏貨，仲要俾左雞骴部分我，成碗都係雞。粥底米香綿滑，粥面一定會有啲雞油，雞味濃而不膩。食粥最正係配油炸鬼/炸兩，今次唔食咁油，就揀左炸兩light 少少。炸兩新鮮整起，好明顯唔係擺左好耐，入面仲係勁脆，炸兩皮唔厚夠滑。

天氣凍除咗打邊爐同飲湯，最想就係食返碗熱辣辣嘅粥，講到食粥，新記一定係首選。最愛佢嘅雞粥，又綿滑又鮮甜，雞味香濃，肉質嫩滑有彈性，食完個粥仲一啲都唔會口乾，真材實料，難怪成為八大雞粥之一！炒麵不過不失，但勝在價錢合理，份量亦算多。鯪魚球大大粒，咬一啖鮮味十足，外脆內彈牙，點上蜆介更添鮮味！乳鴿係先生最愛，即叫即炸，外皮香脆得嚟唔會乾，肉質肥厚多汁，咬落去油香四溢。XO醬炒蘿蔔糕夠火候，相當惹味，配粥食非常合襯。冬天凍冰冰食返個綿滑靚粥配香口惹味小食，成個人都暖返哂！

朋友在ICC工作，話食厭了Elements 的餐廳，想去佐敦食午餐.今日天氣冷，於是想食粥暖一暖身見到「元朗新記」，招牌話有雞粥食.原了除了粥，還有其他飯、麵類，應有盡有。.午餐好抵食，大約$40-$50左右。我當然要點雞粥，$57套餐包一大兜雞粥（是兜，不是碗！）、一個小食-我當然點了比較貴的蝦膠，及飲品/例湯-例湯也是一大兜，正常一個女仔淨飲完這個湯都飽了。.雞粥十分好食，熱辣辣的好暖胃！而且粥底十分綿滑，帶有雞肉的鮮香。入面有不少雞件，包括雞髀位！腸粉也很有水準，大大粒蝦。.餐+$8有菜，真是很豐富的一餐！.我朋友叫了避風塘炒豬扒，看起來也很不錯呢。.另外點了些小食開心share，雞翼及炸蘿蔔黨，外脆內溫，不錯！.午餐的性價比很高呢！

最近天氣轉涼，同朋友去食飯都係雞煲、打邊、煲仔飯，自己一條友反而覺得少左選擇。今次經過油尖旺，見倒有呢間雞粥好多人幫襯，就去試下，食D暖粒粒既野食。入面環境都幾摩登，唔似一般茶記同舊式冰室。Menu都超多野揀，雞粥都可以揀base再加料，任你配搭，仲有一般茶餐廳果啲粉面飯。叫左招牌貴妃雞粥、炸兩、秘制雞翼，仲有七喜話梅柑桔冰。招牌貴妃雞粥 : 話明係招牌菜就一定要試下啦，真係無推介錯! 雞肉非常滑，粥低夠味唔會太咸，完全無味精feel。炸兩 : 係我人生食過最脆既炸兩(沒有之一)，浸一浸落粥就非常perfect!七喜話梅柑桔冰 : 酸酸甜甜幾特別!秘制雞翼 : 雞肉好滑，非常入味!Overall: 非常滿意! 一定會再番黎!

今晚又到一個人孤單晚餐嘅時間，自己一段時間無食粥，仲記得以前成日去沙田食雞粥的情景，見呢間鋪頭主打係雞粥，而價錢都幾大眾化，裝修又似新式茶餐廳，今晚就喺呢度食嘢。點了佢哋最出名嘅貴妃雞粥，粥底又綿又滑，雞件應該有7-8件左右，雞是經過特別醃製過，好似有少少酒味同甘味，雞肉都好滑，又唔會太肥。份量亦足夠一人食有餘。XO醬炒蘿蔔糕有好多XO醬，XO醬好香蝦乾同乾瑤柱味，辣度大約2隻辣椒🌶️左右，蘿蔔糕外皮煎炸得好脆，糕底蘿蔔同粉的比例適中。要中和口感，我覺得豆漿幾配合。

呢間鋪我成日都聽朋友講話好食，但見佢係元朗咁遠就唔想去喇😂😂😂今次咁啱係佐敦行過經過見到，天安排既咁冇理由唔試嘛😂😂😂當日大概6點幾，店入面唔算多人，所以可安揀下位我就揀左係門口附近，個霓虹燈牌下面坐～成間鋪頭嘅裝修都好光猛，設計幾簡約，座位亦都闊落同埋有小小小小嘅懷舊裝修～呢度除咗粥品以外，仲有一啲小炒同埋雲吞麵等等嘅麵食～其實我都好想試吓佢嘅雲吞麵，但佢哋冇醋同埋辣椒油就另我有少少卻步😂我有兩條數之後，要左一個貴妃雞豬潤粥同埋一碟蝦腸蝦腸好快就上枱了，賣相都唔差～蝦仁都幾大隻同爽口～因為係冰鮮蝦仁嘅關係所以店家一早已將蝦仁餣好，令到佢有小小鹹味！腸粉方面做得幾滑身，但係太容易爛！有少少一夾就爛既感覺。食完面嗰條腸粉之後，原來下面果兩條腸粉係只得一隻蝦😅😅😅$26黎講都有少少失望《貴妃雞豬潤粥》$57開頭上台嘅時候只見到幾件豬潤，原來真正嘅貴妃雞係豬潤下面😂😂😂就咁睇重嘅顏色來講，都會覺得係黃沙豬潤～重嘅味道算幾清甜，而且粥底都叫做綿密✌🏻✌🏻但係隻湯匙破壞左碗粥～勁大陣漂白水味🤢🤢🤢我係每放一啖粥入口時，漂白水味都會一直跟隨住😂😂😂我覺得味道呢個都算係咁，但係有可改善嘅地方

上次試過新記的雞粥和炸兩，感覺不錯，所以這次試吓傳統的星州米，晚上客人很了，點了星州米，不用十分鐘就到，第一眼看到賣相就知道中伏，有些似事前已經炒好，等客人order 後再丁熱，整葉米粉是暖的，所以肯定不是即炒，完全沒有用心去做，最後吃不到三分一就走，下次可以不用再去

今日去左佐敦的新記雞粥食生滾粥。我們點了豬潤粉腸粥好小地方有豬潤食，味道不錯，滑滑的豬潤熟度剛剛好！粉腸好粉好好食！加上粥的米香好正呀！十分推介👍🏻👍🏻👍🏻👍🏻海鮮粥內面有蟹，帶子，魚片，蝦味道好好，最好的是粥底沒有味精，可以食到原味！炸兩外軟內脆豬潤腸好小地方有得食，味道不錯，好滑好香豬潤剛剛好！加上腸粉的米香好正呀！十分推介👍🏻👍🏻👍🏻👍🏻雲吞撈麵雲吞好足料！脆皮乳鴿炸得香香脆脆，乳鴿好新鮮！👍🏻👍🏻

之前都聽過元朗嘅新記雞粥，見佢喺佐敦開咗分店就黎試吓!! 平日嘅lunch time都幾多打工仔黎食!!必試招牌貴妃雞粥，加咗$15加蟹，雞粥真係好有雞味，比起平時媽媽煲嘅雞粥有雞味好多，雞都幾嫩滑，粥嘅”傑”嘅程度都啱心水，啲粥就冇乜蟹味但就叫做有蟹食下!! 另外都order左招牌菜-脆皮乳鴿同埋魷魚鬚，乳鴿個皮幾脆同埋幾厚肉，兩碟都好好味!! 淨雲吞有八粒大大粒，裏面有好大舊嘅蝦肉，只係$38好抵食!! 見好多打工仔都order常餐A1同A2，應該都係招牌菜下次可以黎試吓!!