元朗冰室

营业中

休息中

依間冰室在深水埗、佢個厚🐽扒系列真係好味、佢隻雞髀👍仲有少少辣味添啱晒我、佢跟個塊厚多士仲要係蒜味好香、仲要咁嘅份量，兩個餐加埋＄100都唔使👍👍👍、不過凍飲D冰多左D😓、下次想試下厚🐽扒辣菜甫飯

這間「厚豬扒專門店」的豬扒一向大件夾抵食，不過之前我只是在午餐時吃過它，早餐就沒有吃過。這一天，老婆仔想吃豬扒，就造就了這次來這兒吃厚豬扒早餐的機會。 叫來僅在早餐優惠時段推出的「馳名厚豬扒麵 + 蒜蓉多士」早餐（$30），超大件厚身豬扒，外層炸得金黃，肉質鬆而不硬，水準絕對比一般茶餐廳的為佳。蒜蓉多士的蒜茸下得不吝嗇，多士也夠厚身，作為配角，也不錯。 不過這早餐是不包飲品的，熱飲要加 $6，凍飲更要加 $8，叫來「熱奶茶」一杯，再補多 $3把麵換成出前一丁。下了麻油，飄散著麻油香氣的丁麵，雖然煮得稍腍，麵條不夠挺身，勝在下了少許椰菜、紅蘿蔔等蔬菜，為它加了點分。 這份才四十元不到的重量級港式厚豬扒早餐，雖然價錢比一般的茶餐廳早餐貴，但吃過這早餐後的我，飽得連午餐也沒有吃，直到晚飯時間才覺得肚餓再吃東西，都算厲害！

《一人開飯 之 中伏記》第一次去食係半年前左右， 叫咗厚豬扒辛辣麵， 豬扒又肥又鹹，無豬肉味。個辛辣麵煮得差。以為上次咁啱啫。。。比多次機會啦！今日第二次去食， 首先入到去， 未坐好已經問你食乜嘢啦。叫咗“乳鴿” 同埋“豬膶出前一丁”。乳鴿 好油兼出水，凍又中太鹹又無乳鴿味。豬膶出前一丁， 豬潤超鹹 ， 有怪味， 出前一丁個麵煮得唔好…湖咗。湯無落足一丁粉。問員工除 淮鹽之外有冇 喼汁點乳鴿。回：“無”，轉身便走。仲有，換餐牌唔出聲，起身準備取銀包，係我旁邊就收嘢，聲都唔出，非常無禮貌。（以為d 社企聾啞餐廳…抱歉 ！人家NGO 不知幾好禮貌！！！）食物已經唔得，員工們又無禮貌。。。對不起，無下次。寫這食評是希望減少受害者！

曾寫文評論以地區命名的新派冰室，結論是包點優於飯麪。食厭了紅磡冰室的奶油酥，南昌冰室的黑松露炒蛋多士，專程來驗證元朗冰室的豬扒包。這間號稱厚豬扒專門店，令我聯想歷史背景。話說昔日元朗農民飼養的豬十分優質，比日本可能更勝一籌，豬肉味香濃而多汁；當然，孩童時品嚐元的美食，印象會異常強烈，有情意結。查此店在元朗無分店，命名可能真是與此有關。點了豬扒包餐，32元，十分廉宜，份量震撼。豬扒算是鬆軟，近骨部份甘甜溢香，但味道太淡。豬扒包很脆，但偏乾。問題是號稱魔鬼醬汁液，卻是無鬼(辛辣味)，無邪惡(芝士)，無味道。醬汁宜濃郁和澎湃!厨師想突出豬肉味，但無此效果。其次，份量宜減，否則女士口放不入，肚藏不下；而且食的時間長，麪包會凍，不脆。轉變為豬仔包的直徑才是致勝之道。搭檯的男人點食豬扒飯，豬扒份量再大一個碼，可見此店以份量大，抵食為主軸。寄望元朗豬扒包更上層樓，改良魔鬼醬和麪包質素，會與澳門豬扒包齊名。

在深水埗見到一間叫元朗的冰室？ 地理位有d confuse, but 有老友推介過這冰室d豬扒勁正，而且 CP值超高，就試試。豬扒辛辣面套餐：我有無眼花，塊豬扒同T-bone無乜分別，超大超厚(1-2cm)，咬一口，竟然鬆化，我仲以為會好硬淨，實在無介紹錯。豬扒包：無面餐的咁大塊，但一樣超厚，咬落仲有d爆汁，而且包質也不差，還有一個餐才HKD40.00，不只CP值高，直頭超值。

其實我每次入去任何一間餐廳食野，我都會好有禮貌企係門口話比侍應知我幾多位，等佢安排我入座，等佢地易d安排每位客人既位置，唔會影響佢地既運作，其實我坐咩野位都無咩所謂，但我今次入去，對住一位坐左係收銀位既姐姐舉起一隻手指話一位，但佢望左我一眼就無理我，咁算啦，我自己就行左入去坐係近窗口既一個自閉位，但好搞笑既係我行到過去都未坐低，個袋都未放好，果位收銀姐姐就秒速咁企左係我隔黎拎住支筆同張紙望住我好似係要我order野食，佢係無出聲問我食咩，我叫佢等一等，我menu都未睇，咁佢就行返去收銀位置，好喇，我睇好左食咩野喇，咁我就舉手啦，佢望到我，但佢好似係到玩緊手機，望一望我，眼神話比我聽佢係知我想寫野，但佢未玩完手機，叫我等等，全程都係無出聲，但我係知佢係咁既意思，好喇，呢位姐姐終於都肯幫我落單喇，我點左一個宵夜套餐，厚切豬扒飯配辣肉醬，凍檸茶，佢幫我落完單都仍然係無出聲咁就行開左喇，我有一刻真係以為佢係講唔到野，或者喉嚨唔舒服之後我望到張單我係晚上11:26分落單，我既野食到左11:48分先到，野食方便，厚切豬扒，一個字「肥」，成塊豬扒淨好出色咁整到無咬口，一咬落去就淨係感覺到肥既感覺，好

今天來到了深水埗石硤尾一天遊，友人想喝奶茶，在OPENRICE 搜尋茶餐廳，發現深水埗新開了一間冰室，名為『元朗冰室』。位於深水埗的『元朗冰室』厚豬扒專門店，以厚豬扒做主打，當然要試試，仲要打孖上，order 了“Double”厚豬扒飯 ($48+$2凍奶茶)簡直可以重量級形容！豬扒厚身，卻完全不韌，而且有肉汁滲透，連骨位就最美味！一人一塊就已經夠晒了！順帶一提，心心碟裝上豉油，把豬扒沾上豉油後，你會發現，呢碟飯爭了煎雙蛋，還要是流心的太陽蛋，建議冰室不妨真的加上煎蛋，賣相更吸引之餘，食客會更滿足！**後來在餐牌上，發現了小食欄有西煎雙蛋 $18，下次可以考慮加一客。另外order了馬來咖央西多士$16，價錢不貴，可惜味道一般，咖央不夠香，而且西多可能因有太多牛油關系，變得很油膩。不怕，在這裡，有厚豬扒已經值一個笑臉😋香港真是一個多采多彩的地方，只要你願意發掘，你就會發現香港不同的角落，充滿著不同的色彩。深水埗石硤尾是一個很特別的社區，有很多舊式小店、屋村、街市、公園等，滿是歷史的痕跡，假期留在港也可像遊客一樣。

辛辣麵豬扒餐，真的這麼難煮出來嗎，等了45分鐘先有得食， 其他餐就正常出，我坐低的時候， 已經見到有幾位食客，唔再等走咗，對面位先生已經同我講，等了30分鐘， 同樣都係辛辣麵豬扒餐，如果再唔改善下， 真係唔會再幫襯

早餐B餐沙嗲牛麵-麵不好吃，沒有味道，最後我加了辣椒油蒜茸多士火腿煎蛋-味道很好，但煎蛋過熟熱啡-我覺得濃郁，有水準冷氣-可能我坐門口，有點熱環境-裝修優雅，尤其牆身老照片服務-樓面只有3人，要求辣椒油時回應比較慢。

與同事傾開厚厚豬扒, 同事話SSP附近有間叫元朗冰室, 有厚厚豬扒食, 個日去開SSP, 一於去試下 !地點係SSP, 但都要行10分鐘, 冰室係新開, 午飯時間唔算好多人,睇下餐牌先 :我就ORDER左 "厚豬扒出前一丁" + 紅荳冰豬扒真係厚切, 雖然厚切, 唔會鞋,但係好嫩滑, 煎得好香, 而且好大件。反而紅荳冰就有D失望, 已經叫左少冰, 但都係好多冰, 味道好淡,慶幸紅荳好甜, 好咬口囉 ~

上次試過佢嘅豬手唔錯，所以今次為左佢嘅豬手又嚟多次~一坐低我哋就叫左豬手先，因為豬手等得比較耐~老公鍾意食豬扒，所以我哋再叫多個double厚豬扒飯一人一塊唔洗爭

無人手，侍應晤禮貌，叫野食冇人理，只識叫（等陣）之後冇左回事，個個客人都係度嘈叫到野食等到冇此境，真19，唔會有下次借口多，全餐廳唔得2個侍應，唔夠人就唔好開店啦，

店舖小小人手不足樓面入單亂出品慢價錢公道😍😍😍😍😍😍😍😍😍但勝在塊【豬排】真係值得……等咖央多士咖央味就不足茶水凍 0 T茶係 苦澀的希望能有改善本人定會再次幫襯

雖然我不知道這間地址其實在深水埗，但名叫「元朗冰室」的厚豬扒專門店為甚麼會以元朗為名，而且這冰室的陳設除了一幅掛在一面牆上的長幅元朗昔日街景老照片的較為特別外，也沒有甚麼教人另眼相看之處，但這間自栩為「厚豬扒專門店」的新冰室的煎豬扒整得實在好，教自己不能不衷心讚一句「有質素，好味道」！這冰室這天的午餐雖有十款之多，其實當中九款並非以厚豬扒當主角的午餐，價錢劃一地都是 $38的，唯獨是最後的一款有兩塊厚豬扒的「Double厚豬扒飯」，就要賣 $48，明顯地有所不同。不過這天我既非吃從1到9的其他午餐，亦非吃第10款的「Double厚豬扒飯」，而是在吃在另一個所有選擇都與厚豬扒有關的餐牌中的其中一款「厚豬扒配蓮藕餅飯」（$44）。午餐很快送上，單看樣子，好像沒有甚麼。但其實，雖然我這碟頭飯只得一件豬扒，並非好事成雙，但那塊豬扒實在好，煎得恰到好處，即使是厚切，但既不會未熟透，也完全不會令人感到粗嚡，肉質軟熟，又夠入味和有肉汁，整件豬扒從裡到外都有味道，特別是靠近骨頭的部位，帶著少許脂膏，更是美味。意外收穫是配角的兩小件煎蓮藕餅，雖然不太夠熱，只是微暖，但口感、味道都很不錯，肉餅鬆軟，裡面的

是日點餐： 沙嗲牛肉豬仔飽 + 茶走 沙嗲牛肉豬仔飽 - 份量足，還有生菜、番茄, 很fresh~~ 豬仔飽好脆, 有牛油香, 好味~~ 唯沙嗲牛肉不夠熱和略咸, 以呢個價錢($26)已算是物有所值~!茶走 – 味道中規中矩, 正正常常 番食指數：＊＊＊＊