元朗冰室

营业中

休息中

每逢星期六，書法班後嘅飢餓感總將我同朋友推向元朗冰室，喺深水埗鬧市嘅港式茶餐廳，彷彿係一個懷舊時光機。下午三點半，課堂一完，我哋直奔冰室，準備一場「下午茶馬拉松」，滿足肚餓嘅靈魂！一坐下，飢餓嘅我哋即刻點咗沙律配炸雞脾同招牌厚豬扒。炸雞脾外皮酥脆，內裡多汁，配上清新沙律，瞬間解膩；厚豬扒更加誇張，足足「大過我塊面」，醬汁濃郁，一咬汁水四溢，朋友笑言要用兩隻手先拎得起！意猶未盡，我哋豪氣再加燒BB鴿、一口西多士同奶油豬。燒鴿皮脆肉嫩，香氣逼人；西多士金黃香脆，可惜無花生醬，略為遺憾；奶油豬係全場焦點，大到蓋過手掌，甜而不膩，惹來全桌驚嘆！食慾未止，我哋再加碼招牌厚豬扒配醬脆豬包同沙嗲牛肉麵。沙嗲牛肉麵湯底微辣濃香，牛肉軟嫩入味；炒蛋配厚多士則是港式早餐嘅經典回憶，軟滑香濃。喺冰室嘅懷舊燈光同人聲鼎沸中，我哋邊食邊聊，兩小時一閃而過。臨走前，Order咗厚豬扒包同沙嗲牛肉麵，拎返屋企同家人分享，一舉兩得！5計外賣食品價錢. 都是3百多元. 可以食到7款食品加3杯飲品. 好親民價。元朗冰室唔單止填滿咗我哋嘅胃，仲勾起咗對港式茶餐廳嘅無限回憶。下個星期六，仲要再戰！

今日帶小朋友去深水埗公園玩，決定食元朗冰室😋最出名系佢哋嘅厚豬扒！揼到超鬆軟👍🏻小朋友食都完全冇問題🤤入到去冷氣好足夠🫶🏻裝修以簡約港式茶記風格～卡位梳化闊落舒適，職員後親切有禮貌！美食⭐️⭐️⭐️⭐️🩵一級牛扒鐵板套餐（包焗薯茸、牛肝菌湯、蒜香法包）加配意粉+8高溫鐵板放上煎好咗牛排至5-7分熟後，連同 爆香過的洋蔥一起放在炙熱鐵板上，上桌時淋上黑椒汁瞬間蒸氣沸騰，香氣撲鼻🤤🩵檸茶🩵味燒BB鴿鹹香鮮美，港式乳鴿通常用豉油、冰糖、老抽、蠔油等調味料醃製，醬香濃郁，帶有鮮明的鹹甜底味。🩵法蘭西多士外酥內軟，吐司帶有濃厚的蛋奶香氣。甜膩誘人上桌時淋上金黃糖漿，再放一塊 冰凍牛油，隨著熱氣融化，滲入吐司縫隙，形成甜潤油香的滋味。傳統港式做法會將吐司夾花生醬，切塊後油炸，咬開時內餡流心，甜鹹交織，口感更豐富。🩵 焗意式厚豬扒意粉元朗冰室最出名厚豬扒為名！厚豬扒的香嫩多汁，入口超鬆化～意粉以番茄為基底，搭配洋蔥、蒜末、番茄醬、香草炒製，酸甜開胃🤤🩵紅豆冰🩵港式奶茶

叫得厚豬扒專門店，就梗係要試吓佢啲厚豬扒有幾出色有幾厚啦！我叫咗個辛辣麵餐，套餐包括辛辣麵，蒜蓉多士同埋厚豬扒。我反而覺得最好食嘅係蒜蓉多士。外脆內軟，蒜香味十足。重點係塊豬扒，都真係幾唔錯，好厚肉，口感大滿足。調味調得非常惹味，而且好林，唔會好難咬都唔會痴牙👍🏻👍🏻

今次誤打誤撞闖入呢間街坊神級冰室，竟然挖到寶藏級美食！肉食獸注意⚠️ 以下菜式會引發嚴重選擇困難症～ 🐷 **厚切吉列豬扒沙律** ▫️3cm厚豬扒炸出完美金甲！外皮脆到「咔嚓」聲 ▫️肉質鬆化唔乾柴▫️底層新鮮沙律菜解膩，罪惡感-50% 🍞 **爆漿一口西多士** ▫️迷你size剛剛好，煉奶瀑布+半溶牛油視覺暴擊 ▫️外脆內軟像雲朵▫️必點邪惡甜點但建議3人share（熱量警告） 🍗 **金黃炸雞髀** ▫️即叫即炸！上桌還在滴油的神級脆皮 ▫️撕開瞬間肉汁大爆發，醃得超入味連骨都香 🐦 **脆皮玻璃乳鴿** ▫️皮脆到像吃糖衣的夢幻口感 ▫️肉質嫩滑爆汁，連胸肉都不柴 ▫️附贈淮鹽 識食一定先吮骨頭 💬 個人紅黑榜： ✅ 乳鴿水準拍得住酒樓 ✅ 炸物全部即炸無預製 ⚠️ 西多士建議即食，外帶會變淋

我哋嗌咗非常多唔同款式嘅豬扒飯麵，分別係Double厚豬扒飯配秘製豉油🍚 、 厚豬扒配咖喱汁飯🍛 、 焗意式烤豬扒飯 🍅、 招牌厚豬扒配魔鬼醬脆豬包🥪 ，每一款嘅豬扒都唔會太韌好好味！其中最令人覺得有驚喜嘅係招牌厚豬扒配魔鬼醬脆豬包🍞，呢一個豬扒包長度差唔多有我嘅前臂咁長，非常之大個，麵包嘅外皮香脆，而且入面仲有勁大塊厚切嘅豬扒 配上 非常惹味嘅芥末沙律醬，勁正呀！大家嚟到一定要試吓！除咗豬扒系列之外，佢哋都仲有好多唔同款式嘅嘢食嘅，我哋就試咗炸雞髀配冰室沙律🍗 、 咖喱牛腩飯 🐮、禾味燒BB鴿🐦 、 雪菜肉絲拼五香肉丁米粉🍜、法蘭西多士🧈等，其中我最推介嘅就係禾味燒BB鴿，乳鴿外皮燒到非常香脆，直程係有以前細個食嘅乳鴿嗰種甘香，推薦大家嚟到都可以嗌返一隻同朋友一齊share！

今日同個frd食，發現價錢無咩點邊但係D招牌野都仲keep到！厚切焗豬扒飯招牌豬扒切得好厚，焗之前炸到幾金黃～咬落去好juicy，肉好軟滑！冇咩油膩感～飯底同番茄&芝士好夾！炸雞髀發現呢度D炸野有料到！塊皮炸到勁脆！咬落去真係有脆嘅聲～肉都係juicy啦～都幾入味。紅豆冰紅豆冰勁好飲～因為唔係好甜！🤣紅豆唔會煮得爛，加埋椰漿fit到爆！雜扒餐CP值之王～包含牛扒、雞扒、腸、蛋、火腿、菜、蒜蓉法包、薯蓉同埋蘑菇湯。扒無雪味，肉質ok啦！反而蒜蓉法包好脆好香！薯蓉好綿滑！蘑菇湯夠濃同埋好多顆粒！BB乳鴿見到五十幾蚊忍唔住叫！醃個底味配得好好！大排檔feel，即炸熱辣辣仲有油標出黎～肉唔會炸到柴！

工作關係，今日去咗深水埗搵食。行咗好幾間舖頭，結果搵到呢一間餐廳，入面坐滿咗食客。見到餐牌上邊大多數都係豬扒麵或者飯，先發現呢一間係豬扒專門店。不過今日冇特別想食豬扒，見到有叉燒意粉，所以就叫咗。叉燒都幾腍，通粉都正正常常。叉燒有蜜汁，亦都有少少焦香味，調味都適中，唔會好鹹，亦都唔係好乾身，整體都算滿意。要讚一讚杯奶茶，都真係幾好飲，茶味都幾濃，同埋杯飲品好夠熱。因為係新年期間，好多食客同餐廳員工拜年，大家噓寒問暖，成個環境嘅氛圍都好溫馨。可能係因為小區嘅關係啦，感覺都幾有人情味。整體嚟講呢間餐廳都值得再次幫襯。

啲員工串柒柒！叫左個熱狗，唔食得辣，淨系叫佢走芥末，佢話唔得，一係茄汁芥末一齊走，直頭走哂邊有咁變態？最後轉餐，未見過啲咁變態食肆！咁我如果淨係飲齋啡唔咁系咪冇得走奶走糖，一定只可以飲咖啡。一係就飲其他？極度弱智店鋪個兩個女人好似唔想招呼你咁！一樣野答佢幾次仲要問，專心啲寫單啦唔該！下次唔會再幫襯！香港咪多得呢啲不知所謂店舖！啲人北上哂！

同事最近介紹了一家位於深水埗附近、新剛裝修完畢的元朗冰室。一踏入這家冰室,首先就感受到冷氣充足,營造出一種舒適宜人的環境。店內寬敞明亮,即使三個人一起用午餐,也完全不用擔心要等位的問題。我們分別點了厚切豬扒和西冷牛扒菜式。首先品嘗厚切豬扒時,肉質相當鮮嫩多汁,一咬即入,令人難忘。這道菜可謂是這家冰室的招牌菜式,完全沒有乾澀hardness的問題,很容易就能咬開。相比之下,西冷牛扒就顯得相對遜色了一些。總的來說,厚切豬扒絕對是這次用餐的大亮點。除了菜品本身出色之外,這家冰室的員工服務態度也讓人印象深刻。與以往造訪其他冰室時的冷淡感完全不同,這裡的服務人員態度親切友好,讓人賓至如歸。另外,菜餚上菜的速度也非常快捷,整體用餐體驗很好。

路過，發現要晨早流流8點幾係石峽尾搵早餐，原來真係唔易，仲要得20分鐘搵加叫加食，簡直不可能任務。就咁衝左入呢間，咁趕仲得鬼閒睇食評咩。😁入到去冇咩人食，附近已經少野開，得一間都唔多人食，唔通。。。因為減醣，求其叫左豬扒餐。新鮮熱辣攞出黎，豬扒個邊整到脆卜卜，好好食，味道好，有豬味唔係只有調味料味，又鬆軟。最經典係個薯蓉，大愛！薯蓉味道好，滑，仲有切粒粒既薯蓉增加左口感。咖啡就普通，不過不失。冇諗過呢間幾好食，差不多食晒先黎影返張相做証🤣🤣🤣 寫食評，我為人人，因為人人又為我。😂 好野係值得讚賞👍

-厚豬扒豬門店🐖嚟呢度食一定要叫豬扒，呢度嘅豬扒比平時嗰啲已經算厚，仲要煮得超腍，所以都幾好食，喺呢度嘅招牌。焗豬扒飯配合咗蕃茄，洋蔥菠蘿等配料，唔係炒飯底，但有食到落底少少飯焦，汁都算多，要嚟撈飯一流。重點⭐️⭐️呢度除咗豬扒其他嘢都唔好食，因為食過好多次。叫咗個套餐配辛辣麵，我覺得超難食，點解辛辣麵都可以煮到難食？- 超生，可以煮耐少少

D職員態度好差，次次去嗰度食嘅時候我問佢哋仲有冇洋蔥汁蒜蓉汁？然後佢哋話冇，我心諗佢哋究竟係咪夾分蝦個客呢？咁大間分店點會冇汁比客人啊？😠😠😠😠同埋D飯又多，塊豬扒又乾又凍，冇汁又更加難食到不得了，心諗：大佬呀D飯同猪扒咁乾叫人點食啊當客人係狗啊😠😠😠😠，你哋間店一次半次冇汁唔緊要我可以體諒，咁大佬啊但係你哋唔駛次次都話冇汁㗎，D汁好矜貴嘅咩，冇錢做生意不如趁早執咗佢啦所以我呼籲大家盡量唔好去呢間元州街元朗冰室啦

very nice pork chop.48$ for a oven pork chop rice with tomato sauce. even the "cafe de coral "cannot do this price. the meat is tinder and soft, very well seasoned with meat dissolving powder, a chemical powder that use to soften the meat in a speedy way. someone may not like this but im ok as long as the overall taste is good.we eat many chemical and breath in many dirty air into our body everyday. it is unavoidable and we would try to reduce the toxin to make us to live longer and extend our t

「養兒一百歲，長憂九十九」一到K3又要開始煩小學既野，今日帶左佢去小一面試，放低左佢之後就係附近食過早餐再返學校接返佢，揀左呢間朝早已經有人排隊食既元朗冰室，羊群心理總係覺得要排隊既應該唔差，早餐就揀左最普通既火腿米粉同熱奶茶火腿湯米粉配西煎雙蛋、熱奶茶清湯正常發揮，配料有火腿絲、粟米粒同菜，米粉份量都唔少，不過最好趁熱食，唔係索哂湯淋哂就冇咁好食，早餐仲有煎雙蛋同多士，多士略嫌唔夠脆，煎雙蛋我就叫熟蛋，煎到少少燶邊都幾好食，試埋佢地既熱奶茶，提神早餐夠哂energy啦

看到店門外的宣傳海報，$18的下午茶餐，包括鹹牛炒蛋菠蘿包和飲品，可選冷飲、熱飲或紅豆冰，甚是吸引。先送上的是紅豆冰，不過甜，可是不夠濃稠，拌勻後仍稀稀的，並不好喝。接着送上菠蘿包，外皮夠脆，但麵包乾乾的，不好吃，而最令人失望的是鹹牛炒蛋，蛋也算滑，但鹹牛肉只有幾粒（如圖），蛋的其他部份是沒有鹹牛肉的。雖說只是$18的下午茶，不能要求太高，但這鹹牛肉也實在太少了吧，建議把售價調至$27 ，和另外兩款推介下午茶的價格一樣，多給一點鹹牛肉，並改善麵包和飲品的質素，顧客會食得更開心。