元朗冰室

营业中

休息中

二個人今晚在深水埗食宵夜，第一次黎到元朗冰室。雖然已經是晚上十點多，店鋪客人都有六成坐滿。看到餐牌有上寫住厚豬扒專門店，都不用多想，即刻叫個厚豬扒試下。我叫的是貓頭鷹時段的豬扒飯餐，個餐可以配多一樣餸，我選了司華力腸，叧外叫了本土鮮豬潤麵。第一眼當然看豬扒夠不夠厚身，炸豬扒比平時的厚少少，但不算大塊。豬扒算鬆軟，個味道調得唔錯。鼓油汁是用心形小碟盛載，好美喔。反而重點想講講個豬潤麵，豬潤切得厚身，好嫩滑，沒有內臟的腥味，個湯底顏色雖然好清淡，個味道好鮮甜，好夠味。另外我加5元追加的午餐肉煎得好香。整體來說這個價錢，算抵食，下次會再來的。

今日同男友去深水埗東沙島街附近買野，順便同佢去元朗冰室試下厚切猪扒飯，因為之前經過睇過餐牌，已決定揾日試下。😬厚切猪扒配辣肉醬飯 猪扒真係夠晒厚身，對於我少食肉嘅人嚟講真係太夸張😜一定食唔曬，好彩有食肉獸一齊。😂但我仲意食佢哋嘅辣肉醬，好好味，😋感覺有D似川菜中麻婆豆腐嘅肉醬汁，但辣左少少，加埋D椰菜粟米一齊撈嚟食就啱啱好😅土魷蒸肉餅飯呢個蒸餸睇個樣感覺唔錯，但食落感覺到肉餅入面肥肉比例太多，啖啖油😓就算覺得浪費都冇繼續食。

呢間元朗冰室分店位處於太子同深水埗之間，所以人流比平常少，連舖頭招牌都係得一塊好hea既大banner，但呢度絕對係一處傾計食飯既好地方。魚湯時蔬，食完辣辣口水雞同炸乳鴿後飲啖魚湯，果浸食完炸野辣野既熱氣感覺當堂消失哂，湯料有莞茜香芹菜心菇類，絕對係誠意之選。$42 (加$5白飯一碗，加$9凍飲一杯)。口水雞例牌，晚餐$44今時今日真係碟頭飯都埋唔到單，但呢碟例牌足足有12舊雞，脾胸背全齊，食落相當足料惹味，(本人係好辣但唔食得辣既民族，即係一路食一路鬼殺咁嘈話辣但又係咁食果款。)都係$5白飯$9凍飲 兩個人百鬆D三餸兩飯無加一坐足兩小時又好招呼，今時今日呢D質素都唔知去邊度搵。炸乳鴿，$36當然唔會食到90年代龍華啖啖肉既質素啦，但皮脆肉嫰呢D基本野就絕對無過譽，如果無揸車既話，餸啤酒簡直係不二之選。P.S. 仲想推介呢度既厚切豬扒飯(好似$58連飲品)，上次食過唔記得影相，真係好厚切，真係好豬扒，一哥快樂果D真係可以行埋一便!

去完深水埗買野，順便食返個下午茶先我叫左個雞肶套餐，蒜蓉多士好脆，蒜蓉味十足！正！雞髀好正，因為好入味同埋脆得好香口！雞皮好脆，面肉質保持軟身麵就正常野，有少少辣辣地，唔錯！再飲返杯涷飲就大滿足！

咁岩喺深水埗呢頭做義工老公過嚟接我走，跟住諗起呢間身處深水埗但叫自己做元朗冰室嘅餐廳其實之前都食過幾次，佢地D豬扒好好味所以就去幫襯啦當然係會叫佢餐牌推銷嗰個厚賜豬扒啦仲有佢地個煎藕餅亦係非常好味佢哋嗰個厚薄口感適中，煎得唔算太油豬扒唔使講啦，雖然係厚但係一啲都唔銀，一啲都唔鞋我就叫左辛辣麵餐，另外就叫咗雞髀，佢哋都係炸得啱啱好，係就係熱氣左少少，不過間中一次冇所謂啦，其實佢炸到層皮係又薄又脆，唔似其他餐廳炸雞髀嗰層雞皮又厚又硬，價錢來講辛辣麵喎，都只係＄46所以我覺得好抵

這天到了元朗冰室吃早餐, 價錢$30價錢都合理。早上8點幾未有太多人, 我一人都坐了4位座位。叫了一個早餐 :火腿鮑絲通粉蒜蓉多士配煎雙蛋熱檸水原先想要腸仔煎蛋, 可惜職員話唔得, 有些失望。火腿鮑絲通粉除左火腿絲及鮑魚絲, 還有雜菜粒粒, 色彩繽紛, 胃口大增呀 ! 味道亦不錯。蒜蓉多士配煎雙蛋蒜蓉表面雖然有些燶, 但可以接受。厚多士真係要熱食, 好正。煎雙蛋, 我只食左蛋白, 兩隻生蛋黃就無食了熱檸水檸檬不苦澀, 不錯。

次次去襯或者講起元朗𣲙室都係厚豬扒，但我自己就嫌佢太油，今次午餐就試下佢嘅蒸水蛋！午餐叫水蛋，都要等十分鐘度，可能係即叫即蒸啦。水蛋好滑，佢跟嘅飯都算多，但送水蛋之下平時食好少飯嘅我都食晒啲飯！大家下次除咗厚豬扒都可以試下其他餐，朋友話口水雞都唔錯㗎！

我唔係元朗人，所以我唔知道究竟呢間冰室之前喺唔係元朗，而且印象中的元朗，除了老婆餅和圍村菜，真係唔知有咩食。既然佢成個餐牌都冇一唔講豬扒，似乎呢間餐廳的招牌菜係豬扒啦？香港既好食豬扒真係好難有，而且大部分都太多醃肉粉味，就算對岸梳打埠既豬扒包都一般，好，咁我睇下有咩咁巴閉。一係唔食，一食就盡啲，嚟個double 厚切豬扒飯($55)，跟紅豆冰(加$4)。以晚上9點都仍然不停有客，似乎唔係得個名。好了，上菜了。OMG, 真係厚切，喺厚到成吋厚個款，重要成塊兵兵波板咁大，而且唔係double, 喺 trible 。應該咁該，喺一塊大(網球板)加兩塊細(兵兵波)。但更大既豬扒，只要喺難食就天都假。但食落係超美味，可以用Juicy 形容，大佬$55兩塊豬扒加飯，重要塊豬扒係Juicy, 你重想可以點？佢個汁OK ，似甜豉油加少少熟油。豬扒最大問題喺食多會膩，但佢加上個豉油就啱啱cover 晒，重有少少伴菜。成件事即刻昇華晒，但我發覺自己中伏…我後悔點double, 因為實在太多了，最後都食唔晒。紅豆冰…我對唔住你。最後，真係好食既，而且環境又舒舒服服，值得一去。P.S. 痛風者留意食完一定要食

去日本旅行時成日見餐廳可能只做一兩款食物，譬如一蘭拉麵，其實只做拉麵加少量配菜選擇，偶然會有限定食物提供，但都長做長有架喎！原因就係人地專心做好一樣嘢，自然就吸引到識欣賞嘅人光顧今日我想介紹吓呢間冰室嘅招牌厚切豬扒呢度雖然唔係獨辜一味只賣豬扒，不過都做得好好，係我暫時食過嘅平民價做得最好嘅我點嘅係厚切豬扒麵餐，以前只得豬扒一個選擇，而家可以轉雞脾My favourite! 但諗起Juicy 又啖啖肉豬扒就想食～如相片顯示，塊豬扒好足料又大，重點係肉質好稔好juicy, 而蒜香厚多士外脆內軟有牛油香味～通粉就嘿～普通吧！拌碟有青瓜蕃茄，可以清清味蕾～一份餐$42連飲品，抵食！

個個食豬扒 我就食雞脾風和日麗既下午 就去左元朗冰室食個TEA冷氣好爽一坐低已經好好招呼 問我地食咩肯定好多街坊日日黎食背哂個MENU唔洗諗就講食咩叫左個辛辣麵雞脾餐凍茶同埋沙嗲牛脆包熱茶過左一陣就到以為脆豬果隻包TIM  原來係似法包果D  不過唔係我叫又乾又硬 又冇汁醬 杯奶茶唔錯到我叫既辛辣麵餐喇雞脾好大隻 蒜多士夠香 不過如果茶多D蒜上去就仲正了個麵岩岩好 凍茶都唔錯總評 味道:個包真係好唔掂  其他都OK環境:唔錯 坐得舒服 有電視睇服務:手腳快 係咁搵野做 唔通老闆睇著?? 衛生:乾淨 抵食:抵食又大件 

地圖看來彷彿確是元朗十八鄉地圖，作為牆紙切合店名。在餐牌上看到厚豬扒篇-厚豬扒配蓮藕餅飯，便點了，試試回味一番當年元朗吃豬扒的感覺。環境乾淨，卡位有大有小，四人卡位、二人卡位，中間亦不少位置，紙巾在桌面，餐具在櫃桶。原來有友人表示，看見餐牌，如有雞扒、豬扒、牛扒，絕不會點豬扒，因豬扒給人痴牙的感覺。但筆者當年在元朗工作，吃盡元朗著名豬扒（成記、天奴、開心），早早將「豬扒很痴牙」的想法抹掉。豬扒飯，雖店員稱沒有汁，但以心形小碟盛著豉油，微鹹不甜，不是瑞士汁，是豉油加熟油吧。豉油西餐或豉油汁配扒飯，然後用單手吃，不用刀切，另一隻手打機玩電話，也成為了男人的浪漫。豬扒厚身，一如其名，厚身但肉質不乾不硬，軟身含肉汁，醮點豉油更加香，邊邊部分及面頭更加煎得香脆，與上述經典元朗豬扒餐廳可以一較高下。蓮藕餅像魚餅，但換成蓮藕，爽爽的，又是煎得香脆，味道還是不錯。茶走的奶茶味比起大部分深水埗的餐廳濃香，煉奶不多，甜度可以再多一點。個人獨吃可以走遠一點，雖然來油站這邊比較遠，但可以吃到當年元朗豬扒的情懷，多走兩步也值得。

2017-04-18元朗冰室******************「你厚多士!」唔好意思, 呢度出名既唔係厚多士, 係厚豬扒。一般市面食到既豬扒多數都比較薄, 元朗冰室就主大又厚又鬆化既厚豬扒, 仲有不同配搭。可以加埋肉燥, 辣辣地好送飯。******************元朗冰室營業到深夜, 深水步夜食一族又多一個好選擇(SSP夜食好選擇: 華記小廚、元朗冰室)******************消費: $96優惠: /

以往都有食開厚豬扒飯配辣肉醬，而肉醬可以分開上嘅。不知從何時待應阿叔話唔俾，話增加廚房嘅工序。咁就出事嘞…即時變油浸飯。本應想叫少飯，好彩飯腳制止。唔係就真係無飯到肚。另其實碟飯係另配一碟豉油，而我哋係無點㗎。所以希望餐廳睇下安排番分開肉醬上，始終唔想嘥咗啲飯又或食幾羹油落肚咁唔健康。

依間冰室在深水埗、佢個厚🐽扒系列真係好味、佢隻雞髀👍仲有少少辣味添啱晒我、佢跟個塊厚多士仲要係蒜味好香、仲要咁嘅份量，兩個餐加埋＄100都唔使👍👍👍、不過凍飲D冰多左D😓、下次想試下厚🐽扒辣菜甫飯

這間「厚豬扒專門店」的豬扒一向大件夾抵食，不過之前我只是在午餐時吃過它，早餐就沒有吃過。這一天，老婆仔想吃豬扒，就造就了這次來這兒吃厚豬扒早餐的機會。 叫來僅在早餐優惠時段推出的「馳名厚豬扒麵 + 蒜蓉多士」早餐（$30），超大件厚身豬扒，外層炸得金黃，肉質鬆而不硬，水準絕對比一般茶餐廳的為佳。蒜蓉多士的蒜茸下得不吝嗇，多士也夠厚身，作為配角，也不錯。 不過這早餐是不包飲品的，熱飲要加 $6，凍飲更要加 $8，叫來「熱奶茶」一杯，再補多 $3把麵換成出前一丁。下了麻油，飄散著麻油香氣的丁麵，雖然煮得稍腍，麵條不夠挺身，勝在下了少許椰菜、紅蘿蔔等蔬菜，為它加了點分。 這份才四十元不到的重量級港式厚豬扒早餐，雖然價錢比一般的茶餐廳早餐貴，但吃過這早餐後的我，飽得連午餐也沒有吃，直到晚飯時間才覺得肚餓再吃東西，都算厲害！